كلمـــــــة حب ودعتني بيها (لاتأثير للشواكيش)

ابوقصي كيفنك ياخي

انت عارف الشواكيش دي كانت في الزمن الفات يعني زمنكم وزمن ناس كع

لكن صدقني الزمن ده مافي بنت بتدي شاكوش ولا رايك شنو؟

بجيك تاني

هو في زمن لمن الناس تحب وتتشوكش روقو المنقه ياخوانا يادوب ماتشوف تقرر تعرس لاقدر الله تطلق تشوف البعده

الجميل ابو قصي
ربنا يجعل ايامنا كلها سعادة وحب مع من قسمها لنا الله ,,, فعلا الحياة تفاهم ومحبة بين الاحباب وعلي كل منهما ان يجعل حياة الثاني اجمل واسعد وامثل واكمل وان يسعدا بعضهم البعض .
بلا شواكيش بلا هم

Hadia Keroudi كتب:هو في زمن لمن الناس تحب وتتشوكش روقو المنقه ياخوانا يادوب ماتشوف تقرر تعرس لاقدر الله تطلق تشوف البعده

ما ده ياهو الخلي الجماعة يقعدو 20 سنة ونحنا ياهووووو بنتاوق وعايشين علي الزكري

بدر يعقوب كتب:الجميل ابو قصي
ربنا يجعل ايامنا كلها سعادة وحب مع من قسمها لنا الله ,,, فعلا الحياة تفاهم ومحبة بين الاحباب وعلي كل منهما ان يجعل حياة الثاني اجمل واسعد وامثل واكمل وان يسعدا بعضهم البعض .
بلا شواكيش بلا هم

ياحليل الزمن داك بدر الدين

وشوف مداخلت هادية زمن مافي الماتش بينتهي في حينه 90 دقيقة بالتمام والكمال

90 دقيقة دي لي ماتش كرة القدم شكلك متفائل انا قصدي كرة طائرة ولا سلة ياابوقصي

Hadia Keroudi كتب:90 دقيقة دي لي ماتش كرة القدم شكلك متفائل انا قصدي كرة طائرة ولا سلة ياابوقصي

الطائرة عشق قديم بالأشواط ولا تنس زكرتيني رائدات الأولمبي والمدرب وليم والدورة المدرسية للبنات بنادينا الأمتداد زمن العُشرة والعشش زمن بيغبارو طاعم ولزيذ كنا نحكم حينها ونساهم في التدريب أحياناً.
يعني كده نفهم الأشواط تنس لا تصل حتي للدقائق معقولة بس

اةةةةةة ( ياابوقصى )

الكرة الطائرة كانت من افضل الرياضة الى قلبى وخاصة فى نادى الامتداد . وكنا مميزين جدا فيها .
وخاصة فريق الامتداد للكرة الطائرة . لكن للاسف ماكان فى دعم .مع العلم باننا قدمن افضل العروض .ونافسنا
فى دورات كتيرة . ومنهم لعيبة كانو بيمسلو السودان ونجوم كبار امثال . فضل السيد . عابدين .عبدالرازق .
ود ابو . الشقيو . اسامة مختار .عاصم جابر .انتيكة . وساسان . وكنا نتبارا مع نجوم كبار أمثال .
ماهر البير . ابوعشرة بلك . كمال حدادة . حاتم الجعان . إسلام كابتن السودان. الدبلوماسى .عبد المجيد .
وميدو الرياض. وشخصى الضعيف .
ولازلت أمارسها احينا فى وقت الفراغ .

مقططفات من الزمن الجميل

واحترامى ،،،،،،،،،

تعرفوا حقيقي لعبة جميلة والواحد بحس انها رياضة حقيقية بتنشط وتحرك كل عضلات الواحد وحواسه
لكن بيني وبينكم لو حاولت العبها تاني مستشفي العظام مابلمني

عظام محمد نوووووووووور

ماقلنا الزعل مرفوع...

الجماعة الخير الحكاية شنو ! يا هادية و ماردونا يا خوانا كرهتوا الناس البوستات نعمل ليكم شنو و الله ذكرتوني شفع زمان

معليش يافرينى بس دى زكريات طويلة شوية .

يابوي شفع شنو ياهو ده حالنا من زمان
بس هو عفصني اول ياتاخدو لي حقي ياوالله مابخليه

يعني أطلع من الموضوع ماشي ( الحجاز ياخذ عكاز )

ياخوانا هدو اللعب شوية

اللعب دا اصل الشغلانه شفع و كدا

واللة يافردة بضحك فى كلمة ( عفصنى ) لحدى انس المكتب أستقربو فينى

أعمل حسابك يا ماردونا هادية بتاعت مشاكل و خرخره من زمن البربره و نط الحبل الشفع كلهم بعملوا ليها ألف حساب عشان كدا أوعك تلعب معاها .

فرينى . هادية ظريفة جدا وطيبة خالص
وهى عارفانى . واحنا مع بعض من زمان . وربنا يديم المعروف .

ظريفة وطيبة
انت صاح يافريني ولليلة بتاعة خرخرة
بس المشاكل والله من يومي ماعندي ليها قدرة

فرينى . هادية ظريفة جدا وطيبة خالص
وهى عارفانى . واحنا مع بعض من زمان . وربنا يديم المعروف .
عرفة من متين يافردة انا لي كده 20 سنة من اخر مرة شفتك فيها