اساتذه مدرسه 4

استعرض الموضوع السابق استعرض الموضوع التالي اذهب الى الأسفل

اساتذه مدرسه 4

مُساهمة من طرف محمد عبد الرحيم قسم الله في الجمعة مارس 26, 2010 4:44 pm

نحن بشير دة ما شوفناه ولكن كان الناظر اسمه الشفيع ومن الاساتذه استاذ الرفاعى ونصر الدين بتاع الحساب وصلاح البعشوم وقاسم وست علويه بتاعه العلوم كان ساكنه فى شارع ناس عاصم العاقب على ما اعتقد وكذلك استاذه شقيقه سيف سفنجه تقريبا واستاذ عوض جار ناس عاصم برضو علشان كده عاصم كان بجى قبل عم النور بعد الناظر الشفيع جاء ناظر ساكن جنب المدرسه بس اسمو رايح لى هسع مجدى يقول ليك ديل كلهم درسونا !!!!
وفى ناس كان بعودوهم كل سنه علشان مهارات عديده يعنى فى واحدين بعودو علشان يشدو المهرجلين واحدين علشان الكورة واخرين فقدو فيهم الامل انهم يتعلمو ذى واحد كده اول حرف فى اسمه ببداء ب (عذو !!! )ما حاقول باقى الاسم علشان ماتعرفو !!! بالمناسبه دى اذكر ليكم طرفه لذيذه ..يوم جالسين شله جوار بيت ناس ابوالميظ جاء واحد رايح وسالنا يا شباب بسال من بيت الحكم الطاهر طوالى نط اخونا عصام دينق شقيق كمبيذ وسال الرايح قال ليه اسمه الطاهر محمد منو ؟؟؟؟؟؟ يعنى عملها بس اكمل الاتى ....
اما عوض الجذار كان بعود بمحض ارادته علشان الكوره وكان لمن يجيب قون باقى اليوم ما بتمو وبكره ما بجى ..عاصم عملها مره غاب بعد الكوره لكن هبتو فى طابور الصباح تانى ماتناها .
قمنا نجحنا ومشينا الامتداد 3 !!!!! اخيرالابتدائى لقيت ليك الفصل فيه 52 طالب منهم 66 من العشش و17 من العشره ودى خلوها مره تانى لان فيها ايهاب عويس وسوركتى اصلو ناس الربعات الاولى المتاخمه للعشش تاريخها ما كويس معاى
avatar
محمد عبد الرحيم قسم الله
إمتدادي مميّز

عدد المساهمات : 88
تاريخ التسجيل : 19/06/2009

الرجوع الى أعلى الصفحة اذهب الى الأسفل

رد: اساتذه مدرسه 4

مُساهمة من طرف Majdi AbdulRahim fadul Mo في الثلاثاء مارس 30, 2010 5:09 pm

أنت الصادق يا أبو شيبة واحد في الأساتيز ديل ما درسني بالذات في المرحلة الأبتدائية نااااس فطاحلة أستاذ محمد خير عيساوي ومحمد المهدي وعفت ومحمد الفاتح وعبدالعزيز الخروف وعبدالكريم غبية(حلفاوي) أكتر من لذيذ من مربع 3 نساء (مدرسات) ديل لمن التعليم زادو موية ياحبيب برجع ليك تااااني .

،،،،أبوقصي،،،،
avatar
Majdi AbdulRahim fadul Mo
وسام التميز
وسام التميز

عدد المساهمات : 673
تاريخ التسجيل : 08/06/2009
الموقع : الأمتدا

الرجوع الى أعلى الصفحة اذهب الى الأسفل

رد: اساتذه مدرسه 4

مُساهمة من طرف abo sara في الثلاثاء مارس 30, 2010 6:32 pm

اولا التحية لكل معلمى بلادى
وتحية ليكم الاتنين
ابوشيبة
ابوقصى
إنت وين من ابو شيبة ده ؟ يازول لما انت كنت بتدرس في الثانوى ابوشيبة ده في الإبتدائى
(ولا هو بعد داك سموهوا الأساس) الزول ده (صغمبروتى) بالنسبة ليك

تخريمة
المحيرنى صاحب البوست ده يسجل حضور كثيف يومى الأربعاء والخميس ويخلينا نحرس ليهو
لكن ياولدنا ماعندك اي مشكلة نحنا حاضريييييييييييييييين وبنسد ليك ( حق الصحوبية وكدة)
مودتى،،،،،،،،

محمد عباس عبدالوهاب
avatar
abo sara
أبوسارة
أبوسارة

عدد المساهمات : 219
تاريخ التسجيل : 30/06/2009
الموقع : 8-60

الرجوع الى أعلى الصفحة اذهب الى الأسفل

رد: اساتذه مدرسه 4

مُساهمة من طرف فريني في الأربعاء مارس 31, 2010 8:46 am

أتذكر و أنا في سنه تالته بمدرسة بشير كان في استاذ لا استحضر أسمه و كان أول يوم دراسي له حصلت مشكله كبيره ضرب أحد التلاميذ من العشش بحجة أنو التلميذ كان ضارب مريسه الكلام دا كان في الطابور و نحن في الصحة التانية قبل الفطور عينك ما تشوف لا النور مجموعة من الرجال و النساء من العشش يقتحومن المدرسة و يضربون كل من يقابلهم من المدرسين حتى وصلو للمدرس المعني و هاك يا ضرب بالعكاكيز و العصي و تم نقل الاستاذ للمستشفى لتلقي العلاج و من ديك تاني ما شوفت المدرس دا تاني بالمدرسة و حتي اليوم لا اتذكر أسمو . 
avatar
فريني
عضو مميز
عضو مميز

عدد المساهمات : 209
تاريخ التسجيل : 17/02/2010
الموقع : الرياض

الرجوع الى أعلى الصفحة اذهب الى الأسفل

رد: اساتذه مدرسه 4

مُساهمة من طرف ود الإمتداد في الأربعاء مارس 31, 2010 10:11 am

[الصحة التانية] هسة يا فريني عليك الله الضارب مريسة منو ... اسمها الحصة الثانية مش الصحة الثانية ...
بالمناسبة الأستاذ المضروب هو أستاذ سيف الدين سابل والآن ترك التعليم نهائي وبقى يصلح خردوات قديمة ورحل إلى الكلاكلة ..

مع تحياتي ومودتي ....
ود الإمتداد

ود الإمتداد
إمتدادي أصيل

عدد المساهمات : 28
تاريخ التسجيل : 26/08/2009

الرجوع الى أعلى الصفحة اذهب الى الأسفل

رد: اساتذه مدرسه 4

مُساهمة من طرف فريني في الأربعاء مارس 31, 2010 11:44 am

ولدنا كل التحايا و الود
الحصة التانية دي كانت دائما بكون رياضيات و غالبا ما بكون من الحصة الاولى ( دبل ) و الواحد بكون زهجان و منتظر بفارق الصبر انها تنتهي عشان يجري البيت الفطور و كدا
بالله عليك الاستاذ دا أسمو سيف الدين سابل أول مره اعرف أسمو - وكويس أنو ساب التعليم يا أخي ناس العشش عملوا ليهو عقده
avatar
فريني
عضو مميز
عضو مميز

عدد المساهمات : 209
تاريخ التسجيل : 17/02/2010
الموقع : الرياض

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى