مبروووك البيت الكبير

سلام لاجمل اخوان وجيران واصدقاء ان شاءالله تكونوا كلكم بالف خير

نشكر الاخ محمد مصطفي علي لمته لينا من تاني في بيتنا الامتداد الموقعه في القلب دايما وابدا

وان شاء الله نقدر من خلاله نقدم كل جميل لاهلنا الجد بستاهلوا كل خير ...

مرحبا اوميمه سري

علاقتك شنو بي مصطفي سري ؟؟

في شبه !!!

عموما جيبي اخواتك عشان ما نرفع لنا طوبه
ولو غلان وخفيف ولفيف صلحونا
ههههههههههه

تكرار

مرحبا باميمة سري

مرحباً الأخت أميمة سري

كنا نفتقر للعنصر النسائي .. جيتي في وقتك
يا ألف مرحبا وهلا ..
بين اهلك وإخوانك ..

اهلا يا عبدالله الكع ... وشكرا لترحيبك ...ايوه انا اخت مصطفي وان شاء الله ما اشبه
( اب صلعه ده ) .. مع الود

الاخ محمد مرحب والف تحيه وتقدير لمجهودك كنا جد محتاجين لي كيان يلمنا وما قصرته ..
و اكيد انا بين اهلي وخياني .... الله يديك العافيه.

الاخ طارق شكرا لترحيبك رسلته ليك رد اظن طشه ( الله يجمع) متابعك في سودانيز كتييير في مواضيعك الممتعه ...
وشكرا كتير .

الاخت اميمه مبروك لكل ناس الامتداد وعليك الله كلمى ناس بهاء وسليمان وايمان وتحياتى لك ولهم

omima sirry كتب:سلام لاجمل اخوان وجيران واصدقاء ان شاءالله تكونوا كلكم بالف خير

نشكر الاخ محمد مصطفي علي لمته لينا من تاني في بيتنا الامتداد الموقعه في القلب دايما وابدا

وان شاء الله نقدر من خلاله نقدم كل جميل لاهلنا الجد بستاهلوا كل خير ...

صغيرتنا .. أميمه سري
التحية لك وللأسرة الكريمة العزيزة علي القلب ..
حقاً أنه البيت الكبير ..
والتحية للغالي المتفرد محمد مصطفي لهذا العمل الجبار ..
والتحية لطارق جبريل الذي حمل في جوفه كل نقاء أبناء الإمتداد وتفرد بلم الشمل بحمل هم ذلك الحلم .
التحية للجميع والملاحظ حتي اللحظة بأني الجد شعبان في هذا المنتدي سوف أبذل مجهود جبار لإستقطاب دفعات تكبرنا سناً وفهماً ولكم كل الود ..

اختنا العزيزة اميمة سرى
سعداء جدا ببيتنا الامتدادى الاسفيرى
وبحضورك مع البداية التى تبدو اكثر من رائعة

مرحب بالأخت العزيزة أميمة سري "بت الامتداد الأصيلة" وأهلا بيك كأول ساكنة في البيت الكبير وتحياتي لأسرتك الصغيرة ولأسرتكم الكبيرة

مرحبا بيك بينا اختنا اميمة سري اول رائدة في هذا البيت الامتدادي
وعبرك التحايا لكل الاهل والاحباب , ودمتي اخت عزيزة بيننا .

ازيك يا عامر تيتاوي كيف انت واولادك ان شاءالله بخير والله سعيده جدا بيكم والله ..كتر خيرك اخوي .

أ. صديق صديقي العزيز شكرا لكلماتك الجميله طبعا ما بقدر اجاريك في كلامك الجميل ومهذب زيك وان شاءالله تدوم الاخوه والمحبه ..

يا الله ياعماد العاقب جد ما قادره امسك عبرتي ...صديق اخوي الراحل المقيم عصام سري اكيد اخوي ... اولاً البركه فيكم في ابونا العاقب يوسده البارده بإذن الله ويجعلها اخر الاحزان . ويخلي ليكم الوالده وكلكم تكونوا بخير .
كيف انت والأخت احسان واولادك ربنا يحفظكم وبلغها تحياتي .. اكيد حنتواصل بي هنا حتي نتلاقي بإذن الله .

ليك كل الحب والتقدير اخوي .

اخوي العزيز بدر الدين كيف انت ان شاءالله تمام .. شكرا كتيير علي ترحيبك وطلما جاي إجازة اكيد حنتلاقي ...وبطل خثاثات وكدي ما تزورنا .

الاخت اميمي سري مرحب بيك ونورتي المنتدي

الاخت العـزيــزة اميمة ســري
o تحيــاتي لك للـوالـد والـوالــدة الاخــوان بهــاء و سـليمـان والاخـت ايمـان.
o طبعاً الاخ مصطفي متابعين اخباره عن طريق سودانيزاونلاين.

معــاذ

omima sirry كتب:يا الله ياعماد العاقب جد ما قادره امسك عبرتي ...صديق اخوي الراحل المقيم عصام سري اكيد اخوي ... اولاً البركه فيكم في ابونا العاقب يوسده البارده بإذن الله ويجعلها اخر الاحزان . ويخلي ليكم الوالده وكلكم تكونوا بخير .
كيف انت والأخت احسان واولادك ربنا يحفظكم وبلغها تحياتي .. اكيد حنتواصل بي هنا حتي نتلاقي بإذن الله .

ليك كل الحب والتقدير اخوي .

أختي الصغيرة .. ميمي
إحساسك صادق .. وأنتو أملنا وأنتو أهلنا في غربتنا أنتو الدار .. الراحل المقيم عصام سري لم يكن صديقاً لي بل كان شقيقاً ، وكان الحب بيننا لله في الله .. لا زالت نبرات صوته تحاصرني وضحكاته صداها يدور في أذني .. كان عصام سري وطلال عبدالله السماني توأم الروح .. عشنا في بيتكم العامر أيام لا تنسي وكانت الولدة الكريمة أمنا وأختنا وصديقتنا وحبيبتنا .. رغم مرور السنين لم أضع رأسي علي المخدة وأغمض عيناي حتي يمر شريط الذكريات وعصام سري يحاورني وأردد في صمت كلمات الشاعر الراحل الدكتور إبراهيم ناجي والتي يرددها العندليب الأسمر صديق العمر زيدان إبراهيم :

وا ضياع العمر والدمع علي عمري المضاع ..
وهتاف القلب بالشكوي علي غير إنتفاع ..
طال بي سهدي وكأياي وقد حان إضجاع ..
كيف الراحة هانت ؟؟ بعد لأي ونزاع ..
وثغور القيد سيان وأنياب السباع ..
آه لو تقضي الليالي .. لشتيت بإجتماع ..
داوي ناري .. وإلتياعي .. وتمهل في وداع ..
يا حبيب الروح هب لي بضع لحظات سراع ..

لم يمهلنا عصام ولم نكن نعرف الأقدار ماذا تخبئ لنا ورغم إيماننا بالله كنا غافلين ونحسب بأن ذلك الوداع سيعقبه تلاقي ولكن .. الحمد لله علي كل شئ ..

صغيرتي أميمه .. أعرف صدق إحساسك تجاه والدك العاقب عليه رحمة الله وسأكتب عنه بعد أن تندمل جراحي الساخنة وحتي الجراح ..العاقب شال الجراح والإبتسامة وكل حرمان اليتامي .. نسأل الله لهم جميعاً الرحمة - إنا لله وإنا إليه راجعون ..

صغيرتي أميمه .. طمأنيني عنكم جميعاً وحشتوني كثير .. أخبرت إحسان بكلماتك الرقيقة المؤثرة فسالت دموعها ولم تستطيع أن تنطق حرفاً ولكني قرأت ما فضحته عيونها .. طبعاً أبنتي زينت وأبني محمد نحدثهم عنكم وتلك أحدي مساوي الغربة ..

وحقاً أن هذا البيت الكبير منتدي ( الإمتداد ) سيلعب دوراً كبيراً في لم الشمل ..
لك كل الود والتقدير والأسرة الكريمة ..

الوفي عماد اشكرا كتير ربنا يديك الصحه والعافية ويطول عمرك ...وامي بتسلم عليك بالأحضان وبتقول ليك لسه عصام حي طلما بتذكروا انتوا وما نسيتوه ... ربنا يرد غربتكم بالسلامه ونفرح بي اولادك ...
ودمتا لينا نعم الاخ سلامي لاسرتك الكريمه والاخوان .

[quote="MAAZELSIR"]الاخت العـزيــزة اميمة ســري
o تحيــاتي لك للـوالـد والـوالــدة الاخــوان بهــاء و سـليمـان والاخـت ايمـان.
o طبعاً الاخ مصطفي متابعين اخباره عن طريق سودانيزاونلاين.

معــاذ



ود حلتنا العزيز معاذ شكرا لترحيبك وتحياتك وصلت .. كيف انت واهل بيتكم الكرام والعزيزه اماني ان شاءالله كلكلم بخير تحياتي ليهم ولاسرتك ( ولي ولدك التحت الكرسي بوسه ) في امان الله.

عوض كمباء"]الاخت اميمي سري مرحب بيك ونورتي المنتدي




شكرا يا عوض والمنتدي ذايد نور بي اهله وناسه ... الف شكرا .

اميمة يا خي بالغتي .. ابو صلعة قمة الواجه والعبقريه
انت عارفه لو ما سارة كرودي وصلت ... طوبتي جاهزه ..

يلا شوفي لينا جندريات الامتداد ديل وين اراضيهم .. [/center][/quote]




كيفك يا عبدالله كع ... اب صلعه قمت الوجاه يربي !!! ومرحب بالعزيزة ساره كرودي واكيد حتجيبي الاخت هادية سلامي ليهم كتييير ...وشكرا يا كع مع الود .