إهـــــــداء إلي بنقـــــــــــــــــوري

يسلام يا ابو مصطفى
والله بنقورى يستاهل لانه سمعه نضيف وهو زول راقى

ياسلام علي اللحن ومرسل اللحن والمرسل إلية روعة مافي كلام

يستاهل ابو جاسم


[img][/img]

النبيل محمد مصطفى إهداءك يدل زوقك الراقي وأنت تعلم بأن أحمد جعفر إنسان شفيف وسيظل دائماً - مودتي لكما .

الاخ الغالي ...محمد مصطفى ..سلام الله عليكم
لك كل التحايا والاشواق وسلام لك طايل مبالغ بالنظر
مليون في مليون يا درة (4) سلام لك وحدك يخصك
واجمل تحية ورد مرشوشة عطور ياعزواغلى اخ في
منتدى الامتداد .....ياقصرشامخ معتلي فوق قصور
الامتداد ..حماك الله دائماً من كل شرويجعل ايامك
صفا دايم ونور لحى الامتداد..... بنقوري

الجص .. مجدي .. عادل وعمر شيخ الدين

بنقوري من أشد المعجبين بالفنان المرحوم مصطفى سيد أحمد ..
وكان ليهو طلب قديم ماناسيهو .. هو سماع أغنية لمصطفى حين الدخول للمنتدى مباشرة ..
وصورو في مكتبة الصور كلها مصطفى سيد أحمد ( بعد ناس جاسم طوالي) ..

ولأني شاعر بتقصير تجاه أخوي بنقوري
قلت أغطي شوية من خجلي ..وأهديه مايحب

وأعرفه جيداً .. لو أهدي إليه كراع لقبل .. أو كمال قال صلى الله عليه وسلم

ردود خاصة :

ياعمر شيخ الدين رجعت 3 صباحاً عشان كدة مارجعت إتصلت عليك !!

ناسف كثيرا للغياب لعدم تمكني من الدخول لان الذاكرة اصبحت خربة ونسيت اتذكر الباص ورد حقي .
التقدير والاجلال والاحترام للاخ / احمد جعفر .,,الراجل ده يامحمد يستاهل مش اغنية وبس ده يستاهل ان يكون له تمثال في مربع 4 لطيب معشرة ودماسة خلقه وامتداديته التي ليس لها حدود ,
لكم مني ومن الجميع اطيب التقدير والاحترام

الاخ الغالي ... بد الدين يعقوب .... سلام الله عليكم ورحمة الله وبركاته
لك اطنان من الاشواق والمودة والمحبة وينك يا راجل يا طيب والله اشتقنا ليك واشتقنا لكتابتك واشكرك جزيل الشكر على مدحك لشخصي الضعيف واذا في شخص يستحق تمثال هو الاخ العزيز محمد مصطفى على لم شمل ابناء الامتداد في هذا الصرح العملاق وسيظل عملاق الى ان يشاء الله ولكم كل الحب والتقدير والسلام الى الجميع
بنقوري

يا مطر عز الحريق للشاعر(محمد الحسن سالم حميد)
غنـــــــــاء الفنان الراحل ( مصطفى سيد احمد )
ــــــــــــــــــــــــــــــــــــــــــــــــــــــــــــــــــــــــــــــــــــ
من الواسوق أبت تطلع
من الأبرول أبت تطلع
من الاقلام أبت تطلع
من المدفع طلع خازوق
خوازيق البلد زادت
يفيض النيل نحيض نحنا
يظل حال البلد واقف تقع محنة
ولا النيل القديم ياهو ولا يانا
نعاين في الجروف تنهد ولا يانا
رُقاب تًمر الجدود تنقص ولا يانا
متين إيد الغبش تتمد ..لاقِدام ..ولاقِدام
تِتش عين الضَلام بالضو
تفرهد شتلة لا هدام
ولا فيضا يفوت الحد
عُقُب يا نيل تكون ياكا
ونكون أهل البلد بالجد
يا مطر عزّ الحريق
يا مصابيح الطريق
يا المراكبية البتجبد من فكَ الموج الغريق
جينا ليك والشوق دفرنا يا نَشوق روحنا ودمَرنا
يا المحطات الحنينة القصّرت مشوار سفرنا
ياما شايلك بيني حايم
لا الليالي المخملية
لا العمارات السوامق
لا الأسامي الأجنبية
تمحَى من عيني ملامحِك
إنتِ جاية المغربية
داقسة دايشة المغربية
وشك المكبوت مكنّدَك
سمسونايتك زمزمية
كون سِبر طورية منجل
سبحة فانوساً مدردح
قلتى بيهن لى زمانِك
يا زمان الحاجة عندك
يا زمان الآهة حدّك
لا تطأ الوردة الصبية
*****************************
اهداء لكل الاحباب بالوطن الامتدادي
&&&&&&&&&&بنقوري &&&&&&&&&&&&&&

يا ود حمد انت الظاهر نايم في العسل البوست ده موجود من قبل
ما يتم قطع الكهرباء والموية وبعد العودة قلت احي هذا البوست
واشكر محمد مصطفى ..اول وتاني وتالت ورابع وانت نافر زي صيد
الخلا وساقي زي نبع المنابع... وينك يا اخي انت الظاهر زي
عنب طوّل معتق في الخوابي ......سلام يا صاحبي
بنقوري

حاجة فيك ...للشاعر/ هاشم صديق

حاجة فيك
تقطع نفس خيل القصائد
تشده اجراس المعابد
توهتني ..تعبتني .. جننتني
جننت حرف الكلام
برضو ادتني السلام
حاجة زفي شرف المدائن
في غرف كل السفاين
جوه في عمق المناجم والعيون
حاجة زي ما تكون محلق في العواصف
فجأة تهبط في السكون
حاجة زي نقر الاصابع
لما ترتاح للموسيقى
حاجة زي أخبار تناغم من جريدة
حاجة زي وتر الموانئ
لما يصدح لى سفينة
حاجة فيك لا بتبتدي ..لا بتنتهي
خلتني ارجع للقلم
اتحدى بالحرف الألم
واصحك مع الزمن العريض
وانسف متاريس الطريق
واعرف متين أبقى المطر
وافهم متين أصبح حريق