دفتر الاحوال

ازيكم ياناس الامتداد وياناس المنتدي بالذات تحية خاصة
كنت قبل كده اقترحته عليكم نعمل لينا بوست خاص بالحضور واتاكد لي اهميته من خلال غيبتي مشيت وجيت لاعرفت اوريكم قبل امشي ولا لما جيت ماعرفت اعتذر وين عن غيابي علشان كده باكد مرة تانيه خلونا ناكد حضورنا ولو مرة في الاسبوع
ناس السودان بعتقد اكتر الحضور يوم الاحد بعد ظروف الاجازة الجديدة والاخوان والغالبية من الدول العربية السبت ولا ماصاح
بي كده كلنا بنعرف انه اخونا او اختنا ( ) حايغيب باقي الاسبوع مالو وليه عذره ونواصلو لما يرجع

باكد ليكم مشاركتي في الدفتر وبقول ليكم بعتذر عن عدم الحضور الفترة الفاتت وانشاء الله ربنا يسهل واداوم معاكم دايماً
الاهل طيبين وبسلموا عليكم
رزقنا بي بنوته حليوه (بت ميادة اختي) انشاء الله من الصالحات والتقيات يارب

ميادة .........

ياسلام واللة مشتاق اشوفة . سبحان اللة

الف مبروك على المولودة الجديدة . وربنا يجعلها من بنات الوطن الصالحات يارب

وتحياتى الحارة لها والف مبروك ولزوجها .

تسلم يافردة
ميادة ماشاء الله بقت ام بنات العيال كبرت وماكبرونا دي اهم حاجة كبروا براهم

يافردة .

باللة باقى الاخوات كيفنهم .

سلامى للجميع .

نحمدالله فضل كبير من عندو كلهم طيبين وبسلموا عليكم طوالي انا بحكي ليهم عن المنتدي وناسو تسلم

مشكورة يافردة .

خـيـر .. وعــمــار .. !!

ياشباب وشابات ماتخلوني احلفكم بس كل البدخل يسجل حضور حتي ولو بي كلمة
تسلموا

نسجل حضورنا
مكتب الضابط المناوب

نسجل حضورنا وبى حضور الحضور نحنا كم نسعد
مودتى للجميع،،،،،،،،،،،،
محمد عباس عبدالوهاب

تمام
سوف نكون في حضور مستمر الا اذا تغيرت الظروف الحالية
ونتمني من الجميع تسجيل حضورهم هنا في بيت هادية كرودي (بس بخاف يكون بيت ايجار )

هادية

الف مبروك على المولودة الجديدة . وربنا يجعلها من بنات الوطن الصالحات يارب

تسلموا كلكم ياالجيتوا وسجلتوا وياالمريتوا وحييتوا (اداني تحية)
ياابوقصي وابوسارة الابو والاخو والراجل وراجل الاخت والاخت والاخت ضباط اعمل شنو ياهو دفتر احوال وبقولوا مرة العميد لواء وزي مابقولوا الجماعة انا فريق

تسلم يابدر يااخوي بس هو والله مابيت هادية انا قصدته بيهو نسجل حضور اسبوعي علشان مانجي في النص نفقد الناس يعني الواحد لما يكون عنده ظروف يقول ياشباب انا بعتذر الفترة الجاية ولما يجي نرحب بيه يعني نوع من التواصل وانا مصرة عليه حتي لو اسبوعياً اسجل فيه براي يعني لما تقتنعوا
بعدين ياخوي انا في بيت الايجار قعدت من اتولدت وقريت وووووووعرست وجبت ولدي الكبير باقي ليك حتي لو بقي ايجار ماشه اقعد فيه قدر القعدتوا ده تاني
لكن انشاءالله ملك اورثوا الاولاد

بعدين ياخوي انا في بيت الايجار قعدت من اتولدت وقريت وووووووعرست وجبت ولدي الكبير باقي ليك حتي لو بقي ايجار ماشه اقعد فيه قدر القعدتوا ده تاني
لكن انشاءالله ملك اورثوا الاولاد

هادية شكلك جعلية ,,, انشاء الله الجيل الجائي يكون بنفس القوي والحماس ونفس الحب الذي نتمتع به حفاظا علي موروثاتنا وحبنا لمسقط راسنا وديارنا ونفتخر ونتباه بها ,,,, جعلك الله اختي هادية ان تورثي اولادك خير ماتملكي من بيوت ودور وقيم فاضلة واعز مافي نفسك .

والله شايقية لكن شكلوا كده مكنة الشوايقة مابية تقسم معاي
تسلم يااخوي مع انه جيل صعب لكن نتمني نعمل شنو (ربنا يوفق)

والله شايقية لكن شكلوا كده مكنة الشوايقة مابية تقسم معاي

بالعكس اختي هادية شايف اليومين ديل في السودان اكثر مكنة مقسمة هي المكنة الشايقية لما تتمتع به منطقتهم من خيرات قادمة للسودان .
نحنا هنا عندنا كفيلنا (شفتي كيف كفيلنا ) يعني نحن اتعب بشر علي وجهة الارض بتحكمو فينا وفي حرياتنا ,,,,,,,, عندو مختبر خصيصا لنوعية البلح المحسن لتصديرة الي السودان وبالاخص للمناطق التابعة لسد مروي ,,, برضو تقولي لي مكنة الشوايقة مامقسمة .

ياابو سارة مريت امبارح زي الساعة 11.30 ليلاً ولقيتك مناوب تمام و100% ليك حافز خاص وواصل
تعيش انت ويدوم خيرك

تمام يافندوم
نسجل حضورنا

ياسعادتك امبارح بس؟
انا الشاويش النوبتجى كل يوم بعمل طواف واسلم الورديه وارفع التقرير والتمام لي ناس الصباح

مودتى،،،،،،
الشاويش / محمد عباس عبدالوهاب

تسجيل حضور ....
سلام للجميع ..
حمداً لله على سلامة بنقوري ..
ويامجدي قريبي قلنا ماممكن تسافر ..
السفر ملحوق !!
وحمداً لله على سلامتك أختي هادية كرودي ...
وجبت ليك (زميلة) على حسب وعدنا تلقيها في بوسط منفرد لو فتشتي كويس

تسلم محمد اخوي انا رحبت بي الاخت ظل زائر بعد رجوعي ولكن للناس ظروف فهي حتي الان ظل زائر اتمني عودتها ومداومتها علي الحضور
تخريمة حتي انت اخي محمد ود.طارق شكلكم حضوركم مواسم

والله يا ( أختي) هادية ..
شغلتنا أموالنا وأهلونا فإستغفري لنا

فرقنا منهم أننا نقول بألسنتنا وتصدقه قلوبنا..

دكتور طارق دا أنا زاتو سائل عنو

::
صــبــاح .. الخـيــر .. و نــهــاركـم .. ســعــيــد .. و أحـلـي .. مـســاء .
:
شــوية .. زنـقــة .. فـي .. المـعــايــش .. و كـدهـ ..
::