حواء بت الخضر ود كنيش نازلي الخرطوم
+6
مدثر قرجاج
محمد عبد الرحيم قسم الله
محمد مصطفى
عمر شيخ الدين الزبير
بنقوري
طارق جبريل
10 مشترك
صفحة 1 من اصل 2
صفحة 1 من اصل 2 • 1, 2
حواء بت الخضر ود كنيش نازلي الخرطوم
(السفر للخرطوم)
- اقولك شنو يا طارق ولدي
- ياخي احكيلي جيتك انت وعمي مكاوي للخرطوم.. قالوا سويتيلك فضائح
- هههههههههههه والله يا ولدي سوطلي جنس سواطي أصلها ما ليها حد
- النبي فيك يا عمتي تحكيلي
- خلني النبدالك بالقطر
- من محل ما عاجبك
- جاء عمك مكاوي يا ولدي قالي يلا نمشي الخرطوم عند عمك الامين الله يرحمه
المهم يا ولدي ناديت عمتك فاطني وقعدنالنا يومين نسومي في قراصة التمر ونجهز في الشرموط والطعمية وسلقنالنا جردل أليل بيض
- دة كله للقطر
- أييي يا ولدي نان هو كان قطر نصاح كل شبرين يخسر
- هههه اها
- المهم يا ولدي جهزنا تصاريحنا وعمك حجزلنا في درجة تالتة المنتازة
- الشي اسمها الممتازة
- انا شن عرفني تراني اسمع فيهم يقولوا المنتازة
- ههههههه اها
- المهم يا ولدي اتحرك القطر من كريمة وكان يوما حاااار اتفسخنا فسخ لامن اتحرك... يا دوبو فات كحيلة بي شوييي كدي وقام اتكسر ووقف
- في الحر داك
- نان يا ولدي هو جنس حر وسموم... وتعال شوف امة الله دي ماها ماكلي البيض المسلوق ونص الجرادل لليلي ملياني...
والله يا ولدي انا نخريني من العفني باقيلي بقن حُمُر...
باقي الناس دفستها بيض وبقت تتنفس من لاااا تحت وفوق
- الله يقلعك يا عمتي
- عاد يا ولدي اكذب عليك... يمين درجة تالتة بقت علي المستراح...
وامة الله دي تقول عمرها ما ضاقت الزاد قبل دة.. بالله مع حركة القطر كدي والناس كبست علي زوادتها وجرادلها...
وشي واحدين حتى البقنية شايلنها
- مولد يعني
- اسكت ساكت... اللذيذي يا ولدي قاعدي جنبي ويحيدتا من الاراك...
عندها شافعين... الكبير صاقعلها: يمة محمد باقيلي سوالو شي في سرواله... هههههههههههههههه
وهي تقرص فيهو يا ولدي لامن جضومه حمرن...
وهو شابكها: نان يمة العفني من وين...
والله يا طارق ولدي انا ضحكت لامن بكيت وقلتلا: ايي خليه مسكين ماهو عارف درجة تالتة كلها ملياني بيض مسلوق...
قامت يا ولدي لقتو للشباك فشان يسكت...
- اها
- المهم يا ولدي من هني لاااا هني القطر اتحرك وصل عطبرة دغشا بدري كدي... نزلنا انا وعمك مكاوي...
لقينالنا واحدا يكورك علي الباسطي: زي السمنة وكدة... قلتلو عليك الله يا مكاوي اشتريلنا شوي من الشي الزي السمنة وكدة دة...
خليتو واقف معاهو ومشيت غسلت رجليني في مواسير عطبرة المقلعات عيونن لاااافووق ديك.. ومع رفعة عيني يا ولدي أكان اشوفلك في القطر يتحرك وبقيت ابييييبي...
- كيفن
- اتاريهو القطر يا ولدي اتحرك بس عشان يغيروا الراس...
وانا ضربت السكلي وبقيت امنح:
وووب علي.... وااامغستي علي الزوادي البعوس فيها يومين...
انا تاني اجيبلي توب زرواق من وين....
وقزازتي ألت الخومري داساها من انا فتاة...
وامة محمد دي اتكبست فيني... وانا اوجوج
ربك رب الخير جاب عمك مكاوي... اصلو ما قرب يدقني... ودعاني جنس دعايا
- هههههههههههه انت نان اللفحي العليك شنو
- تقول شنو يا ولدي... المهم اصبحت الدنيي... والقطر اتحرك تالت يوم وصلنا الخرطوم نصت نهار...
واصلو يا ولدي ناس الخرطوم دي بس مع وقفة القطر ينجارو هني وهني.. علي السواسيو وكتين تكون ساديهن في صفيحي وتفكهن...
- اها... غايتو ماك نصيحي
- بس يا ولدي نزلنا طرودنا وشنطنا وعمك مكاوي قالي عمك الامين ولا ابوك جبيرين ولا عمك حسن عندهم تكاسي صفر وبيجي واحد فيهم يسوقنا...
قمت قعدت في كرتونة ألت تمود وبقيت اتفرج في خلق الله دي
وانا ماني غبياني قايلي التكسي دة فِرِد واحد في الخرطوم...
اشوف فيهن يجن ويشيلن خلق الله ويمشِن... ،عمك واقف في بكانو...
قمت قلتلو: انت الخرابة التكسي العلي مُحاية البيض دة ما تراهو يحوقص ويرجع تاني.. اصلو ما فيهو واحد من اخوانك ديل يجي يودينا...
يا ولدي حمرلي.. وباقيلي ان كنا مانا في المحطة كان ضبحني شخخخخخخ
- اقولك شنو يا طارق ولدي
- ياخي احكيلي جيتك انت وعمي مكاوي للخرطوم.. قالوا سويتيلك فضائح
- هههههههههههه والله يا ولدي سوطلي جنس سواطي أصلها ما ليها حد
- النبي فيك يا عمتي تحكيلي
- خلني النبدالك بالقطر
- من محل ما عاجبك
- جاء عمك مكاوي يا ولدي قالي يلا نمشي الخرطوم عند عمك الامين الله يرحمه
المهم يا ولدي ناديت عمتك فاطني وقعدنالنا يومين نسومي في قراصة التمر ونجهز في الشرموط والطعمية وسلقنالنا جردل أليل بيض
- دة كله للقطر
- أييي يا ولدي نان هو كان قطر نصاح كل شبرين يخسر
- هههه اها
- المهم يا ولدي جهزنا تصاريحنا وعمك حجزلنا في درجة تالتة المنتازة
- الشي اسمها الممتازة
- انا شن عرفني تراني اسمع فيهم يقولوا المنتازة
- ههههههه اها
- المهم يا ولدي اتحرك القطر من كريمة وكان يوما حاااار اتفسخنا فسخ لامن اتحرك... يا دوبو فات كحيلة بي شوييي كدي وقام اتكسر ووقف
- في الحر داك
- نان يا ولدي هو جنس حر وسموم... وتعال شوف امة الله دي ماها ماكلي البيض المسلوق ونص الجرادل لليلي ملياني...
والله يا ولدي انا نخريني من العفني باقيلي بقن حُمُر...
باقي الناس دفستها بيض وبقت تتنفس من لاااا تحت وفوق
- الله يقلعك يا عمتي
- عاد يا ولدي اكذب عليك... يمين درجة تالتة بقت علي المستراح...
وامة الله دي تقول عمرها ما ضاقت الزاد قبل دة.. بالله مع حركة القطر كدي والناس كبست علي زوادتها وجرادلها...
وشي واحدين حتى البقنية شايلنها
- مولد يعني
- اسكت ساكت... اللذيذي يا ولدي قاعدي جنبي ويحيدتا من الاراك...
عندها شافعين... الكبير صاقعلها: يمة محمد باقيلي سوالو شي في سرواله... هههههههههههههههه
وهي تقرص فيهو يا ولدي لامن جضومه حمرن...
وهو شابكها: نان يمة العفني من وين...
والله يا طارق ولدي انا ضحكت لامن بكيت وقلتلا: ايي خليه مسكين ماهو عارف درجة تالتة كلها ملياني بيض مسلوق...
قامت يا ولدي لقتو للشباك فشان يسكت...
- اها
- المهم يا ولدي من هني لاااا هني القطر اتحرك وصل عطبرة دغشا بدري كدي... نزلنا انا وعمك مكاوي...
لقينالنا واحدا يكورك علي الباسطي: زي السمنة وكدة... قلتلو عليك الله يا مكاوي اشتريلنا شوي من الشي الزي السمنة وكدة دة...
خليتو واقف معاهو ومشيت غسلت رجليني في مواسير عطبرة المقلعات عيونن لاااافووق ديك.. ومع رفعة عيني يا ولدي أكان اشوفلك في القطر يتحرك وبقيت ابييييبي...
- كيفن
- اتاريهو القطر يا ولدي اتحرك بس عشان يغيروا الراس...
وانا ضربت السكلي وبقيت امنح:
وووب علي.... وااامغستي علي الزوادي البعوس فيها يومين...
انا تاني اجيبلي توب زرواق من وين....
وقزازتي ألت الخومري داساها من انا فتاة...
وامة محمد دي اتكبست فيني... وانا اوجوج
ربك رب الخير جاب عمك مكاوي... اصلو ما قرب يدقني... ودعاني جنس دعايا
- هههههههههههه انت نان اللفحي العليك شنو
- تقول شنو يا ولدي... المهم اصبحت الدنيي... والقطر اتحرك تالت يوم وصلنا الخرطوم نصت نهار...
واصلو يا ولدي ناس الخرطوم دي بس مع وقفة القطر ينجارو هني وهني.. علي السواسيو وكتين تكون ساديهن في صفيحي وتفكهن...
- اها... غايتو ماك نصيحي
- بس يا ولدي نزلنا طرودنا وشنطنا وعمك مكاوي قالي عمك الامين ولا ابوك جبيرين ولا عمك حسن عندهم تكاسي صفر وبيجي واحد فيهم يسوقنا...
قمت قعدت في كرتونة ألت تمود وبقيت اتفرج في خلق الله دي
وانا ماني غبياني قايلي التكسي دة فِرِد واحد في الخرطوم...
اشوف فيهن يجن ويشيلن خلق الله ويمشِن... ،عمك واقف في بكانو...
قمت قلتلو: انت الخرابة التكسي العلي مُحاية البيض دة ما تراهو يحوقص ويرجع تاني.. اصلو ما فيهو واحد من اخوانك ديل يجي يودينا...
يا ولدي حمرلي.. وباقيلي ان كنا مانا في المحطة كان ضبحني شخخخخخخ
طارق جبريل- الإدارة العامة
- عدد المساهمات : 236
تاريخ التسجيل : 06/06/2009
رد: حواء بت الخضر ود كنيش نازلي الخرطوم
الاخ طارق جبريل ..... ازي الحال وكيفنك وكيف حالك يا اخوي
والله يا ود جبريل انت كنز (والكنز لايفنى )
يا اخي طارق وثق القصص دي عشان ما حد
يتعدى على هذه القصص ....مشكور على مجهودك الجبار
والف مليون تحية لك ولاسرتك
بنقوري
والله يا ود جبريل انت كنز (والكنز لايفنى )
يا اخي طارق وثق القصص دي عشان ما حد
يتعدى على هذه القصص ....مشكور على مجهودك الجبار
والف مليون تحية لك ولاسرتك
بنقوري
بنقوري- كبار الشخصيات
- عدد المساهمات : 619
تاريخ التسجيل : 09/06/2009
الموقع : مربع (4
رد: حواء بت الخضر ود كنيش نازلي الخرطوم
ودجبرين
سلام
والله مبالغه بيت كنيش ههههه
جيت من بره لقيت المره مشروطه بالضحك بقول ليها ماليك
تقول لي الله لا ركبنادرجه ثالثه ههههههه
سلام
والله مبالغه بيت كنيش ههههه
جيت من بره لقيت المره مشروطه بالضحك بقول ليها ماليك
تقول لي الله لا ركبنادرجه ثالثه ههههههه
عمر شيخ الدين الزبير- وسام الإبداع
- عدد المساهمات : 275
تاريخ التسجيل : 06/06/2009
الموقع : فرنسا
رد: حواء بت الخضر ود كنيش نازلي الخرطوم
درجة تالتة دي في الكورة (عفنة) ..
يديك العافية يا بت كنيش !!
يديك العافية يا بت كنيش !!
محمد مصطفى- .
- عدد المساهمات : 310
تاريخ التسجيل : 06/06/2009
رد: حواء بت الخضر ود كنيش نازلي الخرطوم
احمدجعفرعلي السنهوري كتب:الاخ طارق جبريل ..... ازي الحال وكيفنك وكيف حالك يا اخوي
والله يا ود جبريل انت كنز (والكنز لايفنى )
يا اخي طارق وثق القصص دي عشان ما حد
يتعدى على هذه القصص ....مشكور على مجهودك الجبار
والف مليون تحية لك ولاسرتك
بنقوري
بنقوري كيفنك ياخ
يا سيدي تبقى محاولة لنشر حكاوي البسطاء هنا
كل الود
طارق جبريل- الإدارة العامة
- عدد المساهمات : 236
تاريخ التسجيل : 06/06/2009
رد: حواء بت الخضر ود كنيش نازلي الخرطوم
عمر شيخ الدين الزبير اربا كتب:ودجبرين
سلام
والله مبالغه بيت كنيش ههههه
جيت من بره لقيت المره مشروطه بالضحك بقول ليها ماليك
تقول لي الله لا ركبنادرجه ثالثه ههههههه
يا عمر ياخ خلي المدام تنبسط آخرها كوم تراب
ليك وليها طولة العمر ان شاء الله
طارق جبريل- الإدارة العامة
- عدد المساهمات : 236
تاريخ التسجيل : 06/06/2009
رد: حواء بت الخضر ود كنيش نازلي الخرطوم
محمد مصطفى كتب:درجة تالتة دي في الكورة (عفنة) ..
يديك العافية يا بت كنيش !!
ود مصطفى بالغتة مع درجة ثالثة دي ياخي
طارق جبريل- الإدارة العامة
- عدد المساهمات : 236
تاريخ التسجيل : 06/06/2009
رد: حواء بت الخضر ود كنيش نازلي الخرطوم
- اها يا عمتي... وصلتوا كيفن
- شويتين جانا عمك الامين وصلنا لي بُكان ساكن في مكانا يقولولوا الحلي الجديدي
- ايي هو ما كان ساكن هناك
- المهم يا ولدي دخلنا ... سلام مرحب سلام مرحب.. قالولي قومي تستحمي
- اها
- فتحت شنطتي وشلتلي هدمايي وسروالا كنت مخيطاهو دابي قبل اجي
- الله يقلعك وسروالك دة شلتيهو قدام الناس كدي
- كيفن آآبشيلو وحاتك جديد من الدموريي واشتريتلي ليه لستك سمح من دكان العوضابي
- اها انا عارفك ماك نصيحي
- مشيت يا ولدي دخلت علي الحمام... اريتو حمام السرور مبلط بالاسمنت... وفيهو شيتا مدلدل نازل من السقف أليلو مقدقد كدي علي الكُمشة البيلقطوبا الزلابييي من الطوة
- ههههه اي اسمه الدُش
- المهم يا ولدي علقت هديماتي وبقيت افتش علي المويي... يا ربي اكوركلهم يجيبولي المويي من لااابرة.. وقعدت متمحني ماني عارفي الاسوي..
- نان اصلهم هم ما قالولك الحمام دة فيهو كدي وكدي وتفتحي الدش من هني وهني
- ما قالولي وانا ما سعلتهم يا ولدي... المهم لقيتلي شي علي الصُرة ألت الشافع مبنقر من الحيطي كدي.. وبقيت ابعبص فيهو... أكان يا ولدي المويي تجي نازلي فوقي شووووووووووو... وبقيت اسكلب..
- الله لا تكسبك مالك
- الشي... المويي جات منكبي فيني وفي راسي وانا ممشطاهو قبل اقوم والمساير عاجباتني وممسحاهن بالكركار
- نان انت اصلك ما اتكندكتي في القطر
- نان هو كنديك نصاح... بس يا ولدي راسي كنت رابطاهو زين فشان يبقالي ناير قدام ناس الخرتوم ديل.. المهم يا ولدي اتمشكت زين... وعندهم صابوني سمحي ريحتها علي الريفدور.. ومدِني ليفايي جديدي يمين بالحب أليلا..
- اها شن سويتي تاني
- جيت يا ولدي من الحمام... وقعدنا في الحوش في سراير سمحات كدي والملايات ألاتن يهبهِبن
وجابولنا قزايز ألات بستي كولا
- الشي اسمه الببسي
- انا شن عرفني يا ولدي... اها اشوف في الناس يشيلو في القزازي ويرجعوها تجي ناقصي... وانا يا ولدي دخلتها في خشمي ودخل لساني فيها.. ولامن طلعتو قال بووووو.. لامن خِجِل...
- نان شن سويتي
- يا ولدي اتمغستلي جنس مغسي... اشوف في الناس قزازتهم ماشي ناقصي وأنا ألتي في بُكانها.. اتاريني من غباي انا قاعدي ادخل فيها لساني يسدها وما يخلي النصيبي الفيها تنزل في حلقي...
- هههههههههههه اها
- يا ولدي مالك علي تذكرني النصايب دي
- عليك الله كملي
- غلبني يا ولدي اشرب النصيبي دي وقلتلم ساقطي ما قدِر عليها... وانا نفيستي فيها...ودة كله كوم ويوم خلوني براي في البيت كوم...
- شويتين جانا عمك الامين وصلنا لي بُكان ساكن في مكانا يقولولوا الحلي الجديدي
- ايي هو ما كان ساكن هناك
- المهم يا ولدي دخلنا ... سلام مرحب سلام مرحب.. قالولي قومي تستحمي
- اها
- فتحت شنطتي وشلتلي هدمايي وسروالا كنت مخيطاهو دابي قبل اجي
- الله يقلعك وسروالك دة شلتيهو قدام الناس كدي
- كيفن آآبشيلو وحاتك جديد من الدموريي واشتريتلي ليه لستك سمح من دكان العوضابي
- اها انا عارفك ماك نصيحي
- مشيت يا ولدي دخلت علي الحمام... اريتو حمام السرور مبلط بالاسمنت... وفيهو شيتا مدلدل نازل من السقف أليلو مقدقد كدي علي الكُمشة البيلقطوبا الزلابييي من الطوة
- ههههه اي اسمه الدُش
- المهم يا ولدي علقت هديماتي وبقيت افتش علي المويي... يا ربي اكوركلهم يجيبولي المويي من لااابرة.. وقعدت متمحني ماني عارفي الاسوي..
- نان اصلهم هم ما قالولك الحمام دة فيهو كدي وكدي وتفتحي الدش من هني وهني
- ما قالولي وانا ما سعلتهم يا ولدي... المهم لقيتلي شي علي الصُرة ألت الشافع مبنقر من الحيطي كدي.. وبقيت ابعبص فيهو... أكان يا ولدي المويي تجي نازلي فوقي شووووووووووو... وبقيت اسكلب..
- الله لا تكسبك مالك
- الشي... المويي جات منكبي فيني وفي راسي وانا ممشطاهو قبل اقوم والمساير عاجباتني وممسحاهن بالكركار
- نان انت اصلك ما اتكندكتي في القطر
- نان هو كنديك نصاح... بس يا ولدي راسي كنت رابطاهو زين فشان يبقالي ناير قدام ناس الخرتوم ديل.. المهم يا ولدي اتمشكت زين... وعندهم صابوني سمحي ريحتها علي الريفدور.. ومدِني ليفايي جديدي يمين بالحب أليلا..
- اها شن سويتي تاني
- جيت يا ولدي من الحمام... وقعدنا في الحوش في سراير سمحات كدي والملايات ألاتن يهبهِبن
وجابولنا قزايز ألات بستي كولا
- الشي اسمه الببسي
- انا شن عرفني يا ولدي... اها اشوف في الناس يشيلو في القزازي ويرجعوها تجي ناقصي... وانا يا ولدي دخلتها في خشمي ودخل لساني فيها.. ولامن طلعتو قال بووووو.. لامن خِجِل...
- نان شن سويتي
- يا ولدي اتمغستلي جنس مغسي... اشوف في الناس قزازتهم ماشي ناقصي وأنا ألتي في بُكانها.. اتاريني من غباي انا قاعدي ادخل فيها لساني يسدها وما يخلي النصيبي الفيها تنزل في حلقي...
- هههههههههههه اها
- يا ولدي مالك علي تذكرني النصايب دي
- عليك الله كملي
- غلبني يا ولدي اشرب النصيبي دي وقلتلم ساقطي ما قدِر عليها... وانا نفيستي فيها...ودة كله كوم ويوم خلوني براي في البيت كوم...
طارق جبريل- الإدارة العامة
- عدد المساهمات : 236
تاريخ التسجيل : 06/06/2009
رد: حواء بت الخضر ود كنيش نازلي الخرطوم
- اها تاني شن سويتي
- ههههههههههه يوم يا ولدي البيت كله فضى وكانوا مدننا اوضي مطرفي كدي انا وعمك مكاوي رحمه الله.
- اها
- اها يا ولدي لقيتلي طلحا سمح كدي وشملي قديمي مهلهلي كدي قلت الادخل اجيبلي هدماي من الشنط وآخدلي كبي ألت طلح قبل البيت ما يتملي علينا..
- قادري آبتفويتيلك شي
- دخلت يا ولدي واغني... إن كان القالك ضلفة الدولاب مفتوحي... واشوفلي في مرتا تشبهني ولابسالها هدوما زي ألاتي وحتى المساير ألاتها بس حقاتي في ضلفة الجن دي... بقيت يا ولدي استغفر في ربي.. وريقي نشف وأصلي يبست في مكاني ضُمة ضُمة... ودايري أكوريك لي عمك مكاوي وغلبني... ورجليني حلفن ما يشيلني... وباقيلي لُباسي بليتو والوضوء خسر علي... دة إن بقيت ما حتربتلي شيتا تاني من تحت...
- الله يقلعك.. اها شن سويتي
- الله ويامين شالتني رجلي علي الحوش وفقعها كواريكا تجيب الطاشي في الخلا...
- ههههههه غايتو ماكي مرة اها
- يا وليدي جاء عمك مكاوي ينجارا... وصاقعلي... يا خرابة مالك النصيبي اللدغتك شنو... الله لا كسبك...
- اها شن قولتيلو
- قلتلو: كيفن تدوني اوضة فيها مرتا تاني... هسي ان بقيت دايري اتقولع ضُمة ضُمة.. اتقولع قدام النصيبي الجوة دي... وكمان حلات مشاطها ومسايرها مسوياهن زي ألاتي...
- وشن قالك هو
- قعد يدعي فيني... ويقولي: اي مرتا شنو يا خرابة البيت فاضي انا وانت بس الفيهو
- لا والله فيهو وحيدتا جوة في الأوضة أرحكا اللوريك ليها...
مشينا يا ولدي على الأوضة وضلفة الدولاب مفتوحي: إن كان أشوفلك المرة بي راجلها وعراقيهو سروالو ويشبه عمك مكاوي الخالق الناطق...
- اها شن سويتي...
- تاني فقعتها كواريكا في نص الحوش وقلتلو: النصيبي كمان بي راجلها وانا كنت دايري اتقولع وآخدلي كَبِي ألت دخان... واااافضيحتك يا بت الخضر في الخرتوم...
- وشن سوا عمي
- بقى يمسك في خشمي يا ولدي... ويضحك لامن دموعه جرن...
- انا قلتلك ماك نصيحي من يومك... اها
- قعد يقولي النصيبي مراييي في الدولاب الناس يشوفوا فيها نفسهم ولبسهم وشعرهم كيفنهو ما يكون جايط... وبقى يدعي فيني... وانا شابكاهو ارجعاكا لي بلدنا في عفنة المنتازة ديك.. اخيرلنا من الجن دة...
- ههههههههه ماك مرة انت
- يا ولدي اليوم كله يقفسرلي ويشرحلي في مراية الجن دي لامن اولاد عمك جو من شغلهم وبقيت اسوق واحد واحد فيهم ونشوف المراييي... واهبش فيها بي شوووي كدي لامن عرفتها... مرايي الله يقلعها... واصلو الحلي الجديدة كلها عرفت قصة المرايي مع بت الخضر ود كنيش.
- ههههههههههه يوم يا ولدي البيت كله فضى وكانوا مدننا اوضي مطرفي كدي انا وعمك مكاوي رحمه الله.
- اها
- اها يا ولدي لقيتلي طلحا سمح كدي وشملي قديمي مهلهلي كدي قلت الادخل اجيبلي هدماي من الشنط وآخدلي كبي ألت طلح قبل البيت ما يتملي علينا..
- قادري آبتفويتيلك شي
- دخلت يا ولدي واغني... إن كان القالك ضلفة الدولاب مفتوحي... واشوفلي في مرتا تشبهني ولابسالها هدوما زي ألاتي وحتى المساير ألاتها بس حقاتي في ضلفة الجن دي... بقيت يا ولدي استغفر في ربي.. وريقي نشف وأصلي يبست في مكاني ضُمة ضُمة... ودايري أكوريك لي عمك مكاوي وغلبني... ورجليني حلفن ما يشيلني... وباقيلي لُباسي بليتو والوضوء خسر علي... دة إن بقيت ما حتربتلي شيتا تاني من تحت...
- الله يقلعك.. اها شن سويتي
- الله ويامين شالتني رجلي علي الحوش وفقعها كواريكا تجيب الطاشي في الخلا...
- ههههههه غايتو ماكي مرة اها
- يا وليدي جاء عمك مكاوي ينجارا... وصاقعلي... يا خرابة مالك النصيبي اللدغتك شنو... الله لا كسبك...
- اها شن قولتيلو
- قلتلو: كيفن تدوني اوضة فيها مرتا تاني... هسي ان بقيت دايري اتقولع ضُمة ضُمة.. اتقولع قدام النصيبي الجوة دي... وكمان حلات مشاطها ومسايرها مسوياهن زي ألاتي...
- وشن قالك هو
- قعد يدعي فيني... ويقولي: اي مرتا شنو يا خرابة البيت فاضي انا وانت بس الفيهو
- لا والله فيهو وحيدتا جوة في الأوضة أرحكا اللوريك ليها...
مشينا يا ولدي على الأوضة وضلفة الدولاب مفتوحي: إن كان أشوفلك المرة بي راجلها وعراقيهو سروالو ويشبه عمك مكاوي الخالق الناطق...
- اها شن سويتي...
- تاني فقعتها كواريكا في نص الحوش وقلتلو: النصيبي كمان بي راجلها وانا كنت دايري اتقولع وآخدلي كَبِي ألت دخان... واااافضيحتك يا بت الخضر في الخرتوم...
- وشن سوا عمي
- بقى يمسك في خشمي يا ولدي... ويضحك لامن دموعه جرن...
- انا قلتلك ماك نصيحي من يومك... اها
- قعد يقولي النصيبي مراييي في الدولاب الناس يشوفوا فيها نفسهم ولبسهم وشعرهم كيفنهو ما يكون جايط... وبقى يدعي فيني... وانا شابكاهو ارجعاكا لي بلدنا في عفنة المنتازة ديك.. اخيرلنا من الجن دة...
- ههههههههه ماك مرة انت
- يا ولدي اليوم كله يقفسرلي ويشرحلي في مراية الجن دي لامن اولاد عمك جو من شغلهم وبقيت اسوق واحد واحد فيهم ونشوف المراييي... واهبش فيها بي شوووي كدي لامن عرفتها... مرايي الله يقلعها... واصلو الحلي الجديدة كلها عرفت قصة المرايي مع بت الخضر ود كنيش.
طارق جبريل- الإدارة العامة
- عدد المساهمات : 236
تاريخ التسجيل : 06/06/2009
رد: حواء بت الخضر ود كنيش نازلي الخرطوم
المبدع طارق جبريل
لينا ذمن من الضحك من الاعماق الله يبسطك دنيا واخرا
لينا ذمن من الضحك من الاعماق الله يبسطك دنيا واخرا
محمد عبد الرحيم قسم الله- إمتدادي مميّز
- عدد المساهمات : 88
تاريخ التسجيل : 19/06/2009
رد: حواء بت الخضر ود كنيش نازلي الخرطوم
حاجه حلوه شديد والله
مدثر قرجاج- الإدارة العامة
- عدد المساهمات : 212
تاريخ التسجيل : 08/06/2009
رد: حواء بت الخضر ود كنيش نازلي الخرطوم
الله يقلعك انت ياطارق ياخ
عليك امان الله فقعتنى ضحك
جزاك الله عنى هذا الليل
عليك امان الله فقعتنى ضحك
جزاك الله عنى هذا الليل
عزالدين عثمان- إمتدادي أصيل
- عدد المساهمات : 23
تاريخ التسجيل : 04/07/2009
رد: حواء بت الخضر ود كنيش نازلي الخرطوم
طارق حبرين يا لذيذ
والله ضحكت لمن دموعي جرن
ماشاء الله عليك والله مبدع
يديك العافية
وواصل عليك الله
بالجنبة:
ياخ قريت ليك قصة كده ألت طلبة بحب واحده
وده ظنيتو عوض ود سكينة
بس ما كملتها بي غادي
ياخ ما تجيبها لينا بي جاي
لكن تكملها كويس
والله ضحكت لمن دموعي جرن
ماشاء الله عليك والله مبدع
يديك العافية
وواصل عليك الله
بالجنبة:
ياخ قريت ليك قصة كده ألت طلبة بحب واحده
وده ظنيتو عوض ود سكينة
بس ما كملتها بي غادي
ياخ ما تجيبها لينا بي جاي
لكن تكملها كويس
عبد الرحمن الخواض- إمتدادي جديد
- عدد المساهمات : 11
تاريخ التسجيل : 05/07/2009
رد: حواء بت الخضر ود كنيش نازلي الخرطوم
محمد عبد الرحيم قسم الله كتب:المبدع طارق جبريل
لينا ذمن من الضحك من الاعماق الله يبسطك دنيا واخرا
محمد كيفنك ياخي
يا سيدي اضحك زي ما عايز
كل الود
طارق جبريل- الإدارة العامة
- عدد المساهمات : 236
تاريخ التسجيل : 06/06/2009
رد: حواء بت الخضر ود كنيش نازلي الخرطوم
مدثر قرجاج كتب:حاجه حلوه شديد والله
الله يحلي ايامك يا مدثر ياخي
طارق جبريل- الإدارة العامة
- عدد المساهمات : 236
تاريخ التسجيل : 06/06/2009
رد: حواء بت الخضر ود كنيش نازلي الخرطوم
اووووه عز الدين ود عثمان اشطر زول في الدفعة الوراناعزالدين عثمان كتب:الله يقلعك انت ياطارق ياخ
عليك امان الله فقعتنى ضحك
جزاك الله عنى هذا الليل
ياخي سعيد انك جيت عند بت الخضر دي
طارق جبريل- الإدارة العامة
- عدد المساهمات : 236
تاريخ التسجيل : 06/06/2009
رد: حواء بت الخضر ود كنيش نازلي الخرطوم
عبد الرحمن الخواض كتب:طارق حبرين يا لذيذ
والله ضحكت لمن دموعي جرن
ماشاء الله عليك والله مبدع
يديك العافية
وواصل عليك الله
بالجنبة:
ياخ قريت ليك قصة كده ألت طلبة بحب واحده
وده ظنيتو عوض ود سكينة
بس ما كملتها بي غادي
ياخ ما تجيبها لينا بي جاي
لكن تكملها كويس
عبد الرحمن كيفنكي ياخي
القصة بتاعة الطلبة موجودة تلقاها في المنبر العام
وان شاء الله بنتمها هني
تليشة:
ناس الخواض بتاعين مربع تلاتة ببقوا ليك شنو
طارق جبريل- الإدارة العامة
- عدد المساهمات : 236
تاريخ التسجيل : 06/06/2009
رد: حواء بت الخضر ود كنيش نازلي الخرطوم
[quote="طارق جبريل"]
[color=green]والله يا خالو طارق لكن
تليشتك ما عينة لكن
طبعاً انت ما بتذكرني كويس لانو أنا ولد صغير وأنت دفعة خالي قدروة
كدي أنكر بس وقول قدر إبراهيم
ياخ ده أنت كبير خلاص
أنا ما أخوي الباقر ومحمد المهدي
قدورة وإبراهيم الخواض أخوالي
ياخ بالغته ياخ
عبد الرحمن الخواض كتب:تليشة:
ناس الخواض بتاعين مربع تلاتة ببقوا ليك شنو
[color=green]والله يا خالو طارق لكن
تليشتك ما عينة لكن
طبعاً انت ما بتذكرني كويس لانو أنا ولد صغير وأنت دفعة خالي قدروة
كدي أنكر بس وقول قدر إبراهيم
ياخ ده أنت كبير خلاص
أنا ما أخوي الباقر ومحمد المهدي
قدورة وإبراهيم الخواض أخوالي
ياخ بالغته ياخ
عبد الرحمن الخواض- إمتدادي جديد
- عدد المساهمات : 11
تاريخ التسجيل : 05/07/2009
رد: حواء بت الخضر ود كنيش نازلي الخرطوم
[quote="عبد الرحمن الخواض"]
انا خالك فعلا لانه اخوالك ديل اتربينا معاهم من ولدونا
بس ياخي انا اصغر من اخوالك الاتنين ديل
لانه هم دفعة السني اخوي
طارق جبريل كتب:عبد الرحمن الخواض كتب:تليشة:
ناس الخواض بتاعين مربع تلاتة ببقوا ليك شنو
[color=green]والله يا خالو طارق لكن
تليشتك ما عينة لكن
طبعاً انت ما بتذكرني كويس لانو أنا ولد صغير وأنت دفعة خالي قدروة
كدي أنكر بس وقول قدر إبراهيم
ياخ ده أنت كبير خلاص
أنا ما أخوي الباقر ومحمد المهدي
قدورة وإبراهيم الخواض أخوالي
ياخ بالغته ياخ
انا خالك فعلا لانه اخوالك ديل اتربينا معاهم من ولدونا
بس ياخي انا اصغر من اخوالك الاتنين ديل
لانه هم دفعة السني اخوي
طارق جبريل- الإدارة العامة
- عدد المساهمات : 236
تاريخ التسجيل : 06/06/2009
رد: حواء بت الخضر ود كنيش نازلي الخرطوم
[quote="طارق جبريل"][quote="عبد الرحمن الخواض"]
الحبيب طارق
ياخ انت زول شباب صاح
على الاقل شباب الروح
تسلم يا غالي
طارق جبريل كتب:[quote
انا خالك فعلا لانه اخوالك ديل اتربينا معاهم من ولدونا
بس ياخي انا اصغر من اخوالك الاتنين ديل
لانه هم دفعة السني اخوي
الحبيب طارق
ياخ انت زول شباب صاح
على الاقل شباب الروح
تسلم يا غالي
عبد الرحمن الخواض- إمتدادي جديد
- عدد المساهمات : 11
تاريخ التسجيل : 05/07/2009
رد: حواء بت الخضر ود كنيش نازلي الخرطوم
[quote="عبد الرحمن الخواض"][quote="طارق جبريل"]
شباب الروح دي مسكنات ولا شنو
عبد الرحمن الخواض كتب:طارق جبريل كتب:[quote
انا خالك فعلا لانه اخوالك ديل اتربينا معاهم من ولدونا
بس ياخي انا اصغر من اخوالك الاتنين ديل
لانه هم دفعة السني اخوي
الحبيب طارق
ياخ انت زول شباب صاح
على الاقل شباب الروح
تسلم يا غالي
شباب الروح دي مسكنات ولا شنو
طارق جبريل- الإدارة العامة
- عدد المساهمات : 236
تاريخ التسجيل : 06/06/2009
رد: حواء بت الخضر ود كنيش نازلي الخرطوم
ازيك يا أ. طارق جد كتاااب وبمزاج ... عارف الشوايقه ديل تأثيرهم في اللغه سريع ..عندنا صديقتنا جات هي وبتها من السعودية كلامها كله سعوي مشو الشمالية إجازة البت راجعه كلامها كله ( إلتي واليلي ) ما تفهم شي سعودي علي شايقي جغمتهم مع بعض .. وانتوا الشوايقه حلوين بلا غتاته.
omima sirry- إمتدادي جديد
- عدد المساهمات : 19
تاريخ التسجيل : 07/06/2009
رد: حواء بت الخضر ود كنيش نازلي الخرطوم
omima sirry كتب:ازيك يا أ. طارق جد كتاااب وبمزاج ... عارف الشوايقه ديل تأثيرهم في اللغه سريع ..عندنا صديقتنا جات هي وبتها من السعودية كلامها كله سعوي مشو الشمالية إجازة البت راجعه كلامها كله ( إلتي واليلي ) ما تفهم شي سعودي علي شايقي جغمتهم مع بعض .. وانتوا الشوايقه حلوين بلا غتاته.
استاذتنا اميمة ازيك ياخي
انا حا احكي ليك اكتر من كدة
طلحة اخوي عنده ولدو اسمه قيس طبعا امه مغربية
ما بعرف دارجة سودانية نهائي
مشى البركل اسبوع يمين لسانه جاء ملوي تقول ولدوه هناك
بعدين ياخي انت مصدقة حتة انه نحن غتيتين دي
كل الود
طارق جبريل- الإدارة العامة
- عدد المساهمات : 236
تاريخ التسجيل : 06/06/2009
رد: حواء بت الخضر ود كنيش نازلي الخرطوم
هي داب غتاتة واحدي يا طارق
عبد الرحمن الخواض- إمتدادي جديد
- عدد المساهمات : 11
تاريخ التسجيل : 05/07/2009
رد: حواء بت الخضر ود كنيش نازلي الخرطوم
عبد الرحمن الخواض كتب:هي داب غتاتة واحدي يا طارق
دة كلام شنو ياخي
كدي اسأل خيلانك عاشرونا سنين طويلة
طارق جبريل- الإدارة العامة
- عدد المساهمات : 236
تاريخ التسجيل : 06/06/2009
صفحة 1 من اصل 2 • 1, 2
صفحة 1 من اصل 2
صلاحيات هذا المنتدى:
لاتستطيع الرد على المواضيع في هذا المنتدى