انا ومعاى شله راحلين لحوش تانى

بكل امانه الحوش فى غايه الملل والله العظيم الحارقنى انه فى بوست الحى المتفرد تلقى الناس متواصله وبترد لبعض والحارقنى اكتر تشوف اسمه فى البوست لكن بعد شويه يطلع من البوست من غير مساهمه وقلنا يمكن الناس مشغوله لكن فى نفس اللحظه تلقى فى حوش الايجار .
نحن ربنا ماكتب لينا نسجل فى المنبر نعمل شنو ...ولا انتو الحوش ده فتحتو للبرالمه ..والله انا واحد من الناس كنت فى غايه السعاده فى بدايه البوست ولكن ...
على كل حال انا بقول للرجل الفخيم طارق انا راحل والجذء بتاعى فى الحوش ده اجروه لحبش او عذابه لان الظاهر الجنس اللطيف برضو ما بحب البوست ده......

المهذب / محمد
في الحقيقة كنا ملء السعادة حين علمنا ببداية نشاط المنتدى الخاص بالإمتداد وليس في الأمر صعوبة أن نسجل عضوية في سودانز أون لاين - بس قلنا ناسنا وخصوصيتنا - وسيظلوا ناسنا طبعاً إلى ما لا نهاية - فقط نرجو من الأحبة شوية من النشاط والتواصل رغم علمنا بمشغوليات الحياة وظروف الناس المختلفة - لذلك نوجد لهم العذر ونتمنى كذلك مشاركة أخواتنا في المنطقة -
لا ترحل ( خليك هنا خليك وبلاش تأجر ) وإنشاء الله يتبدل الحال ويدب النشاط في الأخوان .
أخوك / عادل تنقو - مربع 1 

الخ العزيز محمد ابو سيبة ... ازيك وكل سنة وانت طيب والسنة الجاية انتم تلاتة وربنا يحقق امنياتك واماني الجميع وبعدينايه حكايات انك راحل ومعك ناس آخرين هو على كيفك ترحل كده يا اخي نحن ما صدقنا انكم حليتو الحوش و وسلامي للاهل وكل الحلوين الحداك يا جميل .... بنقوري

الاخوان عادل وسنهورى
شكرا للتعقيب وكل سنه وانتو بخير
لكن حقو تشوفو حل للموضوع ده .

الوريف / محمد عبد الرحيم
كل عام أنت وأسرتك الكريمة بألف خير ويربنا يحقق الأماني
إنشاء الله يتلم الشمل ويدب النشاط في كل أحبائنا كما ينبغي وتتمنى .
مودتـــــــــــي ،،،

يا زول هو علي كيفك
انت الامتداد دة موش جاري في دمك
تخليه تمشي وين
ياخي بالصبر كل شي بيمشي