برلوم المنتدي من الصحافة يا ناس الامتداد لكنو ( امتدادي بالتجكيس)

صفحة 1 من اصل 2 1, 2  الصفحة التالية

استعرض الموضوع السابق استعرض الموضوع التالي اذهب الى الأسفل

برلوم المنتدي من الصحافة يا ناس الامتداد لكنو ( امتدادي بالتجكيس)

مُساهمة من طرف EL-Gassiim في السبت أغسطس 29, 2009 1:21 pm

السلام عليكم جميعا الاخوه والاخوات اولاد وبنات الامتداد الناس الحلوين الاعبين (في الكوره) الوناسين ناس طارق جبريل البيحبوا بنات العمارات و الاصدقاء القدامي ناس امير الجمري وسعد خضر وياسر جادالله وايييييييييك ناس كتار خالاس الواحد ما عايز يتمادي في ذكر الاسماء عشان ما يخش في اللوم
هذة تاني مداخله لي حيث انني جديد في منبركم العامر و على ذلك اصبحت احر برالمة المنتدى و ارجو من الجميع ان يرأف علي وانا مازلت جديد لنج
وطبعا امتدادي بالتجكيس لانو زمان ونحن شباب يانعين كنا لمن نجكس من الصحافة بنلف في الامتداد عشان نبعد عن شمارات اولاد وعجايزها وطبعا الحته البكون عندك فيها اصحاب كتار زي( الامتداد) بتتخارج براحة والجماعه كمان لو في كلب صعب بخارجوك منو

تحياتي لكم جميعا ولو في طريقة تدونا جنسية بالتجكيس او بالمواطنه و الله بعدد الاصحاب - غايتو انا بكون احق واحد

اخوكم البرلوم
القاسم


عدل سابقا من قبل EL-Gassiim في الإثنين أغسطس 31, 2009 11:08 am عدل 1 مرات

EL-Gassiim
إمتدادي أصيل

عدد المساهمات : 32
تاريخ التسجيل : 29/08/2009
الموقع : الرياض

الرجوع الى أعلى الصفحة اذهب الى الأسفل

رد: برلوم المنتدي من الصحافة يا ناس الامتداد لكنو ( امتدادي بالتجكيس)

مُساهمة من طرف مدثر قرجاج في الأحد أغسطس 30, 2009 1:51 pm

حبابك ياخ ومليون ترليون مرحب بيك
بس ماوريتنا كنت بتلف بالجكس وين لانك اكيد فى مربعات كده فى الامتداد
مابخلوك حتى لو مابعرفوك مابتسلم منهم يعنى،، تجى ماشى سايق الحاجه
تسمع واحد يقول ليك (فكو ياخ عشان يجيك) وتانى واحد يقو ليك لو الجكسايه سمحه
(ماعندك لكن) ولو اتكلمت حكايتك بتجوط... غايتو اولاد الصحافه لمن ناس الامتداد كانوا
يجكسوا عندهم فى بقالة تانا وجنب مستشفى ابراهيم مالك وفى تقاطع الركشات بتاع الصحافه
غرب ،،ماكان فى اى معاناه يعنى تجى ماشى بالجكس بتاعك كده فى الصحافه يلاقوك شله قاعدين بس
تقول ليهم السلام عليكم تانى زول بيسألك مافى والله انتو طيبين خلاص وبعد ما الزول يسلم عليهم
يقولوا مع بعض بتكون خطيبتو ......لكن بدون زعل كده اولاد الصحافه الكان بجيبو الجكس بتاعهم يحوموا بيهو
فى الامتداد ماسمح زى جكسى الامتداد البحوم فى الصحافه ...غايتو انا بعرف لى زول فى المنتدى ده لاخلى
صحافه -ولا امتداد- ولاجبر ه -ولا اركويت- قعد فى كل المناطق دى وبعد سنين قالوا ليه انت ماجادى وعرست زول تانى
ومن اليوم داك بس خاتى كرسى جنب الباب الدكان مابمشى...........
مرحب بيك ياود الصحافه ولو داير تجكس عندنا برضو حبابك الف,,
ملحوظه ...الكلام ده كتبتو بعد المويااااااات

مدثر قرجاج
الإدارة العامة
الإدارة العامة

عدد المساهمات : 212
تاريخ التسجيل : 08/06/2009

الرجوع الى أعلى الصفحة اذهب الى الأسفل

رد: برلوم المنتدي من الصحافة يا ناس الامتداد لكنو ( امتدادي بالتجكيس)

مُساهمة من طرف يحي حمد سعيد حامد النضيف في الأحد أغسطس 30, 2009 1:56 pm

الآخ الكــريــم /الـقـاســم
:
حللت .. أهلا .. و وطئت.. سهلا
أسعدنا ..تواجدك بيننا .. على .. أمل أن ..تفيد .. وتستفيد معانا ..
ومنتظر يــن ..مشاركاتك .. وتفاعلك ..وابداعاتك .. فمرحبا بك ..
ونسأل الله.. لـك التوفـيـق .. والنجـاح والتمـيـز .
:
مــبــروك .. علـيـك .. شــهــر .. رمضــان .. الكــريم
و تـصـوم .. وتـفــطــر ..عــلــي ..خــيــر.
:
عــاطــر .. الـتـحــايــا.

