موقف مرة بيك

استعرض الموضوع السابق استعرض الموضوع التالي اذهب الى الأسفل

موقف مرة بيك

مُساهمة من طرف kamal في الثلاثاء أبريل 06, 2010 9:41 pm

اكيد كل زول فيكم مرة بيهوا موقف طريف او غريب ياريت تحكوا لينا بس بشرط ان يكون مر بيك شخصيا يعنى ما فى زول يحكى موقف مر بى شخص تانى كويس يا شباب
avatar
kamal
إمتدادي مميّز

عدد المساهمات : 67
تاريخ التسجيل : 26/08/2009

الرجوع الى أعلى الصفحة اذهب الى الأسفل

رد: موقف مرة بيك

مُساهمة من طرف عبدالله عوض عبدالله كع في الأربعاء أبريل 07, 2010 8:45 am

يا فرده ..
المواقف كتيرة ..
في صباح يوم رهيب وممطر .. وايام التجاريه الخرطوم
كونا شلة من اولاد الخرطوم والخرطوم بحري قبل ان دخول
المدرسه بنضرب البوش ونخش المدرسه ..
وكانت من عادتي اذا كانت الحصه الاولي رياضيات -
طووووولي بمشي الميدان - واكيد في حصة رياضه لي
فصل من فصول المدرسه .. فبحضر حصة الرياضيات هناك - بي
تركيز عالي -المهم في اليوم الممطر الرهيب ده وبعد كميه البوش
اللهطناها .. الجماعو اصرو علي دخول حصة الرياضيات -
وانا بقول ليهم : ما في علاقه بيني الرياضيات دي -
ونحنا مختلفين تماما -
في النهايه دخلته - الحصه المشؤومه بت .....
كانت موضة لف الشال شغالة قرف الايام ديك -
دخلته لافي شالي وخاتي لي حتة دين شكولاته زي الورد
فوووووووق .. شنقه يعني !
ودخلته !
الاستاذ : اهووووووووووووووووووو عبدالله - (استاذ لذيذ جدا)
وين يا خ ؟ مشتاقين - اها حا تقعد معانا واللا حا ترجع تاني ؟
كنت تكلمنا نعمل ليك استقبال - والمفروض نعمل ليك طابور صباحي
وتحكي لينا رحلاتك ومغامراتك .. المهم الاستاذ شغال في شغلتو دي
وخانقني بالشال - وشابكني الشال من اي دولة اوربيه ؟ ما كنت تجيب
لينا معاك ...و حنك الاستاذ كتر والخنقه زايده - والشكولاتة .. خلاااس
امرها انتهي ونزلت من مكانها العااالي .. وسااااااااااااااااحت
الاستاذ :.. ليه ما بترد علي ؟ .. بقيت ابكم واللا شنو ؟ ما ترد يا ولد ؟؟
المهم عرفته الشغلة بايظه .. وبي اصبعي اشرته علي الشباك .. .. رميت ليك
الشكولاته السايحه ... طووووووووووووووووووووالي . علي باب الفصل
وسالني الاستاذ ماشي خلاص ؟؟..
قلته ليه : ايو يا ستاذ !! بس جيت اسلم عليكم وارمي الشوكلاته عندكم
وانبثقته خارج الفصل ..........
اربعه سنه في الخرطوم التجاريه لم احضر لي حصة رياضيات واحده Wink


عدل سابقا من قبل عبدالله عوض عبدالله كع في الأربعاء أبريل 07, 2010 3:40 pm عدل 1 مرات
avatar
عبدالله عوض عبدالله كع
وسام الإبداع
وسام الإبداع

عدد المساهمات : 486
تاريخ التسجيل : 06/06/2009

الرجوع الى أعلى الصفحة اذهب الى الأسفل

رد: موقف مرة بيك

مُساهمة من طرف MARADONA. في الأربعاء أبريل 07, 2010 9:06 am

كيمو .

مواقفك كتيرة ماتحكى لينا أنت الاول .


تحياتى .

MARADONA.
عضو مميز
عضو مميز

عدد المساهمات : 348
تاريخ التسجيل : 06/03/2010

الرجوع الى أعلى الصفحة اذهب الى الأسفل

رد: موقف مرة بيك

مُساهمة من طرف عادل علي في الأربعاء أبريل 07, 2010 1:23 pm

الأول وللا التاني ؟؟؟
سلام ...
avatar
عادل علي
كبار الشخصيات
كبار الشخصيات

عدد المساهمات : 399
تاريخ التسجيل : 21/09/2009

http://www.hotmail.com

الرجوع الى أعلى الصفحة اذهب الى الأسفل

رد: موقف مرة بيك

مُساهمة من طرف بدر يعقوب في الأربعاء أبريل 07, 2010 2:23 pm

شكرا كيمو ,, خليتني اتذكر موقف ظريف ومقلب من مقالب ايام الامتداد الجميلة
************
من المواقف الجميلة التي لا استطيع نسيانها ,,,,كنت مجكس لي واحده في حي باريس اهلها ناس طيبين وكريمين (بس ماكان في قسمة ) يوم مشيت ليهم وقلت لي واحد صاحبي وانسان عزيز علي قلبي راجل نكتة وتحفه ربنا يطراه بالخير ارح معاي ومشينا والجماعة استقبلونا خير استقبال وعرفتهم بصحبي ده واتونسنا ونسا ظريفة وتجازبنا وتسامرنا بكل انواع الحديث وشربنا معاهم شاي المغرب بكل كرم وحسن استقبال وبعدها ودعناهم ,, بعد كم يوم كده كانت سيارتي فيها شوية عطل كده وقلت امشي بيها المنطقة منها اخشي الجكس حقي في بيتهم واسلم عليهم وديت السيارة للمكنيكي وقلت امشي اسلم واتغداء مع جماعتي حتي سيارتي تخلص لقرب المكنيكي منهم .. دقيت الباب وبرايحة البيت كلها ريحة شواي كمية من السمك وصوت صحبي المابغبي علي بداخل البيت وحين دخولي البيت ,, هاك ياصحبي ضحك ههههههههههه وقال ليهم انا ماقلت ليكم بدر بجي لاحقني وانا قلت اودي السمك من بدري عشان مايتاخر للغداء ,,,, وانا بدون ما اشعر فكيتها ليك ضحكة عميقة هههههه وبي سري قلت لي صحبي والله لقيتك خطير , واتغدينا وضربنا كمية من السمك حتي الاشباع (صحبي مشتري سمك السوق المحلي كله ). وبعدها الموضوع كان عادي وده كان اصلو حالنا للكمية من المقالب و المواقف الظريفة الكنا بنعملها فوق بعض .

بدر يعقوب
كبار الشخصيات
كبار الشخصيات

عدد المساهمات : 484
تاريخ التسجيل : 06/06/2009

الرجوع الى أعلى الصفحة اذهب الى الأسفل

رد: موقف مرة بيك

مُساهمة من طرف بدر يعقوب في الثلاثاء أبريل 27, 2010 1:04 pm

بناء علي طلب الاخ محمد فتحي تم رفع بوست مواقف مرت بك للاخ كمال وديدي

محمد فتحي عايز يفتووووووووووووووووو هنا

بدر يعقوب
كبار الشخصيات
كبار الشخصيات

عدد المساهمات : 484
تاريخ التسجيل : 06/06/2009

الرجوع الى أعلى الصفحة اذهب الى الأسفل

رد: موقف مرة بيك

مُساهمة من طرف محمد فتحي م 4 في الثلاثاء أبريل 27, 2010 1:20 pm

لسه ياشباب ابقو مارقين في مواقف كتيييرة لسة ماطلعت

محمد فتحي م 4
كبار الشخصيات
كبار الشخصيات

عدد المساهمات : 34
تاريخ التسجيل : 24/04/2010

الرجوع الى أعلى الصفحة اذهب الى الأسفل

رد: موقف مرة بيك

مُساهمة من طرف بدر يعقوب في الثلاثاء أبريل 27, 2010 2:17 pm

يالله ياجميل احكي لينا مغامراتك ايام الاسواق الحرة ,,, انا عارفها منيلة بستين نيلة

بدر يعقوب
كبار الشخصيات
كبار الشخصيات

عدد المساهمات : 484
تاريخ التسجيل : 06/06/2009

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى