درس العصر فى الامتداد 4

استعرض الموضوع السابق استعرض الموضوع التالي اذهب الى الأسفل

درس العصر فى الامتداد 4

مُساهمة من طرف محمد عبد الرحيم قسم الله في الجمعة مارس 19, 2010 12:40 pm

سنه كم كده ما عارف لكن الكلام ده ما بعيد كنا طلبه فى مدرسه بشير زمن كان الفسحه القدام المدرسه فاضيه ما فيها الاالذاويه
وستات الفول والتسالى قاعدين فى ضل بيت ناس على كباره وهناك عم بابكر عنده الحلاوه فى عجلته .. المهم فى درس العصر
قامو جابو لينا بنات مدرسه ست امنه او المدرسه الملاصقه لينا وكان بفضو ليهن الكنبتين الاولى والتانيه وفى ذحمه شديده فى الكنبه التاليه لهن واغرب ما فى الامر الصادق القرقور كنبته الطيش وركن لكن فى درس العصر رامى قدام ..وكان فى عدم انتظام فى الصباح غياب بالجمله !!والله دفتر المركذ الصحى صفحتين خاصا لمن تكون فى دبل رياضيات ولا تسميع ولكن فى العصر لو عندك ملاريا لاذم تجى ..
وكان اخر شياكه وبناطلين تلخم لكن فى الصباح جنس بشتنه!!!!
واذكر من كنبتنا عليوه وعاصم العاقب وعاطف حسن موسى جمال ونذار اخوان وفى الدفعه ايضا مذمل حسن جمعه ,جمال قرب,راشد جبريل,عمر ابراهيم,الصادق القرقور ومحمد سليمان ,عبدالسميع خالد الربيع,المعذ محمد عبد الرحيم,معذ عبد الرحيم ,خالد ابوساعه ,على كباره, معتذ ابنعوف والباقين مانى خابرهم!!!! دفعه عجيبه احسن ذول كان سايق روزا فى خط السلمه !...
بس ما بتذكر اسما ءالبنات الكان بجو الدرس لكن منهم اتنين من ال كرودى وال ميرغى وال صابر(مربع 6 ) وشقيقه عبد السميع
والبيت الكان فبه دكان عم النور... انشاء الله تكون هسع اى واحده فى بيتها وبالله ناس الدفعه دى من الشباب لو قاعدين واصلونا فى ابوشيبه ضد كوم ....
avatar
محمد عبد الرحيم قسم الله
إمتدادي مميّز

عدد المساهمات : 88
تاريخ التسجيل : 19/06/2009

الرجوع الى أعلى الصفحة اذهب الى الأسفل

رد: درس العصر فى الامتداد 4

مُساهمة من طرف abo sara في الجمعة مارس 19, 2010 11:54 pm

تماااااااااااااام
الظاهر البال رايق الايام دي والامور سالكة
لانك بديت تفرفر الدفاتر القديمة وده معناهو النفسيات في العلالي

بس يا أبو شيبة لو دى دفعتك معناها إنت صغير خالص ولا كنت بتعيد كتير
لانو الذكرتهم ديل صغار وانا بديك عمر اكبر منهم،لووووووووووووول
مودتى،،،،،،،،،،

محمد عباس عبدالوهاب
avatar
abo sara
أبوسارة
أبوسارة

عدد المساهمات : 219
تاريخ التسجيل : 30/06/2009
الموقع : 8-60

الرجوع الى أعلى الصفحة اذهب الى الأسفل

رد: درس العصر فى الامتداد 4

مُساهمة من طرف عمر شيخ الدين الزبير في السبت مارس 20, 2010 12:09 am

ابو شيبه
سلامات

واذكر من كنبتنا عليوه وعاصم العاقب وعاطف حسن موسى جمال ونذار اخوان وفى الدفعه ايضا مذمل حسن جمعه ,جمال قرب,راشد جبريل,عمر ابراهيم,الصادق القرقور ومحمد سليمان ,عبدالسميع خالد الربيع,المعذ محمد عبد الرحيم,معذ عبد الرحيم ,خالد ابوساعه ,على كباره, معتذ ابنعوف والباقين مانى خابرهم!!!! دفعه عجيبه احسن ذول كان سايق روزا فى خط السلمه

ياخ دي دفعه مبالغه عديل

عليوه دا اخبارو شنو دفعه في المرضي برضو

[img][/img]
تحياتي
avatar
عمر شيخ الدين الزبير
وسام الإبداع
وسام الإبداع

عدد المساهمات : 275
تاريخ التسجيل : 06/06/2009
الموقع : فرنسا

الرجوع الى أعلى الصفحة اذهب الى الأسفل

رد: درس العصر فى الامتداد 4

مُساهمة من طرف فريني في السبت مارس 20, 2010 11:35 am

يا سلام عليك يا أبو شيبه زكريات جميلة ربنا يعيدا
لكن يا أبو سارة طالما أن لأبو شيبه كان من زمن الصادق القرقور و عليوه معناعه الراجل دا كبير جدا لأنو الصادق و عليوه ديل أسسو المدرسة دي مع عمك بشير
دمتم بكل ود أخي أبوشيبة و عبر التحايا موصوله لكل أبناء الدينمو .
avatar
فريني
عضو مميز
عضو مميز

عدد المساهمات : 209
تاريخ التسجيل : 17/02/2010
الموقع : الرياض

الرجوع الى أعلى الصفحة اذهب الى الأسفل

رد: درس العصر فى الامتداد 4

مُساهمة من طرف abo sara في السبت مارس 20, 2010 1:38 pm

فريني كتب:يا سلام عليك يا أبو شيبه زكريات جميلة ربنا يعيدا
لكن يا أبو سارة طالما أن لأبو شيبه كان من زمن الصادق القرقور و عليوه معناعه الراجل دا كبير جدا لأنو الصادق و عليوه ديل أسسو المدرسة دي مع عمك بشير
دمتم بكل ود أخي أبوشيبة و عبر التحايا موصوله لكل أبناء الدينمو .

فرينى ياخى سلامات
يازول المدرسة دى كانت في مربع 8 والمدرسة دى درس فيها د/طارق جبريل ود/طارق محمد حسين
تقول لي أبو شيبة ده من المؤسسين وديل الـ كان ناظرهم المرحوم عمنا بشير

لكن ناس أبوشيبة ديل ماشافو الناظر ده بي عينهم، يعنى سمعوا بيهو سمع حكاوى ساااااااااااااااكت

دمتم،،،،،،،،،،،،،

محمد عباس عبدالوهاب
avatar
abo sara
أبوسارة
أبوسارة

عدد المساهمات : 219
تاريخ التسجيل : 30/06/2009
الموقع : 8-60

الرجوع الى أعلى الصفحة اذهب الى الأسفل

رد: درس العصر فى الامتداد 4

مُساهمة من طرف يحي حمد سعيد حامد النضيف في الثلاثاء مارس 23, 2010 7:25 pm

ســلام ..يــا .. شــبــاب
:
.. طـبـعـا .. نـحـن جــيـل ..شــاهـد عـلـي .. الـعـصــرين ..مـن
مربــع 8 ..ولمــربــع 9 .. المــوقــع .. الـحــالــي ..للمـدرســة.
:
و بـعـدين .. عـنـدي .. ســؤال .. يــا محمــد ..؟
:
هــل .. زمـيلـك .. مـزمـل حـسـن جــمعـة .. هو ..
مـزمـل حـسـن جــمعـة ..بـتـاع ..مـربـع 13
و لا .. واحــد تــانــي ..؟
:
وعـشــان .. تـكون .. في .. الـصــوة .. انـا .. كـنت الألـفـة
مـن ســنة ثـالـثـة .. لحــدي .. سـنـة ســادســة.
:
تحــيــاتي.
:
يـحـي حمــد.
:
:

يحي حمد سعيد حامد النضيف
وسام الإبداع
وسام الإبداع

عدد المساهمات : 586
تاريخ التسجيل : 07/06/2009
الموقع : مـربع 3

الرجوع الى أعلى الصفحة اذهب الى الأسفل

رد: درس العصر فى الامتداد 4

مُساهمة من طرف abo sara في الأربعاء مارس 24, 2010 1:03 pm

أبو شيبة ياحبيب
اجمل تحايا ليك ولي ناس قطر
يازول شايفك من يوم ما سجلت هنا تجى تنثر الدرر وتولى الأدبار
تعرف لو كنت في السودان كنت القى ليك العذر لانو السودان
جريهو كتير زيد علي ذلك النت ومشاكلو و،و،وحاجات تانية حاميانى
ياخى خليك قريييب وقربك دايرنو بالحيل واكتب واحرس بوستاتك دى
ههههههههههههههههههه
منتظرين ،،،، وعسانا مايكون كتير؟
مودتى،،،،،

محمد عباس عبدالوهاب
avatar
abo sara
أبوسارة
أبوسارة

عدد المساهمات : 219
تاريخ التسجيل : 30/06/2009
الموقع : 8-60

الرجوع الى أعلى الصفحة اذهب الى الأسفل

رد: درس العصر فى الامتداد 4

مُساهمة من طرف Majdi AbdulRahim fadul Mo في الخميس مارس 25, 2010 10:00 am

طبعا يا أبو شيبة درس العصر ده لناااس البُلَدا والناااس الشُطّار بيكتفوا بالمدرسة صباحاً فقط ،

المدرسة دي لمن كانت في مربع 8 كانت بالجلاليب ذي نااااس السعودية الآن ذي قومي وكده ده طبعا وقطعاً ماشفناها لكن السرد من القدماء وتواصل الأجيال لحقنا طرف السوط والمدرسة الآن في مربع 10 ياصديقي يحي حمد وتخيل مربع 9 ده أصغر مربعات الأمتداد لم يكمل المئة بيت معلومة من زمن اللجان الشعبية ودائما مع يجمعوه مع مربع 10 وزمان كان رئيس اللجنة لأربعة مربعات عمنا الخير محمد طه يرحمة الله 9و10و13و14 زمن كان من خيره الكثير ونعود لدرس العصر حق أبو شيبة ده وعجبني تعليق أحسن طالب تخرج من الدرس ده سائق في خط السلمة ما يكون مراد عبدالمنعم صديقي الجميل لك يامحمد وفصلك الجميل ده زكريات خالدة.

،،،،أبوقصي،،،،
avatar
Majdi AbdulRahim fadul Mo
وسام التميز
وسام التميز

عدد المساهمات : 673
تاريخ التسجيل : 08/06/2009
الموقع : الأمتدا

الرجوع الى أعلى الصفحة اذهب الى الأسفل

رد: درس العصر فى الامتداد 4

مُساهمة من طرف MARADONA. في الخميس مارس 25, 2010 10:20 am

حبيبنا : ابو قصى

معليش الزاكرة خانتك شوية .
مربع 9 دة مااصغر مربع كما ذكرت ..

لكن اصغر المربعات وعلى ماأظن هى . 5/6 واللة أعلم

مع حبى ،،،،،،،،،،،،،،،،،،،،،

MARADONA.
عضو مميز
عضو مميز

عدد المساهمات : 348
تاريخ التسجيل : 06/03/2010

الرجوع الى أعلى الصفحة اذهب الى الأسفل

رد: درس العصر فى الامتداد 4

مُساهمة من طرف فريني في الخميس مارس 25, 2010 10:41 am

كلامك صحيح يا ماردونا مربعي 5 / 6 تكاد تكون أصغر مربعات الامتداد و بالاخص مربع 5
و أحب اصحح للأخ مجدي معلومة أن مدرسة الامتداد 4 أولاد ( مدرسة بشير ) و مدرسة الامتداد 4 بنات ( مدرسة ست امنه ) جزء من مربع 9 و ترقيم منازل مربع 9 تبدأ بهما باعتبارهما أول و ثاني منزلين بمربع 9
دمتم بكل ود ..........
avatar
فريني
عضو مميز
عضو مميز

عدد المساهمات : 209
تاريخ التسجيل : 17/02/2010
الموقع : الرياض

الرجوع الى أعلى الصفحة اذهب الى الأسفل

رد: درس العصر فى الامتداد 4

مُساهمة من طرف MARADONA. في الخميس مارس 25, 2010 10:58 am

دة الكلام . ياصحبى

يظهر انو مجدى . الزاكرة خانتو شوية .

ومدرسة الامتداد 4 دى . نحنا السميناها . مدرسة بشير . اللة يرحمو .
وللعلم . الاستاذ والناظر بشير . كان يقضى معظم اوقاتة بعد الدراسة مع أهل مربع 9 /10 بالذات
وخاصة اولياء الامور فى المربع والتشاور معهم فيما يخص المدرسة من دعم مادى او معنوى
لرفعة المدرسة . وجعلها من المدارس المتفوقة فى منطقة الخرطوم .

مع شكرى وتقديرى ،،،،،،،،،،،،،،،،،،،،،

MARADONA.
عضو مميز
عضو مميز

عدد المساهمات : 348
تاريخ التسجيل : 06/03/2010

الرجوع الى أعلى الصفحة اذهب الى الأسفل

رد: درس العصر فى الامتداد 4

مُساهمة من طرف يحي حمد سعيد حامد النضيف في الخميس مارس 25, 2010 1:18 pm

Majdi AbdulRahim fadul Mo كتب:
المدرسة دي لمن كانت في مربع 8 كانت بالجلاليب ذي نااااس السعودية الآن ذي قومي وكده ده طبعا وقطعاً ماشفناها لكن السرد من القدماء وتواصل الأجيال لحقنا طرف السوط
،،،،أبوقصي،،،،
::
حــبـيـبـنــا .. يــا .. أبــو قــصــي .. ســلامــات .. يــاخــي ..!!
:
تـعــرف .... يــا .. أبــو قــصــي .. لـمـا .. كـنـا .. فــي .. مــربـع 8 .. و نـحـن
يــادوب .. فـي .. سـنة أولي .. تــاكــل فــولــة ..كـنـا .. بـنـلــبــس .. جـلالــيـب
.. وكــراسـين داخـل شـنـطـة ..قـمــاش مـن بـاقــي الجـلابـيـة .
ولـمـا ..جــيــنــا .. ســنة تــانــيـة .. يــا ..حـبـيـب ..! تـم ..تــغــيــر الــزي المـدرســي فـي ..جـميـع مـراحـل .. الـتـعـلييم
:
آهــاااا .. وإبتــدت ..الـجـنـصـصـة و الـقــنــدفـة .. مــع الأرديــة .. جـكـســا
فـي خـط ســتـة .. و في نــوع .. مــا بــعــد .. خــط ســتـة .. و دهـ ..حـصــريــا
للـفـئــة ( روزا في الـسـلـمة ).. ذات .. الدفــع ..الـربــاعــي .. عـضــلات .. تـبـش
ومــقــــانـص .. ورا .. ورا ..يــا كـنـبـة .. ورا .
عـلـما ..إنـو ..كـنـبة ورا .. حـقــتــنـا ..دي..قـلـبـت .. هــوبــه .. و طـلـعـت :ــ
3ـ مـهـندســين
1ـ طـبـييب إسـتـشــاري .. وزمـيـل جـراحـين .. بـريـطـانـيــا
2- محــاميين
1- تـاجــر مــواشــي ( 3 عمــاير بالـعـشــرة) .. بـسـم الله ..مــا شــاء الله.
1- ســائـق تــاكــســي
وإلــى .. الـيــوم .. عـلى .. إتــصــال ..مــع .. بــعـض.
::
::
فــائــق ... تــقــديــري.
::

يحي حمد سعيد حامد النضيف
وسام الإبداع
وسام الإبداع

عدد المساهمات : 586
تاريخ التسجيل : 07/06/2009
الموقع : مـربع 3

الرجوع الى أعلى الصفحة اذهب الى الأسفل

رد: درس العصر فى الامتداد 4

مُساهمة من طرف محمد عبد الرحيم قسم الله في الجمعة مارس 26, 2010 1:22 am

شكرا للاخوه المتداخلين
ابوساره الغياب الضغط حاصل لكن الخميس والجمعه دى متحكر فى نص الحوش ويا عمر عليوه ده قابلتو من بعيد شاكى بنطلون موصلو حلقو ادانى احساس انه مدير قسم فى البنك الغريب كان حافظ جدول 2 بس وصادفت قريبه عبد السلام حمندى كم مره فى الدوحه ...يا مجدى يا اخوى نحن ما كنا بلده بس الدرس كان الذامى والله الشطاره الكان عندنا تكفى 14 كلها .
بعدين يا يحي مذمل ده كان ساكن شارع ناس قرب وهو اكتر ذول هادئ فى الامتداد
وحاه الله يا فرينى انا صغير بعدين ناس الصادق ديل كانو بعودوهم علشان يشد المهرجلين فى طابور الصباح
avatar
محمد عبد الرحيم قسم الله
إمتدادي مميّز

عدد المساهمات : 88
تاريخ التسجيل : 19/06/2009

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى