كع ككع

الاخ كع تحياتى لك من على البعد
عايذ اسعلك سعال ؟؟؟؟ كع دى جات من وين والسماك كده منو ؟؟؟ انا شخصيا اتوقع جاى من الردم الكنت بتردمو ايام الرابطه لانى قابلت الاخ عبد السلام حمندى صدفه وقال لى كع دة كان بلعب باك عفن وكان الباك التانى عادل صالح.
والله نحن رغم انه بنعشق الدينمو ولكن كنا بنستمتع بلعب دفع الله وعادل شاويش والباقر وحتى جيل فايذ لهم جميعا الف تحيه.

اىىىىىىىىىىىىىىىىى ياهو الهادى اللفتاوى الكان البعذب النجوم بس انا ابوشيبه اخوه

[center]يعزب مين يا عمك ..

اااي الهادي حريف واللعاب بس مع النجوم اي فريق بكون رايح .. عموما تشرفته جدا بمعرفتك مع اني بعرفك ولكن الغربه ودرتنا يا شيخ

نجي لموضوع ((كع)) ده
زي ما قلت ليك فعلا كع يحتاج لي موقع كامل وليس بوست ..
عموما التسميه لها مكانة كبيرة جدا عندي اعتز بيهاخاااااالص ..

واستميحك ان لاتستهتر بها و لا تحقرها
نعم الكلمه من حرفين ولكنها تعادل كلمات الدنيا وما فيها ..
انه لقب وما حقي بل وراثه .. فعلا انا في الرابطة كان ساطوري بررررره ولكن لم ألقب بهذا اللقب من الرابطه .
الوالد كان يعمل في بيع وشراء العربات - وفي سنة 1983 اشتري ليهو كورلا موديل السنه نفسها مع انو عندو بيجو 404 زي الورد وتاكسي ولكن مقارنة مع الكورلا 83 . كوم حديد . المهم يا قريبك الكورلا دي عجبتني ليك . من اشتراها اخوك متحكر جواها رافض تمام انو انزل منها وخليك من حاجات تانيا. والحمدلله حظي كان سمح اليوم ده اني مشيت معاهو السوق وتم شراء الكورلا البيضه المكيفه والصدمات السودا الكبيرة نار والله نار ..
يا زول بعد ما خلصنا من المحامي انامفتكر حا نرجع البيت واقوم اشيل الفتاح اتجدع بالعربيه في مربع 8 ,الحاج قالي نرجع السوق شويه كدا يااادوب السوق سخن !! لي شنو انا ما عارف ..!!
وبقيت منتظر متين يجي العصر ونشتت البيت انا سايق الكورلا الحاج راكب البيجو المهم العصر جاْ ماري مرور الكرام . المغرب خلااااااس شويه وياذن ....وخوك خلاص روحو طلعت والغريبه ما حسيت باي جوع او عطش مع انو الجو كان النار همي كان اتجدع شويه بالفارهه دي ..
وفجاءة ظهر ليك ود شاب ووجيه من اولاد الصحافه ومعاهو اتنين . وحاتك شافو الكورلا دي قعدو في الواطه . .
بس وصلنا يا احمد ...!! وانا قاعد جواها
فتحو البواب باب باب .. وانا قاعد جواها
وفتحو الكبوت ... اخوك برضو ما حرك ساكن قااااعد .
فتحو الضهريه .. انا مغلي بجواي انشالله ما تعجبهم وبرضو مصنقر جوه ولا هاميني !!
جاني واحد قالي وينو سيد العربيه دي ؟؟؟
انقر رديت عليهو ؟؟ ولاعبرتو زي المافي زول
يازول عمك من بيعيد شاف ((الوهم)) ديل بفتشو في العربيه جاهم .. شيل وخت شيل وخت .. نمشي المحامي ....يلا يلا
مبروك مبروك ...
وانا ميت بالمغسه عايز اطق من الغيظ .. ديل شنوالجونا ديل , من وين ((..... ))
لي هسي انا متغايظ منهم لو لاقيت اي واحد منهم بدي شلوت ..
المهم يا غالي العربيه مشت المحامي وانا من الزعل مشيت البيت كداري من الدلاله الكانت في اركويت ... ابيت امشي معاهم .. وقالتا للحاج اناجعان وماشي .. تصدق جوعته جوعه وعطشته لي جنس عطش كاني صايم.. ولا مشيت البيت كمان !!
زعلة كدا ..
اجيك لي موضع كع ...
اه رجعت البيت قريب الساعه 9 مساء لقيت ابوي قاعد بره وخاتي جك مويه بارده ومبسوط يضحك من الضرس للضرس كان معاهو جارنا عثمان رحمة الله .ابوي قالي انت مشيت وين يازول مالك ؟؟
طوالي وجهته كلامي لعم عثمان قلته ليهو عن الكورلا الزي الورد .. ابوي قرقرقرقر.. ضحك وقال لي بعتها بي 20,000جنيه !! وربحت فيها 2000 جنيه
قلته حرام عليك يا حاج ممكن تربح فيها 7-8 الف مالك مستعجل في بيعه ؟؟
تعرف قال لي شنو !!؟
(انت واخوانك تاكلو من وين يا سجم الرماد ))
طوالي عمك عثمان احمد قال انت ما عارف لقب ابوك واللاشنو !!
قلته ليهو ما عارفو !!
قالي (عوض كع) وما جاءت من فراق ...افهم ياخ!!
يعني ما بشهده .. اي مربح بلقاهو مابتوقف حتي لو بسيط ..
فورثت الشغله حتي اولادي حا يورثو المسئله (مصعب كع) (احمد كع )وبتي زااااته ( اية كع)
وانشالله الي اولاد اولاد اولادي .. كعاكيع
قديتك يا حبا ...
لكن ابوي ده عظيم ياخي
ودعتك الله يا ابو شيبه ؟؟؟