شعر و خواطر..

صفحة 2 من اصل 2 الصفحة السابقة  1, 2

استعرض الموضوع السابق استعرض الموضوع التالي اذهب الى الأسفل

رد: شعر و خواطر..

مُساهمة من طرف Badreldin Farou في الثلاثاء سبتمبر 29, 2009 12:56 pm

بطاقة شخصية.....
الإسم الكامل:ـ إنسان
الشعب الطيب والدي..
الشعب حبيبي وشرياني..
أداني بطاقة شخصية..
من غيرو الدنيا وقبالو
قدامي جزاير وهمية..
لا لون...ولا طعم..ولا ريحة..
وأيام مطفية مصابيحا..
زي نجمة بعيدة ومنسية..
المهنة:ـ
بناضل وبتعلم..
تلميذ في مدرسة الشعب..
المدرسة:ـ
فاتحة على الشارع..
والشارع فاتح في القلب..
والقلب:ـ
مساكن شعبية..
وديني محل ما توديني ..
شرد أخواتي وأخواني..
فتش أصحابي وجيراني..
خليني في سجنك وأنساني..
في سجنك جوه زنازين
أرميني وكتف إيدي..
من أجل الشعب السوداني
وعشان أطفالنا الجايين..
والطالع ماشي الوردية..
وحياة الشعب السوداني..
في وش المدفع تلقاني
قدام السونكي حتلقاني..
وأنا بهتف تحت السكين..
الثورة طريقي وأيامي...
معدودة وتحيا ... الحرية...
والله يا عزام أخوي الغويشاية الفي البوست بتاعك دة أحلى من إكسسوارات chanel & dior كلها ..واصل يا رائع..
avatar
Badreldin Farou
القلم المميز
القلم المميز

عدد المساهمات : 121
تاريخ التسجيل : 29/07/2009
الموقع : Sweden

الرجوع الى أعلى الصفحة اذهب الى الأسفل

رد: شعر و خواطر..

مُساهمة من طرف راشد ابنعوف في الإثنين أكتوبر 12, 2009 11:02 am

اخوي الكبير وجاري(الهيته بالهيته) الدكتور عزام

والله شوق خرافي وشوف الزمن الخلانا نتلاقي اسفيرا وكنا لانفترق الا عندالنوم

سبحان الله
المهم كيفك وكيف احوال الاسرة الكبيرة واسرتك الصغيرة وكويس انو الواحد بقي مكان يلاقيك فيهو واتمنى ان لانتقطع اخبارك
اما بالسنبة لاختيارك شاعر الشعب محجوب شريف فهذا ليس بغريب عنك وانت الراقي
في استماعك وزوقك الفني ظل وسيظل كما هو لايتغير فشكرا لاختيارك شاعر الشعب
وانا اهديك هذه القصيدة
من اشعاره الجميلة “قصيدة طريق الشعب” :

طريق الشعب

طريق الشعب أوسع من زحام الضيق ..

وقلب الشعب أرحب من رحاب الضو ..

ونبض الشعب كل حلم براه يتم ..

شجر متشابك الهامات ..

جيلاً جاي حلو الشم ..

صبايا وفتية يمرحوا فى صباح الغد ..

عيونهم برقهن لماح ..

سوالم رد ..

وتطلع من شقوق الأرض..

آلاف المدن قامات ..

يطلعوا من قلب الحجر الصم ..

خفاف ولطاف ..

ثعابيناً أوان الجد ..

دفاعاً عن حياض السلم والإفصاح ..

سلموا ليَّ عليهن جملة..

حتى اللسة قبل الخلق والتكوين ..

صناع الحياة اليوماتي ..

ملح الأرض ..

نبض الشعر والموسيقى والتكوين ..

هدامين قلاع الخوف ..

كانت هذه الدراجة يوماً ما.. كلاشنكوف ..

وما بين منارات السمّع والشوف ..

نقاشين جدار الصمت ..

نساجين خيوط الشمس ..

كهربجية الظلمات ..

وأجمل ما تكون الدنيا ..

رسامين وحفارين مجاري العصر ..

نصراً نصر ..

مقدامين زمانهم فيه ضبط الوقت بالتقدير ..

شروق الشمس بالإنجاز..

حروفهم وا حلالي ..

تشمهم ترتاح ..

حا.. حرية ..

تا.. تغيير ..

جـ.. جدار ..

ك.. كتاب ..

س.. سمار وسكة حديد تهز وترز ..

با.. بحارة بحراً عبَّ وثار واو.. وطن مدرار ..

جرت تتلاحق الأنهار كما تتلاحق الأعراف ..

كما تتصافح الأديان ..

كما تتمازج الألوان ..

هجيناً من سلالات الفخار والعز ..

مرور النسمة وأيضاً هزة الإعصار ..

علم فى نشرة الأخبار ..

وهيبة على امتداد الكون..

وعلماً فى حماه الورد ..

حتى الزهرة والمريخ ..

شبح حرب النجوم ينزاح..

أيادي القهر خلف الظهر مكتوفين ..

أفاعي السمت حيث مزابل التاريخ ..
avatar
راشد ابنعوف
الشعلة
الشعلة

عدد المساهمات : 179
تاريخ التسجيل : 10/10/2009

الرجوع الى أعلى الصفحة اذهب الى الأسفل

رد: شعر و خواطر..

مُساهمة من طرف Badreldin Farou في الثلاثاء أكتوبر 13, 2009 3:15 pm

[
اما بالسنبة لاختيارك شاعر الشعب محجوب شريف فهذا ليس بغريب عنك وانت الراقي
في استماعك وزوقك الفني ظل وسيظل كما هو لايتغير فشكرا لاختيارك شاعر الشعب
وانا اهديك هذه القصيدة
من اشعاره الجميلة “قصيدة طريق الشعب” :

طريق الشعب

طريق الشعب أوسع من زحام الضيق ..

وقلب الشعب أرحب من رحاب الضو ..

ونبض الشعب كل حلم براه يتم ..

شجر متشابك الهامات ..

جيلاً جاي حلو الشم ..

صبايا وفتية يمرحوا فى صباح الغد ..

عيونهم برقهن لماح ..

سوالم رد ..

وتطلع من شقوق الأرض..

آلاف المدن قامات ..

يطلعوا من قلب الحجر الصم ..

خفاف ولطاف ..

ثعابيناً أوان الجد ..

دفاعاً عن حياض السلم والإفصاح ..

سلموا ليَّ عليهن جملة..

حتى اللسة قبل الخلق والتكوين ..

صناع الحياة اليوماتي ..

ملح الأرض ..

نبض الشعر والموسيقى والتكوين ..

هدامين قلاع الخوف ..

كانت هذه الدراجة يوماً ما.. كلاشنكوف ..

وما بين منارات السمّع والشوف ..

نقاشين جدار الصمت ..

نساجين خيوط الشمس ..

كهربجية الظلمات ..

وأجمل ما تكون الدنيا ..

رسامين وحفارين مجاري العصر ..

نصراً نصر ..

مقدامين زمانهم فيه ضبط الوقت بالتقدير ..

شروق الشمس بالإنجاز..

حروفهم وا حلالي ..

تشمهم ترتاح ..

حا.. حرية ..

تا.. تغيير ..

جـ.. جدار ..

ك.. كتاب ..

س.. سمار وسكة حديد تهز وترز ..

با.. بحارة بحراً عبَّ وثار واو.. وطن مدرار ..

جرت تتلاحق الأنهار كما تتلاحق الأعراف ..

كما تتصافح الأديان ..

كما تتمازج الألوان ..

هجيناً من سلالات الفخار والعز ..

مرور النسمة وأيضاً هزة الإعصار ..

علم فى نشرة الأخبار ..

وهيبة على امتداد الكون..

وعلماً فى حماه الورد ..

حتى الزهرة والمريخ ..

شبح حرب النجوم ينزاح..

أيادي القهر خلف الظهر مكتوفين ..

أفاعي السمت حيث مزابل التاريخ ..]

ياسلااااااام ..ياخ!!روعة..والله العظيم روعة..
بالرغم من إنو أغنية (السنبلاية) الغناها وردي ، تعتبر علامة فارقة في شعر محجوب شريف الغنائي..إلا أن (مريم ومي) التي تغنى بها سيف الجامعة تعتبر واحدة من أقوى أشعاره الغنائية..وهذه الأغنية بالذات تمت مصادرتها من قبل الرقابة الأمنية في حقبة ما وأبيدت بحملات عشوائية من كافة أسواق الكاسيت؟..ياريت تكملها إلى (إذاً فلتقرع الأجراس)..
........وياعزااااااام))))!؟ ....مشيت وين بالله عليك!!؟..تعال ....خليك قريب...وواصل الإبداع..وحاول هبٌِشْ لينا شوية من عاطف خيري وهاشم صديق والصادق الرضي..يعني كوكتيل فرح كِدة في كُباية كبيرة ينعش قلوبنا العطشانة دي ياخي!؟ خلينا نفرهد يا رجل... (نحن نخرج من حصار العزلة الكبرى..لكننا نصاب بضربة الحُزن أو أن خروجنا في داخل الصمت وفي صمت السؤال؟!)..... عوووك ياناس الإدارة!..البوست دة ثبٌتوه.....ثبٌتوه....(يوجد مؤيدون كِمٌيات)!!....
avatar
Badreldin Farou
القلم المميز
القلم المميز

عدد المساهمات : 121
تاريخ التسجيل : 29/07/2009
الموقع : Sweden

الرجوع الى أعلى الصفحة اذهب الى الأسفل

رد: شعر و خواطر..

مُساهمة من طرف بنقوري في الأربعاء أكتوبر 14, 2009 12:07 am

(الشوق والوطن)
للشاعر هاشم صديق
اهداء للاخ الراقي .. الدكتور عزام محمد الامين
يا جنا
في بعادنا عن أرض الحُنان
الليلة مرت كم ســـنة
وا شوقنا لى نخل الفريق
الضامي في سَدُره الجنا
وللحلوه ام وجهاً قَمر
ضواى مورد بالمنى
الليلة زارتنا الرؤى
المنسوجه من عُمق الجذور
رَسَمت صور ضوّت جمال
وجوَّه الخيال عاشت دهور
أفراح فريق يوم الحصاد
وجريف يضم طينُه البذور
وزغروده ِوصلَت للسحاب
وعريس مُعطَّن بالعطور
وجهاد فتح درب الصباح
وشهيد مُلَفّح بالزهور
وشباب ِبِعز ديمه الأرض
شايل مبادي نضالُه نور
وف مره طار بينا الخيال
بعد الغياب الطال جرح
شوفناَ البخور في الليل عَبَق
والليل شرب عطر الَّطلِح
والقمرة نامت في الرمال
والطين شِِرب نديان صِِبح
وحَدَا الصريف قام الخدار
حَاضِن صفيقات القَمِح
والوادي فَرهَد بالخريف
الشَّرَ بى قَشُه السّمح
الفين سلام
يا يمه يا شتل المحَنّه
الشَبَّ في وسط الجروف
ويا يا يابا يالدرع المتين
الليهو كم سجدت سيوف
وياجده يا أم صوتاً حَِنين
حجواتها بالوادي بتَطوف
ويا سمحه يا شمس الفريق
والليها كم غَنَّت حروف
في الغربة يا اهلي الحُنان
كم عِشنِا في قَسوة ظروف
أشواقنا لى أرض الوطن
ولى خُضرة الوادي العطوف
خلتنا كم ساقنا الخيال
طار بينا لى دار الولوف
والفرحة غَنّت صَفَّقَت
والشوق حَضن شتل الجروف

كما اهدي القصيدة للاخ العزيز بدرالدين فرو......
واشكركم جزيل الشكر واتمنى ان تنال قصيدة الشاعر العملاق
هاشم صديق.....مع عاطر الاشواق والمحبة لكم .. بنقوري
avatar
بنقوري
كبار الشخصيات
كبار الشخصيات

عدد المساهمات : 619
تاريخ التسجيل : 09/06/2009
الموقع : مربع (4

الرجوع الى أعلى الصفحة اذهب الى الأسفل

رد: شعر و خواطر..

مُساهمة من طرف Badreldin Farou في الأربعاء أكتوبر 14, 2009 4:52 pm

كما اهدي القصيدة للاخ العزيز بدرالدين فرو......
واشكركم جزيل الشكر واتمنى ان تنال قصيدة الشاعر العملاق
هاشم صديق.....مع عاطر الاشواق والمحبة لكم .. بنقوري

أحمد جعفر...شكراً لإهدائك الفرح الجميل..لأجل ما يخط يراعكم الأنيق من كلمات..نحن هنا يا صديق..مئونة أعوام من الإلفة..
....ولاذلنا بإنتظارك يا دكتورعزام في هذه العيادة الروحية!..

يا أعشاب النيل الأبيض..
ما تتضاري وراء الدعوات..
أقرأ تاريخك وأخاف..أقرا تاريخي وأخاف؟..
أسأل جبين الفجر مطعون في القفا..
هل سافرت في دمك المحقون رجا..حبة غضب؟..
ما شلنا جمرك وإنطفا..
جوانا نارك والمطر..
جايين...جايين بالكتابة..
وضربة الناس المهابة..
لو هزٌ نخلك باشبُزق..
ما فارق التمر السبيط..
وما ساور الطورية شك!..
إنٌو الأرض..
أُنثى وبتحمل بالحلال..
مين اللي قال..إنو المسافة البينا بين الشمس طاقة؟!..
أو مياه النيل بتدخل في عروق السنبلة..
المسقية بي عرق الجعانين والمساهرين بالبطاقة؟!..
أقرأ تاريخك وأخاف؟!
أقرأ تاريخي وأخاف؟!..
جوارك والزمن النضيف..
جواي من جُواك غضب...
سلٌم مفاتيح السؤال؟
جيل الشمس..موكب حريق..
واقف على باب الدخول
وبيناتو بينات الدخول.....(لحظة شهيق).... / عاطف خيري..
avatar
Badreldin Farou
القلم المميز
القلم المميز

عدد المساهمات : 121
تاريخ التسجيل : 29/07/2009
الموقع : Sweden

الرجوع الى أعلى الصفحة اذهب الى الأسفل

رد: شعر و خواطر..

مُساهمة من طرف Badreldin Farou في الأربعاء أكتوبر 14, 2009 5:06 pm

http://www.youtube.com/watch?v=0y79ymrKSV4&feature=related

http://www.youtube.com/watch?v=pmq12D75U3Y&feature=related

http://www.youtube.com/watch?v=QKl4TgM1K28&feature=related

http://www.youtube.com/watch?v=Y2NaZRakMAA&feature=related
http://www.youtube.com/watch?v=iP8hR0XWll8&feature=relathttp://www.youtube.com/watch?v=vXBQNbprAas&feature=relateded
http://www.youtube.com/watch?v=0tdNJOALROU&feature=related
http://www.youtube.com/watch?v=8jMw0bIwKF4&feature=related
avatar
Badreldin Farou
القلم المميز
القلم المميز

عدد المساهمات : 121
تاريخ التسجيل : 29/07/2009
الموقع : Sweden

الرجوع الى أعلى الصفحة اذهب الى الأسفل

صفحة 2 من اصل 2 الصفحة السابقة  1, 2

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى