رد: اهلى فى الامتداد ازيكم ممكن ادخل؟

من طرف صفاء الأحد مايو 16, 2010 6:16 pm

عبدالله عوض عبدالله كع كتب:يا صفويه سلام
نفهم انك جابك قرجاج لي هنا واللا شنو ؟؟؟
وجابوك ناس الامتداد الانتي منهم ..
رغم رحولك من الامتداد
يا صفويه .. كنتي ساكنه في مربع كم ..
واخوانك منو ؟؟ عشان نعرفك اكتر ..
انا بتوقع انك اخت عبدالحليم ( البلاع )
ولو غلطان زكرينا نحنا اصلنا بقينا ناس كبار
والخرف ضربنا خلاس وتلحسنا تب !!
سلامي واحترامي يا بتنا

عبد الله عمر
انا كنت ساكنه __مربع 13 فى شقه صغيرة فى عمارة شارع ناس عمى حاج الامين وناس عقرب
اخوانى صغار مازى ما انت متخيل
المنتدى انا بعرفوا من البداية وعرفتوا عن طريق سودانيزاون لاين لكن ظروف الزواج والمسئوليات
الجديدة منعتنى من الاشتراك....

الصادق والله انا لى الشرف اكون دفعتك __مربع 12تربطنى بيه علاقه مع اسرة عبد الله محمد خير وحاجه التومه الله يرحمها كانت صديقة الوالده شديد
لو انت بتعرفهم ......ناس الامتداد ديل يا الصادق بحققوا مع الناس الغربه مع انو انا ما غريبه بس ماكتير بيعرفونى انا كان احسن اتابع من بعيد بعيد بحب اقرا واتابع بدون ما اشارك
عشان الشمارات اهلى فى الامتداد ازيكم ممكن ادخل؟ - صفحة 2 Icon_biggrin

ماتكتر وبعيد عنك مابعرف اكتب بسرعه يعنى الكلام ده انا قاعده فيهو ساعتين اهلى فى الامتداد ازيكم ممكن ادخل؟ - صفحة 2 Icon_biggrin

..

من طرف الفاتح الجوص الإثنين مايو 17, 2010 2:13 am

الاخت صفا كل الترحاب بك فى دارك ووسط اهلك
والسكن فى الامتداد حتى ولو يوم اكيد من اهله وناسه ..

لينا الشرف يا صفاء إنك عشتي في الإمتداد لفترة وتحليتي بأخلاق أهل المحبة والصدق ونكران الذات ... مرحب بيك ألف مرحب ولكل من هفا قلبه بالحب يوما ما لذاك الحي المتفرد من 1 وإلى 14 ....

صفاء كتب:
عبدالله عوض عبدالله كع كتب:يا صفويه سلام
نفهم انك جابك قرجاج لي هنا واللا شنو ؟؟؟
وجابوك ناس الامتداد الانتي منهم ..
رغم رحولك من الامتداد
يا صفويه .. كنتي ساكنه في مربع كم ..
واخوانك منو ؟؟ عشان نعرفك اكتر ..
انا بتوقع انك اخت عبدالحليم ( البلاع )
ولو غلطان زكرينا نحنا اصلنا بقينا ناس كبار
والخرف ضربنا خلاس وتلحسنا تب !!
سلامي واحترامي يا بتنا
عبد الله عمر
انا كنت ساكنه __مربع 13 فى شقه صغيرة فى عمارة شارع ناس عمى حاج الامين وناس عقرب
اخوانى صغار مازى ما انت متخيل
المنتدى انا بعرفوا من البداية وعرفتوا عن طريق سودانيزاون لاين لكن ظروف الزواج والمسئوليات
الجديدة منعتنى من الاشتراك....
ناس الامتداد ديل يا الصادق بحققوا مع الناس الغربه مع انو انا ما غريبه بس ماكتير بيعرفونى انا كان احسن اتابع من بعيد بعيد بحب اقرا واتابع بدون ما اشارك
عشان الشمارات ماتكتر وبعيد عنك مابعرف اكتب بسرعه يعنى الكلام ده انا قاعده فيهو ساعتين ..

اول حاجه مرحب بيك ا ختي صفاء وتشرفت كتير انا شخصيا بانك انضممتي لهذا المكان
تاني حاجه .. خجلتني جدا .. معليش وسافي التراب اني سالتك من تكوني !!
ثالث حاجه ودي الاهم .. عندما سالت توقعت انك اخت عبدالحليم وعندو اختو اسمه صفاء
وكانو جيراننا في مربع 8 ورحلو المعمورة نهاية الثماننيات ..
ومن الذمن داك لا شنفاهم وشافونا .. شوفتي كيف : وقلت الحمد لله الدنيا بقت بيت
نمل بس نعرف اخبار عبدالحليم وكيف عامل مع الدنيا !!
عموما اسف و ما كان قصدي اعمل درامات المفتش كانون .. ولا شمارات الحاجه نفيسه الخفيفه ..
،،،،،
اختي الفاضلة صفاء احترامي ..
وتاني مرحب بيك

اولا يا عبدالله عبدالحليم دا اختو اسمها ايمان وليست صفاء وبعدين الباقي تمو براك .
وانت يا صفاء كيف يعني بتفضلي انك تقرئي بدون مشاركة معقوله بس .. اكتبي انشاء الله السطر ينتهي في خمسه يوم وان لم تفعلي فكيف يكون التواصل .
اعرف تماماً من ذكرت من اسماء وازداد شرف بان تكوني دفعه مع انو الله اعلم .

ناس عقرب ديل تقصدي ناس حسن عقرب وحاجة ام هاني

عندو اختو اسمه صفاء ما تغالط ساكت يافقر ! الحماعه كانو جيراننا
بعدين حسن عقرب ده مصيبه .. صاحب الوالد ..
مرة عمل لينا نظريه اسكت سااااااااااااااكت ..بحكيها ليك

الصادق يا خرده .. ما تحول مسار البوست باللاي ..

من طرف MARADONA. الإثنين مايو 17, 2010 12:18 pm

أولا . مرحب بالاخت / صفاء

والبيت بيتك وشرفتى أهلو .

المفروض الواحد يرحب بيك لانك عشتى فى هذا الحى الجميل . ومعليش بخصوص الاخوان .كع .الصادق

وماالمفروض يحكوها كدة يكفى إنك من الامتداد .

كع . هدى شوية . الصادق . عقرب فى راسك ياخى . بعدين فى واحد مابيعرف عقرب ياخى .

وأسفين مرة تانية أختنا . صفاء

آآي النظام دا نحن بنعرفو كويس ، خلي بالك يا كع .. بعدين نحن قلنا شنو .. هي اصلا صفاء دي لسه شافت حاجه .. ياما تشوف سؤال منكر ونكير . هي قالت كانت ساكنه في عمارة صغيرة في 13 ياخي 13 لحدي الليله مافيها عماره خالص وصفاء تقول ليك عماره

من طرف Hadia Keroudi الإثنين مايو 17, 2010 12:57 pm

الغالية صفاء مرحبتين وحبابك الف
كل الاضافات مكسب للمنتدي واضافة الاخوات مكسب خاص
اتمني ان تداومي علي الحضور حتي لو بي حرف المقصود تدخلي وتطمئني علينا ونطمئن عليك ياغالية
انا هاديه محجوب محمد طه كرودي
من مربع 9 متزوجة وعندي ثلاثة اولاد (قولي ماشاء الله ) Wink

اتولدته واتربيت في الامتداد ورحلنا سنة 1996 ولسه مواصلين مع اهلنا الغالين

تخريمة
يااولاد بطلوا البتعملوا فيه ده اجي بالغتو لكين Suspect

يا أخوانا البنت صفاء دي جننتوها وغربلتوها غربلة شديدة كان مربع 8 ولا 12 ولا 13 ما حاجة واحدة ويشرفنا تكون فيها عمارات شاهقة وسكانها يكونوا على الأقل برجوازيين ولو لمرة علشان نرتاح شوية من ريحة ملاح ناس فلان وفلان وفضايح البيوت العريانه..........................

من طرف أيمن خواجة الجمعة مايو 21, 2010 1:35 pm

الصادق خليفه الصادق كتب:آآي النظام دا نحن بنعرفو كويس ، خلي بالك يا كع .. بعدين نحن قلنا شنو .. هي اصلا صفاء دي لسه شافت حاجه .. ياما تشوف سؤال منكر ونكير . هي قالت كانت ساكنه في عمارة صغيرة في 13 ياخي 13 لحدي الليله مافيها عماره خالص وصفاء تقول ليك عماره

الاخ العزيز / الصادق كونان

بالجد ضحكت كتير من مشاكساتك انت وكع بخصوص الاخت / صفاء ولكن حالة الاخت صفاء دي تماثل حالة العبد لله كتير فنحن برضوا من سكان الامتداد في شقة صغيرة كدة وفي مربع (13) العامرالذي استغربت حديثك بأنه ما فيهوا عمارة إلا إذا تكون فصلت سوق الندى من مربع (13) فالسوق ده كله عمارات اشهرها عمارة سوبر ماركت حمندي وكذلك عمارة سوبر ماركت عوض حليمة (الله يذكره بالخير ) والتي كنا أحد ساكنيها وكذلك عمارة عوض ازرق وغيرهم كثر .. لذا احببت التنويه ودمتم بود ..
أيمن خواجة

من طرف أيمن خواجة الجمعة مايو 21, 2010 1:39 pm

تكملة لما سبق

نسينا نرحب بالاخت صفاء ونتمنى ليها طيب الاقامة وحسن المشاركة وبالجد اخونا مدثر قرجاج ذلك القلم الرشيق يستحق الاشادة ويستحق الاعجاب بكتاباته

يا حبيب ياخي ولا يهمك نحن بنمزح وكمان برضو عمائر سوق الندى بنعتبرها تابعه لسوق الندى فقط رغم انها تابعه لـ 13 ، وشايفك نسيت عمارة فرن نزار حيث شهدنا في زمان ما صفوف ومدافرات وحجزللمكان بالاكياس والطوب .. ودخلني قدامك

من طرف MARADONA. السبت مايو 22, 2010 9:57 am

شفتة يالصادق .

عرفتة أنوفى عمائر فى 13 .خلاص روق بعد ده

كده كويس . bounce

سلام يا خواجه ..
هي عمارة واااااحد بس يا ايمن خواجه حقت ناس صفاء ورحلو منها ..!!
احتمال تكونو انت زاتكم سكنتو في نفس العمارة وانت ما متزكر يا مان !!
انتو ست البوست وين ؟؟ -
وده الخايفين منو ..
كلو من الخرده الاسمو الصادق ده !!