محمد مصطفى

تحياتنا وتقديرنا لمجهوداتك الجبارة في لم الشمل الإمتدادي ولا عجب في مبادرتك الكريمة فأنت العلم والأخلاق والأدب وكمان الحرفنة . مزيداً من الإبداع والتواصل .

ساكن فيني هواك وبريدك ...... جوه القلب النبضو يصونك
احبك يا امتداد انا مجنونك..
التحية عبر هذه النافذة الي كل اهلنا في الحي المتفردومزيدا من التواصل
وياريت نرجع قعدة اللساتك جنب بيتكم يامحمد مصطفى أو جنب بيت العزابة يا الفاتح الجوص او تحت شجرة عمنا ابنعوف يا بنقوري او في الزلط ياعزام ووليد كرنديس ووينك ياعوض كمباوتحياتي للجميع.... خالد (الدب)

مشتاقين يا أبو النسب " طبعاً الناقةبره
أرجو الإتصال والتواصل لمعرفة الأخبار .
أخوك / عادل علي

سلامات وعيدكم سعيد
حبيبنا خالد اولا العزاء لكم
والله عيدنا اصبح عيدين بى وجودك معنا طبعا انته والاخرين والشوق كميات لا حدوده له وياسلام قعدة اللساتك ما كان فى زيها وان شاء الله نعود يوما ما وكل الاحباب ونتلمه فى ساعه الفرح والخير
وتحباتى ليك والاسره
شكرا يا عادل طبعا الغربه هنا السنه فيه بى سنتين والواحد بقى نساى والزاكره كبرة فياخى افصح ......
مودتى

شكرا فاتح
شكرا عادل تنقو طبعا ما عرفتك في البداية يا أبو النسب فأرجو المعذرة
وطبعا الناقة حيظل برة..

الأخ العزيز / الفاتح محمد علي سابل - دة طويلة ما إتقابلنا لكن بطبعنا في الإمتداد زي أول أمس تحياتي لكل ولكل أفراد جيلك الرائع ولجميع أولاد الإمتداد بألمانيا وما جاورها .

عادل علي حسين (تنقو) ..
البركة فيكم أولاً ..
وتقبل الله الوالد بواسع رحمته
وجعل الجنة مثواه ..

شكراً لإطرائك علي .. ودا من طيب أصلك
ولاأملك إلا الدعوة المأثورة :

اللهم أجعلنا كما يقولون .. وعافنا مما لايعلمون

وليك أقول : كن جميلاً ترى الوجود جميلاً ..
سعدت جداً بلقائك في الإجازة السابقة ..
رغم قصر المدة .. إلا أنها إنطبعت جواي بشدة
ربنا يجمعنا في ساعة خير إن شاء الله
ومنور المنتدى والله .. وماتنقطع ..

للأخ العزيز خالد عبد الرحمن التعازي أيضاً بوفاة الوالد .. وربنا يجعل الجنة مثواه ..
قابلتو لمدة لحظات في الاجازة السابقة ..
لكن ياهو خالد (دب) زااااااااااتو ..
ماشاء الله التقول كان (مقرّش) ..

الجص دا عجّز قبل مايدخل دنيا .. دا عادل تنقو
يا الجص .. ألبس النظارة ..

تعرف يا ابو مصطفى انا خلينى من الاسم خالد لو الدب ما كتبه والله لقيت اسع ما اعرفه ياخى انا بقيت ابحلق فى الصوره قالته معقول الناقه اسمه خالد ولا الناقه زاتوه بقى وجيه كده بتين ......
كمان عادل على و بدون صوره يسلام يا تنقو والله منور النت كله وان شاء الله كرتك الشويه اتصلحت فى السعوديه مع العلم انا كنته بقول ليهم تنقو ده زى الجولى ما بشبه سلام 4 تحياتى واشواقى لك وللاسره انا طبعا حاجز واحده
عليك الله موش اوجه من الدب ابو النسب بتاعك
وتحياتك موصوله للكل هنا الحبوب وود سلام
تحياتى

العزيز / محمد مصطفى - الله يبارك فيك ويرحم موتانا وموتى المسلمين نسأل الله أن يجعله من أصحاب اليمين - أمين يارب العالمين أما عن إطرائ فهو في محله دون جدال وربنا يوفقك لما فيه الخير والصلاح - طبعاً في رمضان سلمت على والدتك والأستاذة ونايلة وأبو داؤود الصغير الحمد للله هم بخير وعافية والجميع بسلم عليك ونتمنى أن نتقابل في الإجازة القادمة إنشاء الله بالنسبةً للجوص أنت عارفو نظرو بقى زي كورتو زمان . تحاتي لك ولك كل الأخوان بهولندا دون فرز .

العزيز / الفاتح والله ليك وحشة والنور زايد بنورك يا ولدنا وطبعاً هاجمتني في كورتي لأني كنت بقول ليك يا مرض والظاهر النظر بقى زي الكورة طبعاً أن والجولى كنا فنانين لكن ما أدت حريف يا عمك ويا حليل تلك الأيام - في رمضان كنت في السودان والشباب دائماً في ذكراك على رأسهم عزو ووليد والبقية وأبشر بالخير بالنسب وين لقيناك يا وجيه -وأتمنى لك التوفيق في بنت الحلال وتحياتي لك ولجميع الشباب بطرفك .

يا الفاتح والله وحشتنا قفشاتك ياخ
تعرف الكبر حصل ده واقع كلنا ما بننكرو وانا طبعا زيك لمن قريت (عادل علي) ما عرفتو الا بعد ما كتب ابو النسب!!!
عشان كده قلت انا اكتب خالد الدب واحط الصورة دي مخصوص عشان الجوص ده يعرفني وبعد ده تقول لي الناقة ده بقى اسمو خالد والله حالتك متاخرة شديد غايتو انا احسن منك

[quote="عادل علي"]العزيز / الفاتح والله ليك وحشة والنور زايد بنورك يا ولدنا وطبعاً هاجمتني في كورتي لأني كنت بقول ليك يا مرض والظاهر النظر بقى زي الكورة طبعاً أن والجولى كنا فنانين لكن ما أدت حريف يا عمك ويا حليل تلك الأيام - في رمضان كنت في السودان والشباب دائماً في ذكراك على رأسهم عزو ووليد والبقية وأبشر بالخير بالنسب وين لقيناك يا وجيه -وأتمنى لك التوفيق في بنت الحلال وتحياتي لك ولجميع الشباب بطرفك .

سلامات عادل تنقو والله مشتاقين ياخى دى كميه كده من السنين انا تخيلى كده لو لقيتك ما بعرفك الا تقول لى يا مرض عشان اعرفك ولا تكون قصرته اخبارك وان شاء الله الاولاد طيبين ربنا يحفظه والله الواحد يتمنى انه يلقيك مره فى السودان بس نبل الشوق ويجمعنا جميعا فى الخير والسعاده
انا طبعا كنته فى شهر 2 هناك وقضيت ايام حلوه مع الشباب كلهم ووليد بليله ده لقبه الجديد طبعا كان موجود يومين قبل سفره والواحد شاف العرس فيه حلو عشان كده بقينا نفكر وربك يسهل بس انتوه ادعوه لينا
تحياتى لك والاسره

الدب اخبارك ياخى وليك وحشه والله كميات كده
طبعا الايام ديك كان رمضان ووحياتك انا كنته بعاين لى كوبة العصيرالمطقمه مع قمصيك القدامك دى اكتر حاجه هههه
عشان كده ما استوعبته الحاصل كويس بعدين ياخى الزمن طول شديد بعدين الواحد لمن يشوف على طريه وحافظ ووليد بقول الناس كلهم بقه زيهم لكن والله ذى محافظ ....
وارجو التواصل ما تبقى ذى صحبك عزام جه ادنا طله وتانى ما شفنه
تحياتى واشواقى

والله يا فاتح إنشاء الله نتقابل في ساعة خير وقول في عرسك يارب وعن رمضان خبرك جانا من أولاد أبنعوف قالواكنت مع الجماعة وكلهم فاطرين كانوا والأكل قدامهم منتظرين الآذان وأنت لما زهجت قلت ليهم إنتو في واحد صيام فيكم قالوا لا - قمت قلت ليهم ما تاكلوا طيب - عاورز تعمل فيها كنت صايم يا حبة ههههههه .

عادل تنقو ....
سلامات يازول ياحريف
ان شاء اللة تكون متزكرنى؟
تحياتى ...

خالد (الدب)
واللة المنتدى نور
وينك ياراجل من زمان؟
أبقى ظاهر ...

الاخ الغالي ... خالد عبدالرحمن ...اعزيكم في وفاة الوال الله يرحمه
رحمة واسعة ويجعله من اهل الجنة ويجعله مع الصديقين
والشهداء ...
والله يا خالد نورت بيتكم ودياركم وسعدنا بوجودكم انت و
وعادل تنقو ..... طبعا اللساتك وشجرة عمنا على ابنعوف
وميدان الردستار ومغلق عمنا ادريس واستديو سمعة
وكافتريا انتصار لها ذكريات وقفشات جميلة ليت تعود
عجلة الايام وتعود تلك الذكريات الجميلة والذكريات جميلة
وحلوة مع اخي وصديق العمر اخونا سليمان محجوب
ابو داؤود ( فرنجية )الله يطرى بالخير واالصحة والعافية
وهو بليبيا .... وسلام الحار لك ولاسرتك يا خالد وتقبل
الاسرة ................ اخوكم بنقوري

م

الاخ عادل مليون مرحب بيك والبركة فيكم في وفاة والد الجميع والدكم أسال الله الكريم رب العرش العظيم أن يتقبله في منزلة الشهداء والصديقين

[quote]ووينك ياعوض كمباوتحياتي للجميع.... خالد (الدب)


أخونا خالد يا الف مرحب والمنتدي نور بيك وأحسن الله عزاءكم في الوالد نسال الله له المغفرة والآجر العظيم

بالغت يا ود محمد الحسن ونور كيف ما متذكر يا ولدنا وأنت طبعاً أحرف - سعدت بمداخلتك الطيبة وسلامي لعماد وعصام وبكور والعب - ونقدر لك عملك الطيب وما غريب عليكم .

عوض كمبا - الرجل الطيب النقي أشكرك على تعازيك لنا وربنا يسمع منك وتقبل الله الوالد قبولاً حسن وأن يجعله مع الصديقن والشهداء - آمين يارب العالمين - أشواقي وتقديري لك وتحياتي لمن معك من الأعزاء عاطف وديدي ولطفي وأبو عبيدة ولجميع من بطرفك .

أخى | عادل
ان للة ما أخذ وله ما أعطى
وكل عنده بأجل مسمى
فلتصبر وتحتسب
تقبل تعازينا القلبية فى فقد عمنا على
فلندعوا له جميعا بالرحمة والمغفرة

شكراً لك أسامة محمد الحسن نسأل الله أن له الرحمة والمغفرة وأن يجعله من أصاحب اليمين - آمين يارب العالمين وده من طيب أصلك - لك إعزازي .

عادل تنقو الرجل النبيل

لك و لمحمد مصطفي مودة وشوق شديد

الرائع / أبو قصي
دائماً ما أتابع مداخلاتك الثرة في سودانيز أون لاين وفي بيتنا الوريف هذا وأسعد بها أيما سعادة .
وأكيد عرفناك والأخ الغالي أبو مازن مثالاُ للنقاء والعشرة النبيلة الصادقة - دائماً لكم من الفؤاد ما يكون ولا يكون .. وإلى الأمام .