يحي حمد سعيد حامد النضيف
وسام الإبداع
وسام الإبداع

عدد المساهمات : 586
تاريخ التسجيل : 07/06/2009
الموقع : مـربع 3

الرجوع الى أعلى الصفحة اذهب الى الأسفل

رد: برلوم المنتدي من الصحافة يا ناس الامتداد لكنو ( امتدادي بالتجكيس)

مُساهمة من طرف EL-Gassiim في الأحد أغسطس 30, 2009 3:32 pm

الاخ / مدثر والله ياخي انا بتخيل لي انت من نفس الشلة بتاعتنا زمان لانو المحلات الذكرتها دي ياها زاتا محلات (التمارين) Laughing Laughing Laughing وكلامك في محلو في اولاد الامتداد خاصة ناس جهة ناس ياسر ود السمين لكن كان في دكان فاتحه واحد في بيتهم قصاد مربع ثلاثين الصحافة كان عندو بيبسي جميل كانت الاستراحة بتاعت الجكات هناك - لكن اولاد الامتداد زي ماقلت كان شمارهم عالي بس نحن كنا مصاحبين لينا في كل مربع ثلاثة اربعه ده غير العلاقات في الشوراع الرئيسيه
شكرا لي مرورك وخليك قريب مننا بالله يا مدثر

EL-Gassiim
إمتدادي أصيل

عدد المساهمات : 32
تاريخ التسجيل : 29/08/2009
الموقع : الرياض

الرجوع الى أعلى الصفحة اذهب الى الأسفل

رد: برلوم المنتدي من الصحافة يا ناس الامتداد لكنو ( امتدادي بالتجكيس)

مُساهمة من طرف EL-Gassiim في الأحد أغسطس 30, 2009 3:40 pm

اخي يحي النضيف شكرا لكلماتك المعبره و التي ان دلت انما تدل على كرم يميز الجارة المميزة لنا ( الامتداد ) وتقبل الله منا ومنكم صيام الشهر
واسال الله الكريم ان يبارككم ويعطيكم على قدر ما تسطيعون حمله تحياتي لك و د النضيف وخلي مرورك ثابت بالله محتاجين للتشجيع


عدل سابقا من قبل EL-Gassiim في الإثنين أغسطس 31, 2009 10:28 am عدل 1 مرات

EL-Gassiim
إمتدادي أصيل

عدد المساهمات : 32
تاريخ التسجيل : 29/08/2009
الموقع : الرياض

الرجوع الى أعلى الصفحة اذهب الى الأسفل

رد: برلوم المنتدي من الصحافة يا ناس الامتداد لكنو ( امتدادي بالتجكيس)

مُساهمة من طرف EL-Gassiim في الأحد أغسطس 30, 2009 4:03 pm

وطبعا يا اخوان بمناسبة شهر رمضان والآبريه و بليلة العدسي وصحن الفول المجيه بزيت السمسم والطعميه ام ريحه وما انسي صلطة الطماطم بالدكوه - الواحد بعد ما يلز كريشتو ويمشي يلبد جنب الدكان او العمود للجكساية لانو ما كان في (موبايلات) ولو كان هنالك موعد مطرشق لابد من الربط في اماكن مرور (الحنان) للحصول علي الموعد الجديد و خاصة في رمضان يعني الجكات في ميدان رابطة العشر ة والجلوس في اللساتك الكبيييييره بتاعت الملعب قيل الرجوع الي البيت بعد مشوار بتاع ساعتين ثلاثه وغسيل الارجل الاربعة المقبره في( مزيرة )دكان( عمك نمر) مريع 16 يا دوب الواحد بيكون فاق من( بنج الحمير) المدياهو ليه( البنية )وطبعا متين الواحد يوزع الجماعه عشان يديها بوله في اول خور والله فسحة

محبتي للجميع lol!


عدل سابقا من قبل EL-Gassiim في الإثنين أغسطس 31, 2009 10:20 am عدل 1 مرات

EL-Gassiim
إمتدادي أصيل

عدد المساهمات : 32
تاريخ التسجيل : 29/08/2009
الموقع : الرياض

الرجوع الى أعلى الصفحة اذهب الى الأسفل

رد: برلوم المنتدي من الصحافة يا ناس الامتداد لكنو ( امتدادي بالتجكيس)

مُساهمة من طرف يحي حمد سعيد حامد النضيف في الأحد أغسطس 30, 2009 10:58 pm

مــتـتابـعــن .. الحـكـاوي ..
:
الـقـاســم ..مــدثــر .. أريـحـيـة .. وتـصـالـح ..مع .. الذات .. بـمـعـدلات
مقاييــس .. أمــطــار .. الأســبـوع .. المنصــرم .
:
بالمــنــاســبة .. البوســت .. دهـ .. خــطيــر .. جــداً
:
مـنــتظــرين.
:
يــحــي.

يحي حمد سعيد حامد النضيف
وسام الإبداع
وسام الإبداع

عدد المساهمات : 586
تاريخ التسجيل : 07/06/2009
الموقع : مـربع 3

الرجوع الى أعلى الصفحة اذهب الى الأسفل

رد: برلوم المنتدي من الصحافة يا ناس الامتداد لكنو ( امتدادي بالتجكيس)

مُساهمة من طرف EL-Gassiim في الإثنين أغسطس 31, 2009 10:35 am

[quote]
شكرا يحي النضيف على الكلمات الجميلات والاطراء وابدا ما يطول انتظارك انشاءالله

EL-Gassiim
إمتدادي أصيل

عدد المساهمات : 32
تاريخ التسجيل : 29/08/2009
الموقع : الرياض

الرجوع الى أعلى الصفحة اذهب الى الأسفل

رد: برلوم المنتدي من الصحافة يا ناس الامتداد لكنو ( امتدادي بالتجكيس)

مُساهمة من طرف EL-Gassiim في الإثنين أغسطس 31, 2009 11:01 am

من ضمن مشاكل الجكات الليلية والكانت بتحرج الكثير من الابطال امام (حمامتهم )بمعنى مستحدث(جكسياتهم )او كما يقولون جماعة ناس كنبة وراء (لقوياتهم) انو الكهرباء بتقطع بالليل يوماتي ومن 4-6 ساعات عادي جدا المشكه مع الجكات انو مويات البلاعات في الشوارع مع مرور العربات بتعمل حفر يعني لمن تقع ليك في واحدة من الحفر دي مزيرة دكان عمك نمر ما بتنفع الشغله بتكون عايز ليها حمام بي صابون (فنيك) عشان يغسل الريحة ولون موية البلاعات الرمادي داك وماننسى ضحكة (البليه) -من بلي- برضو بيكون لسه في جزء منها معشعش جو النفس وغايتو حمام (الفنيك) بيرد الروح وانت بعده راقد في سريرك في حوش الرجال جنب تكسي والله عربية الوالد او بلغة ناس كنبة وراء العجوز ومرات مرات الجلكين - الجلكيم - الهنتر
اها موية البلاعت والحفر مشكلة بتتحل بي صابون (الفنيك) المشكلة المابحلها صابون( فنيك ) هي( نجفة) من كلب صوتو استريو و اممممك امسك في توب الجكس واندس بي وراها - غايتو زي الموقف ده ما في بزيانوس بنسيها ليه ولا بينساهو الواحد- الا يقوم يعرس الفرده والزواج وحده كفيل بذلك كيف لا وهو البينسيك لاحقا شهر بحاله اسمه شهر العسل اتحداكم لو في واحد متجوز ليه سنتين متذكر تفاصيل شهر عسله والله( بصلو ) Laughing Laughing Laughing
يا جماعة والله الناس كلها ما كعبة لكن الدنيا دي فيلم لا نهايه له
واعتذاري الشديد للذين خدشنا احاسيسهم دون قصد, لهم ولكم العتبى حتى ترضوا

خالص مودتي

EL-Gassiim
إمتدادي أصيل

عدد المساهمات : 32
تاريخ التسجيل : 29/08/2009
الموقع : الرياض

الرجوع الى أعلى الصفحة اذهب الى الأسفل

رد: برلوم المنتدي من الصحافة يا ناس الامتداد لكنو ( امتدادي بالتجكيس)

مُساهمة من طرف محمد عبد الصادق في الإثنين أغسطس 31, 2009 2:06 pm

التحيات لله
حبيبنا القاسم سلامات و رمضان كريم
لا تتضايق ولا تاخد علي خاطرك هو مجرد راي و رد
ما عايز اعكنن علي احد
لكن التجكس و الجكيس ؟؟؟
مش هم ديل اخواتي و اخواتك هل الموضوع فعلا
بسيط ومافيه شئ و عادي و انا المعقد نفسيا
و اذا كده خلاص كل واحد يدينا تفاصيل جكسويتو
اسمها ساكنه وين اخت منو طالما انه عادي
والا ؟؟؟
ولا في حد تاني عندو راي

رمضان كريم

محمد عبد الصادق
إمتدادي أصيل

عدد المساهمات : 28
تاريخ التسجيل : 08/08/2009

الرجوع الى أعلى الصفحة اذهب الى الأسفل

رد: برلوم المنتدي من الصحافة يا ناس الامتداد لكنو ( امتدادي بالتجكيس)

مُساهمة من طرف EL-Gassiim في الإثنين أغسطس 31, 2009 2:34 pm

الحبيب محمد عبد الصادق يا اخوي والله عادي نختلف ونتفق زي كل العالم والناس - الذي نتحدث عنه ثقافة سادت اياما وسنين فذدهت ايامنا بها تغزلا فاصبحنا لانهتم لقول العزل -لقول الشاعر والاغنية الشهيره-

انت لو ما عندك مانع تدينا الاسماء والاوصاف نحن ما عندنا مانع
الاخو محمد عبد الصادق ما في واحد عرس اخنه وكتير من الشباب اتزوج من جكسايته كان ما من الاولى من الثانيه

هذا سر الحياة تختلف المسميات بين الدول والاجيال وتختلف طريقة الفهم ولكن الموضوع نهايته ( عرس الزين ) وهذه هي سنة الحياة
ارجو ان لا تكون من اولئك الذين قد خدشت حياؤهم

محبتى و ودادي

EL-Gassiim
إمتدادي أصيل

عدد المساهمات : 32
تاريخ التسجيل : 29/08/2009
الموقع : الرياض

الرجوع الى أعلى الصفحة اذهب الى الأسفل

رد: برلوم المنتدي من الصحافة يا ناس الامتداد لكنو ( امتدادي بالتجكيس)

مُساهمة من طرف EL-Gassiim في الإثنين أغسطس 31, 2009 2:40 pm

محمد عبد الصادق كتب: التحيات لله
حبيبنا القاسم سلامات و رمضان كريم
لا تتضايق ولا تاخد علي خاطرك هو مجرد راي و رد
ما عايز اعكنن علي احد
لكن التجكس و الجكيس ؟؟؟
مش هم ديل اخواتي و اخواتك هل الموضوع فعلا
بسيط ومافيه شئ و عادي و انا المعقد نفسيا
و اذا كده خلاص كل واحد يدينا تفاصيل جكسويتو
اسمها ساكنه وين اخت منو طالما انه عادي
والا ؟؟؟
ولا في حد تاني عندو راي

رمضان كريم

ابقي قريب يا ود عبد الصادق اراءك ممكن تكن مهمه
جدا وبتشجع على المواصله
محبتى

EL-Gassiim
إمتدادي أصيل

عدد المساهمات : 32
تاريخ التسجيل : 29/08/2009
الموقع : الرياض

الرجوع الى أعلى الصفحة اذهب الى الأسفل

رد: برلوم المنتدي من الصحافة يا ناس الامتداد لكنو ( امتدادي بالتجكيس)

مُساهمة من طرف مدثر قرجاج في الإثنين أغسطس 31, 2009 8:43 pm

يامحمد الصادق رمضان كريم عليك وتحياتى القلبيه لاخونا قاسم الرايع
اول شى يا محمد ده بوست روحى جميل لانو يتحدث عن ايام كلها نقاء وصفاء
بعدين يااخوى الجكس والتجكيس ابدا ماجريمه او تشويه للسمعه او كل الحاجات
الاخرى التى ذهبت اليها انما هى لحظات تتجلى فيها الارواح وتتعانق فيها الانفس
فى مشاوير رايعه بين الصحافه والامتداد وفى ذلك الزمن الجميل الذى ذهب اليه
اخونا قاسم كان الزول بيكون حريص على الجكس بتاعتو اكتر من اى شى تانى
وعلى استعداد ان يفديها بحياته لو لزم الامر وربما حارب من اجلها عشرات الاشخاص
بعدين كم هائل من ذلك التجكيس الذى هاجمته توج الى علاقات زوجيه انجبت اجيال
اليوم بعدين ماعندنا مانع ان نكشف عن تلك العلاقات فى ذلك الزمن بالاسماء لكن لظروف
الفشل الذى قد الم ببعض العلاقات ومن ثم راح كل زول لى حال سبيلو لايجوز الخوض فيه
وانا عن جد مستغرب جدا ان تطلب اسماء الجكس واسماء الاخوان كمان بالغت عديل.. وهو طلب اعتقد ينتفى
فيه المنطق وربما حاولت ات تربط ببن ذكر الاسماء و الخطأ فى الخوض فى موضوع التجكيس لكن اقول
ليك بكل صراحه كل يحتفظ باسم جكسيه فى وجدانه ماسمعت ابو عركى بيقول (بخاف اسأل عليك الناس
سر الريده البينا يذيع ) يعنى سؤال ساكت ماممكن خليك من الاسماء
يعنى مافى زول بجكس واحده ويعمل ليها اعلان ودق جرس ...بعدين يامحمد بينى
وبينك كده قلبك ده قبلى كده ماوجعك وجكستا ومشيت مشاوير من الصحافه للأمتداد او العكس ...يااخوى
انت مامعقد ولاشى بس حساس زياده عن اللزوم ولو شفت الجيل الهسه ده حاتزهلل عديل كده....
بقى ان تعرف اخونا القاسم انه كان يحبها بعمق قبل سنوات وكانت تسكن بجوار منزلهم ولظروف الحله وكده كان لايستطيع
التحدث اليها ولكننى لمست ذلك الحب الجميل فى تلك النظره التى كانت تبادله له وهى فى طريقها للدكان وعندما تعود
تكتفى بالنظر للارض لكننى بدهاء الثعالب استدرجته فى ذلك المساء ولم يجد سبيل غير ان يبوح لى بحبه الكبير وعندما حاولت
ان اتبين اين يلتقيها قال لىSad والله ماعندى مكان ) فاقترحت عليه بقالة تانا ومن هناك بدأت الحكاية التى انتهت بالزواج وحتى هذه اللحظه مازال ممتنا لى......ياخى الحنان ده مافى زيو .......وبرضو كلامى ده بعد التراويح والمامصدقنى يقرا الساعه فوق ه
ياالقاسم عليك الله واصل خلينا نفرح شويه


لقيتو واقف منتظر تشتاق عيون لطلعتو .. . نفس الملامح والشبه المشيه زاته وقدلتو

اللفته والتوب والقوام اوصاف حبيبو وروعتو لكن اه يبلغ من الشبه اربعين
ياربي جيت قبل الميعاد ..
وللا الزمن غفلني زاد
قصة يغيب ما اظن تكون ..
وما اظن تطوف يوم في اعتقاد
جاييهو من مشوار بعيد ..
كايس عليهو بلاد بلاد
مرسالو لي دايماً بقول ..
ارجاهو في نفس الميعاد
*****
انا ديمة يا أجمل ميعاد ..
راجيك وانت علي تطول
امشي واكوس في كل بيت ..
واسأل صحابو وكل زول
يقول لي هنا هسا كان ..
عنك بيسأل وليك بقول
ارجاه في نفس الميعاد
ما اظنو تاني عليك يطول

مدثر قرجاج
الإدارة العامة
الإدارة العامة

عدد المساهمات : 212
تاريخ التسجيل : 08/06/2009

الرجوع الى أعلى الصفحة اذهب الى الأسفل

رد: برلوم المنتدي من الصحافة يا ناس الامتداد لكنو ( امتدادي بالتجكيس)

مُساهمة من طرف EL-Gassiim في الثلاثاء سبتمبر 01, 2009 12:50 pm

مدثر قرجاج كتب:كان الزول بيكون حريص على الجكس بتاعتو اكتر من اى شى تانى
وعلى استعداد ان يفديها بحياته لو لزم الامر وربما حارب من اجلها عشرات الاشخاص
ل
والله يامدثر زى ما قلت ليك فوق انت شكلك كده فرده قديم وقلبو حار وحتى الجماعة القلبهم كبير (هرشات) زي ما اتفضلت في مواضيع الجكس دي فجاة بتلقاهم اسود لايسمحون لأي كان من ان يقترب من( لبواتهم )
[quote="الفشل الذى قد الم ببعض العلاقات ومن ثم راح كل زول لى حال سبيلو لايجوز الخوض فيه
وانا عن جد مستغرب جدا ان تطلب اسماء الجكس واسماء الاخوان كمان بالغت عديل.. وهو طلب اعتقد ينتفى[/quote]

طبعا ماممكن خالص ليس للادب فقط بل الغيره واشياء كثيرة اخرى
الرائع مدثر اخونا محمد عبد الصادق راجل اخو بنات وعشاء بايتات - اذا كان عاش جزء من طفولته يره الامتداد يعني جهة الشمالية والله غيرها بيكون كل كلامه في محله.
التحايا لكم محمد ومدثر وبالله ماتحرمونا روح مشاركتكم الغالية

EL-Gassiim
إمتدادي أصيل

عدد المساهمات : 32
تاريخ التسجيل : 29/08/2009
الموقع : الرياض

الرجوع الى أعلى الصفحة اذهب الى الأسفل

رد: برلوم المنتدي من الصحافة يا ناس الامتداد لكنو ( امتدادي بالتجكيس)

مُساهمة من طرف EL-Gassiim في الخميس سبتمبر 03, 2009 10:03 am

برقيات للحبان :
- مدثر قرجاج مرت اكثر من( شراب مويتين) Laughing ولم تظهر الحكايه شنو.. ليك وحشه والله

- يحي حمد سعيد حامد النضيف ,وينك يا راقى منتظرين تعليقاتك اللذيذه

- محمد عبد الصادقايها الحبيب( انت بهار السبكة) لابد من وجودك ادينا طله bounce طله bounce وانسانا بس ماتنسانا مره واحده كده .. وانا بهدي ليك اغنية الكاشف باسم الحب عشان تسمعها وتديني رايك فيها والاغنيه مطلعها
كا لاتي
باسم الحب اقدم ليك حياتي
حياتي ومعاها العاطفة النبيله

محبتي الاكيده

EL-Gassiim
إمتدادي أصيل

عدد المساهمات : 32
تاريخ التسجيل : 29/08/2009
الموقع : الرياض

الرجوع الى أعلى الصفحة اذهب الى الأسفل

رد: برلوم المنتدي من الصحافة يا ناس الامتداد لكنو ( امتدادي بالتجكيس)

مُساهمة من طرف مدثر قرجاج في الخميس سبتمبر 03, 2009 10:53 am

التحايا النواضر (القاسم)
عندى صديق امتدادى رهيب جدا من اولاد مربع من 1 لحدى 14 وهو الان بمدينة الدوحه من هنا ارسل له اسمى
ايات الشوق والاحترام وكل الكلمات المليانه حاجات حلوة ،وصحبى ده بدأ مشاوير الحب بتاعتو عندما كان يافعا
بين الامتداد والصحافه ،مشاوير لم تتعدى خور جانقى، وعندما اشتد عوده وقوى ونضج امتدت المشاوير اكثر واتسعت
المسافات ،،فقد احبها عندما حضرت اليهم فى جامعة النيلين زيارة عاديه وهى اصلا كانت تدرس فى الجامعه الاهلية
ولأنها كانت ظريفه جدا وتحب كل الناس، احتوته سريعا وصاحبى ماصدق خش بتقلو وبعد خمسه شهور من العلاقه بقى يقطع مشوار يومى بين الجامعه الاهلية والنيلين وهو ممتلى بالسعاده،

و فى يوم مسائى امتدادى لذيذ صرح لى وقال: عندما كنت استفسر منه كيف يقطع كل هذه المسافة البعيده يوميا (والله مابشعر بالمشوار كانو بس من الامتداد للصحافه) كان هذا هو رده الذى جعلنى فى حيرة من امرى ولكننى قلت فى نفسى ربما الحب بقصر المشاوير ويجعل مشوار من الامتدادلحدى امبده يبدو كانه من الامتداد للصحافه وعندما سألته عن صعوبة المواصلات فى تلك الايام والدفس والرفس فى البص السياحى رد على بأنه لايحس بشى بل يلقى بنفسه فى وسط الزحمة بكل اريحيه واذكر حينها انه قال لى ايضا بكل انفعال (لمن تكون ماشى لزول بتحبى بتحس انك بتحب كل الناس )وعندها حاولت ان استوعب اكثر فقلت له كيف يعنى؟؟؟ رد على وانفاسه بدأت تتلاحق (يعنى مثلا الزحمه الانت بتقول عليها دى ان بحس بيها كأنو الناس بتتلم حولى عشان تهنينى علي حبى ليها) استغربت جدا من حديثه ولكننى لمست فيه شى من اللذه والروعه وبدأت مشاعرى وكأنها تتفتح...................

غدا نواصل فى مشوار جديد ونرى هل دامت هذه السعاده
وكلامى ده ياقاسم بعد السحور عديل كده.....................مودتى

مدثر قرجاج
الإدارة العامة
الإدارة العامة

عدد المساهمات : 212
تاريخ التسجيل : 08/06/2009

الرجوع الى أعلى الصفحة اذهب الى الأسفل

رد: برلوم المنتدي من الصحافة يا ناس الامتداد لكنو ( امتدادي بالتجكيس)

مُساهمة من طرف EL-Gassiim في الخميس سبتمبر 03, 2009 12:05 pm

[quote="(لمن تكون ماشى لزول بتحبى بتحس انك بتحب كل الناس )وعندها حاولت ان استوعب اكثر فقلت له كيف يعنى؟؟؟ رد على وانفاسه بدأت تتلاحق (يعنى مثلا الزحمه الانت بتقول عليها دى ان بحس بيها كأنو الناس بتتلم حولى عشان تهنينى علي حبى ليها) استغربت جدا من حديثه ولكننى لمست فيه شى من اللذه والروعه وبدأت مشاعرى وكأنها تتفتح...................

والله يا مدثر ده كلاما غلاد غلاد ما بيتفهم للناس من طرف و صاحبك ده شكلوا كده احساسو عالي جدا بالحب البان في لمسة ايد Arrow التحايا اليانعات لك وله

وقالو في المثل البيحب لبهو واحدة بيحب حتى غنمايتهم وموية بلاعتهم والحمام الراكي في راس بيتهم وكل شيء من طرفهم
وكما قال الشاعر
احبها وتحبني .. وتحب ناقتها بعيري
ياخي كلامك ده جميل والقصه بتاعت صاحبك ده جديره بالمتابعه بالله واصل وما ترجينا شراب المويات بتاعك ده Laughing

محبتي

EL-Gassiim
إمتدادي أصيل

عدد المساهمات : 32
تاريخ التسجيل : 29/08/2009
الموقع : الرياض

الرجوع الى أعلى الصفحة اذهب الى الأسفل

رد: برلوم المنتدي من الصحافة يا ناس الامتداد لكنو ( امتدادي بالتجكيس)

مُساهمة من طرف اسامة الزبير في الخميس سبتمبر 03, 2009 12:06 pm

.

اسامة الزبير

عدد المساهمات : 4
تاريخ التسجيل : 29/08/2009

الرجوع الى أعلى الصفحة اذهب الى الأسفل

رد: برلوم المنتدي من الصحافة يا ناس الامتداد لكنو ( امتدادي بالتجكيس)

مُساهمة من طرف EL-Gassiim في الخميس سبتمبر 03, 2009 12:17 pm

0
يا ود الزبير
تحياتي زميلي اسامه الزبير ( دي زمالة شغل بس والله العطيم اسامه ده لمن كان في المتوسط انا كنت ود طهور يادوب Laughing Laughing ) وزملانا من اولاد الامتداد ان دعى الامر قادرون على الحكم بيننا
ود الزبير بالله خليك قريب عشان تهش لي الضبان Laughing Laughing Laughing
قاسم

EL-Gassiim
إمتدادي أصيل

عدد المساهمات : 32
تاريخ التسجيل : 29/08/2009
الموقع : الرياض

الرجوع الى أعلى الصفحة اذهب الى الأسفل

رد: برلوم المنتدي من الصحافة يا ناس الامتداد لكنو ( امتدادي بالتجكيس)

مُساهمة من طرف EL-Gassiim في الأحد سبتمبر 06, 2009 1:05 am

مدثر قرجاج كتب:
غدا نواصل فى مشوار جديد ونرى هل دامت هذه السعاده
وكلامى ده ياقاسم بعد السحور عديل كده.....................مودتى

وينك يا ود فرجاج منتظرين المشاوير الجديده ونتلهف لدوام السعاده لصديقنا العزيز طلتك غاليه يا مدثر
والبوست ده نفسك فيهو ليهو نكهة منتظرين طلتك البهيه

EL-Gassiim
إمتدادي أصيل

عدد المساهمات : 32
تاريخ التسجيل : 29/08/2009
الموقع : الرياض

الرجوع الى أعلى الصفحة اذهب الى الأسفل

رد: برلوم المنتدي من الصحافة يا ناس الامتداد لكنو ( امتدادي بالتجكيس)

مُساهمة من طرف مدثر قرجاج في الثلاثاء سبتمبر 08, 2009 8:53 pm

قاسم انشاالله طيب
طبعا صحبى بتاع الدوحه ده سار تلك المشاوير الرهيبه والعجيبه التى امتلئت حينها بالزحمه ليست زحمة الجموع انما زحمة الحب التى ملئت قلبه وضجيج الاشواق وكتاحة الحب التى ظلت تغطى كل الامكنه من حوله فصار لايحس بكل هذا الرهق الذى يمتد من النيلين الى الاهلية كان فى كل يوم يمتلى بها لدرجة انه كان يتصور ان الناس تغازله على هذا الامتلاء فكان يتخيل كل الناس تبتسم له وكل الذين حوله يرصدونه بنظراتهم ،،،وحينما كان يأتى فى المساء ويسامرنى بكل هذه العبارات كنت بكون مبسوط شديد لهذه الاحاسيس الرائعه لاننى كنت احب الحب منذ سنوات طويله والذين يحبون الحب دائما مايستمتعون بهذه المشاوير ...ورغم ذلك كنت على يقين بان هناك حلقه مفقوده فى الموضوع وكنت احس دائما باننى فى حاجه كى اسمع منها كما سمعت من صحبى قيس ده ...وفى ذات ليله من ليالى السمر المليئة بالكلام الدافى والحنين الذى لاينقطع سألت صحبى سؤال ربما كان متأخر بعض الشى لكن المهم جانى فى راسى فجاه وقلت ليه (انت طرحت ليها) ولم يلبث صاحبى ان تململ قليلا وهو يعتدل فى جلسته وبدأ اكثر اهتمام وهو يرد على (طرحت ليها شنو؟ ) استغربت وهو يجيب على سؤالى بسؤال فتنهدت فى ضجر وانا اجيبه (يعنى رميت بياضك) فضحك فى مرح وهو يقول لسه والله لكن انا حاسى انها بتبادلنى نفس الشعور تعجبت كثيرا وصرخت فى وجهه (انت منتظر شنو ياخ قول ليها انا بريدك وكده) وبعد سجال دام بينى وبينه الى منتصف الليل صحبى اقتنع بالفكره وحدد يوم الخميس الجاى كى يرمى بياضه بعد كل هذه الشهور ويايوم بكره ماتسرع تخفف لى نار وجدى وكان خميس لاينسى ابدا......والى مشوار اخير نتواصل
القاسم لك الود....بعد الافطار مباشرة عشان.......

مدثر قرجاج
الإدارة العامة
الإدارة العامة

عدد المساهمات : 212
تاريخ التسجيل : 08/06/2009

الرجوع الى أعلى الصفحة اذهب الى الأسفل

رد: برلوم المنتدي من الصحافة يا ناس الامتداد لكنو ( امتدادي بالتجكيس)

مُساهمة من طرف EL-Gassiim في الأربعاء سبتمبر 09, 2009 11:25 am

[quote="مدثر قرجاج"] وحدد يوم الخميس الجاى كى يرمى بياضه بعد كل هذه الشهور ويايوم بكره ماتسرع تخفف لى نار وجدى quote]:
الجنوبي قالو حب ليهو واحدة وقال ليها هواء (حواء) والله ان بنهبك ياك(ياخ) والله ناكل ليك لبان بي كشمك كمان ..ياك انا بموت فيك وايز نشوك قالت ليه خلاص بكره الســـــ9ــــــــــاعة بالليل صاحبك اليوم داك ما نام ومن سته صباحا في الشارع كل مره يجي واحد ماري بيهو يسألو ساءه كم يقول الساعة سته ونص يديها صنه يجي واحد تاني ساءه كم ..الساعة سبعة الا ربع ..كم سبعة وريع ... ثمانية..ثمانيةوربع ..سأل ليه واحد الساعة كم رد عليهو الســـ9ـــــاعه صاحبك بدون ما يشعر ويصوت عالي تسئه بالليل
ههههههههههههههههههههه
مدثر
تعرف لمن الواحد يكون قاطع ليهو يوم زي ده بتكون في فرحه في القلب كأنو بكره ده بعييييد لو تًذكر يوم الوقفه بالليل بتكون في فرحه كده بتودر النعاس والنوم والتعب - كذلك لما تكون بتحب ليك واحده ونجحت في عمل اول مواعيد الدنيا ما بتشيلك لكن انت ممكن تشيلها و صاحبي المحامي صلاح الله يديوه العافيه قبل كده (في مرحلة الجلوس جنب العمود ) بين الثانوي والجامعة وطبعا المرحلة دي كانت بتستمر من سته شهور على الاقل الي سنتين الجماعه بتاع المنح والبعثات والعايدين والمنازل - المهم صلاح ده حب ليهو واحده وكان زول حنكو علي قدرو طلب الدعم الفني واللوجستي و -يقصر الملح- ساعدته للاخر وفي اول تحديد للمواعيد معاها جاء و ما مصدق عيونو - والله يا مدثر الزول ده شايلاني ليك من جنب العمود الجنب بيتهم لغاية بيتنا مشوار بتاع ثلاثة دقائق وما رضى ينزلنا الا جنب سريري في البيت و طول السكه يهتف باسمي - يا قاسم يا فرده- يا قاسم يا فرده وحتى الشفع الصغار في الشارع مستغربين الرجال الكبار ديل مالوم واحد فيهم قال لي " يا هيي هيي انت جبت قون في ناس منو "
ما قدرت ارد ليه لانو صوت اخونا صلاح وهتافه كان اعلي - فرحا بقرايتو للجيكس وطبعا اكيد لانو الجكس رقد قش المهم جلست انا اليوم داك زي الفكي واي حاجه طلبتها من صلاح عملها سجائر سعوط بيبسي مراسيل للمزيره
و و الله العظيم حتى عصير الرجلين بتاعي اليوم داك كان عليه واستمرت الحكاية - اربع سنبن عاشهم الحب........ وتصدق اخوووووووونك affraid كلو ذهب مع الريح اخونا صلاح كان عينو طايره و ما عندو قرار والعيب ما من البنيه و اقول ليك شئ يا مدثر اختلفت مع الرجل بعد انفصالهم والي يومي ويومك لم تعد علاقتنا الي ما كانت عليه لانو انا كنت من انصار التركيز والتصويب والعبره بالخواتيم وهو لم يكن لديه قرار .. كان يترك الامور علي عواتيها

بالتأكيد .. لنا عودة

EL-Gassiim
إمتدادي أصيل

عدد المساهمات : 32
تاريخ التسجيل : 29/08/2009
الموقع : الرياض

الرجوع الى أعلى الصفحة اذهب الى الأسفل

رد: برلوم المنتدي من الصحافة يا ناس الامتداد لكنو ( امتدادي بالتجكيس)

مُساهمة من طرف مدثر قرجاج في الخميس سبتمبر 17, 2009 2:20 am

فى مثل هذا الخميس وقبل سنوات مضت وفى جو خريفى جميل مافيهو طمبجه صحبى قشر تمام وسكب على ملابسه مايقارب الاتنين كيلو ريحه من تلك العطور الفخيمه التى نستخدم الفتيل الواحد منها سنوات وسنوات وربط القاش واهتم ان يحمل قطعة قماش صغيره او مايسمى (الكهنة) وبعد كل ثلاثه خطوات كان ينحنى ويستخدم هذه الكهنة فى نظافة حذائه الجميل البراق ولم ينسه ذلك ان يحمل تلك المناديل المعطره ومع برودة الجو حينها الا انه كان يستخدم المنديل من حين الى اخر على امل ان يضيف ذلك الى وجهه القبول الذى ينشده من هذا المشوار الرهيب......
وفى مساء نفس الخميس عاد من مشواره وعلى ما اذكر التقيته وانا اكثر لهفة منه لمعرفة عن ماذا اسفرت تلك المباراة الرهيبه لكننى ماان وقعت عيناى عليه حتى ادركت ان صديقى قد انهزم 7 \صفر وسألته فى لهفة وانا انتظر ان يسرد لى كل الاحداث بسرعه ،،،انتظرته حتى اخذ انفاسه وتنهداته واشعل سجارة البرنجى التى استغربتها فى ذلك اليوم فقد تعود صديقى على البينسون ولكن يبدو ان الصدمه اشعلت فى دواخله نوع اخر من انواع السجاير اكثر سخونه واشد تأثير كان التأثير يبدو واضح على وجهه ولم يسبف لى ان رايته على هذه الحالة من الاكتئاب .....................

مدثر قرجاج
الإدارة العامة
الإدارة العامة

عدد المساهمات : 212
تاريخ التسجيل : 08/06/2009

الرجوع الى أعلى الصفحة اذهب الى الأسفل

رد: برلوم المنتدي من الصحافة يا ناس الامتداد لكنو ( امتدادي بالتجكيس)

مُساهمة من طرف EL-Gassiim في الإثنين سبتمبر 21, 2009 9:21 pm

الاخ مدثر تحياتي وكل عام وانت والجميع بخير وعافية قصة اخونا بتاع قطر دي دخلت المحك وعملت ليها شوية شحتفة بلها تمها خلينا نشوف حاجات تانية وما يهمك اذا كان فيها شاكوش ولا غيره لانو ريسنا دي مليانة شواكيش بس ما كان فيها مشاوير من النيلين للاهلية نحن حدودنا كانت الصحافة الامتداد العشرة جبره وبالعكس .. بعدين لمن كبرنا شويه وعملنا ليا عربات بدأت المشسافات تتسع والله مره كده لقيت نفسي في الحلاوين جنب الحصاحيصا بس ربك ستر وجابها سليمة
الكوت التحت ده ماكذبت فيه وقربت من الواقع لدرجة ادهشتني عنما قرأته

مدثر قرجاج كتب:
بقى ان تعرف اخونا القاسم انه كان يحبها بعمق قبل سنوات وكانت تسكن بجوار منزلهم ولظروف الحله وكده كان لايستطيع
التحدث اليها ولكننى لمست ذلك الحب الجميل فى تلك النظره التى كانت تبادله له وهى فى طريقها للدكان وعندما تعود
تكتفى بالنظر للارض لكننى بدهاء الثعالب استدرجته فى ذلك المساء ولم يجد سبيل غير ان يبوح لى بحبه الكبير وعندما حاولت
ان اتبين اين يلتقيها قال لىSad والله ماعندى مكان ) فاقترحت عليه بقالة تانا ومن هناك بدأت الحكاية التى انتهت بالزواج وحتى هذه اللحظه مازال ممتنا لى......ياخى الحنان ده مافى زيو
بس كمل لينا موضوع صاحبك لانو البوست ده عايزين نجنح بيه من مرحله لمرحله تانية يمكن الناس يستفيدوا منها
ومن هسه فكروا معاي في ماهية محاسن ومساوي زواج بنت الجيران؟ ومحاسن ومساوئ الزواج من المناطق البعيده؟
وبجيكم راجع احكي ليكم تجربتي

EL-Gassiim
إمتدادي أصيل

عدد المساهمات : 32
تاريخ التسجيل : 29/08/2009
الموقع : الرياض

الرجوع الى أعلى الصفحة اذهب الى الأسفل

رد: برلوم المنتدي من الصحافة يا ناس الامتداد لكنو ( امتدادي بالتجكيس)

مُساهمة من طرف مدثر قرجاج في الخميس أكتوبر 01, 2009 2:13 am

قاسم كل سنه طيب
واسف ظروف حالة دون المضى الى نهاية المشوار
راجع ليك

مدثر قرجاج
الإدارة العامة
الإدارة العامة

عدد المساهمات : 212
تاريخ التسجيل : 08/06/2009

الرجوع الى أعلى الصفحة اذهب الى الأسفل

صفحة 1 من اصل 2 1, 2  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى