هى تعلم اننى احبها لذلك دائما ماتعاتبنى

استعرض الموضوع السابق استعرض الموضوع التالي اذهب الى الأسفل

هى تعلم اننى احبها لذلك دائما ماتعاتبنى

مُساهمة من طرف مدثر قرجاج في الأحد مارس 07, 2010 2:10 pm

لا شك ان الهدف من هذا المنتدى جمع ابناء الامتداد فى بوتقة واحدة يتعانقون ويتسامرون وبعبرون عن اشواقهم التى لاتنتهى للأمتداد ان كانو خارج او داخل السودان.. اذا الامتداد هو المعنى الاول بهذا المنتدى ومن خلال هذا تنتابنا كثيرا من المشاعر والاحاسيس والمواضيع التى نترجمها عبر هذا المنبر لتصل لكل الامتداديون حتى الشكوى والبكاء والنحيب وحتى الضحكة والابتسام كلها اشياء نكتبها لتزيد من اواصر حبنا لهذه المنطقة ولتعميق الحميميه بين ابناء الامتداد ... نحب ان نوجه عناية القائمين على امر المنتدى باننا لانريد تقسيمه الى اقسام كما ينادى بعض الامتداديين الافاضل من اخواننا داخل المنبر معللين ذلك بانه السبيل الوحيد حتى يشكل ابناء الامتداد حضور داخل المنتدى لان لكل شخص اتجاه يحبه لكن اشك فى ان تقسيم المنبر سيجذب المزيد من ابناء الامتداد بل على العكس سيضعف المشاركات ويشتت حتى القلة الموجوده ... عشان كده عايزين الناس كلها تلتف فقط حول المنبر العام وتنوع وتشكل الموضوعات كما تشاء كل واحد والشى البحبوا ،، وان كنت لا انكر كما كتبنا مرارا قلة المشاركات وضعف المداخلات لكن نحتاج الى المزيد من الصبر ومناشدة الامتداديون للمشاركة عبر الاعلان عن ذلك عبر المنتديات وداخل وخارج الامتداد .. ثم لا ننسى ان الانترنت والتعامل معه غير متاح للكثير هناك ما لايدخل ابدا وهناك من يدخل لمدة لا تزيد عن ساعة كلها عوامل ساهمت فى قلة المشاركات اما الاعضاء المتواجدون ولايشاركون فلن ندخر وسعا فى دعوتهم فى كل يوم للمشاركة الفاعله وسنكتب متى ماوجدنا السانحة عن هذا الامر ولن نمل التكرار وسنرسل لهم عتاب ثم مزيدا من العتاب وعتاب اخر حتى يرتفع هذا المنبر ويصبح زى مانشتهى ونحب .. علينا ان تجعل هدفنا الاساسى تطوير المنتدى وهذا لن يحدث الا اذا كان هناك مايجعلنا نأتى كل يوم الى هذا المنبر بمحض ارادتنا وبدوافع حبنا له وبلهفة تجعلنا عندما لانمر هنا نحس بأن هناك شى ينقصنا... يعنى بصراحة عايزنها قصة حب بكامل فصولها بارتعاشاتها وبلهفتها وباشوقها نريد لقلوبنا ان تخفق بشدة حين نريد ان نأتى الى هنا ، نريد لأنفاسنا ان تتسارع ونحن نمر عبر هذا الاثير الامتدادى .. كتابة كلمة واحده فى كل يوم هى تعبير حب حقيقى لهذا المنتدى فهل تبخلون بها على الامتداد...اردت ان اقول ان التفاف الناس حول المنتدى لن يكون بتقسيم المنتدى او تأنيب الذين لايشاركون او حردان الذين لايجدون ردود ومداخلات .. الحب هو سبيلنا الوحيد للتواجد هنا فلماذا لانرتبط بها منذ الان ونعشقها بصدق انها جميلة ورقيقه وناعمه ،تحتضنك فى شوق، وتمسح عن عيناك الدموع ،تهدهدك فى حنان متى ما جئت اليها، تغمرك بوابل من الطيبين الذين يلتفون حولك فى كل افراحك واحزانك دعونى ابوح لها اولا (احبك) ولا اغار عليها ان شاركنى فيها كل ابنا ء الامتداد ..فهلا وقعتم حضورا انيقا فى حبها......

خارج النص
زمنا تجنبت التقاؤك خيفةً
فأتيت في زمن الوجل
خبأت نبض القلب
كم قاومت
كم كابرت
كم قررت
ثم نكصت عن عهدي .. أجل
ومنعت وجهك في ربوع مدينتي .. علقته
وكتبت محظوراً على كل المشارف 00
والموانئ .. والمطارات البعيدة كلها00
لكنه رغمى اطل ..
في الدور لاح 00
وفى الوجوه وفى الحضور 00
وفى الغياب وبين إيماض المقل
حاصرتني بملامح وجهك الطفولى 000الرجل
أجبرتني حتى تخذتك معجماً 000
فتحولت كل القصائد غير قولك فجةً لا تحتمل
صادرتنى حتى جعلتك معلماً فبغيره لا أستدل
والآن يا كل الذين أحبهم 00
عمداً أراك تقودني في القفر والطرق الخواء
وترصداً تغتالني ..
انظر لكفك ما جنت
وأمسح على ثوبي الدماء
أنا كم أخاف عليك من لون الدماء !!!!!
لو كنت تعرف كيف ترهقني الجراحات القديمة والجديدة
ربما أشفقت من هذا العناء ..
لو كنت تعرف أنني من أوجه الغادين والآتين
أسترق التبسم00
أستعيد توازني قسراً..
وأضمك حينما ألقاك في زمن البكاء
لو كنت تعرف أنني أحتال للأحزان … أرجئها لديك
وأسكت الأشجان حيث تجئ ..أخنق عبرتي بيدي
ما كلفتني هذا الشقاء

مدثر قرجاج
الإدارة العامة
الإدارة العامة

عدد المساهمات : 212
تاريخ التسجيل : 08/06/2009

الرجوع الى أعلى الصفحة اذهب الى الأسفل

رد: هى تعلم اننى احبها لذلك دائما ماتعاتبنى

مُساهمة من طرف بدر يعقوب في الأحد مارس 07, 2010 2:25 pm

لله درك يامدثر ياود قرجاج فعلا الامتداد حبنا الاول والاخير هو مسقط راسنا وطفولتنا وصبانا,,,هو بلا شك موطننا الاصلي ونحن منه واليه ,,,فيه الاهل والاحباب والجيران والاخوان ,,,هو المحبوبة منه نستمد قوتنا وكبريانا,,, نفتخر به ونعتز به ونبذل الغالي والنفيس من اجله.
فوق فوق فوق امتدادنا فوق

بدر يعقوب
كبار الشخصيات
كبار الشخصيات

عدد المساهمات : 484
تاريخ التسجيل : 06/06/2009

الرجوع الى أعلى الصفحة اذهب الى الأسفل

رد: هى تعلم اننى احبها لذلك دائما ماتعاتبنى

مُساهمة من طرف Hadia Keroudi في الأحد مارس 07, 2010 3:03 pm

يا الله يامدثر تعرف الاحساس العند الواحد وكانك بتتكلم بي لسان حالنا انا لما جاء كلام التقسيم جاني احساس بي انه كاننا كنا في حوش واحد وحاتجي حيط وتقسمنا مرة اشوفكم ومرة اسمع صوتكم وماشوفكم
لكن ده مامعناه اني احساسي صاح واحساس التقسيم غلط لكن انا فهمي انه احنا جينا الحوش الكبير علشان نتلاقي وكل زول بي رايه وكل زول بي فكره لكننا في نفس الحوش
تعرف يامدثر كنت كتير بتحين الفرص البتوديني الامتداد ولا اشوف زول من الناس علشان اساله من الاخبار لكن هسي الحصل انه انا مابصدق انه يجي الصباح علشان اجي المكتب وادخل الحوش والاقي الناس وتعرف بعد داك بقيت اعمل شنو اخلي الاولاد ينوموا واقوم جارية للحوش بالموبايل (يعني فاتورة الشهر ده عليكم) بعدين يامدثر احنا لما نقول للناس شاركوا مازعل ومافتر لكن جرجرة علشان تكتر المداخلات ويطول الزمن بينا ونحن لسه في الحوش عرفتة كيف
وبرجع واقول
كل زول مشوار حياته فيه جد وقفات مهمة
انت في كل المراحل تبقي مشواري الاهم

Hadia Keroudi
كبار الشخصيات
كبار الشخصيات

عدد المساهمات : 569
تاريخ التسجيل : 18/02/2010
الموقع : الجريف

الرجوع الى أعلى الصفحة اذهب الى الأسفل

رد: هى تعلم اننى احبها لذلك دائما ماتعاتبنى

مُساهمة من طرف مدثر قرجاج في الأحد مارس 07, 2010 11:06 pm

بدر يعقوب كتب:لله درك يامدثر ياود قرجاج فعلا الامتداد حبنا الاول والاخير هو مسقط راسنا وطفولتنا وصبانا,,,هو بلا شك موطننا الاصلي ونحن منه واليه ,,,فيه الاهل والاحباب والجيران والاخوان ,,,هو المحبوبة منه نستمد قوتنا وكبريانا,,, نفتخر به ونعتز به ونبذل الغالي والنفيس من اجله.
فوق فوق فوق امتدادنا فوق
يابدر مشتاقين عساك طيب
شكرا على كلماتك الجميله فى حق الامتداد وانشاالله
دايما الامتداد فوق وانشاالله كلنا نوقع حضور فى منتدانا الجميل
محبتى

مدثر قرجاج
الإدارة العامة
الإدارة العامة

عدد المساهمات : 212
تاريخ التسجيل : 08/06/2009

الرجوع الى أعلى الصفحة اذهب الى الأسفل

رد: هى تعلم اننى احبها لذلك دائما ماتعاتبنى

مُساهمة من طرف مدثر قرجاج في الأحد مارس 07, 2010 11:20 pm

Hadia Keroudi كتب:يا الله يامدثر تعرف الاحساس العند الواحد وكانك بتتكلم بي لسان حالنا انا لما جاء كلام التقسيم جاني احساس بي انه كاننا كنا في حوش واحد وحاتجي حيط وتقسمنا مرة اشوفكم ومرة اسمع صوتكم وماشوفكم
لكن ده مامعناه اني احساسي صاح واحساس التقسيم غلط لكن انا فهمي انه احنا جينا الحوش الكبير علشان نتلاقي وكل زول بي رايه وكل زول بي فكره لكننا في نفس الحوش
تعرف يامدثر كنت كتير بتحين الفرص البتوديني الامتداد ولا اشوف زول من الناس علشان اساله من الاخبار لكن هسي الحصل انه انا مابصدق انه يجي الصباح علشان اجي المكتب وادخل الحوش والاقي الناس وتعرف بعد داك بقيت اعمل شنو اخلي الاولاد ينوموا واقوم جارية للحوش بالموبايل (يعني فاتورة الشهر ده عليكم) بعدين يامدثر احنا لما نقول للناس شاركوا مازعل ومافتر لكن جرجرة علشان تكتر المداخلات ويطول الزمن بينا ونحن لسه في الحوش عرفتة كيف
وبرجع واقول
كل زول مشوار حياته فيه جد وقفات مهمة
انت في كل المراحل تبقي مشواري الاهم
هادية حبابك
نفس الشعور،، والله انا زاتو حسيت انو الناس حاتشتت وماحانكون زى مانحن متلمين فى
حوش واحد نتونس فى كل شى بيخص الا متداد... ياسلام ياهادية الاندفاع والاشواق للحوش
ده الشى المطلوب زاتو ياريت لو كل ناس الامتداد تجيهم نفس الحميميه ويطلوا علينا بالصباح
ويسرقوا ليهم ساعة بالليل برضو ....دايرين نواصل فى الجرجرة لحدى النهاية لانو الجرجرة
والعتاب بجيب الناس وانا متأكد من كده لاننا كلنا بنحب الامتداد بس محتاجين للدوافع .....
الفاتورة بتاعت التلفون ماعندك مشكلة اعتبريها ادفعت وانداحى .............
بلا شك الامتداد مشوارنا الاهم لانه ممتلى بكل ماهو جميل...

مدثر قرجاج
الإدارة العامة
الإدارة العامة

عدد المساهمات : 212
تاريخ التسجيل : 08/06/2009

الرجوع الى أعلى الصفحة اذهب الى الأسفل

رد: هى تعلم اننى احبها لذلك دائما ماتعاتبنى

مُساهمة من طرف محمد مصطفى في الأحد مارس 07, 2010 11:45 pm

الأخ الكريم قرجاج
حبك للامتداد خلاني احبك تاني .. الكابلي بتصرّف
عودتنا من زمان على رأي مدعوم ومؤسس ..
تستفز وتستنفر أحاسيسنا قبل أن تمسك بالمدلولات الملموسة ..
فيخرج رأيك راضياً مرضياً ..
ولأن موضوعك ورأيك يخص التقسيم فقد نقلته لمنتدى الإقتراحات حتى يسهل تصفحه لمن يريد ان يدلي برأيه موافقة او رفضاً للتقسيم

يعني ختيتو ليك جنب موضوع الناس البتدعوا للإنقسام (الإنفصاليين) ..

وعندنا اسبوع من الآن إن شاء الله تتضح فيه الرؤية وربنا يقدم الفيهو خير الناس جميعاً
avatar
محمد مصطفى
.
.

عدد المساهمات : 310
تاريخ التسجيل : 06/06/2009

الرجوع الى أعلى الصفحة اذهب الى الأسفل

رد: هى تعلم اننى احبها لذلك دائما ماتعاتبنى

مُساهمة من طرف Hadia Keroudi في الإثنين مارس 08, 2010 12:23 pm

يامدثر صباحك عافيه والله ياعافيكم يا الجوه كلكم
امبارح الدرب وداني الامتداد غايتو سمح سماحة والعجب شارع ناس عمي خضر بقي عجيب جنس مساطب وزراعة

Hadia Keroudi
كبار الشخصيات
كبار الشخصيات

عدد المساهمات : 569
تاريخ التسجيل : 18/02/2010
الموقع : الجريف

الرجوع الى أعلى الصفحة اذهب الى الأسفل

رد: هى تعلم اننى احبها لذلك دائما ماتعاتبنى

مُساهمة من طرف Hadia Keroudi في الإثنين مارس 08, 2010 12:25 pm

هي يامدثر نسيت اقول ليك فاتورتي كم اقول ولا

Hadia Keroudi
كبار الشخصيات
كبار الشخصيات

عدد المساهمات : 569
تاريخ التسجيل : 18/02/2010
الموقع : الجريف

الرجوع الى أعلى الصفحة اذهب الى الأسفل

رد: هى تعلم اننى احبها لذلك دائما ماتعاتبنى

مُساهمة من طرف مدثر قرجاج في الثلاثاء مارس 09, 2010 3:50 pm

Hadia Keroudi كتب:هي يامدثر نسيت اقول ليك فاتورتي كم اقول ولا

قولى بس ما تكون اكتر من 100 جنيه Very Happy

مدثر قرجاج
الإدارة العامة
الإدارة العامة

عدد المساهمات : 212
تاريخ التسجيل : 08/06/2009

الرجوع الى أعلى الصفحة اذهب الى الأسفل

رد: هى تعلم اننى احبها لذلك دائما ماتعاتبنى

مُساهمة من طرف مدثر قرجاج في الثلاثاء مارس 09, 2010 7:28 pm

محمد مصطفى كتب:الأخ الكريم قرجاج
حبك للامتداد خلاني احبك تاني .. الكابلي بتصرّف
عودتنا من زمان على رأي مدعوم ومؤسس ..
تستفز وتستنفر أحاسيسنا قبل أن تمسك بالمدلولات الملموسة ..
فيخرج رأيك راضياً مرضياً ..
ولأن موضوعك ورأيك يخص التقسيم فقد نقلته لمنتدى الإقتراحات حتى يسهل تصفحه لمن يريد ان يدلي برأيه موافقة او رفضاً للتقسيم

يعني ختيتو ليك جنب موضوع الناس البتدعوا للإنقسام (الإنفصاليين) ..

وعندنا اسبوع من الآن إن شاء الله تتضح فيه الرؤية وربنا يقدم الفيهو خير الناس جميعاً

محمد مصطفى
شكرا على كلامك الحلو ... ومهما عملنا ما نديك حقك وانت الذى قمت بهذا العمل الجميل والمدهش
ماعايزين انفصال
والى حين ظهور النتيجه
عايزين وحدة

مدثر قرجاج
الإدارة العامة
الإدارة العامة

عدد المساهمات : 212
تاريخ التسجيل : 08/06/2009

الرجوع الى أعلى الصفحة اذهب الى الأسفل

رد: هى تعلم اننى احبها لذلك دائما ماتعاتبنى

مُساهمة من طرف يحي حمد سعيد حامد النضيف في الأربعاء مارس 10, 2010 11:50 am

:
يـــا .. الله .. يــاقرجـــــاج .. يــا .. خـــي .. و الله .. لــوحــة
:
و يــالـهـا .. من .. لــوحــة .. تـتـمــاهــى .. في أزمــنـة .. و أمـكـنـة ..
الـعــشــق آلا مــتــنــاهـــي .. الامـتـداد.

مــا ..هذا .. يــا إلــهــي .. و يــا ..لــروعــة .. تجــســيد .. عــشــقــك
بــهـذا .. الـكـم الــهــائل ..مـن .. الإفـصـاح .. عـمــا .. يـعـتـلـج ..في
عــمــيق .. أعــمــاقــك.
:
لـقــد .. بــهــرني .. هـذا التجســيد .. المـتـنـاغــم .. و شـــد إليه .. كــل مشاعري
بــالبــوح .. عن ذلك .. الـحب الكـامـن .. بكـثـافـة .. و بـكـل .. جـرأة .. و موضوعـية
:
إليك ..مــني ..عـظيــم .. الــود .. والامتنان
:
:
يــحــي حـمــد.
:

يحي حمد سعيد حامد النضيف
وسام الإبداع
وسام الإبداع

عدد المساهمات : 586
تاريخ التسجيل : 07/06/2009
الموقع : مـربع 3

الرجوع الى أعلى الصفحة اذهب الى الأسفل

رد: هى تعلم اننى احبها لذلك دائما ماتعاتبنى

مُساهمة من طرف مدثر قرجاج في الأربعاء مارس 10, 2010 8:05 pm

يحي حمد سعيد حامد النضيف كتب::
يـــا .. الله .. يــاقرجـــــاج .. يــا .. خـــي .. و الله .. لــوحــة
:
و يــالـهـا .. من .. لــوحــة .. تـتـمــاهــى .. في أزمــنـة .. و أمـكـنـة ..
الـعــشــق آلا مــتــنــاهـــي .. الامـتـداد.

مــا ..هذا .. يــا إلــهــي .. و يــا ..لــروعــة .. تجــســيد .. عــشــقــك
بــهـذا .. الـكـم الــهــائل ..مـن .. الإفـصـاح .. عـمــا .. يـعـتـلـج ..في
عــمــيق .. أعــمــاقــك.
:
لـقــد .. بــهــرني .. هـذا التجســيد .. المـتـنـاغــم .. و شـــد إليه .. كــل مشاعري
بــالبــوح .. عن ذلك .. الـحب الكـامـن .. بكـثـافـة .. و بـكـل .. جـرأة .. و موضوعـية
:
إليك ..مــني ..عـظيــم .. الــود .. والامتنان
:
:
يــحــي حـمــد.
:
يحى لك الود
والله كلماتك حلوة شديد جعلتنى متيقن اننا جمعيا نحبها وتعيش فى دواخلنا
ققط نحتاج الى كلمات فى حقها نأجج بها هذا الحب العميق ....
والله يايحى احس شعورك واعلم انك تحس مثل ما احس تجاه امتدادنا المتفرد
محبتى الاكيده

مدثر قرجاج
الإدارة العامة
الإدارة العامة

عدد المساهمات : 212
تاريخ التسجيل : 08/06/2009

الرجوع الى أعلى الصفحة اذهب الى الأسفل

رد: هى تعلم اننى احبها لذلك دائما ماتعاتبنى

مُساهمة من طرف Hadia Keroudi في السبت مارس 13, 2010 12:41 pm

تعرف يامدثر لما نقول وطن يعني الامتداد ولما نقول سودان يعني امتداد
احنا مابنعرف وطن غيره

Hadia Keroudi
كبار الشخصيات
كبار الشخصيات

عدد المساهمات : 569
تاريخ التسجيل : 18/02/2010
الموقع : الجريف

الرجوع الى أعلى الصفحة اذهب الى الأسفل

رد: هى تعلم اننى احبها لذلك دائما ماتعاتبنى

مُساهمة من طرف مدثر قرجاج في الأحد مارس 14, 2010 2:46 pm

Hadia Keroudi كتب:تعرف يامدثر لما نقول وطن يعني الامتداد ولما نقول سودان يعني امتداد
احنا مابنعرف وطن غيره

ياسلام ياهادية
والله الامتداد وطن حقيقى لانو قدم لينا كل شى جميل
وعرفنا فيه قيمة الاشياء عشان كده بقينا مابنعرفو غيرو
وما اظن تانى نعرف....

مدثر قرجاج
الإدارة العامة
الإدارة العامة

عدد المساهمات : 212
تاريخ التسجيل : 08/06/2009

الرجوع الى أعلى الصفحة اذهب الى الأسفل

رد: هى تعلم اننى احبها لذلك دائما ماتعاتبنى

مُساهمة من طرف سماح نور في الخميس مايو 06, 2010 10:22 am

حبنا .... وعشقنا اولاُ واخيييييييراُ
لتك الارض الطيبة التى خطونا فيها اولى خطواتنا فى الحياة
فواجب علينا جميعنا توقيع الحب والحضور لامتدانا الجميل الحبيب الينا دوماُ
توقيع:
حلاة بلدى وحلاة ناسها ... وحلاة الطيبة والطيبيين
avatar
سماح نور
كبار الشخصيات
كبار الشخصيات

عدد المساهمات : 383
تاريخ التسجيل : 23/06/2009
الموقع : الخرطوم

الرجوع الى أعلى الصفحة اذهب الى الأسفل

رد: هى تعلم اننى احبها لذلك دائما ماتعاتبنى

مُساهمة من طرف فتح الرحمن أبوراس في الخميس مايو 06, 2010 11:19 am

عذراً آل البيت (الإمتداد) إنه في منتصف عام 1977م أضعت فريني (أبوقرشين) وأنا آسف يا فريني للتشبيه .. أضعته وأنا ألعب مع أندادي بمربع 12 لعبة الكمبلة والمصيبة كنت مرسل بيهو الدكان لأشترى زيت ملاح ... إتخيلوا طبعاً لمن رجعت البيت بدون الفريني وبدون الزيت العلقة كانت كيف من الحاج .... آخر إجازة لي كنت أبحث في ذاك الشارع عن الفريني .... ساعدوني فأنا اليوم أحتاج له أكثر مما مضى ............................
avatar
فتح الرحمن أبوراس
إمتدادي مميّز

عدد المساهمات : 50
تاريخ التسجيل : 27/04/2010
الموقع : خميس مش

الرجوع الى أعلى الصفحة اذهب الى الأسفل

رد: هى تعلم اننى احبها لذلك دائما ماتعاتبنى

مُساهمة من طرف صفاء في الخميس مايو 06, 2010 4:43 pm

ماشاء الله عليك ابداع

صفاء

عدد المساهمات : 5
تاريخ التسجيل : 03/05/2010

الرجوع الى أعلى الصفحة اذهب الى الأسفل

رد: هى تعلم اننى احبها لذلك دائما ماتعاتبنى

مُساهمة من طرف سماح نور في الجمعة مايو 07, 2010 11:51 am

مدثر قرجاج كتب:
Hadia Keroudi كتب:تعرف يامدثر لما نقول وطن يعني الامتداد ولما نقول سودان يعني امتداد
احنا مابنعرف وطن غيره

ياسلام ياهادية
والله الامتداد وطن حقيقى لانو قدم لينا كل شى جميل
وعرفنا فيه قيمة الاشياء عشان كده بقينا مابنعرفو غيرو
وما اظن تانى نعرف....


وطنا الابسمك كتبنا ورطنا....
أحبك...
احبك مكانك صميم الفؤاد...
وبسمك أغنى ..تغنى السواااقى ...خيوط الطواقى... سلام التلااااقى ...ودموع الفراق
حبنا اولاُ وأخيراُ لأمتدانا الحبيب flower
avatar
سماح نور
كبار الشخصيات
كبار الشخصيات

عدد المساهمات : 383
تاريخ التسجيل : 23/06/2009
الموقع : الخرطوم

الرجوع الى أعلى الصفحة اذهب الى الأسفل

رد: هى تعلم اننى احبها لذلك دائما ماتعاتبنى

مُساهمة من طرف فتح الرحمن أبوراس في السبت مايو 08, 2010 8:20 am

أهلي الحنان ... مين فيكم بيتذكر لمن الإمتداد كان بيت هنا وبيت هناك ... الفي مربع 14 بيشوف الفي مربع 1 ... ومين فيكم البيذكر شارع النص وهنقاري عمك محمد سعيد ومين فيكم المحتفظ بأخلاق تلك الفترة .... ومين فيكم الماكان حامي بنات حلتو ..
ومين ومين ... أشتاق لك أخى طارق محمد شريق (صديق من مربع 6) لمن كنت أقدمك لغاية المستشفى الأكاديمي الحالي وترجع تقدمني لغاية مربعنا وتقضي الليل كلو ماشيين وجايين أنت خايف عليّ وأنا خايف عليك..... أين أنت من هذا الزمان بل أين أنا .......
avatar
فتح الرحمن أبوراس
إمتدادي مميّز

عدد المساهمات : 50
تاريخ التسجيل : 27/04/2010
الموقع : خميس مش

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى