جيناكم ياحباينا

اتقدم باسم الحب فأن كان الحب من القلب فبسم القلب أبدا...
فان كان القلب من الروح فبسم الروح أبدا
وان كانت الروح من الله‘‘‘فبسم الله ابدا

التحية لكل الامتداداب الاعزاء
من مربع صفر (العورة) الي مربع 14

سعدت كثيرا بانشاء هذا الصرح المتميز الذي يربطنا بامتدادنا واخواننا واصدقائنا
بالخارج وحزين جدا لاني اتيت متاخرا لكن ان تاتي متاخرا خيرا من ان لاتاتي
وهذه اولى مشاركاتي واسال الله ان اجد عندكم القبول وان افيد واستفيد في هذا الصرح
ودمتم زخرا وفخرا لامتدانا
ولكم كل الود والوله

راشد
المملكه العربية
الرياض

راشد أبنعوف شخصياً؟

إزيك ياراجل؟ ليك وحشة ياوحش ..
إفتقدناك في الصيف الفات

وسألنا عنك (بشدة) ..
ووعدنا الأخ الأصغر (كمباء) بقدومك منذ شهرين تقريباً .. حمداً لله على سلامة الوصول ..

وسلامنا للأهل جميعاً في السودان والمملكة
وجبل الأولياء والزومة ..

وآخر حدث مع آل أبنعوف إنو كنا قاعدين تحت ضل النيمة الوسطانية قدام بيتكم ..
الحاجة والحاج ركبوا العربية ومتجهين إلى الزومة ..
وعمك علي أبنعوف مالقى (سيفو) .. وبقى يكورك لمعتز جيب لي السيف من جوة ..
معتز فتش مالقى .. والوضع ماعجب عمك أبنعوف
ومُصر جداً إنو مايمشي بدون السيف ..
قام معتز قال ليهو بسخرية آل أبنعوف المعهودة :
ياأبوي سافر ساي .. إنت أصلك ماشي (تفتح) الزومة؟

دي جديدة لنج في صيف 2008 يا راشد ...
لو في أحدث منها جيبو ..

وألف مرحب بيك في دارك ومطرحك !!

راشد أبنعوف
[img][/img]

اخوي الكبير وجاري ورفيقي في الطفوله

محمد مصطفي(كومرالكشه)
ليك الف تحية وسلام(4) ومشتاقيين
طبعا قرات ما سطره يراعك وانا اقرا في ترحبيبك بي رقرقت عيناي بالدموع ومر بخيالي شريط لايام لن تعود ابدا وتخيلتك امامي وان تسرد في تلك القصه او (القفشه) وانت تسرد بطريقتك المعهودة في السرد والشرح والمحاكاه التي تجيدها وتخيلت اننا نجلس جلستنا المشهورة قدام بيتكم العامر وبالتحديد قدام الباب الكبير (القراش) في اللستك والحجر ومعنا اخونا لايوقه المشهور بلياقته وعلى جعفر بنقوري (طريه) المشهور بجلطاته واعضاء فريق اللهطه وليد كرنديس وخطاب محمد الامين وعزو ابنعوف وبابكر الجخص ومحمدو والكوتش ابوداؤد وكثيرون كان يمرو بنا ونحن نجلس
في انتظار مديدة الحلبه من يد الوالدة اطال الله عمرها الحاجه (ستونه) وتحياتي الشديدة ليها يامحمد ما اظنها ايام ترجع بالساهل يامحمد
وان شاء الله نلتقي قريب لاني صراحه طولت منك وانا في اجازتي الفاتت كنت منتظرك لكن ماكان في نصيب نتلاقي وسافرت وانت بعد اسبوع وصلت على العموم
ننسق الاجازة القادمه مع بعض ان شاء الله
وتحياتي لكل الاهل وخاصه الوالدة والاخوات
والاهل ببري وودراوة
وده ايميلي الجديد
vip-_-@9.cn
الحديث معاك مابكمل ولايمل
بس نكمل في الماسنجر
وتحياتي لاسرتك الصغيرة
ولك كل الود والوله

الرائع عمر شيخ الدين
لك عاطر التحايا
واشكرك على الترحيب
واتمني ان اكون عند حسن ظنك

ودمت

الاخ الصغير ...راشد ابنغوف الرفاعي ... السلام عليكم ورحمة الله وبركاته
الف مرحبيك في بيتكم وداركم الكبير الامتداد والله ليك وحشة
يا وحش زي ما قال اخونا محمد مصطفى والحمد الله الواحد
قدر يطمئن عليكم يا ابنا (4) وسلامي للاهل بالامتداد والزومة وجبل اوياء وسلامي الخاص لخالك محجوب عيسى وسلامي لكل
ابناء الامتداد بالرياض والسعودية
مع تحياتي بنقوري

مرحباً بك أخي راشد ومرحباً بالعفيف محمد مصطفى والقدوة أحمد جعفر - وإلى تواصل للأمام

سلامات راشد وكل سنه وانته طيب ياخى والله منور ومشتاقين ليك كتير
بالله من اتهكر الايميل تانى ما شفنك معقوله انا خفته تكون انته زاتك اتهكرته
اخبارك يا الحبيب
بالله ما تنقطع وواصل الزكريات الجميله مثلك
تحياتى

اخواني الكبار احمد بنقر وعادل تنقو

شكرا ليكم على ترحيبكم الحار والحمدلله بقينا نتلاقى اسفيريا
ونسال الله ان يكون اللقاء في الايام القادمه جغرافيا
ولكم منى خالص الشكر والتحايا
طبعا يابنقوري بلينا شوقنا في التلفون بعد انقطاع اكثرمن 8 سنوات
وانت كما انت لن تتغير مثل الذهب ربنا يديك الصحه والعافية
ولكم مني كل الود والاحترام

ازيك يا فاتح يا جص
اخباااااااااااااارك يازول ياكعب والله صحي طيشابي
مشتاقين والله وكل سنه وانت بالف بخير وصحه
انا فعلا ايميلي اتهكر وعملت واحد جديد واضفتك
المهم خبرك شنو وماعندك زيارة ولا عمرة ولاحج ؟
وماعارفك عملت شنو في المواضيع التانية الهكر
قطع لينا المواضيع واخبارك كلها وتاني بكتب الايميل
المرة دي اضيفني انت عشان الكلام معاك مابخلص
اما بخصوص الزكريات الجميله والله يافاتح دي عاوزة
ليها تسجيل صوتي عديل كدا ما بتنفع كتابة لانها كتيرة
المهم كل مرة بحاول احكي ليك منها وخاصه زكريات
فريق اللهطه بقياده الجخص واللساتك بقيادتك والتحديات
الجميله وانا بعتبرها كانت بذرة ونواه للتحديات الحاليه
في ميدان الردستار الحبيب علينا هذا الميدان الذي قضينا
فيه اوقات تكون اكتر من الاوقات القعدناها في منازلنا
في الاجازات كنا نلعب دافوري الصباح المشهور
ودافوري العصر الاشهر وبعد المغرب جلستنا في الميدان
نسمع الحكاوي والقصص والالعاب الليله ونسمع اغاني
حمد الريح من الرائع محمد مصطفي حتى المواعيد الغرامية
كانت تكون في هذا الميدان وناس الفرح وكرستال البلح كانو
يتواجدو في هذا الميدان شفت يافاتح الميدان ده ماساهل
والحديث عنه عاوز ليهو بوستات وبوستات
يلا ماعاوز اطول عليك ونكمل الباقي في الماسنجر
فتك بي عافية يا ترسانه دفاعنا

لكن برضو كنت بدخلها فيكم

عزيري راشد
لقد زاد بك البوست ازدهاراً وخخفت عني خروجي العظيم الهلال بعد الانتصار بالامس
وشكرا على شرائط الجلسات - ونفتقد كثيرا جبناً الى جنبــــــــــــــــــــــــــــــــا
ونسعد بك دائماً

وليد كنديس

يا الهليت فرحتا قلوبنا
وطريتنا الليلة وجيتنا
نور بيتنا شارع بيتنا
يوم ما جيتنا
أهلا بالعزيز الغالى
راشد أبنعوف
ممثلا لأشهر أسرة بالأمتداد
ولما يقولوا أولاد أبنعوف
يبقى الكلام كمل ...

الراقي وليد
اشكرك على الترحيب وماعاوز اشكرك وانت عارف معزتك عندي

وبالنسبه للاشرطه اتمنى ان تكون نالت رضاك وفي دفعه تانية في الطريق

انت بس لوووك الصبر

وتحياتي للاهل ولسعادة الفريق وتحية خاصه للدكتور خالد

ودمت لنا

الرائع والراقي اسامه

كيفك يازول واخبارك والله ليك وحشة وزمن ما التقينا واظن اخر مرة في جده في وسط التسعينات

كيفك يامعلم والله فعلا الذهب لايصدا وانت كما انت في شكلك وماشاء الله عليك وفي اسلوبك ليك وحشة

والله كويس اطمنا عليك وياريت لو اضفتني في الماسنجر او ارسل لي ايميلك

وختاما ياراقي سلامي لكل الاخوان والاهل دون فرز وسلام خاص للعمدة عماد وابوعبيدة عمدة لندن

ودمت لنا

حبيبنا | راشد
كيف أحوالك؟
واللة زمن طويل بالحييل
نعم ياعزيزى كان اخر لقاء جمعنا
فى جدة سنة 95 بمنزل الأخ
بدر الدين عوض
و أن شاء اللة نلتقى قريبا
912388020
osamahaneen@hotmail.com