،،،نفســـــي في داخلك أعاين،،،

من طرف Majdi AbdulRahim fadul Mo الأحد مارس 28, 2010 9:17 am

شاعرنا وحبيبنا الجميل د.بشري الفاضل

نفسي في داخلك أعاين
أروي روحي وأشوف منابعك
الصحراء في عيني تتواثب جناين
ماخدة صوتك من جداول
وشيالة صورتك من كهارب
مولدا ميدانه حافل
كل ما يصبح تجيهو الناس جحافل
يا سلام
لما تعبري في الشوارع
شوفي كيف الناس تصارع
ناس تطفر وناس تدفر
في البشابي على نجومك
وفى البخب كايس تخومك
وكل زول من عند سلافك
لا لا قال دايرلو كاس
مره طربان شلت صوتك شان اغني
قلت آه ياليل وأه
انت أول.. انت تاني..أنت تالت.. انت رابع
نافرة زى صيد الخلا
وساقية زى نبع المنابع
وقلتلي غناي خلاص
حلوه عينيك زى صحابي
عنيدة كيف تشبه شريحتين من شبابي
زى عنب طول معتق في الخوابئ
وسمحة زى ما تقول ضيوفا دقو بابي
فرحي بيهم سال ملا حتى الكبابي

،،،،أبوقصي،،،،

::
الله .. عــلــيـك .. يــا .. أبــو قــصــي
دايـمــا .. فـي الـتـمــنـيـات ..( خـمسـة .. و خميـسـة )
:
تــســلم .. يــا.. غــالـي ..
::
:

من طرف عادل علي الأحد مارس 28, 2010 11:36 am

الحبيب أبوقصي ،،،
نظل ظمى للمزيد من بيت الكلاوي من صلاح حاج سعيد ومدني النخلي وأزهري محمد علي وعاطف خيري وبقية العقد الفريد - فالدنيا ليل غربة ومطر .
تحياتي لك وللحبيب أبو مازن .

من طرف Majdi AbdulRahim fadul Mo الأحد مارس 28, 2010 4:40 pm

الحبيبان يحي وعادل لكما من الروائع ما يطفئ ظمأ عطش سنين الغربة وأيامها وسنظل نحكي ونروي ما تمخض من مخاض الغناوي الدنيا ليل غربه ومطر
وطرب الحزين وجع تقاسيم الوتر
شرب الزمن فرح السنين الباقي هداه السفر
ياروح غناي الغربة ملت من شقاي حاضن أساي بشوق سنين الوحشة ملت من أساي مدي السنين
لاغنوة لا وداد يبدد حسرتي غير الدموع ياملهمه!
اغربة مره ومؤلمة قول النيل ضفه ضفه والأمسات لما تصفي،
والنسيمات البتأخد من عفاف ريدتنا عفه،لوشوقي يفيض بحر شوقي شوق مضيعو الليل والسفر،لاينابيع ريدي جفت لا ولا أشواقي خفت
كل يوم في الغربة زايدة بيها كل الدنيا عرفت.

،،،،أبوقصي،،،،

من طرف Majdi AbdulRahim fadul Mo الأحد مارس 28, 2010 4:49 pm

لومثلي هداك الحزن لو غاب حبيب عن موعدك
لوعشت أفراحك سراب وأبت الظروف ماتسعدك
كان عرفت ضني الجراح جواي وكتين أفقدك
وفتر حنيني الكان زمان
عوتك النوم في العيون وسهرت محزون مابنوم
لو ليل في بعدك حزين العشتو جنبك كان هموم
لا بقيت أنا الراجي السحاب ولا الرامي أملي علي الغيوم،

الليلة مات فيني الإريج
ياما الترقب طال وزاد وزادت مواعيد الخيال
الليلة يارب السلامة في الأسي وليل المحال
أرتحت من شوق الغمامه الياما عاشت أرتحال
والليلة مات فيني الإريج فترالحنين الكان زمان
جفاني الزمان ومعاي كل المشاعر والمني
لاقدرت أرجع ليك خطاي العابره في دروب الضني
لاشوق فتر في ليل أساي
أقدر أعيد ليل الهناء ما الليلة مات فيني الإريج.

،،،،أبوقصي،،،،

،،،نفســـــي في داخلك أعاين،،،

،،،نفســـــي في داخلك أعاين،،،

رد: ،،،نفســـــي في داخلك أعاين،،،

رد: ،،،نفســـــي في داخلك أعاين،،،

رد: ،،،نفســـــي في داخلك أعاين،،،

رد: ،،،نفســـــي في داخلك أعاين،،،