أي بت شديدة بتحب ليها طُلبة (صبي بناي)

صفحة 3 من اصل 5 الصفحة السابقة  1, 2, 3, 4, 5  الصفحة التالية

استعرض الموضوع السابق استعرض الموضوع التالي اذهب الى الأسفل

رد: أي بت شديدة بتحب ليها طُلبة (صبي بناي)

مُساهمة من طرف طارق جبريل في الخميس يونيو 18, 2009 11:32 am

شهاب الجمري كتب:الجص انا عارفك بالك واسع لو حكاها نص حلقة نص حلقة ما عندك مانع. انا ما عندي مشكلة بس نصل محل انا واقف وبعد داك حلقة حلقة. رايك شنو يادكتور

كدي يا شهاب شوف موضوع الرشوة دة
avatar
طارق جبريل
الإدارة العامة
الإدارة العامة

عدد المساهمات : 236
تاريخ التسجيل : 06/06/2009

الرجوع الى أعلى الصفحة اذهب الى الأسفل

رد: أي بت شديدة بتحب ليها طُلبة (صبي بناي)

مُساهمة من طرف طارق جبريل في الخميس يونيو 18, 2009 11:34 am

(7)
مشينا يوم السبت لي شغلنا وعوض السعادة ناطة من عيونه تقول عندو غدة درقية...
يمين ونحن في الطريق ضاربين الكدر للعمارات الزول دة اي اغنية حب وجلكسات غناها...
بس الوكرة الوكر فيه انه دا آخر اسبوع ومنه نحن نخلص الشغل هنا...
لمن قلت ليهو كدا زولكم نطط عيونه ونفخ الهواْء من نخرينو زي الحصان بتاع السبق.. وكضم الكضمة البي وشيها... انا قلت اسد ليه نفسه عشان يخلي الشغلانة لانها ما حا تلفق... اتاريني بوظتها تاني لانه زولكم بقى مهموم ويعضعض في لسانه زي الكلب الماسكو السعر....
فطرنا وجينا لقينالكم البنيي السميحي في الباب ومعاها اختها كمان انا سلمت فسراع وطلعت لي طوبي واسمنتيني... وخليتو براهو... الظاهر عليها اخت البنية كانت عايزة تشوف (ألان ديلون) بتاع الامتداد دة... تاوقت عليه من فوق لقيتو يقرقر ساكت مع البنيات وبعد شوية شال صفيحتو ومشى لي رملتو.. لامن طلع فوق جاء عندي..
- انت مالك مشيت فسراع كدي
- يا زول انت سيد الشغلانية من اولها تموت موتك
- اختها قالت لي صاحبك دة مالو مسيخ كدة بس سلم ومشى...
- انا راضي بي مساختي دي يا زول والله زاتو عشان عارفني مسيخ اختارلي قراية البيطرة
- ياخي ما تكابرني انا...
- يا زول اكابرك في شنو انت جنيت...
- يمكن اختها تعجبك..
- شوف يا ابو عويض انا ماني فاضيي للحب... ووجع القلب ماني قادر عليه فشان كدي لا بقدر احب هسا ولا حاجة يا زول المشوار طويل...والبنيات ديل ما بينتظرننا... هسا يجي واحدا متمسح ومليان قروش ويعرسها ويخليك فاتح خشمك ويمشي..
- ياخي انت مالك زول متشائم كدة
- ياخي انا عارف امكانياتي... ياخي انت بس شوف في ابو البنيات دي كويس... الراجل يلمع من النعمة.. ما حسدناهو لكن ما حا يقبلبنا نحن ناس قريعتي راحت ديل... ياخي الراجل تريان وجضومه مليانة لامن مدلدلة زي معلاق اللبن... وشوف انت جضومك مكرمشة كيفن علي السعن الناشف...
- بي شناتي دي البنية حبتني...
- مبروك عليك وخليك عايش في الوهم...
كملنا اسبوعنا ورجعنا لي امتدادنا وخليت عوض ما بين بيتهم وتلفيون دكان الهادي...
وبعد اسبوع انا سافرت مصر لي بيطرتي وهو مشى جامعة الخرطوم لي صيدلتو...
الجوابات بيناتنا ما انقطع... وعوض كلامه كله عن بنيتو وحبهم وانه بتجي عندو لامن تشتاق ليه في كافتريا الجامعة... يعني شغال خلط صاح...
لمن رجعت في الاجازة لقيت ليك النيران مولعة...

avatar
طارق جبريل
الإدارة العامة
الإدارة العامة

عدد المساهمات : 236
تاريخ التسجيل : 06/06/2009

الرجوع الى أعلى الصفحة اذهب الى الأسفل

رد: أي بت شديدة بتحب ليها طُلبة (صبي بناي)

مُساهمة من طرف عامر تيتاوى في الخميس يونيو 18, 2009 11:40 am

ود جبرين
حكاية العوض دى اى صفحة واحدة منها تمثل رواية بحالها
الله يديك العافى ياولدى ويخضر ضراعك بطوبى وسمنتى bounce
ورملى كمان
avatar
عامر تيتاوى
إمتدادي مميّز

عدد المساهمات : 68
تاريخ التسجيل : 06/06/2009
الموقع : مربع 8

الرجوع الى أعلى الصفحة اذهب الى الأسفل

رد: أي بت شديدة بتحب ليها طُلبة (صبي بناي)

مُساهمة من طرف طارق جبريل في الخميس يونيو 18, 2009 11:43 am

عامر تيتاوى كتب:ود جبرين
حكاية العوض دى اى صفحة واحدة منها تمثل رواية بحالها
الله يديك العافى ياولدى ويخضر ضراعك بطوبى وسمنتى bounce
ورملى كمان

تيتا يا منقة
ياخي دي ضراع ولا عمارة

Laughing Laughing Laughing Laughing Laughing Laughing
avatar
طارق جبريل
الإدارة العامة
الإدارة العامة

عدد المساهمات : 236
تاريخ التسجيل : 06/06/2009

الرجوع الى أعلى الصفحة اذهب الى الأسفل

رد: أي بت شديدة بتحب ليها طُلبة (صبي بناي)

مُساهمة من طرف عامر تيتاوى في الخميس يونيو 18, 2009 11:58 am

ياخي دي ضراع ولا عمارة

ضراع صحابة يادكترة bounce
avatar
عامر تيتاوى
إمتدادي مميّز

عدد المساهمات : 68
تاريخ التسجيل : 06/06/2009
الموقع : مربع 8

الرجوع الى أعلى الصفحة اذهب الى الأسفل

رد: أي بت شديدة بتحب ليها طُلبة (صبي بناي)

مُساهمة من طرف طارق جبريل في الخميس يونيو 18, 2009 12:00 pm

عامر تيتاوى كتب:
ياخي دي ضراع ولا عمارة

ضراع صحابة يادكترة bounce

Laughing Laughing Laughing Laughing Laughing Laughing Laughing Laughing Laughing Laughing Laughing
avatar
طارق جبريل
الإدارة العامة
الإدارة العامة

عدد المساهمات : 236
تاريخ التسجيل : 06/06/2009

الرجوع الى أعلى الصفحة اذهب الى الأسفل

رد: أي بت شديدة بتحب ليها طُلبة (صبي بناي)

مُساهمة من طرف عامر تيتاوى في الخميس يونيو 18, 2009 12:07 pm

هسى ياطارق العوض ده لو جاكم فى المغرب حيسوى شنو
avatar
عامر تيتاوى
إمتدادي مميّز

عدد المساهمات : 68
تاريخ التسجيل : 06/06/2009
الموقع : مربع 8

الرجوع الى أعلى الصفحة اذهب الى الأسفل

رد: أي بت شديدة بتحب ليها طُلبة (صبي بناي)

مُساهمة من طرف طارق جبريل في الخميس يونيو 18, 2009 12:47 pm

عامر تيتاوى كتب:هسى ياطارق العوض ده لو جاكم فى المغرب حيسوى شنو

بينسى العمارات رسمي

Laughing Laughing Laughing Laughing Laughing Laughing Laughing Laughing
avatar
طارق جبريل
الإدارة العامة
الإدارة العامة

عدد المساهمات : 236
تاريخ التسجيل : 06/06/2009

الرجوع الى أعلى الصفحة اذهب الى الأسفل

رد: أي بت شديدة بتحب ليها طُلبة (صبي بناي)

مُساهمة من طرف الفاتح الجوص في الجمعة يونيو 19, 2009 12:15 am

[طارق جبريل
الجوص بعد دة حا نشتغل بالرشاوي
اضعف الايمان صحن بوش Laughing Laughing Laughing Laughing[/quote]
والله يا طارق عملته ظاهره بوش شنو كمان دى يلقوه ليك وين فى البلد دى
انا بقدم ليك دعوه لى المانيا بى تزاكره
والرشوه التانيه انتى مجرد ما ترد على حتكون امتدادى مميز وانته كذلك
اه لقتنى كيف
تحياتى
avatar
الفاتح الجوص
وسام الإبداع
وسام الإبداع

عدد المساهمات : 256
تاريخ التسجيل : 08/06/2009
الموقع : مربع 4

الرجوع الى أعلى الصفحة اذهب الى الأسفل

رد: أي بت شديدة بتحب ليها طُلبة (صبي بناي)

مُساهمة من طرف عماد عويس في الإثنين يونيو 22, 2009 1:27 pm

يالريس ان شاء الله البيت ده مايكون اتبني ويكون لسع عايز طوب ومونا غايتو انا جاهز ..
حجيب معاي فنلة قربال سلك وبنطلون لو قلعتو يقيف علي رجلينه عدييييل
اه تاني شنو؟؟قدح ومسطرينة وكوريك يعجبوك ...
بالمناسبة دي اروع الامثال يستفيد منها الاجيال الذين لايعرفون معني التضحيات وبذل الجهد
والتواضع والاعتماد علي النفس ومساعدة اهالينا واعطاء الفرصة للاخريين من اعضاء الاسرة
من هم اصغر سنا وبل قدوة وعبرة للغير ..ربنا يبارك فيكما و في امثالكم
ولك مني وللاخ عوض كثير الحب والتقدير
نواصل ...

عماد عويس
إمتدادي مميّز

عدد المساهمات : 81
تاريخ التسجيل : 08/06/2009

الرجوع الى أعلى الصفحة اذهب الى الأسفل

رد: أي بت شديدة بتحب ليها طُلبة (صبي بناي)

مُساهمة من طرف طارق جبريل في الإثنين يونيو 22, 2009 5:33 pm

الفاتح الجوص كتب:[طارق جبريل
الجوص بعد دة حا نشتغل بالرشاوي
اضعف الايمان صحن بوش Laughing Laughing Laughing Laughing
والله يا طارق عملته ظاهره بوش شنو كمان دى يلقوه ليك وين فى البلد دى
انا بقدم ليك دعوه لى المانيا بى تزاكره
والرشوه التانيه انتى مجرد ما ترد على حتكون امتدادى مميز وانته كذلك
اه لقتنى كيف
تحياتى[/quote]

يا زول خليك في التذاكر
امتدادي مميز دي ما جايبة همها

Laughing Laughing Laughing Laughing Laughing Very Happy Very Happy Very Happy Laughing Laughing Laughing
avatar
طارق جبريل
الإدارة العامة
الإدارة العامة

عدد المساهمات : 236
تاريخ التسجيل : 06/06/2009

الرجوع الى أعلى الصفحة اذهب الى الأسفل

رد: أي بت شديدة بتحب ليها طُلبة (صبي بناي)

مُساهمة من طرف طارق جبريل في الإثنين يونيو 22, 2009 5:36 pm

عماد عويس كتب:يالريس ان شاء الله البيت ده مايكون اتبني ويكون لسع عايز طوب ومونا غايتو انا جاهز ..
حجيب معاي فنلة قربال سلك وبنطلون لو قلعتو يقيف علي رجلينه عدييييل
اه تاني شنو؟؟قدح ومسطرينة وكوريك يعجبوك ...
بالمناسبة دي اروع الامثال يستفيد منها الاجيال الذين لايعرفون معني التضحيات وبذل الجهد
والتواضع والاعتماد علي النفس ومساعدة اهالينا واعطاء الفرصة للاخريين من اعضاء الاسرة
من هم اصغر سنا وبل قدوة وعبرة للغير ..ربنا يبارك فيكما و في امثالكم
ولك مني وللاخ عوض كثير الحب والتقدير
نواصل ...

عمدة يا حبيبنا
بعد دة انت فضل تحب معانا بس
avatar
طارق جبريل
الإدارة العامة
الإدارة العامة

عدد المساهمات : 236
تاريخ التسجيل : 06/06/2009

الرجوع الى أعلى الصفحة اذهب الى الأسفل

رد: أي بت شديدة بتحب ليها طُلبة (صبي بناي)

مُساهمة من طرف طارق جبريل في الإثنين يونيو 22, 2009 5:37 pm

(Cool
رجعت من الجامعة في مصر في الاجازة مهدود وجسمي كله قطايع وكسير... والله البيطرة دي فيها جنس جري من كفاي جداد لي مراح غنم ومن زريبة بقر لي حوش حمير.. وعلي العلي الله وقعني في مجموعة كلها سحاسيح ... شي شيراز وشي شيرين... بنات مدلعات كدة جوا يقروا بيطرة ليه ما عارف... لو في تور هاج: حصل يا طارق.. لو حمار حرن: شوفو يا طارق... المهم يا الحبيبين قلت في الاجازة دي انجمة شوية عشان اقوم اشوف البناي وين ونقوم نبدأ من جديد...
خالتنا سكينة ام عوض جات سلمت علي شديد وقالت لي: لامن ترتاح تعال لي انا عايزاك... قلت ليها ان شاء الله
حسيت انه عوض ساط ليهو سواطة شديدة لامن امه دي تجي وتقول لي عايزاك...
في المساء جاء عوض واتسالمنا ومشينا دكان الهادي نظبط البوش... شفت فيه شديد.. قام قال لي ما تعاين لي كدة عارف امي جات كلمتك... قلت ليه امك ما قالت لي حاجة بس سلامها وطريقة كلامها بتقول انك عملت ليك مصيبة ولا ناوي عليها...
ياخي انا قلت ليهم يخطبوا لي وبس..
- يخطبوا ليك وبس، انت قايل الخطوبة دي ساهلة، وبعدين ليه يعني يخطبوا ليك من هسا وانت لسة حتى ما وصلت في قرايتك للاسبرين..
- ياخي انا قلت ليهم نمش نقرأ الفاتحة وبس
- والفاتحة بيقروها ساكت كدة ما لازم بشيلوا معاهم حاجات وقولة خير وشكلاتة.... انت عارف البيت عندكم رزق اليوم باليوم... وانت ما عندك التكتحك ولا حا تديهم قزازة حامض الكبريتيك وكرتونة كلوريد الصوديوم
- ياخي ما تكسر لي مقاديفي انا والله راسي ضارب وما عارف اعمل شنو
- انت ليه عايز تخطب يعني من هسا الجديد شنو
- شوف انا بكرة حا اشوف الجكس وبعمل معاهو مواعيد عشان تسمع منها براك
الصباح عوض جاء البيت ودخل الصالون وفتح الدولاب وشال ليهو قميص من قمصاني ودخل فيهو ومشى وفي المساء لمن جاء قال لي بكرة نتقابل الساعة عشرة في كافتيرية الكلية قلت ليهو اوكي
الصباح لبست القميص بتاعي ودخلت لي في جينز ومشيت ليهم
- السلام عليكم
- اهلا د. طارق حمد لله على السلامة
- الله يسلمك دكتور شنو ياخي نحن يا دوب في مرحلة الارانب
- قميص عوض حلو في عوض بس ما حلو فيك (مع ضحكة)
- جابت ليها نبذ كمان مع انه القميص حقي بس قلت مافي داعي نشيل حال صديقنا مع انه لابس ليه قميص اصفر وبنطلون اسود عامل زي كبسولة التتراسايكلين كدة
- انت ليه رافض موضوعنا من الأول
- ياخي منو القاليك كدة
- عوض دايما بيقول لي طارق قال وقال وقال
- انا ما ضد الموضوع بس ظروف عوض بتصعب القصة كلها هسا... انت عارفة ظروفه في البيت كيف والمشوار قدامه طويل شديد ووراهو كوم لحم لانه اخوانه الكبار الحمل تقيل عليهم فهو لازم يحصل يشيل معاهم
- انا عارفة كل حاجة وهو حكي لي كل التفاصيل
- قاليك امه في البيت لابسة تموت تخلي
- قالها لي وانا عايزاهو كدة من غير كريمات (ابو الزفت الزولة شكلها واقعة لي اضنينها)
- طيب الله يوفق انا جيت اسمع ليك حسب كلام عوض وما عندي شي اقدمه ليكم سوى دعوات بالتوفيق
- لا انت ممكن تعمل حاجات كتيرة لانه عرفت من عوض انه ابوه وامه بيحبوك شديد
- ما اختلفنا بس موضوع زي دة صعب شديد اكلمهم فيهو بعدين انتو مستعجلين كدة ليه على الخطوبة دي
- لانه انا عندي مشكلة في البيت واحد من اولادي عمي اتقدم لي ومافيهو اي عيب مال وجاه وكله بس انا ما عايزة اتزوجه نهائي وابوي مصر عليه لانه ود اخوهو وانا كلمت امي بحكايتي مع عوض وقالت لي خليهو يتقدم وانا بقنع ابوك لانه عوض مستقبله مضمون
- طيب انا حا اشوف معاهم بس ما بقدر اوعدك باي حاجة لانه صعب جدا يستوعبوا الموضوع
الغايزني عوض كان بيتو نس مع اختها وآخر قرقراب ومخليني انا مع محكمة المظالم دي... النصيحة لي الله اختها ذاتها شديدة بس مافي طريقة في ظروفنا دي الحاجات دي عشم ابليس في الجنة
والله البنيات عزمونا غداء مدنكل ودفعوا القروش وكمان غمتوا لي عوض حق الرجعة كمان.... الله يسألني البت دي بتحب عوض دة جنس حب عمري ما شفت زيه
ونحن راجعين في الحاقلة سألني عوض: عرفت المشكلة وين
- عرفتها لكن حلها صعب شديد

avatar
طارق جبريل
الإدارة العامة
الإدارة العامة

عدد المساهمات : 236
تاريخ التسجيل : 06/06/2009

الرجوع الى أعلى الصفحة اذهب الى الأسفل

رد: أي بت شديدة بتحب ليها طُلبة (صبي بناي)

مُساهمة من طرف طارق جبريل في الأربعاء يونيو 24, 2009 12:56 pm

(9)
تاني يوم بالعصرية دخلت بيت ناس عوض لقيت حاجة سكينة بتعوس ليها في لقيمات... وانا اموت في اللقيمات.... جريت لي بنبر وقعدت جنبها... الله ينعلك يا عوض المرة من العواسة والجري في تربية اولادها وشها سود وملامحها كلها حزينة شديد... الله بيسألني بتعوس في اللقيمات بالطشت عشان تملأ جرادلها بتاعة الطلس البيضاء ديك وتمشي تقعد جنب الدكان تبيعها وتلقط مصاريف الوليدات... شكل اللقيمات في الطشت زي قلاب الخرصانة... غلبني اقول ليها اي حاجة... ادتني صحن فيهو لقيمات وجابت لي شاي بي لبن وبقيت ابلع واحكحك في راسي... نوع خالتي سكينة دة السودان مليان بيهو وان اختلفت حكاياتهم الا انه النتيجة واحدة... كوم شفع وارادة تكسر الصخر عشان الشفع ديل يكملوا قرايتهم ويبقوا ناس كويسين.. وزي ما قال حميد ناس مجروة وتجر(تدين) عيشن كمهو وديشن هانقدر..
- طارق يا ولدي قول الداير تقولو ما تحرك عويناتك زي لستك الفلكسواجن كدي..
- انت انا ما حلفتك تاني ما تسفي الصعوط دة.. مقنطرة سفتك كدة زي درج القروش بتاع الدكان كدة
- (ضحكت لامن دموعها نزلت زي الماسورة المحلوجة ومربوطة بي دبارة).. تعرف يا طارق يا ولدي انا قاعدة اريدك ليه.. عشان بكون شايلة هم الدنيا كله فوق راسي وتجي وتخليني اضحك.... نان يا ولدي انا ما اسف كيفن من الشي البيسوو فيهو ناس عوض دة... انت ما تحمد الله الما شربتلي قزازة عرقي..
- افو انا خالتي تسكر
- نان يا ولدي عمايل صحبك دي يقبلوها كيفن والله فضل لي السكر... واصلو ان بقى كشف علي دكتور يمين الا يرشوني جبخان حا يلقوني منتهيي..
- طيب العمل شنو يا خالتي صاحبي حب البنية والبنية حبتو...
- حباهو برص... انتو مشيتو تشتغلوا ولا تحبوا.. بعدين انت مالك ما حبيت؟؟
- انا قلبي ميت ماهو قلب حب..
- (رجعت تضحك تاني)... هسا انت فهمك شنو
- نمشي نخطب ليهو وبعداك هو يموت موته مع اهل البت.. ياكل نارو
- طارق يا ولييييدي نخطبلوا بي شنو؟؟ باللقيمات الانت شايفها دي ولا بي صفايح الفسيخ اللا جوة ديلك؟؟
- ياخي البت ما قالت هي ما عايزة اكتر من الفاتحة؟؟؟
- في ذمتك يا ولدي الكلام دة كدي بيبقى؟؟؟ يا ولدي انا لابسالي تموت تخلي في كرعيني... شبشب زي النسوان ما عندي وتيابي كلها مهرودة ومقدقدة؟؟؟
- بنستلفلك الشبشب والتوب كمان...
- يا وليدي ما دايرة ولدي يتعلقلوا في حبالا دايبي
- كدي قولي بسم الله والله بيسهلها
- يا ولدي الله عرفوهو بالعقل ما شافوا
- انت كدي قولي خير وانا متاكد الله بيسهلها
- صمتت للحظة وبدا الظلام يتسرب الينا... انا يا ولدي هينة الكلام عمك عبد الله ان قدرت تقنعوا عديلة عليك وعلي صاحبك..
خليت خالتي سكينة تملا في جرادلها باللقيمات عشان تحصل تبيعها... ومشيت على الديوان لقيت عم عبد الله فاتح راديهو على اذاعة لندن وخاتي الرادي في صدرو زي كورة الشراب...

avatar
طارق جبريل
الإدارة العامة
الإدارة العامة

عدد المساهمات : 236
تاريخ التسجيل : 06/06/2009

الرجوع الى أعلى الصفحة اذهب الى الأسفل

رد: أي بت شديدة بتحب ليها طُلبة (صبي بناي)

مُساهمة من طرف ابراهيم محمد موسي في الجمعة يونيو 26, 2009 10:58 pm

طارق ود جبرن
يا اخوي نضمينا بتاع الليل وينو
الناس دي مافيها ذولا بساهر
اففو
---------------------
ابوخليل

ابراهيم محمد موسي
إمتدادي أصيل

عدد المساهمات : 33
تاريخ التسجيل : 19/06/2009

الرجوع الى أعلى الصفحة اذهب الى الأسفل

رد: أي بت شديدة بتحب ليها طُلبة (صبي بناي)

مُساهمة من طرف طارق جبريل في الأحد يونيو 28, 2009 12:13 pm

ابراهيم محمد موسي كتب:طارق ود جبرن
يا اخوي نضمينا بتاع الليل وينو
الناس دي مافيها ذولا بساهر
اففو
---------------------
ابوخليل
ابو خليل كيفنك
شايف عمر الرباب بدأ شغل الليل بهناك
avatar
طارق جبريل
الإدارة العامة
الإدارة العامة

عدد المساهمات : 236
تاريخ التسجيل : 06/06/2009

الرجوع الى أعلى الصفحة اذهب الى الأسفل

رد: أي بت شديدة بتحب ليها طُلبة (صبي بناي)

مُساهمة من طرف طارق جبريل في الأحد يونيو 28, 2009 12:15 pm

(10)
عم عبد الله شايفك ليك يومين ما مشيت الشغل وما سافرت
- يا ولدي منتظر لي قط بضاعة اسوقه لي بورتسودان ولي هسا ما ملوهو
- احسن ترتاح شوية
- انت ناس اذاعة لندن دي حقو يدوك وسام ياخي انا من قمت وانت تسمع ليهم
- يت ولدي ياها تسليتنا خصوصا لمن نكون سايقين القطر مافي شي غير الاذاعة ولهيب الشمس.... صاحبك مشى الجامعة.
- ايوة بكرة ان شاء الله بمشي عليه الداخلية ازوره
- دحين انت فهمك شنو في الشئ البيقول فيه دة
- انت كدي باركها والله بسهلها... بس انت قول خير
- يا ولدي دة كلام اصلو ما بيدخل العقل.. نمشي نقول للناس ديل شنو.. نقول ليهم نحن حق الملاح عندنا في تلتلة..
- يا عمي هم موافقين كدة وحا يدبروا امورهم وبعداك انت عداك العيب
- يا ولدي ما تدخلونا في ضفورنا نحن ناس علي قدر حالنا وصاحبك دة من دون اولادي فاهم الحتة
- يا حاج والله الله بيصلحها بس انت قول خير
- ياخي الولد دة من يومه وهو صغير عامل زي لوح التلج مجننا...
- يا حاج لوح التلج هسا عايز يعرس لو خليناهو كدة بيدوب
- ضاحكا بشدة.. الله يرضى عليك يا ولدي تقنعوا يخلي الموضوع دة وكمان ان بقى ما خلاهو امرنا لله...
- بس كدي انت قول خير وكله حا يتصلح..
- ربك كريم يا ولدي

اصبحت الصباح مشيت لي عوض في الداخلية لقيته بيفطر... شافني حنكو وقع زي الدلو لمن يرموهو في البئر..
- أها خير إن شاء الله..
- كدي هسا فطرني بعداك نشوف الحاصل..
- ياخي انت غتاتك دي أصلك ما بتخليها..
جابت ليها غتاتة كمان.. طيب يا زول موت موتك انا ماشي...
- يا طارق روق عليك الله ياخي انا في شنو وانت في شنو
- انت الجكس موش حا يجي هسا
- ايوة
- خلاص انا لمن يجي الجكس حا اقول ليك الحاصل
- ياخي الجكس حا تجي معاها خالتها عشان تعرف الحاصل
- خلاص لمن تجي...

avatar
طارق جبريل
الإدارة العامة
الإدارة العامة

عدد المساهمات : 236
تاريخ التسجيل : 06/06/2009

الرجوع الى أعلى الصفحة اذهب الى الأسفل

رد: أي بت شديدة بتحب ليها طُلبة (صبي بناي)

مُساهمة من طرف بنقوري في الأحد يونيو 28, 2009 1:57 pm

الاخ الغالي طارق ..... والله انا حأنتظر للحلقة الخمسين وصبري فات
حد الصبر .. طبعاً الحكاية دايره حبة توم وشمار
وتبقي مسلسل والبطولة لعوض وبعض الاخوان
وطبعا الاخراج للريس ...ومشكور يا ود جبريل
بنقوري
avatar
بنقوري
كبار الشخصيات
كبار الشخصيات

عدد المساهمات : 619
تاريخ التسجيل : 09/06/2009
الموقع : مربع (4

الرجوع الى أعلى الصفحة اذهب الى الأسفل

رد: أي بت شديدة بتحب ليها طُلبة (صبي بناي)

مُساهمة من طرف طارق جبريل في الإثنين يونيو 29, 2009 12:12 pm

احمدجعفرعلي السنهوري كتب:الاخ الغالي طارق ..... والله انا حأنتظر للحلقة الخمسين وصبري فات
حد الصبر .. طبعاً الحكاية دايره حبة توم وشمار
وتبقي مسلسل والبطولة لعوض وبعض الاخوان
وطبعا الاخراج للريس ...ومشكور يا ود جبريل
بنقوري

تسلم يا بنقوري ياخي
اهي تظل محاولات لا اكثر
كل الود
avatar
طارق جبريل
الإدارة العامة
الإدارة العامة

عدد المساهمات : 236
تاريخ التسجيل : 06/06/2009

الرجوع الى أعلى الصفحة اذهب الى الأسفل

رد: أي بت شديدة بتحب ليها طُلبة (صبي بناي)

مُساهمة من طرف طارق جبريل في الإثنين يونيو 29, 2009 12:15 pm

(11)
أها ونحن قاعدين في الكلية فجأة تطل علينا البت وخالتها وأختها كمان... جملة الإيمان خالتها اشد منهم كلهم... زولة منعمة ورايقة كدة... تقول رز بي لبن... انا في الأول قايلها ما متزوجة اتاريها فايتة الاربعين وعندها 3 أطفال كمان...
- سلام يا شباب
- عوض قام يتراشق: اهلا بالناس الحلوة... دة صحبي طارق.. ودي خالة الشباب حنان...
(ابو الزفت يا عوض الناس ديل شكلهم حا يطيروا حنانك زاتو)...
- اها فطرتو يا شباب
- والله انا فطرتة بس طارق دة لسة ما فطر
- انت عوض خلصت محاضرات ولا لسة
- خلصتة
(يمين زولكم كان عنده امتحان ملاحق كان قال كملت)
- خلاص نمشي نفطر كلنا مع بعض في اراك اوتيل
- انا دنقرت علي عوض في اضانه: ياخي شغلنا في البنا دة كله لو جمعناهو ما بفطرنا في اراك اوتيل دة اتخارج يا ولدنا انا عندي جنيهين بس حق الرجعة
- انت قاعد تقول لي صاحبك شنو
- لا ابدا
- ياخي انا عازماكم الليلة وعايزة اتعرف عليك انت بالذات كويس ممكن...
- يا ستي انا ما عندي مانع بس ليه انا بالذات يعني
- عشان انت وقفت مع الشباب ديل وقفة سمحة وبعدين انا عايزة اعرف عملت شنو مع اهل عوض عشان نفرح بيهم
- يا زولة انت مالك مكبرة القصة كدة انا حاولت اساعد صاحبي وبس رغم انه الموقف صعب جدا
- انا عارفة وحاسة كدة
..... ومشينا اراك اوتيل....

avatar
طارق جبريل
الإدارة العامة
الإدارة العامة

عدد المساهمات : 236
تاريخ التسجيل : 06/06/2009

الرجوع الى أعلى الصفحة اذهب الى الأسفل

رد: أي بت شديدة بتحب ليها طُلبة (صبي بناي)

مُساهمة من طرف طارق جبريل في الخميس يوليو 02, 2009 5:01 pm

(12)
مشينا الاراك هوتيل..
- اها يا شباب تفطروا شنو انا بقترح ناخد سمك فرايد...
- شوف يا عوض قول لي الزولة دي تشوف لينا فول زيتو كتير عشان نتمسح بعد ما نكمل.. فرايد شنو
وهي زاتها فرايد دي تطلع شنو انا السمك البعرفو القرقور وكان بالغتة البلطي... انا عايز اغمس
- كدي روق يا طارق عليك الله وخلي جنك دة الزولة دي عازماك وعايزة تعرف ناس أبوي قالوا شنو
- انتو بتقولوا في شنو..
- لا مافي حاجة
ضربنا الأسماك والسلطات...
- يا شباب شاي ما بطال
- يا طارق كدي تعال اقعد جنبي
- اوكي
- اها الحصل شنو
- والله الناس ديل انا اقنعتهم بعد صعوبة لكن لي هسا
هم ما مقتنعين وشايفين القصة ما بتجي يمشوا يد قدام ويد وراء
- يعني ما حا يجوا
- لا ما كدة بس بصراحة كدة ما مقتنعين انه يمشوا مع ولد لسة بيقرأ
وكمان الحتة بتاعة إنه انتو تتكفلوا بي كل حاجة دي وهم يجوا يد قدام ويد وراء شوية مأزماهم
- انت ما شرحت ليهم
- اكيد بس هم شايفين القصة قصة كرامة... والناس ديل رغم فقرهم إلا إنه عندهم كرامة فايتة الحد
وشايفين إنهم حا يجوكم عشان خاطر ولدهم .. يعني ما برضاهم
- ممكن انا امشي اقابلهم
- بيعتمد على الشئ العايزة تقوليهو ليهم
- انا بس عايزة اشرح ليهم انه نحن النسوان بس العارفين الأمور حا تمشي كيف...
لانه رجالنا ما عارفين انه خالات البت هم الحا يشتروا كل حاجة... الدبل وامور الخطوبة كلها... حتى لبسة عوض من عندي انا
- والله أشوفهم وأرد عليك... بس حاولي إنك تفهمي نفسيتهم..
يعني لو حسوا انك بتجرحيهم حا تبوظي القصة كلها...
- هو ولد عمها دة ما حاسس إنه البت ما عايزاهو..
- حاسس بس هو مُصر
- ياخي الموضوع دة عجيب من أوله
- قالوا لي إنك معترض
- أنا ما معترض ولا حاجة ولا عندي الحق دة... بس أنا بعرف أهل عوض كويس..
ناس طيبين وفي حالهم.. ومنتظرين عوض دة ينتهي بتين عشان يساعدهم مع أخوانه
- كل شئ حا يتسهل..
الشئ الحارقني وفاقع مرارتي عوض شغال يتبسم ويكب في الجلكسات مع القرمبوز
ومرة مرة يخت يدو في خدو تقول عايزين يصوروهو في جنة الأطفال
وأخت الجكس تراقب فينا أنا وخالتها زي رئيس العمال
- انت ما شايفة إنه الموضوع غريب
- غريب... بس بتنا بتحب الولد شديد وأخير لينا تعرسوا بي رضانا وقدام عينينا من تعرسوا من ورانا
- عوض زول كويس شديد
- انا عارفة كدة كويس... عشان كدة نحن عايزين نشتري راجل... عندك اعتراض
- ابدا ابدا
- انت ما عندك مشروع زواج كمان
أها بدينا في الكلام الأعوج... كان كدي نقوم نمشي...
- لسة بدري.... المشوار طويل
- يعني ما عندك جكس
يا النبي نوح... بدينا في جرجير الكلام والبحيت
- لا على باب الله
- يعني مافي واحدة عاجباك
- حتى لو في حا يكون الموضوع سراب ساكت
- ياخي إنت ليه متشائم كدة
- ما متشائم بس تقدري تقولي عارف حدود الحاجات العندي كويس وما عايز اتشعلق في الهواء
- حتى لو في ناس انت عاجبهم شديد
أهاااااااااااااااااااااااااااااااااااااااا
يا سيدي الحسن.....

avatar
طارق جبريل
الإدارة العامة
الإدارة العامة

عدد المساهمات : 236
تاريخ التسجيل : 06/06/2009

الرجوع الى أعلى الصفحة اذهب الى الأسفل

رد: أي بت شديدة بتحب ليها طُلبة (صبي بناي)

مُساهمة من طرف طارق جبريل في الأربعاء يوليو 08, 2009 2:36 pm

(13)
يوم بالمساء اسمع صوت الحاج من الشارع مع العصرية بيكورك:
- يا طارق في جماعة عايزنك
ألقى ليك خالة البنية ومعاها واحدة تانية وعربية تقول يا ليل والله جنسها شنو ما عارف...
والله يستر الجلكيم خلى قراية الجريدة وبقى يشوف فينا
- سلام يا طارق
- وعليكم السلام
- ياخي نحن قلنا نسأل منك في الأول عشان إنت تدخلنا لي أهل عوض ودي اختي محاسن
- ما في مشكلة انتظروني دقيقة
دخلت لقيت خالة سكينة تعوس في اللقيمات ومقنطرة سفتها زي ترلة القندران
- يا خالة خليك من العواسة دي نسايب عوض جوا يشوفك
- النبي فوقك يا ولدي
- أيوة قومي شوفيهم
دخلت خالات البنية عند أم عوض ومشيت اقعد مع أخوانه
لأنه الجلكيم دة برة حا يبدأ يزرزر فيني برة عشان كدة اخير يزرزنا مع العشاء
وأصلو العشاء ياهو الفول دة مع زرزرة الجلكيم بيبقى تركين
......
شوية اسمع ليك يا طارق يا طارق
جيت جاري لقيت النسوان خلاص مارقين من جوة ويتبسمن
وأم عوض وأبوه مودعنهم لي برة.... شكلو كدة عوض خلاص اتورط
- أها يا جماعة فتناكم بي عافية ومن هنا اسبوعين تشرفونا وأنا قبليها بي كم يوم بجيكم براي
أبو الزفت الكلام دخل الحوش
- شوف يا طارق الناس ديل حا يجوا يتقدموا رسمي وانت لازم تكون معاهم
يا النبي نوح... وأنا في شنو
- ياخي إنت صاحب العريس ووجودك مهم جدا
- ام عوض: هو لو ما مشى أنا ذاتي ما بمشي ياهو ولدي التاني
- يا حاجة تاني شنو قولي ولدك العشرين
وكلهم ضحكوا لي قعر اضنيهم والنسوان ركبن عربيتن ومشن
وأنا مشيت لي زرزير أبوي
... خلاص بقينا على المشي ليهم بعد أسبوعين

avatar
طارق جبريل
الإدارة العامة
الإدارة العامة

عدد المساهمات : 236
تاريخ التسجيل : 06/06/2009

الرجوع الى أعلى الصفحة اذهب الى الأسفل

رد: أي بت شديدة بتحب ليها طُلبة (صبي بناي)

مُساهمة من طرف عبد الرحمن الخواض في الخميس يوليو 09, 2009 9:13 am

الحبيب طارق

أصلاً أنا متابعك من بهناك

تمها الله يرضى عليك

بس تسجيل حضور ومتابعة

عبد الرحمن الخواض
إمتدادي جديد

عدد المساهمات : 11
تاريخ التسجيل : 05/07/2009

الرجوع الى أعلى الصفحة اذهب الى الأسفل

رد: أي بت شديدة بتحب ليها طُلبة (صبي بناي)

مُساهمة من طرف الفاتح الجوص في السبت يوليو 11, 2009 12:49 am

طرووقى واصل والله متابع بشده
اه لقيت التزاكر ولا لسع
تحياتى
avatar
الفاتح الجوص
وسام الإبداع
وسام الإبداع

عدد المساهمات : 256
تاريخ التسجيل : 08/06/2009
الموقع : مربع 4

الرجوع الى أعلى الصفحة اذهب الى الأسفل

رد: أي بت شديدة بتحب ليها طُلبة (صبي بناي)

مُساهمة من طرف طارق جبريل في الإثنين يوليو 13, 2009 11:08 am

عبد الرحمن الخواض كتب:الحبيب طارق

أصلاً أنا متابعك من بهناك

تمها الله يرضى عليك

بس تسجيل حضور ومتابعة

حاضر يا سيدي
avatar
طارق جبريل
الإدارة العامة
الإدارة العامة

عدد المساهمات : 236
تاريخ التسجيل : 06/06/2009

الرجوع الى أعلى الصفحة اذهب الى الأسفل

صفحة 3 من اصل 5 الصفحة السابقة  1, 2, 3, 4, 5  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى