اقتراح جديد للاعضاء

اخواني واخواتي مرتادي منتدي الامتداد لكم التحيه والتقدير اقترح عليكم أن يكتب كل منا عن مربعه السكني وعن الشخصيات البارزه في مربعه لكي نوسع دائرة المعرفه لكي نسهل علي بعضنا ونسأل عن معارفنا في المربعات التي لانسكن فيها وتكون هنالك نشره يوميه بالاحداث التي تحدث في الامتداد من افراح واتراح لاننا في الغربه نسعد كثيرا بالتواصل مع اهلنا واصدقائنا في الامتداد فأرجو ان ينال اقتراحي اعجابكم وسوف ابداء بنفسي وأود ان اعرفكم باننى من سكان مربع واحد (يعني حلة العوره ) وكان عندنا فريق اسمه المواهب الضايعه وكان رئيسه الفخري كمال وديدي( ومحمد سلوكه )امد الله في اعمارهم ومتعهم بالصحه والعافيه وكان من اشد الداعمين للفريق المرحوم جعفر عبدون رحمه الله واسكنه فسيح جناته وكان بمثابة اب لكل الفريق

السلام عليكم اخى نزار
شرفتة المنتدى
انت على ما اظن اخو رشا ؟ وخالدة
اظن كدة غايتو من الاسم

الأخ نزار .. تحياتي .. إقتراحك جميل ورائع خصوصاً للزينا ... غربة وطالت وجيتنا إنت بإقتراحك الجميل ده على الأقل علشان الناس تفتح علب الزكريات .. أنا من مربع 12 وبين قوسين (فريق الإتحاد - فريق البحيرة) وقريب جداً من معهد الأمل سابقاً. أكيد ليك أصدقاء هناك ...

نزار مصطفي عبدالرحيم كتب:اخواني واخواتي مرتادي منتدي الامتداد لكم التحيه والتقدير اقترح عليكم أن يكتب كل منا عن مربعه السكني وعن الشخصيات البارزه في مربعه لكي نوسع دائرة المعرفه لكي نسهل علي بعضنا ونسأل عن معارفنا في المربعات التي لانسكن فيها وتكون هنالك نشره يوميه بالاحداث التي تحدث في الامتداد من افراح واتراح لاننا في الغربه نسعد كثيرا بالتواصل مع اهلنا واصدقائنا في الامتداد فأرجو ان ينال اقتراحي اعجابكم وسوف ابداء بنفسي وأود ان اعرفكم باننى من سكان مربع واحد (يعني حلة العوره ) وكان عندنا فريق اسمه المواهب الضايعه وكان رئيسه الفخري كمال وديدي( ومحمد سلوكه )امد الله في اعمارهم ومتعهم بالصحه والعافيه وكان من اشد الداعمين للفريق المرحوم جعفر عبدون رحمه الله واسكنه فسيح جناته وكان بمثابة اب لكل الفريق

فى بوست للتواصل يا نزار تقريبا فى الصفحة رقم 2
منها ممكن تتعرف على الاعضاء وتتواصل معهم انشاء الله

لزيييييييييييز يا نزار ..
معاكم محمد عوض الخضر من مربع واحد حلة العورة .. ميدان سلام 4 ..
لكن هسع لو مشيتو قدام بيتنا تقولو عايزين محمد عوض .. حيقولو ليكم مابيعرفو .. ويقومو يطيروكم لي ناس حنبية ..
لكن من قولة )( استيف ) يجيبوك البيت طوالي ..

مافي اي زول برضو .. المهم حلتنا مع انو هسع اتملت حبش بي سبب الطواف فيصل السمسار...عندنا زاويه لزيزه وبتلم كل الاباء والناس الكبار...بالزات عند المغرب لحدي العشاء ... ولصق الزاويه النادي بتاعنا مشاهده كتشينه ضمنه ونسات ومرات تدويرات ..... لكنمجرد ما ياذن الاذان كل الناس بتخش الزاويه تصلي واللعب والدافوري يقيف ... والجمييل الجماعه الماكانو بيعرفو القبله بي وين!!!! بقو يصلوا ..... .
اما القامات عندنا زي اولاد ابرسي وعادل ك نديس ... وصلاح البكري وكتير...... خلو المره الجايه .....