افتتاح منتدى الاقتراحات والشكاوي

استعرض الموضوع السابق استعرض الموضوع التالي اذهب الى الأسفل

افتتاح منتدى الاقتراحات والشكاوي

مُساهمة من طرف محمد مصطفى في الأحد مارس 07, 2010 3:21 pm

الإخوة والاخوات الكرام

هنا نستقبل إقتراحاتكم لنخرج بمنتدى أجمل ورؤى أسلم
وبالنسبة لتقسيم المنتدى إلى فروع وأقسام متخصصة
كانت فكرتنا منذ إنشاء المنتدى أن يكون باقسام مختلفة
ولكن لأن معظم أعضاءنا هم أعضاء في سودانيز اونلاين
فقد رأوا ان المنتدى لما يكون (سوق ام دفسو) بكون أنشط
كما هو الحال في سودانيز أونلاين ..
بل وذهب أغلبهم إلى أن سر نجاح سودانيزأونلاين هو
عدم تقسيمه إلى أقسام متخصصة وسماها الاخ طارق
جبريل بي (سوق ام دفسو) ..

ولكن لأن الدنيا ديمقراطية الآن .. نستقبل إقتراحاتكم
في هذا الخصوص وفي أي مشاكل أو اقتراحات أخرى

إدارة المنتدى تسعى دائماً لتوفير الجو الملائم للمشاركات
ويجعل سهولة إدارتنا أن كوننا جميعاً إمتداديون أهل وأقارب
وجيران وأصدقاء وزملاء ..

وفي إنتظار إقتراحاتكم فلا تبخلوا علينا

والسلام عليكم ورحمة الله وبركاته
avatar
محمد مصطفى
.
.

عدد المساهمات : 310
تاريخ التسجيل : 06/06/2009

الرجوع الى أعلى الصفحة اذهب الى الأسفل

رد: افتتاح منتدى الاقتراحات والشكاوي

مُساهمة من طرف Hadia Keroudi في الأحد مارس 07, 2010 4:01 pm

الاخ مصطفي ازيك وانشاء الله طيب
ده لا اقتراح ولاشكوي لكن عايزة اقول ليك انا فرحانه بي حوشكم الكبير خلونا كلنا مع بعض نسمع ونشوف بعض من غير حيط زي مابحصل في بيوتنا يوم لمة الاسرة كل زول بي موضوعه وكل زول بي قصته وزي مابقول ابوي لما نكون متلمين كلكم بتتكلموا البسمع منه ومن حكمته كلنا بنتكلم وكلنا بنسمع بعض زي سوق الطواقي

Hadia Keroudi
كبار الشخصيات
كبار الشخصيات

عدد المساهمات : 569
تاريخ التسجيل : 18/02/2010
الموقع : الجريف

الرجوع الى أعلى الصفحة اذهب الى الأسفل

رد: افتتاح منتدى الاقتراحات والشكاوي

مُساهمة من طرف يحي حمد سعيد حامد النضيف في الأحد مارس 07, 2010 5:29 pm

تحــيـاتـي .. ومســاء .. الخــير ..للجــميع ..حتـى الأن محمد مصطفي و آختنا/ هــادية.
وحـمـد .. لله ..علي .. الــســلامة .. مــرة .. تــانية .. يــا ..محمد مصطفي.
:
النـصــيـحــة : اللــمــة .. حــلــوة .. و الله.
:
أم دفـســو .. ســـوق الجـمـعـة .. ( حراج الصـواريخ.. ناس جدة ) .. ســوق ســتة
ســوق الجــوهــرة .. ســوق الـنـدي .. العـشـرة .. محطة 7 .. المحـلي ..المركزي .
:
دي .. كلــها .. لمــه .. وخـلق .. ومنافع .. للبـشـر .
:
كــبــروا .. الــكــوم ..يحـبـبكم الله ..
أقـول .. قــولــي ..هذا .. وأســتـغـفـر الله العـظيـم لـى و لـكـم .
:
:

يحي حمد سعيد حامد النضيف
وسام الإبداع
وسام الإبداع

عدد المساهمات : 586
تاريخ التسجيل : 07/06/2009
الموقع : مـربع 3

الرجوع الى أعلى الصفحة اذهب الى الأسفل

رد: افتتاح منتدى الاقتراحات والشكاوي

مُساهمة من طرف بدر يعقوب في الأحد مارس 07, 2010 5:36 pm

الحبيب محمد مصطفي الشكية لغير الله مذلة وانتو تب ماقصرتو معنا ومع ناس الامتداد ,,, يديك العافية ... نحن مفروض نعمل ليكم تمثال في الامتداد ... عشان جمعتونا هنا . بس عندي حبة اقتراح كده تكلم فيه اخونا راشد انو يكون في كذا منتدي لجميع المناشط ذي مابنشوف في المنتديات الاخري . مثلا المنتدي الاجتماعي , الثقافي , الرياضي , وهكذا عشان ماكل المواضيع بس تكون في المنبر العام وبتكون متابعتها صعبة للاشخاص الذين لايستطيعون دخول النت الا اوقات قليلة في اليوم .
وثانيا اختنا هادية تكلمت كتير عن موضوع انو يكون في بوست دفتر حضور اجباري لكل الاعضاء وهي عايزة اقتراح منكم باسم لهذا البوست ,, هل من استجابة لطلب الاخت هادية ,, لانو انا بعتبر هادية اضافة حقيقة لهذا المنبر لانها بتتمتع بحس مرهف وطرح بناء ذو افكار يخدم مصلحة الامتداد ومصلحة الجميع . ولكم منا الشكر اجزلة لهذا المجهود المقدر الذي يبذل من اجل انسان الامتداد والمنطقة.


عدل سابقا من قبل بدر يعقوب في الإثنين مارس 08, 2010 1:41 pm عدل 1 مرات (السبب : التعديل بسبب التصحيح)

بدر يعقوب
كبار الشخصيات
كبار الشخصيات

عدد المساهمات : 484
تاريخ التسجيل : 06/06/2009

الرجوع الى أعلى الصفحة اذهب الى الأسفل

رد: افتتاح منتدى الاقتراحات والشكاوي

مُساهمة من طرف محمد مصطفى في الأحد مارس 07, 2010 11:02 pm

الأخت الكريمة هادية
الف مرحب بيك بين أهلك وناسك
مع إنك رحلتي من الامتداد إلا إنك لم ترحلي
لا إنتماءً ولا وجدانياً.. وعمرو ماكان البعد مسافة

ولاأنكر أن فكرة تقسيم المنتدى إلى أقسام متخصصة هي فكرة قديمة .. ولكنك أعدتيها من جديد بمشاركتك المنقولة إلى هذا القسم الجديد
ونسمع آراء الناس الباقين ولو حصل إجماع نقسم
إن شاء الله ..
ألف مرحب بيك مرة تانية ..
ونتمنى نقدر نتكلم كلنا ونسمع بعض في نفس الوقت ..
avatar
محمد مصطفى
.
.

عدد المساهمات : 310
تاريخ التسجيل : 06/06/2009

الرجوع الى أعلى الصفحة اذهب الى الأسفل

رد: افتتاح منتدى الاقتراحات والشكاوي

مُساهمة من طرف محمد مصطفى في الأحد مارس 07, 2010 11:08 pm

الأخ الكريم يحي النضيف جداً

نضيف مش إسم وبس .. نضيف حتى في تنسيق كتابتك
وشكلها .. وكلامك المختصر المفيد
وهل الحكم إلا هكذا؟ قول فصل وحكم عدل؟

والمقصود بسوق ام دفسو هو الكتابة في منتدى واحد (المنتدى العام) كل المواضيع في حتة واحدة دون تقسيم..ديني اجتماعي مرأة كمبيوتر
سياسي اقتصادي صحي وكللللو ..
أنا شخصياً لا مع ولا ضد التقسيم ..
المهم راحة العضو المشارك وسهولة الوصول إلى
الموضوع الذي يبحث عنه ...
حرمتنا فترة من مداخلاتك الجميلة ..
نرجو أن تتواصل بصورة مكثفة يا يحي ..
avatar
محمد مصطفى
.
.

عدد المساهمات : 310
تاريخ التسجيل : 06/06/2009

الرجوع الى أعلى الصفحة اذهب الى الأسفل

رد: افتتاح منتدى الاقتراحات والشكاوي

مُساهمة من طرف محمد مصطفى في الأحد مارس 07, 2010 11:18 pm

الأخ الكريم بدر الدين
قريبي وجاري وأخوي الكبير ..

اللهم أجعلنا كما يقولون ..وعافنا مما لايعلمون
وشكراً لإطرائك المستمر ..

بالنسبة لتقسيم المنتدى يابدر .. نستنى آراء الناس .. الاعضاء النشطين في آخر الأيام ..
ويبلغ عددهم 14 نفر .. وإنتو كدة 3 أنفار شاركتم بالآراء .

وبالنسبة لإقتراح الأخت هادية ..فمن الممكن أن تختار عنوان (على ذوقها) للبوسط المنشود وسوف أقوم بتثبيته أعلى المنتدى العام ..

ونكون شاكرين جداً ..
ياخ تحيات خاصة لمنتصر
avatar
محمد مصطفى
.
.

عدد المساهمات : 310
تاريخ التسجيل : 06/06/2009

الرجوع الى أعلى الصفحة اذهب الى الأسفل

رد: افتتاح منتدى الاقتراحات والشكاوي

مُساهمة من طرف Hadia Keroudi في الإثنين مارس 08, 2010 1:22 pm

شكراً ليك يامحمد انا ماقصدته تقسيم بالعكس انا عايزه اللممممممممه وبس ولسهولة الوصول للمواضيع ختوها لينا تحت بعض زي سودانيز اون لاين وكل زول يبقي يشوف الدايره ، بعدين يامحمد يااخوي انا عايزة منكم بعد اختيار الاسم اذا في امكانية انه الادارة ترسال دعوة شخصية لكل المشتركين في ايميلاتهم للمشاركة ولا بفتكر انه الناس لعدم دخولها المتواصل ماحاتعرف بيه ولا رايك شنو

Hadia Keroudi
كبار الشخصيات
كبار الشخصيات

عدد المساهمات : 569
تاريخ التسجيل : 18/02/2010
الموقع : الجريف

الرجوع الى أعلى الصفحة اذهب الى الأسفل

رد: افتتاح منتدى الاقتراحات والشكاوي

مُساهمة من طرف محمد مصطفى في الخميس مارس 11, 2010 10:57 pm

والله ياهادية كلللللو سويناهو
إيميلات رسلناها ( ماوصلك إيميل)؟
إستفتاء للتقسيم .. إستنفار للحاضرين والغايبين
ماباقي إلا (البوسط) بتاعك ..
وفي إنتظار أي إقتراحات تصحي النايمين ...

ولو عملتي البوسط عندي ليك هدية ( بنت) تجي تدعم الموقف النسوي في منتدانا وتشد من أذرك
وتساعدك في مهامك ..
وعندنا أخوات ساهمن مساهمات فعالة في المنتدى لكن أظنهن زهجن من النومة وعدم وجود الأنيس ..من ضمنهن سماح وفاتن على سبيل المثال لا الحرص .. وأخريات .. ربنا يرجعهم تاني ..

يلة أعملي البوسط عشان نجيب ليك زميلة !!
اي حاجة بقت بي مقابل زي ماقال النضيف !!
avatar
محمد مصطفى
.
.

عدد المساهمات : 310
تاريخ التسجيل : 06/06/2009

الرجوع الى أعلى الصفحة اذهب الى الأسفل

رد: افتتاح منتدى الاقتراحات والشكاوي

مُساهمة من طرف Hadia Keroudi في السبت مارس 13, 2010 12:34 pm

محمد المصطفي وكل الحضور ازيكم وانشاء الله خميس وجمعة طيبين
شكله كده حايكون الحضور بالمربعات
لكن ماعندك مشكلة هسي دي نقترح ونسمي البوست ونقول للناس قدر الحاضرين كل يوم سبت او احد علي حسب البلد الواحد الموجود فيها يورينا انه طيب بي حضوره واهلو طيبين
رايكم شنو نسميه الجاب لي اخباره او اي واحد من الاسماء الكان ذكرتها سابقاً التمام، طمنونا ،جينا وسلمنا
مانحبط من عدم المشاركات انشاء الله حايجي يوم ومانقدر نرد ولا نقراء كل المكتوب من كترته
في ناس بتعرف بالموقع متاخرة (مثال قريب فريني وانا من دخلنا ماتمينا شهر مداخلاتنا فاتت ال100 )
انشاء الله بكرة احلي

Hadia Keroudi
كبار الشخصيات
كبار الشخصيات

عدد المساهمات : 569
تاريخ التسجيل : 18/02/2010
الموقع : الجريف

الرجوع الى أعلى الصفحة اذهب الى الأسفل

رد: افتتاح منتدى الاقتراحات والشكاوي

مُساهمة من طرف بدر يعقوب في السبت أبريل 17, 2010 5:18 pm

قريبي محمد مصطفي ياعمك ماتشوف لينا طريقة الاهداء عبر الشريط المتحرك قدر ما نرسل اهداء بقول ليك لقد ادخلت بريد الكتروني بالخطاء ويفتح ليك مواقع كثيرة كدة كل ما تضع الكيرسن علي الكتابة ,, حاول شوف لينا فيها حل وماتخلينا نتبرلم اكثر منك كده وبالتوفيق والسداد لكل ماهو جديد

بدر يعقوب
كبار الشخصيات
كبار الشخصيات

عدد المساهمات : 484
تاريخ التسجيل : 06/06/2009

الرجوع الى أعلى الصفحة اذهب الى الأسفل

رد: افتتاح منتدى الاقتراحات والشكاوي

مُساهمة من طرف محمد مصطفى في الأحد أبريل 18, 2010 11:38 am

كلامك سليم يا بدر
فعلاً كمية من ال(سايتات) بتفتح معاك لدرجة تحميك الكتابة
ولازم يكون عندك (بوب أب ستوبر) عشان يمنع ليك فتح الصفحات دي
لو شغال بوندوز 7 بتلقى البوب أب أعلى البراوزر بتاعك
لو وندوزيك غير .. ممكن تنزل بو أب من النت

أضف الى ذلك إنو أنا محتاج لمكان شريط الاهداءات دا عشان نكرّم فيهو المميزين لشهر أبريل
يعني كلها كم يوم ونشيلو
avatar
محمد مصطفى
.
.

عدد المساهمات : 310
تاريخ التسجيل : 06/06/2009

الرجوع الى أعلى الصفحة اذهب الى الأسفل

من٠٠٠٠غير٠٠٠٠زعل

مُساهمة من طرف nagm eldin osman في الأحد مايو 09, 2010 2:13 am

الاخوة والاخوات في هذا المنتدي العظيم
السلام عليكم ورحمة الله تعالي وبركاته
في كلو يوم افكر واتأمل في هذا المنتدي الذي يحمل اسم كبير بكل المعني
ماهي اهداف المنتدي الغرض من انشاء هذا المنتدي هل هذا المنتدي
لمجرد الونسه والضحك أو للمجاملات أوللدردشه أو للتعارف لبعض
اهل المتداد أذا كانت هذه الاهداف علي المنتدي السسسسسسسلام
يااخواني واخواتي الكرام الامتداد اكبر من ذالك
وبعض الاخوة أو كل اهل المنتدي في خارج السودان وانا واحد منهم
دايرين الامتداد دائمآ فوق في العلالي وده شي جميل لاكن كيف وده
المتطلوب الايام ده نادي الامتداد بيقاتل الي الصعود الي الثانية
ونحنا ماذلنا بنتفرج ونهني بالفوز ونبارك
يااخوانا انا كنت واحد من لاعبي نادي الامتداد وكان لي شرف كبير
ان ارتدي شعاره وادافع عنه وكنت اعلم المعانات التي كانت تواجه
مجلس الادارة في جمع المال لتسير امور النادي يااخوانا النادي محتاج
لدعم مادي في المقام الاول مش معنوي مبروك ياحلمي الانتصار
وربنا يوفقكم وعقبال الممتاز ده شعارات مابتقدم الي الامام
انا بأخترح لتكوين لجنه لدعم نادي الامتداد ويكون مقرها السعودية
لاغلبية ابناء الامتداد هناك وانا علي ابناء الامتداد في اوربا
يجب علي كل امتدادي اصيل ان يساعد في دعم مسيرة النادي
اعزروني ان اطلت عليكم ولي عودة أخري في مواضيع كثيرة
من اجل الرقئ بهذا الصرح الشامخ ٠
ولكم العتبي حتي ترضو
نجم الدين[ود القبيله]

nagm eldin osman
إمتدادي أصيل

عدد المساهمات : 32
تاريخ التسجيل : 27/01/2010

الرجوع الى أعلى الصفحة اذهب الى الأسفل

رد: افتتاح منتدى الاقتراحات والشكاوي

مُساهمة من طرف نزار مصطفي عبدالرحيم في الخميس مايو 13, 2010 12:22 pm

مساء الخير ياامتداداب انتم الروعه وانتم الصفوه فلكم مني التحايا فكم هو شرف الانتماء للامتداد وبرغم البعد وظروف الاغتراب المر الا اننا متواصلون ومتحابون في الله فليدم الله هذه المحبه ورجائي من الجميع الترحم والدعاء لكل شخص افتقده هذا الحي العظيم وانا عن نفسي اترحم علي الاب والوالد جعفر عبدون وخالدمحي الدين(رومانيجه) وطارق برسي وكل الزين افتقدناهم في هذا الحي وسوف نتزكرهم دائما ونترحم عليهم لانهم هم من تعلمنا منهم الانتماء والحب لهذا الحي العظيم وايضا نترحم علي كل موتانا في جميع المربعات فليتقمدهم الله برحمته ويسكنهم فسيح جناته

نزار مصطفي عبدالرحيم

عدد المساهمات : 6
تاريخ التسجيل : 04/05/2010

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى