حصاد الغربة

حصاد الغربة,حقائب مليانة , خروج وعودة,برا وبحرا , وكل بمعاناته ,غربة طويلة ممتدة,الخالات والعمات , المات مات والباقي باقي ,لا ليك راْي لا ارض لا حزب عندك حزب واحد اْسمه (حول) اتصالات , حوالات,طقم عشاء ودهب كضب ,قراية العيال والجامعات مرة كوته ومرة نسب, البنات المنتظرات العرس , والحكومات وعدم الاعتراف بنضال المغتربين, وآخر المطاف كبر وكرمشة وموت ودفن هنا اْو في طرد متجه غربا(والله المستعان).


]كل هذا تجدونه في حصاد الغربة [
,,,,,,,,,,,,,,,,,,,,,,,,,,,,,,,

اْمرك عجيب يا مغترب
شايل حقايبك ماشي وين ؟؟؟
ما الغربة طالت يامسيكين
وانت في نص الدرب
والناس هناك ماشايلة هم
لاهم حكومة ولا لحم
سكت ليه يامغترب؟؟؟
حاول اْجب؟؟
الناس وراك دفنت اْلوف
وانت جالس تنتحب
الناس هناك هزمت
طوابير الصفوف
وازدادو نجمات في الكتوف
وانت جالس زي خروف
لا فيك لبن لافيك صوف
شعار جميل مكتوب حروف
زول مغترب
انت يا اْبوي مين اللي زيك
انت مازول مغترب
لا ليك اْرض
لا ليك راْي
لا خطة اسكان لا حزب
انت عندك حزب واحد
اسمه حوّل
اْخوك وراك راقد تعب
جاك اتصال من ناس
يا اْخوي حول وماتطول
جدي الخضر عضو الكلب
يا اْخوي حول
في الشهر مرتين
ود اللمين جاهو المقص
في الكليتين
خلآهو زي زول الكٍتب
يا اْخوي حول وما تطول
وجيب معاك طقم العشاء
ودهب الكضب
وانت جالس يامسيكين
الغربة طالت
وانت في نص الدرب
مرت سنين فوق السنين
لا اشتريت قطعة اْرض
ولا سقفت الغرفتين
والحالة طين
يا اْخوي صلي ركعتين
بعد الفرض
يا اْخوي حول جيب قروش
وخاتم الجنيه للسيدتين
اْم العريس واْم العروس
ولا تقول فلنفترض
اْضرب خماسيك في سداسيك
واْضرب الطول في العرض
الغربة طالت
والعيال كبرت وجالت
وانت حالك يامسيكين
والله تغني عن سوْالك
والفكر مشغول
وشايل هم عيالك وين بتقراْ
والغريب كل الحكومات
في البلد تنكر نضالك
وحتي العيال في الجامعات
يامسيكين
بدل الجنيه تدفع ريالك
ومهما تكتب اْو تقول
هذا اختيارك
لا ليك راْي ولا هناك
من يرد ليك اعتبارك
شد حيلك واشتغل
عشرين شغل خارج مجالك
شد حيلك والثغور راجاك كتيرة
ست البنات صارت مديرة
ولسه ما جاها العريس
والبيت ملان

ناس سميرة
يابا ماتخليك معصلج
وانت ماتخليك عويرة
وما مهم ود اللعم
ومامهم من القبيلة
المهم اْبقي راجل
وما اْكون زولا خميلة
اْلم اْقل اْمرك عجيب يامغترب ؟؟
جيت شباب تلبس خفيف
حتي في عز البرد
بعد السنين الجلود اتكرمشت
واْصبحت ودعم القرد
وآخر المطاف السنين
صارت عجاف
شالوك مقفل في طرد
وآخر المطاف السنين
صارت عجاف
شالوك مقفل في طرد.

!!!!!نتمني عودتكم جميعا لتراب الوطن الغالي

[quote]
الحال ياهو نفس الحال وفي جواي صدى الواقع .

دى الغربة .

اللهم ردنا الى أهلنا سسسسالمين يارب .......

تعرف اكبر غلط ارتكبته يوم قطعت ذلط شرق متجه للمبنى فى محطه البراميل سابقا
ياريت لو كان لقيت لى ذول اخرنى شويه .
هو القال ليهم جيبو المبنى ده هنا شنو يعنى بس دى يا ناس الامتداد اغتربو ..!!!

وانت جالس زي خروف
لا فيك لبن لافيك صوف ..
صدق اللقال ...
واحاتك يا عدولة دموعي سااااااااااااااااااااالت
حرام والله حرام .. نقول عاد طبزنا عينا بايدنا
والحمدلله رب العالمين

اه ثم اه يادولي ياود محمود من سنين الغربة واهاتها ,, اعيش في غربة للنفس راضيا بها ولا الملتقي من عيشي كسبو ,,, الم وعذاب وتعب وكر وفر والبيت والاهل وناس السودان والمصاريف والشوق للوالدة وسهر الليالي اذا كانت تعبانه او مريضة والاحباب والاخوان والاصحاب والجيران والجامعات والمدارس وعرس البنات (كوم من الهموم ) وفي النهاية الحصاد صفر ,,, كبر وشيب ومرض ( اللهم ياكريم يامعافي عافينا وصبرنا وداينا العمل الصالح ,,, ونشكر الله ونحمده علي نعمة الصحة والعافية ,,,, الحمدو والشكر لك يالله , الحمد والشكر لك يالله ,, الحمد والشكر لك يالله .
********

هل يعلم الصّحبُ أني بعد فرقتهم
أبيت أرعى نجوم اليل سهرانا
أقضي الزمان ولا أقضي به وطراً
وأقطع الدهر أشواقا وأشجانا
ولا غريب إذا أصبحت في حزنٍ
إن الغريب حزين حيثما كانا
جسمي معي غير أن الروح عندكم
فالجسم في غربة والروح في وطن
فليعجب الناس مني أن لي بدنا
لا روح فيه ولي روح بلا بدن
غربتي وحدة, غربتي عُزلة, غربتي فكر غريب
هي معي ان كنت بعيدا أو قريب
غربتي همي , هي صدى صوت لا يجيب
هي بكاء حتى النحيب
في زمن كل من حولي صار مريب
كل جزء في حياتي, في عقلي عجيب
غربتي دين سليب
هي نار في قلبي لهيب
هي شوق للحياة وحنين للحبيب
لا تلوموني إذا مت احتراقا
لا تلوموني إذا ذبت اشتياقا

بعدها ما عاد ليلي كالليالي
أو نهاري دونها عاد مطاقا
*ياغالي متي تعود
الوداع
لكِ أن تكتب بالدمع
ولي أن أكتب بالدم
وللطير أن يقرا الألم
ولك أن تقول الآه
ولي أن أقول الآخ
وللقبر أن يقول الوداع

غريب والغربة أقسى نضــــــال ...
غريب والغربة سترة حال ...
غريب وبعيد حضور وزوال.
ربنا يرد غربتنا ويستر حالنا ويعافينا - الشغلة ما جايبه همها - هانت إنشاء الله .
نتمنى أن نرجع جميعاً للوطن سالمين أما غانمين فمهما غنمنا فقدغرمنا .

أخوانى .

أحمدو اللة على كل حال .
مافى واحد مرتاح . سبحان اللة دة حال الدنيا ..........

عبدالله عوض عبدالله كع كتب:وانت جالس زي خروف
لا فيك لبن لافيك صوف ..
صدق اللقال ...
واحاتك يا عدولة دموعي سااااااااااااااااااااالت
حرام والله حرام .. نقول عاد طبزنا عينا بايدنا
والحمدلله رب العالمين

والله ياكع نسال الله ان يردنا جميعا فى اقرب وقت ,,,,,,العمرماشى والم الغربة وتبعاتها لن يتوقف واهاتها وانينها يحاصرنا.
فهل من صرخة داوية تنهى هذا الالم وهذه الغيبوبة
والى متى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ غيبوبة الغربة ؟

بدر يعقوب كتب:اه ثم اه يادولي ياود محمود من سنين الغربة واهاتها ,, اعيش في غربة للنفس راضيا بها ولا الملتقي من عيشي كسبو ,,, الم وعذاب وتعب وكر وفر والبيت والاهل وناس السودان والمصاريف والشوق للوالدة وسهر الليالي اذا كانت تعبانه او مريضة والاحباب والاخوان والاصحاب والجيران والجامعات والمدارس وعرس البنات (كوم من الهموم ) وفي النهاية الحصاد صفر ,,, كبر وشيب ومرض ( اللهم ياكريم يامعافي عافينا وصبرنا وداينا العمل الصالح ,,, ونشكر الله ونحمده علي نعمة الصحة والعافية ,,,, الحمدو والشكر لك يالله , الحمد والشكر لك يالله ,, الحمد والشكر لك يالله .
********

هل يعلم الصّحبُ أني بعد فرقتهم
أبيت أرعى نجوم اليل سهرانا
أقضي الزمان ولا أقضي به وطراً
وأقطع الدهر أشواقا وأشجانا
ولا غريب إذا أصبحت في حزنٍ
إن الغريب حزين حيثما كانا
جسمي معي غير أن الروح عندكم
فالجسم في غربة والروح في وطن
فليعجب الناس مني أن لي بدنا
لا روح فيه ولي روح بلا بدن
غربتي وحدة, غربتي عُزلة, غربتي فكر غريب
هي معي ان كنت بعيدا أو قريب
غربتي همي , هي صدى صوت لا يجيب
هي بكاء حتى النحيب
في زمن كل من حولي صار مريب
كل جزء في حياتي, في عقلي عجيب
غربتي دين سليب
هي نار في قلبي لهيب
هي شوق للحياة وحنين للحبيب
لا تلوموني إذا مت احتراقا
لا تلوموني إذا ذبت اشتياقا

بعدها ما عاد ليلي كالليالي
أو نهاري دونها عاد مطاقا
*ياغالي متي تعود
الوداع
لكِ أن تكتب بالدمع
ولي أن أكتب بالدم
وللطير أن يقرا الألم
ولك أن تقول الآه
ولي أن أقول الآخ
وللقبر أن يقول الوداع

نعم اخى بدر دين سليب وبكاء حتى النحيب
والجسم فى غربة والروح فى وطن
ولاكن نسال الله الصبر والعودة سالمة ان لم تكن غانمه الى الدار والاهل والاحباب

عادل علي كتب:غريب والغربة أقسى نضــــــال ...
غريب والغربة سترة حال ...
غريب وبعيد حضور وزوال.
ربنا يرد غربتنا ويستر حالنا ويعافينا - الشغلة ما جايبه همها - هانت إنشاء الله .
نتمنى أن نرجع جميعاً للوطن سالمين أما غانمين فمهما غنمنا فقدغرمنا .

ياتنقو معاى واحد حبيب لا اعزو عليكم انسان بسيط متواضع احب تواضعه الجم وهو دائم الحضور الى منزلى يوم الجمعة بعد صلاة الظهر حتى انا فى عدم حضوره يوم الجمعة ينتابنى احساس الفقدان لروتين جميل اعيشه يوم العطله
المهم بمجرد اتصاله تلفونيا او حضوره حين يقرع جرس الباب قولته المشهورة
الغربة غربال زكرتى لو تزكر ياود\ الحلال
تحياتى ياود الحلال
ونسال الله ان يكون العود احمد الى ارض الوطن
لك ودى

تعلمت من الغربة ان الموت ألف مرة فوق ترابك يا سودان اهون من التفكير بالخروج خارجك..

الحبيب ود المعلم ...
تعرف أن هؤلاء الناس البسيطين الجميلين من أمثال ضيفك الذي يدوام على زيارتك كل جمعة ويقابلك دائماً بعبارته الشهير" الغربة غربال " هم الفئ الحقيقي الذي نستظل به من هجير الغربة وما أجمل من أن يكون الدار عامراً بأهله وضيوفه دائماً كدارك .

مودتــــــي ،،،