شغلتني مشاغل الدنيا عنكم (ولكزني)مجدي عبد الرحيم

الامتداد
يقطع الحبل السري من الطفل وتظل العلاقه بينه والام هي تلك العلاقه -الامومه -
ونرحل عن الامتداد وتظل هي تلك العلاقه - الامومه و الحميميه بيننا وبين الناس والشوارع والحيطان والمنتزهات والرابطه و الخواجه ومدرسة فاطمة عبد الرحيم ومحمد راكوبة وسوق الندي وطاحونة جلال والاجيال الاولي (لهم الرحمة)عمك حسن مالك -محمدالحاج عمر السمين -عوض حوجلي -صالح محجوب -محمدخليل البربري -عمك طه- محمدمحمد عثمان وعم السر -محمد موسي ومسجد الامتداد الكبير -عمر يسرقه منا الزمن وزكريات تطل علينا من حين لآخرفنذكرهم جيل بعد جيل الطلائع ادريس محمد موسي - محمد جبارة -الطاهر محمد عثمان-هاشم طه -محمود صالح -ود مالك -حسن الرضي -وتاخذنا الايام سراعا- باولو بنيوتي - الفاضل محمد عثمان -عبد المنعم بادية - شرفي- تنقو-مجلة الينابيع -عمر خليفة -عماد العاقب - سيد حسن سيد - استوديو الهادي - فضل ساتي -فيديو الواحه - ظرفاءالامتداد علي مر الايام....هل اكتب المزيد......
اقبلوني بينكم اتدثر بعطفكم واجتر الذكريات
ازهري محمد موسي

سلامات الاخ ازهرى
والف مرحبا فى بيتك وواصل الزكريات الطيبه
انته ياخى بتصلنا لقيت هنا وما بتزورنا عتاب فقط (المانيا)
تحياتى وسلامى

الفاتح الجوص
دعوتك مقبولة ياباشا وانشاءالله زايرك قريب
خلينا علي اتصال
تحياتي

اهههههههههههههه والتناهيد ، زكريات حلوة أخونا ابوالزهور

مع التحيات للجميع
محمداحمد تستاو

محومد تستاو
يا غالي كيف حالك واحوالك وجميع من حولك وعساك بخير تحياتي لجميع من معكم.....نتمني التواصل

ياسلام ود العمده + تستاو طقه واحده مزيد من التواصل وأقلام فيها مداد الذكري وتربد علي الحنين الكان زمان مرحبتين بأبناء مربعي الشامخ أبو الزهور وحيمود
والبقية تأتي تباعا شكرا لكم إذ لبيتم النداء وهو ابيت الكبير البيجمعنا ونفترش حنين وماضي لا يعود إلا عبر مدادات الذكري .

،،،،أبوقصي،،،،

الفاتح الجوص

تحايا ياصحبي الزول ده محل مافي الشمس بتلقاهوا أكل العيش والتوليد بقي من الحطب حتي وصل كوكب الله المشرق ده وعندما يأتي إليكم حملوه أشواقكم لنا .

،،،،أبوقصي،،،،

الاخ ازهرى انته ما محتاج لى دعوه بالعكس انته صاحب البيت والواحد عارف المشغوليات لكن عندنا عشم برضو انته تجدوه لنا فسحه من وقتكم تحياتى
الغالى مجدى ايوه والله وهو كذلك ونحنا فى بلدنا محتاجين للطاقه وعندنا شمس اكتر من اى محل تانى واكيد اشواقنا معكم وان شاء الله وبعونه الناس تلتقى فى ساعه الخير والمحبه
تحياتى

ازهرى ولد حلتنا الله ياخى هيجتنى الذكرى ربما لاتذكرنا لكننا تفتحنا عليك
لازلنا نذكرك حين كان فريق الصحراء متلتل ويضم عباقرة الزمن الجميل
كنا نسترق السمع اليك بجوار نادى الصحراء وانت تخاطب اللاعبين قبل
المباراة كنا لانستوعب ماتقول لكن ملامحك الصارمه وصوتك القوى يعطينا
احساس ان النصر قادم لامحال، لاننسى حينما كنا نركض خلف الفريق وانت
فى المقدمه تحتفظ بهدؤك المعتاد والكل يهتف الكاس كاسنا ونحن اهلو وبنستاهلوا
مانسيناك قط نحن لانزال نجلس فى ركننا المحبب بجوار منزلكم ونجتر ذكرياتكم
وحين مايفتح باب منزلكم السابق ونحن جلوس يعترينا شعور انها والدتك امونة
شريف ستطل علينا بطيبتها وحنيتها التى الفها الجميع رحمها الله
لقد رسمتم لوحة جميله هنا فى حلتنا ستظل باقية الى الابد ورغم رحيلكم الذى
امتد لسنوات طويله لاتزالون هنا فى قلوبنا التى احبتكم.
محبتى الاكيده

احبائي شباب الامتداد المخلصين لكم التحايا وخاصة شباب مربع 14 ، ازهري محمد موسي وسمير عبدالرحيم ومجدي عبدالحيم بجده الجمري بالرياض وعصام علي بدبي والهادي وتيتاوي وسمسوم بالدوحة

مدثر

الزول ده كان عسكري يعني تجك وراه من خور عمر حتي خور جانقي

مودتي لكما بس الصحراء ما ذي الجزائر والدينمو ولا ما كدي أسال أبو الزهور.

،،،،أبوقصي،،،،

ألاخوان الاعزاء حد المعزة ما تصل أكان ليها حد ....تستاو قرجاج اسماء نعم في حياتنا لا ننساها ولن يموت الامتداد ولن يدفن في ذاكرتنا ...اخونا الصغير مدثر قرجاج سالت دمعه وانا اقراء ما كتبت ....وانها لفكرة راودتني كثيرا ان يكون للامتداد موقع يضم كل اهل الامتداد ليظل التواصل موجود ...مدثر ومحمداحمد نتواصل ....

يا تستاو سلامات
انا وابو قصي دا كل يوم مع بعض اصلوا ما بجيب سيرة الدينو لانه عارف الدينمو كان سم الجزائر .....اها الليلة بقابلو كدي اليجيب لي سيرة ....

ياجميل هوووي لا دينمو ولا صحراء نحنا جزائر خضراء وتيم بقامة وطن وأينما ذهبت حتي أقاليم السودان النائية تعرف الجزائر والدرجة الثالثة 14 مربع يتربع الجزائر علي عرشها ولو مكضبني عندك عماد العاقب الراجل الفنان بيقول ليك وبحكي ليك عنا جزائرنا الخضراء. وعن ناديها الذي يعرفة الأمتداد 14 مربع وكيف هي الإجتماعيات بجانب الكفر والوتر.

،،،،أبوقصي،،،،

التحية للاخ والصديق ازهري محمد موسي
تحياتي للاسرة ولشباب الامتداد بالمنطقة الغربية ، لي كده مزعل أخونا مجدي عبدالرحيم وتخليهو يتهور الدينمو والصحراء والجزائر اولاد اعمام بس يجازي كان السبب فى شتاتم ،
والسلام ياحلوين

بالمناسبة اليوم بحمدالله رزقت ببنت امورة حلوة سميتها فاطمة تيمما بالوالدة يرحمها الله

مع تحياتى

تستاو

حمود معليش جات متأخرة شوية مبروك البنية وتتربى فى عزك انشاءالله وربنا يحفظها

HGالاخ - حسن عطر

شوقنا مطر الف مبروك والعقبال عندك شد حيلك شوية علشان نفرح بيك

أخوك تستاو

الحبيب حمود الف الف مبروك قدوم الامورة ( فاطمة) وحمدلله على السلامة .. السلام لجميع شباب الامتداد والشكر لكل من سأل عن الاخ ربيع ( بيبو) والحمدلله لقد بلغ الصحة والعافية وهو حالياً فى احسن حال . ـ

الهادى عبدالرحيم ( أبوغسان )
مربع 13

الحبيب حمود الف الف مبروك قدوم الامورة ( فاطمة) وحمدلله على السلامة
وتحياتى للاهل الامتداد

الاخوان الاحباء الهادي عبدالرحيم والفاتح الجوص

رمضان كريم وكل عام وانتم بخير

وشكرا حبايبى لتهنيتى بالابنه فطومة "لزوم دلع وكده " والعقبال للجميع .

مع مودتى لشباب الامتداد من 1 الى 14

ورمضان كريم

تستاو

الاخ مجدي عبدالرحيم

رمضان كريم ، شكرا وعقبالك وارجاء أن توصل قدوم البنوته فاطمة للاخ سمير لاننى حاولت الاتصال به بجميع ما املك من ارقام ولكن للاسف كلها مقفولة

والسلام

مع تحياتى

تستاو