مدرسة بشير

صفحة 1 من اصل 3 1, 2, 3  الصفحة التالية

استعرض الموضوع السابق استعرض الموضوع التالي اذهب الى الأسفل

مدرسة بشير

مُساهمة من طرف عزالدين عثمان في الإثنين يوليو 06, 2009 7:58 pm

أيام كانت منزلا فى مربع 8 فذلك شأن يخص النضيف وأعمامنا من الطلاب المؤسسين الأوائل Smile ، أما العبد لله فيقصد مدرسة الإمتداد 4 ، تلك الواقعة فى الفسحة الواسعة التى بين مربعى 10 و 6 ، بناء كبير مسوّر بالطوب الأحمر المثبت بالطين. بوابة المدرسة تفتح ناحية الجنوب وتطل على الفسحة الواسعة التى كانت باتساع ملعبين كبيرين،كانت جد فسيحة، الفسحة،ولم يكن هناك سوى الزاوية لأداء الصلاة، وملحق بها ، على ما أذكر، غرفة فيها الخيام والصيوانات. مدرستنا تلاصق مدرسة الإمتداد 4 بنات كحال تصميم المدارس الإبتدائية حيث الجدران هى لقاء وانفصال، نحن إلى الشرق والبنات مغارب.المدرسة نهر واحد، أى فصل لكل سنة، ستة فصول كانت، على الناحية الشمالية تتراص الصفوف الأول والثانى والثالث من الشرق إلى الغرب، أبواب هذه الفصول تفتح جنوبا ونوافذها من ناحيتى الجنوب والشمال ليدخل الهواء كيف شاء وللوقاية من الشمس وحرها. الصفوف من الرابع حتى السادس كانت تتراص فى الجهة الجنوبية، وبين صفى الفصول مربع واسع بعض الشئ هو أحيانا بستان، وأحيانا بقعة يابسة، وإلى الغرب من المربع الذى هو أحيانا بستان وأخرى بقعة يابسة،تقع مكاتب المعلمين(المدرسين) التى كانت غرفة كبيرة ببابين يفتحان شرقا، أما مكتب الناظر، الذى كان بداية عهدى بالمدرسة المرحوم بشير، فكان على ناحية يدك اليسار وانت تعبر البوابة داخلا ، وبالضبط ملاصقا لسنة سادسة وله باب يفتح جنوبا. فى الفسحة الغربية التى تمتد حتى الجدار الذى يفصلنا عن مدرسة البنات ، وبالتحديد فى الناحية الشمالية مزيرة، وبالقرب منها ياسبحان الله مراحيض قذرة_ أنصحك يا طارق جبريل تركب عمرك كلو درجة تالتة ضريبة كيلا تتذكر تلك الرائحة، وفى الفسحة كذلك ميدان كان ملعبا للكرة الطائرة، الفولى بول، وكنا ننطقها البولى ولاعلاقة لذلك النطق بالمراحيض على بالقسم، ثم المسطبة المبنية بالطوب فى الإطار ومملوءة فى المربع الداخلى رملا صب فوقه إسمنت،والتى تقع خلف مكاتب المدرسين، وبقدرة ربك وأساتذة نادرين كانت مسرح الجمعية الأدبية.
وفى الناحية الشمالية الشرقية، تماما عند الركن، كانت هنالك غرفة عمك النور،بالعراقى الناصع البياض والصلعة الأكثر نصوعا وكان، على ما أذكر، يبيعنا الفطور بعض أحيان، وفيما أظن رافقه فى السكن فى فترة ما أحد المعلمين، أيواااااااااااااااااااااا، قبل عمك النور كان هنالك عمك آخر، من أهلنا المحس تسرب اسمه من ثقوب الذاكرة ولو أن لى هبة الرسام لرسمته.

هذه بعض جغرافيا داخلية لتحفز الذاكرة لاستدعاء لمحات من تلك الأيام يا عمك النضيف، ماتقول أخوك سغير، غايتو بباصر جاى جاى واتذكر، ليس لشئ سوى الوفاء والتقدير والحب لأسماء زملاء ومعلمين، لبراحات، لخالات اكلنا طعامهن وحنو علينا أمهات.

ياااااااااااااااااتلك الأيام ويا تلك المدرسة الصرح: يطراك الله بالخير.

بجى راجع

عزالدين عثمان
إمتدادي أصيل

عدد المساهمات : 23
تاريخ التسجيل : 04/07/2009

الرجوع الى أعلى الصفحة اذهب الى الأسفل

رد: مدرسة بشير

مُساهمة من طرف Majdi AbdulRahim fadul Mo في الثلاثاء يوليو 07, 2009 10:56 am

عزو تلك هي حال تداعي الزكريات المدارس الفسحات الكورة ومجاورة مدارس البنات وست آمنة مديرة المدرسة والدة صديقنا أبو السيد سيد أحمد مع أنو الواحد مادرس بها لكن تجد تداخل غريب وشيق بين كل مدراس الأمتداد الأبتدائية حتي المدرسة الوحيدة غرب الزلط الأمتداد (5) والأخ رفاعي أفرد لها مساحة زكرياته بالله ياعزو واصل حتي تصل بنا للنشاط الذي كان مقره فيها جمعية التحول الثقافية الإجتماعية .

،،،،أبوقصي،،،،


عدل سابقا من قبل Majdi AbdulRahim fadul Mo في الخميس يوليو 09, 2009 1:37 am عدل 1 مرات
avatar
Majdi AbdulRahim fadul Mo
وسام التميز
وسام التميز

عدد المساهمات : 673
تاريخ التسجيل : 08/06/2009
الموقع : الأمتدا

الرجوع الى أعلى الصفحة اذهب الى الأسفل

رد: مدرسة بشير

مُساهمة من طرف يحي حمد سعيد حامد النضيف في الثلاثاء يوليو 07, 2009 5:14 pm

عـــزنا ...لاكن ..مـــا... حكـــاي .... عــفـــارم عليــك ... تب.
(خمسه و خميـسه) و مغــلق خــشــب.
وبعـد.
تحــيـة طـيـبــه للجـــمــيـع.

تعــريف:
سميت مدرســة الامتداد (4) (رسميا ) بمدرٍٍســـة بـــشـــير (عــرفـاً ) في تــلك الفترة علي إســم المرحــوم نــاظــر المدرســة/ بــشـير الحــســن ... اللهم أرحمــة وأغــفر له و آجعل ثوابه الجنة آمين.

في نلك الفترة كانت تقيم أســرة المرحوم الناظر بشــير بمربع(1) علي
ما أذكر بمنزل ناس مجدي و محمــد الطاهر, جيران ناس حيدر و هاشم
وسيد أحمد الشفيع.

منزلهم الآن بالصحافة شــرق مربع (41).

أبنــاءهـ هـم:
نــزار بــشــير( إستشاري لجــراحة القــلب مقيم بــسـويـســرا)
ودرس بنفس المدرســة (مدرسة بشير).
إعــتماد بــشـير , وهــويــدا بــشــير, درستا بنفس المدرســة(مدرسة بشير).
والدتهم المربية الأســتاذة/ مريم , ناظرة مدرسة مربع (8) بنات.


... و نواصــل بحــول الله.

يحي حمد سعيد حامد النضيف
وسام الإبداع
وسام الإبداع

عدد المساهمات : 586
تاريخ التسجيل : 07/06/2009
الموقع : مـربع 3

الرجوع الى أعلى الصفحة اذهب الى الأسفل

رد: مدرسة بشير

مُساهمة من طرف عزالدين عثمان في الثلاثاء يوليو 07, 2009 8:23 pm

يا مجدى يلخ انت قاعد

وجاك حيدر عبدالرحمن واحد من كبار المؤسسين ودايرنى اتكلم عن التحول

لايفتى وأكثر من مالك فى المدينة

أُكلو ناركم





يا النضيف
شكلنا حنعمل ثنائى كويس لأننا من زمنين مختلفين فى تاريخ المدرسة

شان كده انت ما بتعرف من أولاد المرحوم الناظر إبنه مرتضى من الدفعة القدامنا

آخر مرة لاقيتو كان يعمل فى صحيفة الخرطوم بالخرطوم


ماتنقطع يا نضيف

مودتى

عزالدين عثمان
إمتدادي أصيل

عدد المساهمات : 23
تاريخ التسجيل : 04/07/2009

الرجوع الى أعلى الصفحة اذهب الى الأسفل

رد: مدرسة بشير

مُساهمة من طرف مدثر قرجاج في الأربعاء يوليو 08, 2009 11:55 am

وتظل الذكريات باقية بحلوها ومرها ويظل وميضها يخطف القلوب فما ننفك نحلم بها فى كل يوم ونتمناها لو تعود فى كثيرا من فصولها التى مضت ثم لا نلبث ان نبتسم والدموع فى اعيننا كلما طافت بخاطرنا ايام لها صدى فى رحاب النفس ،مااروع الايام حينما تمضى بجمالها وابتسامها وحلاوتها ومااروعها حين تمضى بحزنها وقساوتها لتحل مكانها ايام اكثر اشراقا .

الامتداد حملنا عبر دروب طويلة من الذكريات فلايوجد شبرا فى ارضه الا وسطرنا فيه ذكرى ففى هذا المنزل كان مرتع الطفولة ومسكن صبانا وعند تلك الشجرة كنا نستظل من وهج الشمس وفى ذلكم الركن القصى تسامرنا، ضحكنا، بكينا، تمردنا،تناجينا ، تخاصمنا، تصالحنا ، ومضينا معا نسطر فصول الرواية فحملتنا كل الشوارع واحتضنتنا المدارس والبيوتات .

ونحن صغار لم نعرف غير الامتداد ولا نكاد نفارق محيطه الاخاذ الا فيماندر فتشبعنا برائحة الدعاش حين ينزل المطر ونسير عبر شوارعه الفسيحه لنصل لمدرسة الامتداد 4 حيث الحصص والحوش الكبير وجدران الفصول المتهالكة والكنب المكسر والسبورة يوجد فى منتصفها ثقبا كبير كل هذا لم يكن ليمنعنا من ان نتعلم لم يكن ليمنعنا من ان نبتسم كنا نكره مادة العلوم لانها دائما ماتكون فى الجدول دبل علوم فيطول المقام بأستاذ المادة فيتسلل الملل الينا فنبحث عن حلم من احلام اليقظه نبدد به هذا الملل ومع تواضع احلامنا حينها كنا نفكر فى فسحة الفطور وماسيحمله البوفيه من اكل او تلك البالوظه العجيبه عند حجه امنه او سلطة حجة نعومة ...كنا نحب الحصص الفاضيه حب غير عادى ونتمنى لو تركونا بدون حصص كل العام ولامانع لدينا ان يدخل علينا استاذ ليحكى لنا قصة دون ان يتزامن ذلك مع زمن البيوت وحين تاتى العطلةالصيفيه كنا نخرج فى اخر يوم للدراسة ونحن نقول يارب اجازة لحدى نهاية العمر..

عز الدين محبتى الاكيده.. وعاصم زهجان قال لى مالقيت ليك بكرى ابوبكر هنا عشان يريحنا منك

مدثر قرجاج
الإدارة العامة
الإدارة العامة

عدد المساهمات : 212
تاريخ التسجيل : 08/06/2009

الرجوع الى أعلى الصفحة اذهب الى الأسفل

رد: مدرسة بشير

مُساهمة من طرف طارق جبريل في الأربعاء يوليو 08, 2009 12:23 pm

يا سلام يا عز الدين ياخ
انداح عليك في الموضوع دة
يا سلام على اساتذتنا: كمال/عبد الخالق/اسامة بتاع الجغرافيا/ابيض/محمد الحاج
ورحمة الله على بشير


يحيى حمد سعيد ازيك ياخي


يا شباب عز الدين دة كان اشطر زول في الدفعة الورانا
avatar
طارق جبريل
الإدارة العامة
الإدارة العامة

عدد المساهمات : 236
تاريخ التسجيل : 06/06/2009

الرجوع الى أعلى الصفحة اذهب الى الأسفل

رد: مدرسة بشير

مُساهمة من طرف يحي حمد سعيد حامد النضيف في الأربعاء يوليو 08, 2009 7:49 pm

يــا ... د. طارق .... تحيات ... ( إنفــنـيــتي).

يــاااااخ ...الكلام ده ما عــادي لأولاد .... مدرســة بــشــير.
0
(وقــال يــابني لا تــدخـلـوا من باب واحــدٍ .... الآيـة ).

و لا شـــــنـو ... يــا عـــزنا.

بالمناسبه .. اســـتاذ / كمال ... كان ... آخــر معلم يلتحق بالمدرســة ونحن علي آبواب امتحانات الدخول للمتوســطه (الثانوي العام... آيـــامـــنــا ).
وهو المشرف علي توصيلنا ذهاب و عودة من مركـز الأمتحانات الكائن حينها بمدرسة الشيخ مصطفي آلأمين(المتوســطة) بالســوق العربي الخرطوم.

لهم منا كل تقدير و إحترام .

ونواصل بحول الله.


عدل سابقا من قبل يحي حمد سعيد حامد النضيف في الخميس يوليو 09, 2009 10:02 am عدل 2 مرات

يحي حمد سعيد حامد النضيف
وسام الإبداع
وسام الإبداع

عدد المساهمات : 586
تاريخ التسجيل : 07/06/2009
الموقع : مـربع 3

الرجوع الى أعلى الصفحة اذهب الى الأسفل

رد: مدرسة بشير

مُساهمة من طرف طارق جبريل في الخميس يوليو 09, 2009 1:30 am

يحيى حمد سعيد
انت يا زول يحيى حمد بتاع مربع 3
ولا واحد تاني
محنتني ياخ Laughing Laughing Laughing
avatar
طارق جبريل
الإدارة العامة
الإدارة العامة

عدد المساهمات : 236
تاريخ التسجيل : 06/06/2009

الرجوع الى أعلى الصفحة اذهب الى الأسفل

رد: مدرسة بشير

مُساهمة من طرف يحي حمد سعيد حامد النضيف في الخميس يوليو 09, 2009 9:45 am

يا ... طــارق .... يــااااخ ... بــعــد الــشــوق المــا.. ليه.. حد .. ده.

يــاهو ده ... الامـــتـداد .. يـاخ ....Yahoo ... يـحــي ..

آخــر لقاء بالامتــداد... آيام العــزاء (دكان وليد).

*الخميــس 13/مارس/2007م .. الـســـاعة الـثامنة مـســاء
يوم محزن في ســما وات الامـــتـداد و مــربع (3)
لهم الرحمة جمــبعـا.
هكذا ... الدنيا ...

س.. ســــؤال؟

من علمكم الوســت... يــا مـعـشــر ...الـقــوم ... ( بولندا )..؟
بالمناسبه ...( آب لبــاكــه, و كـتــكـو).. بيســلمو.. عليك .. كتيييير.

بالله.. ضــروري تـلفــون ... (الـسني).

طارق.. شــايف (الفلبيني ).. ظابط الكابتشــينو... بجييك راجع
بعد (الكوفي بـريـك).

بالمناسبة:
بفتش.. لي ...صــور في الألـبــوم .. آيام زمااااان .. آيام اللعب
تحت القـنـدراني بتاع عمي( جـبـريـن) ... مناظــر ... في السسسسلك !!

يـاخ ....Yahoo ... يـحــي بتــاع مربع (3) .... يــــاخ.

يحي حمد سعيد حامد النضيف
وسام الإبداع
وسام الإبداع

عدد المساهمات : 586
تاريخ التسجيل : 07/06/2009
الموقع : مـربع 3

الرجوع الى أعلى الصفحة اذهب الى الأسفل

رد: مدرسة بشير

مُساهمة من طرف عزالدين عثمان في الخميس يوليو 09, 2009 9:35 pm

الجار يا إبنى
مرحب بيك
ولله اجتهدنا ليك مع بكرى ابو بكر، لكن دايما العظماء مخذولين ياخ، الجابتك بى جاى سامحتك

بعدين عاصم ده انساك منو
ده.......................حاقد ساي


خليك معانا بى جاى

تسلم

عزالدين عثمان
إمتدادي أصيل

عدد المساهمات : 23
تاريخ التسجيل : 04/07/2009

الرجوع الى أعلى الصفحة اذهب الى الأسفل

رد: مدرسة بشير

مُساهمة من طرف عزالدين عثمان في الخميس يوليو 09, 2009 9:39 pm

ولله يا طارق كداااااااااااااااااااااااااااااااااااااف

أنا ما كنت اشطر زول، وفى قصة حأحكيها قدام عن الأوائل واستاذ أبيض


بعدين حركتك دى ما لذيذة، شنو تتاوق وتتجارخ

ياراجل انت مدعو للسكن هنا


بالمناسبة: مدرستنا دى ما كان فيها كنيشيين؟ Very Happy

عزالدين عثمان
إمتدادي أصيل

عدد المساهمات : 23
تاريخ التسجيل : 04/07/2009

الرجوع الى أعلى الصفحة اذهب الى الأسفل

رد: مدرسة بشير

مُساهمة من طرف عزالدين عثمان في الخميس يوليو 09, 2009 9:41 pm

النضيف

شكلك زول صباح

ونحن ناس ليل

لاكن تعرف: استاذ كمال" بوب" كان مدرسة وحده، وهأبدا بيهو كان الله هون


أرقد عافية

عزالدين عثمان
إمتدادي أصيل

عدد المساهمات : 23
تاريخ التسجيل : 04/07/2009

الرجوع الى أعلى الصفحة اذهب الى الأسفل

رد: مدرسة بشير

مُساهمة من طرف الفاتح الجوص في السبت يوليو 11, 2009 12:46 am

سلام اخونا عزالدين والله مدرسة بشير يكثر الحيت عنه انا طبعا درسته فيه بس ما دفعتكم نحنا ناس صغار .................
واصلوه
وتحياتى
avatar
الفاتح الجوص
وسام الإبداع
وسام الإبداع

عدد المساهمات : 256
تاريخ التسجيل : 08/06/2009
الموقع : مربع 4

الرجوع الى أعلى الصفحة اذهب الى الأسفل

رد: مدرسة بشير

مُساهمة من طرف يحي حمد سعيد حامد النضيف في السبت يوليو 11, 2009 9:33 am

يــا عــز .. صــبـاح الخير..عليك ..(يا ناس الليل ... مـسا .. التماسي)
و صــبـاح الخير..على كل .. آجيــال مــدرســة بــشــير , و تحية خاصة
للأخوه المتداخلون.

[quote]النضيف

شكلك زول صباح.

لكن.. مااااا .... نـقـااااش !!

مدرســة بـشير ما قبل الخــروج الكبيــر مربع 8 :

يوم مدرســي:

الجرس .. ضــرب ... طــابور الصــباح ( صــباح السـبت) بميدان الرابطة
اســتاذ/ فتح العليم الطاهر( كان مقيما بمربع 8 - التلفزيون برنامج صــور مقــلوبة
محافظ (معتمد) محلية آروما)... يبدأ بـتـفتيش الطابور .. المعروف .. من الرأس
حتي آخمس القدمين .. لاممعـن تأفف ..و لاتكبر.

الكل يحســبه الأخ الذي يلي الوالد المسئول نحو صغاره ... شــده في باطنها
الرحمة... ســرعان ما ترسخت في آذهاننا.. تلك الرســالة...صــرنا نألفه
نمازحه حين المزاح, مهــابه دون خوف ..

نواصل اســـتعراض الطــابور.... بحول الله .

يحي حمد سعيد حامد النضيف
وسام الإبداع
وسام الإبداع

عدد المساهمات : 586
تاريخ التسجيل : 07/06/2009
الموقع : مـربع 3

الرجوع الى أعلى الصفحة اذهب الى الأسفل

رد: مدرسة بشير

مُساهمة من طرف عبدالله عوض عبدالله كع في السبت يوليو 11, 2009 12:37 pm

عزالدين .. وناس مدرسة بشير0 صباحكم ندي ..

من ناس مربع 8 القرو في مدرستكم ((البي الطوب الاحمر)) - صديقي العزيز جدا خالد احمد شرفي - وجاري لمحترم خالص عبدالوهاب فرح عثمان - وبالنسبه للفرده خالد شرفي - ازكر اننا كونا نتنافس فيما بيننا- بين مدرسة الامتداد (1) ومدرسة بشير (( البي طوب الاحمر )) وكان تنافسنا في اي شي ( في الاكاديميات والنشاط المدرسي وحتي المعلمين مين شاطر ومين كدا وكدا- وازكر كان فيها استاذ اسمو كمال يقال انه شاطر وشديد (( عنيف )) جنو جلد 0

ثواني ونجي تاني ..
avatar
عبدالله عوض عبدالله كع
وسام الإبداع
وسام الإبداع

عدد المساهمات : 486
تاريخ التسجيل : 06/06/2009

الرجوع الى أعلى الصفحة اذهب الى الأسفل

رد: مدرسة بشير

مُساهمة من طرف يحي حمد سعيد حامد النضيف في السبت يوليو 11, 2009 3:24 pm

كع ... يا ... عــبــق ... الامــتداد ... يا... فـنان ... يا مـبـدع.

تحية .. من ناس مدرسـة بــشير على ... هــا ... الطــلـة الصـبايحية.

حاجة كده.. يا ..كع ..خارج ..النــص:

(تبسمك في وجه أخيك صــدقة.... او كما قال رســولنا الكريم (ص)).

(إبتــســامة... البروفايل....... الصــورة).

يـعني .. لو حســبناها ..حســبه .. بسيطه على الماشي ..كده ..
يا.. عــمــك ... شــــتـات ... على ..الجــنة.

بـس ما تنسى ... زول في ... الحلة .. صـاحبك ... (محجــوب عــكــود), بـعـد
الغربه موجود الأن بالامتـداد بمربع 3.
.
.
عــاطر التــحايا....
ونــواصــل بعــون الله.

يحي حمد سعيد حامد النضيف
وسام الإبداع
وسام الإبداع

عدد المساهمات : 586
تاريخ التسجيل : 07/06/2009
الموقع : مـربع 3

الرجوع الى أعلى الصفحة اذهب الى الأسفل

رد: مدرسة بشير

مُساهمة من طرف عزالدين عثمان في الأحد يوليو 12, 2009 7:54 pm

الجوص سكرا ياخ على المرور وخليك قريب


ياكع: منور ولله، لكن نحن كنا أشطر أولاد فى الإمتداد عموم

عزالدين عثمان
إمتدادي أصيل

عدد المساهمات : 23
تاريخ التسجيل : 04/07/2009

الرجوع الى أعلى الصفحة اذهب الى الأسفل

رد: مدرسة بشير

مُساهمة من طرف عزالدين عثمان في الأحد يوليو 12, 2009 7:56 pm

وينك الليلة يا النضيف؟


نعلك طيب

عزالدين عثمان
إمتدادي أصيل

عدد المساهمات : 23
تاريخ التسجيل : 04/07/2009

الرجوع الى أعلى الصفحة اذهب الى الأسفل

رد: مدرسة بشير

مُساهمة من طرف يحي حمد سعيد حامد النضيف في الأحد يوليو 12, 2009 8:10 pm

تــســلم .. يــاعز .. ماطالبني .. حليفــة .. اليوم .. ده.. كله .. زيارات
لمواقع العـمل( Business Fields) ..لــزوم المعــايــش ..

( و لنفــسك عــليك حــق).

يادوب .. واصــل .. و شــايف الواد (الواتر) .. بيزبط .. في الترطيبات و الـعـضة.
.
.
بجـيـــك ..راجع ..

يحي حمد سعيد حامد النضيف
وسام الإبداع
وسام الإبداع

عدد المساهمات : 586
تاريخ التسجيل : 07/06/2009
الموقع : مـربع 3

الرجوع الى أعلى الصفحة اذهب الى الأسفل

رد: مدرسة بشير

مُساهمة من طرف طارق جبريل في الإثنين يوليو 13, 2009 11:05 am

جيناكم
كان اشطر واحد في دفعتنا هو الصديق العزيز محمد محجوب محمد طه كرودي
بالإضافة للاخ العزيز مدني محمد مدني (اتمنى ان لا اكون اخطأت في الاسم)
في سنة رابعة انا بقيت اكابسهم ليك مكابسة شديدة Laughing Laughing
avatar
طارق جبريل
الإدارة العامة
الإدارة العامة

عدد المساهمات : 236
تاريخ التسجيل : 06/06/2009

الرجوع الى أعلى الصفحة اذهب الى الأسفل

رد: مدرسة بشير

مُساهمة من طرف يحي حمد سعيد حامد النضيف في الإثنين يوليو 13, 2009 6:36 pm

رجعــنـالــك....

أســـمـاء اســاتذنا قبــل الخــــروج الكــــبيــر من مـــربع 8 :

1/ المــرحـوم النــاظــر بــشــير الحــســن
2/ اســـتاذ/ يــوســـف
3/ اســـتـاذ/ معــتصــم
4/اســـتـاذ/ فــتح الــعلــيم الطــاهــر
5/اســــتــاذ/ تـــاج الديــن
6/اســــتـاذ/ الفــاتح
7/اســــتـاذ/ أحـمــد الــطــاهــر الــنـور( المــحــامــي المشــهـور)
..
.
جــزاهــم الله خــيراً.

ونــواصــل بــعــون الله.

يحي حمد سعيد حامد النضيف
وسام الإبداع
وسام الإبداع

عدد المساهمات : 586
تاريخ التسجيل : 07/06/2009
الموقع : مـربع 3

الرجوع الى أعلى الصفحة اذهب الى الأسفل

رد: مدرسة بشير

مُساهمة من طرف يحي حمد سعيد حامد النضيف في الإثنين يوليو 13, 2009 8:01 pm

نواصـــل ...
يــا .. اولاد ... بطــلوا ... الـهـرجـله.
اليـســمع .. أســمو .. يــقــول .. آفـندم .. (آيـوه)
و المــابـيقـول.. بـكـتـبـو .. غــيــاب.

أولاد ... ســنة ســادســـة:-

عدد ـــــ الأســـم ـــــــــ المربع ــــــ ملاحظــــات
1 عبد الخالق عبد الرحيم 1
2 عماد الدين علي مختار 3
3 يحي حمــد ســعيد حامد 3
4 محمــد ياســين عبد الكريم 3
5 الـســني جبــريل موســي 3
6 عوض آبنـــعوف 4
7 محمــد مصطــفي محمــد عباس 4
8 منــير صـاـلح 5
9 محمــد مصطفي ــ العـــشـرة
10 عبــود الجيلي عبد الرحيم 7
11 فتحي احمــد علي خيــري 7
2 مكاوي عوض مكاوي 7
13 عمر محمــد زين 7
14 عماد محمد علي الــسيد (آدروب) 8
15 صــلاح 8
16 فيصل أحمــد إبراهيم 8
17 النزيــر 9
18 فيصل ( الثعلب) 10
19 برعي الشيخ 10
20 الخــزين علي الخــزين 11
21 عبود عبد الرحيم 11 ( شقيق حسين مرسيدس)
22 عبد الحليم العــطا 11
23 عمــر عبد الرحمــن 12
24 مصطفي حلســاب 12 (شقيق أستاذنا / محمد إدريـس)
25 كمال يونس 13
26 صلاح حــســن الــســيد 13
27 كمال حميدان 13
28 علي ســـعـيـد فقيري 13
29 مزمل جمعة 13
30 نصــر الدين 13
31 أحمــد إبراهيم 13
32 عبد المنعم محجوب 13
33 ســـفيان( الصـحراوي ) 14
34 محمــد عبد الله ( عيون كديس) 14
35 متوكل إدريس 14
36 عباس فــضــل 14
37 زروق
38 حيدر صــالح ( ابو يـمـن) ـــ الصحافة وسط
39 فيصل أحمــد هــاشــم ـــ الصحافة غرب
40 مــامون علي ســعيد ـــ الصحافة وسط
41 مــامون الـطـاهــر النــور ــــ مربع ( 3) (ثم الصحافة مربع 18 شـقـيق المحامي الشهيروأسـتاذنا بمدرسة بشير/ أحمــد الــطــاهــر).
:
:
مــتــواصـل .. بــعــون .. الله.

يحي حمد سعيد حامد النضيف
وسام الإبداع
وسام الإبداع

عدد المساهمات : 586
تاريخ التسجيل : 07/06/2009
الموقع : مـربع 3

الرجوع الى أعلى الصفحة اذهب الى الأسفل

رد: مدرسة بشير

مُساهمة من طرف معتصم مجمد نصر (الجوكر) في الأربعاء يوليو 15, 2009 12:07 pm

انا دفعة عامر تيتاوى تحياتى له وارجو منه الدخول لينعش ذاكرتنا الممسوحة كنت اشك فى ذاكرتى لكن وجدتكم ايضاً ماحيين خاصة الاخوة المغتربيين وعلى مااتذكر بان الناظر بشير الحسن الحسين يرحمه الله كان له ابن اسمه زهير يدرس معنا فى نفس الدفعة سلام للجميع

معتصم مجمد نصر (الجوكر)
إمتدادي جديد

عدد المساهمات : 15
تاريخ التسجيل : 04/07/2009

الرجوع الى أعلى الصفحة اذهب الى الأسفل

رد: مدرسة بشير

مُساهمة من طرف يحي حمد سعيد حامد النضيف في الأربعاء يوليو 15, 2009 1:47 pm

مــرحـبـا .. بالأخ ( الأصــغــر .. خــالص) .. مـعـتصم.
:
شـــنو .. يـا ..ناس ..الليل الــســرمدى .. طــق ..حـنــك .. و كده.
:
يا..معتصم .. ما .. طــالبني .. حــليفـة, فـعـلــاً ..
زهــير بــشيــر الحــسن ( يرحمهمــا الله رحمــة واسـعـة), أيامــنا كان
صـغير و دائما مع الــسـيدة الفاضــلة و المربيــة الأســتاذة والدته(مريم).
نادرا ما كــان يــحــضــر للمدرســة (مدرســة بــشير).
:

واصــل .. يـا .. مـعـتـصـم .. وعيش(من الذكــرى) تلك الأيــام .. الخــوالي ..
و آحــكي .. كيفمــا .. اتفق .. الحـكي.

ســعداء آيمــا ســعـاده ..بهذا التواصــل .. وهذا الـســرد المــمـتـع.
:
فالنــتــواصــل ... بـحــول ... الله.

يحي حمد سعيد حامد النضيف
وسام الإبداع
وسام الإبداع

عدد المساهمات : 586
تاريخ التسجيل : 07/06/2009
الموقع : مـربع 3

الرجوع الى أعلى الصفحة اذهب الى الأسفل

رد: مدرسة بشير

مُساهمة من طرف بنقوري في الأربعاء يوليو 15, 2009 3:07 pm

يحي حمد سعيد حامد النضيف كتب:نواصـــل ...
يــا .. اولاد ... بطــلوا ... الـهـرجـله.
اليـســمع .. أســمو .. يــقــول .. آفـندم .. (آيـوه)
و المــابـيقـول.. بـكـتـبـو .. غــيــاب.

أولاد ... ســنة ســادســـة:-

عدد ـــــ الأســـم ـــــــــ المربع ــــــ ملاحظــــات
1 عبد الخالق عبد الرحيم 1
2 عماد الدين علي مختار 3
3 يحي حمــد ســعيد حامد 3
4 محمــد ياســين عبد الكريم 3
5 الـســني جبــريل موســي 3
6 عوض آبنـــعوف 4
7 محمــد مصطــفي محمــد عباس 4
8 منــير صـاـلح 5
9 محمــد مصطفي ــ العـــشـرة
10 عبــود الجيلي عبد الرحيم 7
11 فتحي احمــد علي خيــري 7
2 مكاوي عوض مكاوي 7
13 عمر محمــد زين 7
14 عماد محمد علي الــسيد (آدروب) 8
15 صــلاح 8
16 فيصل أحمــد إبراهيم 8
17 النزيــر 9
18 فيصل ( الثعلب) 10
19 برعي الشيخ 10
20 الخــزين علي الخــزين 11
21 عبود عبد الرحيم 11 ( شقيق حسين مرسيدس)
22 عبد الحليم العــطا 11
23 عمــر عبد الرحمــن 12
24 مصطفي حلســاب 12 (شقيق أستاذنا / محمد إدريـس)
25 كمال يونس 13
26 صلاح حــســن الــســيد 13
27 كمال حميدان 13
28 علي ســـعـيـد فقيري 13
29 مزمل جمعة 13
30 نصــر الدين 13
31 أحمــد إبراهيم 13
32 عبد المنعم محجوب 13
33 ســـفيان( الصـحراوي ) 14
34 محمــد عبد الله ( عيون كديس) 14
35 متوكل إدريس 14
36 عباس فــضــل 14
37 زروق
38 حيدر صــالح ( ابو يـمـن) ـــ الصحافة وسط
39 فيصل أحمــد هــاشــم ـــ الصحافة غرب
40 مــامون علي ســعيد ـــ الصحافة وسط
41 مــامون الـطـاهــر النــور ــــ مربع ( 3) (ثم الصحافة مربع 18 شـقـيق المحامي الشهيروأسـتاذنا بمدرسة بشير/ أحمــد الــطــاهــر).
:
:
مــتــواصـل .. بــعــون .. الله.
الاخ الغالي ...يحي حمد لك كل الود وعاطر الاشواق والتحايا
طبعاً انا ما درست في مدرسة بشير ودرست في اجمل واعرق مدرسة هي
الامتداد (1) وانا كنت بعدمكم بمرحلتين واتذكرك يا يحي انت والاخ محمد
مصطفى محمد عباس وحالياً هو دكتور بمستشفيات السعودية( على فكرة والده
كان إمام الجامع الكبير بالامتداد قبل الامام ضياء العباسي ولقد توفى قبل سنة
تقريبا ونسأل الله يجعله من اهل الجنة ويجعله مع الصديقين والشهداء)
والله يا اخي يحي فعلاً مدرسة بشيركانت قوية وكان التنافس شديد بين مدرسة
الامتداد (1) ومدرسة بشير .... واتذكرك يا اخي يحي انت والاخ محمد
مصطفى نحفظ القرآن بعد الخروج من المدرسة ونمشي نصلي صلاة الظهر
وبعد الصلاة نقوم بحفظ القرآن والله ايام يا يحي وليت تدور عجلة الايام وتعيد
لنا ايام الماضي الجميل والذكريات الحلوة ......
طبعا دفعتي بمدرسة الامتداد (1) هم
عزالدين كمبال مربع 7
عزالدين جبارة مربع 11
عصام سليم (جكسا) مربع 7
سامي مصطفى داوؤد مرب 13
عبد الغفار محمد سعيد مربع 4
جعفر يس مربع 4
ربيع محمود مربع 1
بدر الدين عوض (باندي) مربع 1
معاوية علي وديدي مربع 1
عبد الله حسن مربع 12
عماد يس مربع 4
عادل شريف مربع 4
مع تحيات بنقوري
avatar
بنقوري
كبار الشخصيات
كبار الشخصيات

عدد المساهمات : 619
تاريخ التسجيل : 09/06/2009
الموقع : مربع (4

الرجوع الى أعلى الصفحة اذهب الى الأسفل

صفحة 1 من اصل 3 1, 2, 3  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى