أيامي الحلوة في 13

أحبيتى ساكنى مربعات الامتداد الاربعة عشر تحياتى القلبية فردا فردا،حقيقة نقول كما قال الشاعر (هيجتنى الذكــــــــــرى)
بالرغم من أنني اسكن مربع 8 ولكن لي عشق خاص لمربع 13 (لهم ودى وتقديري)والحكاية بدأت في اواخر الثمانينات بدعوة من صديقناالفنان منتصر انور (الآن بجدة)من سكان مربع 7 وكانت تربطنا به علاقة صداقة دعانى الاخ منتصر للغناء( ايام الحظر الشديد 6م)في بيت ناس فتحى الجعلى(م13) -غنينا انا ومنتصر وفي هذا الحفل تعرفت على الصديق والرفيق بحق احمد جقلو (في امريكا الآن)له التحية والتجلة ايضا تعرفت على الخلوق عبدالرحمن سيد وصاحب الريشة الفريدة اسامة حسن سيد ،وحسن جنين ربنا يديهم العافية ،ولدنا بدرالدين (الصحافة 38)امير يونس ،محمد ابوشيبه والهادى وكان لي الشرف ان -غنيت في حفل وداعه لقطر-كما كان لي الشرف ان غنينا انا والفنان المحترم عماد عويس( له مني خالص التحية والود بقدر سماحته) اليوبيل الفضى لفريق الدينو العريق وبهذا نلت صداقة فريق الدينمو ومربع 13 ،،،،،مع محبتي 0000 نواصل بإذن الله
محمد عباس (ابوساره)

بالمناسبة كل مربعات الأمتداد عزيزة علي قلوبنا ولكن مربع 13 له نكهتة القرنفلية وحتي سار عليه مثل بكي في 13 ولا عرس في أربعتاشر ومع أنو الأمتداد كتله واحده بحق تعارفنا إلي جميع مربعاته ولكن 13 الأجمل بالعلاقات الإجتماعية الغير تقليدية وهو المذكورين كلهم أحباء علي قلوبنا وربنا يجمعنا بيهم يا أبو أحميد لك ودي أبوساره.

،،،،أبوقصي،،،،

اخونا عبدالله كع ماتزعل ربنا يديك العافية انت مابتقصر مع مربع 8 لكن ناس 13 شايفهم نايمين في العسل قلنا نصحيهم
مواصله لشريط الذكريات
ايضا من الاصدقاء اخونا هاشم ابودقن (زوج المذيعة ايمان دفع الله)تحياتى لهم ،كنا كثيرا مانجلس بدارهم العامرة ومن ضمن الحكاوى حكى لنا هاشم :-فى مره ذهب للدلالة وكانت باركويت في ذلك الزمن لكى يبيع سيارته الانجليزية والتى اتعبته جدا ،اثناء ماهو بالدلالة جاء زبون ليشترى السيارة السمسارى بدأ يقرأ للزبون والله السيارة دى ممتازه فرامل 100% مكنة100% 00000000 الخ بعد ما إنتهى السمسارى من كلامه هاشم قال للسمسارى طيب انا لوسيارتى دى فيها كل الكلام ده طيب انا بايعه ليه؟ تحياتى ايضا لاخونا عباس ركس ،ايضا اذكر عباس الفحل ، ايضا اذكر الجميل سيف الحلفاوى (سيف هليل)مربع14 وعزفه علي العود بطريقه جميلة ومريحة وسيف كان يغنى لنا دائما رائعة ابوداؤد (نادوا لينا البناء يبنى لينا الجنة) الى ان سميناه سيف البناء له منى التحية ، ايضا من ظرفاء المربع اخونا وحبيبنا ابو الزهور ربنا يطراه بالخير ـطبعا بعد الزواج افل نجمه وبطل الحوامة بين المربعات له التحية 00 ويازمن وقف شوية 00وأهدى لي لحظات هنيه،،،،،،،،،،،،،،،،،،نواصـــــــــــــــــــــــــل

أحبيتى ساكنى مربعات الامتداد الاربعة عشر تحياتى القلبية فردا فردا،حقيقة نقول كما قال الشاعر (هيجتنى الذكــــــــــرى)
بالرغم من أنني اسكن مربع 8 ولكن لي عشق خاص لمربع 13 (لهم ودى وتقديري)والحكاية بدأت في اواخر الثمانينات بدعوة من صديقناالفنان منتصر انور (الآن بجدة)من سكان مربع 7 وكانت تربطنا به علاقة صداقة دعانى الاخ منتصر للغناء( ايام الحظر الشديد 6م)في بيت ناس فتحى الجعلى(م13) -غنينا انا ومنتصر وفي هذا الحفل

سلام
Abo sara
كدي في الاول قول لي اسمك كان منو قبل Abo Sara?
الحاجة التانية شكراً ليك كتير لذكر 13 بكل ما هو جميل وهذا هو الامتداد بكل مربعاتو نفس العينه و نفس الدواخل.
التحية لامير يونس، حسن جنين، عبدالرحمن سيد ... وكل بقية شباب 13 الرائعين.
واكيد تحية ليكـ.
.
.
مع فائق الود
راني السماني مربع 13 منزل 5

سلام
Abo sara
كدي في الاول قول لي اسمك كان منو قبل Abo Sara?
الحاجة التانية شكراً ليك كتير لذكر 13 بكل ما هو جميل وهذا هو الامتداد بكل مربعاتو نفس العينه و نفس الدواخل.
التحية لامير يونس، حسن جنين، عبدالرحمن سيد ... وكل بقية شباب 13 الرائعين.
واكيد تحية ليكـ.
.
.
مع فائق الود
راني السماني مربع 13 منزل 5
الأخ العزيز راني ـ سعيد جدا جدا بمداخلتك، ولك شكرى الجزيل على الأغنية (كلك ذوق)نحنا امكن مابنعرف بعض لكن انا متأكد نكون اتقابلنا لانو انا كان جل وقتى( بالمساء) كنا نقضيه امام بيت ناس عبدالرحمن سيد او امام بيت ناس حسن جنين او امام دكان ناس امير يونس وده كان لسنوات انا محمد عباس كنت بغنى للراحل المقيم الفنان الذري ابراهيم عوض له الرحمة بقدر ما غنى وأمتنع الناس 000 اتمنى ان تكون اتذكرتني؟ مع خالص ودي وإحترامى

يا ابو عباس بوستيك لذيذ ورايق زيك ..
اخوك جعان هسي لكن بكرة بجيك بي رواقة و نشوف مربع 13 ده العملتو لينا احلي من 8
لووووووووول . هسي يجوك ناس تلتاشر يقولو نحنا روح الامتداد زاتووووووووووووووووووو
وياريت لو سمعتنا(( يا ذمن وقف شويه ))
ودعتك الله لحدي بكرة

[quote="عبدالله عوض عبدالله كع"]يا ابو عباس بوستيك لذيذ ورايق زيك .

[color=red]ياكع 00 ما ألذ منك 00 بعدين انحنا عارفنك حـــــــــار عشان كده قدمنا اعتذارنا مقدما ، تانى لومتابع اخونا ابوقصى من 14 ادلى بدلوه
قال ليك بكى في 13 ولا عرس في 14
و اخيرا يا كع ياود حلتنا و شارعنا نحنا ما منتظرنك لينا فتره إنت وين غاطس؟؟؟(وين رسايلك وين كتاباتك الى)

تحياتى لك ياسمح الخصال وللوالد والوالده والأخوات والعيال-عساهم بخير
راجــــــــــــــــــــــــــــــــــــــــــــــــــــــــــــــــيك ياكع
مع 00 محبتى 00 ابوعباس كما يحلو لك

[quote="MAAZELSIR"]العزيز محمد عباس
تحياتي واشواقي
[color=red]o يا هلا وغلا اخونا وولدنا معاذ 00 والله مشتاقين
سعيد جدا 00 جدا بمداخلتك ياعزيز ي
بس ماتسخن لينا حبيبنا كع ده يادوب نحنا هديناهو
تحياتي لولدنا عبدالرحمن واخوانك وكل افراد الاسرة الكريمة

ويا كع شكرا على الإطراء ولكن نحنا ما فات الأوان 00 وماقادر أصدق إنو نحنا 00 نحنا اوانا فات 00 فات

بوست جميل واصلو
بس يا ابو قصي قالو بكي 14
تعال نعد

ازهري محمد موسي كتب:بوست جميل واصلو
بس يا ابو قصي قالو بكي 14
تعال نعد

اهلين وسهلين حبابك اخونا وحبيبناازهرى ،سعيد جدا بمرورك علي البوست ومداخلتك يالحبيب
كما ذكرنا ودائما نذكر المربعات كلها لينا فيها مافيها من ذكريات حلوة وجميلة (شارع شارع ،حلة حلة)
-الذكــــــــــرى الجميلة لوتعرف معناهـــــــــا-
ودى ومحبتى للجمـــــــــــــــــــــــــيع،،،، نواصـل بإذن الله[code]

الاخ العزيز ..... محمد عباس ( ابوسارة) السلام عليكم ورحمة الله وبركاته
عسسسسسسسسسسسسسسسسسسسسسسسسسسساكم من عوادة
وكل سنة وانت طيب وكل سنة وانت بخير بعيد الفطر المبارك
اعاده الله عليكم وعلينا باليمن والبركات والصحة والعافية وسلامي
الى الجميع من ابناء الامتداد بطرفكم بالرياض مع عاطر التحايا
والاشواق ......اخوكم ..احمد جعفر (بنقوري)

[quote="احمدجعفرعلي السنهوري"]الاخ العزيز ..... محمد عباس ( ابوسارة) السلام عليكم ورحمة الله وبركاته
عسسسسسسسسسسسسسسسسسسسسسسسسسسساكم من عوادة


العزيز احمد جعفر -كل عام انت والجميع بالف خير- تمنياتنا لكم بوافر الصحة والعافية (والله مشتاقين)كما ارجو ان تبلغ تهانينا بالعيد السعيد لعيالك وكل من بالدوحة،شقيقي عادل عباس المحامى زميل دراستك يهديك اجمل التحايا والتهانى لك ولاسرتك الكريمة ،،،لك مني ومن بالرياض كل الود 000 مع تمنياتنا بدوام التواصـــــــــــــــــل

من ابوسارة الصحافة الى ابو سارة الأمتداد

[b]تحية عطرة
لكل سكان مربع 13
وكمان مربع 8
وعيدكم مبارك سعيد

[quote="عمر عبدالسلام"][quote]من ابوسارة الصحافة الى ابو سارة الأمتداد [

اجمل التحايا والتهاني بالعيدالسعيد
لك ولكل ساكنى حي الصحافة من مربع 15 حتى مربع42
واجمل التمنيات (ياعيد تعود ياعيد بالخير علينا سعيد)