نفيسيتي فيها
+3
abo sara
فريني
طارق جبريل
7 مشترك
صفحة 1 من اصل 2
صفحة 1 من اصل 2 • 1, 2
نفيسيتي فيها
نفسي ابوي يدي طلحة القروش ويقولو سوق الولاد ديل اشتريلم حلاوة المولد
نفسي نركب المواصلات للحلي الجديدي وننزل في ميدان المولد
نفسي اشوف الناس اللابسين خُدُور ديك ينقزوا في مديحهم وانفلت من يدين طلحة
وامشي انقزلي نقزي نقزيتين معاهم..
وطلحة يجي يهرشني: يا فقر انت انا ما قلتلك من البيت ما تتملص مني
وانا صاقعلو: نان انت ابوي موش اداك القروش فشان تجيبنا للحفلي دي
- نان يا مطرطش دي حفلي الشي مديح
- انا شن عرفني تراهم ابان عراريق خُدور ديل من جينا ينقزوا
- ههههههههههههه تاني ما تمشي بعيد خليك هني جنب اخوانك
- والله علي امشي ياخي انا داير اشوف الفنان
- الشي مديح قلنالك
- ياخي ما تغشغشني الشي غنا بس ماني عارف الفنان بي طنبورو وين
- انا اصلي عارف راسك دة غلت
- اييي غلت شنو وحات الله الشي حفلي عاين ديلك مسوين شعورهم طويلي كيفن وينقزوا
- ديل دراويش يا مطرطش
- نان الدراويش ماهن قاعدين يودوهم الخرابة اليقولولا التجاني الماحي
- انت شن عرفك بيها التجاني الماحي
- اييي والله مرة مشيت مع امي وقالتلي الدراويش قاعدين يجيبوهم هني
- حجتك كتيري
- ياخي خلني الننقز معاهم
وجريت دخلت جوة النوبة ولقيتلك امة محمد دي تنقز مع المديح وشغال: حي حي حي حي
وانا بقيت انهرد وسطهم واتكعوج واترترلي ترتيرات بي رجولي زي رقيص غنا الرتوتي
وبقوا خاتني في وسطهم.. ووكتين آخدلي ترتيري طويلي واسبقهم اسمع فيهم:
الله حي.. الله حي.. الله حي.. جارين من وراي
وتاني انزرق في وسطهم.. والرقيص ما يبقالي ياهو أليلنا بتاع محمد كرم الله داك
واقول في نفسي: النصايب ديل باقيلي ماهن من شوايقتنا
ويجي واحدا شايلو نوبة ويدقدق فيها بي صوتا عالي والخرابين الوراهو: حي حي حي حي
ويجي واحدا كبيرا كدي يشيلني ويكبر: الله الله.. قايلني دخت من الذكر وانا شابكو:
انت ود كرم الله وصفاقنو وينم ماني شايفو
والراجل شغال حي الله حي الله.. دورت وشي وفقعتها ضحكة.. لقيتو في الحنكين عدمان
السنايي (من اسنان) ان كان تلاتة سنات في الحنك التحت متل حيطة الفاول..
اكمل النقزي أليلي وارجع لي اخواني..
شويتين ان كان اشوفلك بنية الفريق اللااااقداام مننا لابسالا قميصا سممممممح
اعاينلها واضحك وتعاينلي وتضحك..
قمت رفعتلا يدي.. وهي من تحت لااا تحت هزتلي يدها
ومن الفرحي بقيت انقز في مكاني وابرطع.. ومرا ااتشقلب علي بطني وازح
واصلي بقيت مضرضر تراب كله كله.. يمين زي السمكايي الضرضرولم فيها دقيق قبل يشووها
ماني فرحان الخرابة اشرتلي بي يدها
وبقيت ضايق بتين نرجع فشان احكي لي عوض علي اشيرة اليد ألتها
مشينا علي بتاع السمسمية والحمصيي وطلحة ملالو كيسين كبار واشترالي حصان كبييييييييييير
شويتين ان كان القاها واقفي مع امها جنبنا وشايلالا عروسي مزركشي
بالاحمر والاصفر.. قربت منها وسلمت عليها: انت نصيحي
هزتلي راسها.. وقمت قلتلا: باكر الصباح بجي جنب النيمايي ألتكم
واخلي حصاني يشيل العروسة ألتك في ضهرو
قالتلي سمح
مشيت من جنبها بعيد ويدي في خشمي: ورورووووووك يا عوض صحبي انا باقيلي ودرتة
زمن ياخ....
الله بيسألني نفسي في حصان عيد المولد وسمسميي
نفسي نركب المواصلات للحلي الجديدي وننزل في ميدان المولد
نفسي اشوف الناس اللابسين خُدُور ديك ينقزوا في مديحهم وانفلت من يدين طلحة
وامشي انقزلي نقزي نقزيتين معاهم..
وطلحة يجي يهرشني: يا فقر انت انا ما قلتلك من البيت ما تتملص مني
وانا صاقعلو: نان انت ابوي موش اداك القروش فشان تجيبنا للحفلي دي
- نان يا مطرطش دي حفلي الشي مديح
- انا شن عرفني تراهم ابان عراريق خُدور ديل من جينا ينقزوا
- ههههههههههههه تاني ما تمشي بعيد خليك هني جنب اخوانك
- والله علي امشي ياخي انا داير اشوف الفنان
- الشي مديح قلنالك
- ياخي ما تغشغشني الشي غنا بس ماني عارف الفنان بي طنبورو وين
- انا اصلي عارف راسك دة غلت
- اييي غلت شنو وحات الله الشي حفلي عاين ديلك مسوين شعورهم طويلي كيفن وينقزوا
- ديل دراويش يا مطرطش
- نان الدراويش ماهن قاعدين يودوهم الخرابة اليقولولا التجاني الماحي
- انت شن عرفك بيها التجاني الماحي
- اييي والله مرة مشيت مع امي وقالتلي الدراويش قاعدين يجيبوهم هني
- حجتك كتيري
- ياخي خلني الننقز معاهم
وجريت دخلت جوة النوبة ولقيتلك امة محمد دي تنقز مع المديح وشغال: حي حي حي حي
وانا بقيت انهرد وسطهم واتكعوج واترترلي ترتيرات بي رجولي زي رقيص غنا الرتوتي
وبقوا خاتني في وسطهم.. ووكتين آخدلي ترتيري طويلي واسبقهم اسمع فيهم:
الله حي.. الله حي.. الله حي.. جارين من وراي
وتاني انزرق في وسطهم.. والرقيص ما يبقالي ياهو أليلنا بتاع محمد كرم الله داك
واقول في نفسي: النصايب ديل باقيلي ماهن من شوايقتنا
ويجي واحدا شايلو نوبة ويدقدق فيها بي صوتا عالي والخرابين الوراهو: حي حي حي حي
ويجي واحدا كبيرا كدي يشيلني ويكبر: الله الله.. قايلني دخت من الذكر وانا شابكو:
انت ود كرم الله وصفاقنو وينم ماني شايفو
والراجل شغال حي الله حي الله.. دورت وشي وفقعتها ضحكة.. لقيتو في الحنكين عدمان
السنايي (من اسنان) ان كان تلاتة سنات في الحنك التحت متل حيطة الفاول..
اكمل النقزي أليلي وارجع لي اخواني..
شويتين ان كان اشوفلك بنية الفريق اللااااقداام مننا لابسالا قميصا سممممممح
اعاينلها واضحك وتعاينلي وتضحك..
قمت رفعتلا يدي.. وهي من تحت لااا تحت هزتلي يدها
ومن الفرحي بقيت انقز في مكاني وابرطع.. ومرا ااتشقلب علي بطني وازح
واصلي بقيت مضرضر تراب كله كله.. يمين زي السمكايي الضرضرولم فيها دقيق قبل يشووها
ماني فرحان الخرابة اشرتلي بي يدها
وبقيت ضايق بتين نرجع فشان احكي لي عوض علي اشيرة اليد ألتها
مشينا علي بتاع السمسمية والحمصيي وطلحة ملالو كيسين كبار واشترالي حصان كبييييييييييير
شويتين ان كان القاها واقفي مع امها جنبنا وشايلالا عروسي مزركشي
بالاحمر والاصفر.. قربت منها وسلمت عليها: انت نصيحي
هزتلي راسها.. وقمت قلتلا: باكر الصباح بجي جنب النيمايي ألتكم
واخلي حصاني يشيل العروسة ألتك في ضهرو
قالتلي سمح
مشيت من جنبها بعيد ويدي في خشمي: ورورووووووك يا عوض صحبي انا باقيلي ودرتة
زمن ياخ....
الله بيسألني نفسي في حصان عيد المولد وسمسميي
طارق جبريل- الإدارة العامة
- عدد المساهمات : 236
تاريخ التسجيل : 06/06/2009
رد: نفيسيتي فيها
[color=green]
ياااااااااا سلام عليك يا دكتور علي هذا السرد الرائع و رجعتنا للزمن جميل وقول للزمان أرجع يا زمان ( فعلا نفسي فيها )
صلى الله عليه و سلم
صلى الله عليه و سلم
فريني- عضو مميز
- عدد المساهمات : 209
تاريخ التسجيل : 17/02/2010
الموقع : الرياض
رد: نفيسيتي فيها
اجمل التحايا د/طارق يــــــــــارايع
اللهم صلي علي خير الأنام
وليلة المولد يـــــــــا
يضرب النوبه ضربا وتئن وترن
وحي حي ، حى قيوم
وجل جلاله لالو شريك ولالو مثاله
الله
نفس الـ (كذلك)
سمسية - فولية - حمصية -لكوووم
ودى الأكيد
محمد عباس
اللهم صلي علي خير الأنام
وليلة المولد يـــــــــا
يضرب النوبه ضربا وتئن وترن
وحي حي ، حى قيوم
وجل جلاله لالو شريك ولالو مثاله
الله
نفس الـ (كذلك)
سمسية - فولية - حمصية -لكوووم
ودى الأكيد
محمد عباس
abo sara- أبوسارة
- عدد المساهمات : 219
تاريخ التسجيل : 30/06/2009
الموقع : 8-60
رد: نفيسيتي فيها
فريني كيفنك ياخيفريني كتب:[color=green]ياااااااااا سلام عليك يا دكتور علي هذا السرد الرائع و رجعتنا للزمن جميل وقول للزمان أرجع يا زمان ( فعلا نفسي فيها )
صلى الله عليه و سلم
الله يرجع الزمان ياخي
الزمن كان حلو شديد
طارق جبريل- الإدارة العامة
- عدد المساهمات : 236
تاريخ التسجيل : 06/06/2009
رد: نفيسيتي فيها
abo sara كتب:اجمل التحايا د/طارق يــــــــــارايع
اللهم صلي علي خير الأنام
وليلة المولد يـــــــــا
يضرب النوبه ضربا وتئن وترن
وحي حي ، حى قيوم
وجل جلاله لالو شريك ولالو مثاله
الله
نفس الـ (كذلك)
سمسية - فولية - حمصية -لكوووم
ودى الأكيد
محمد عباس
الزمن كان سمح يا محمد ياخ
الله يرجعنا لي اهلنا
طارق جبريل- الإدارة العامة
- عدد المساهمات : 236
تاريخ التسجيل : 06/06/2009
رد: نفيسيتي فيها
صلي الله عليك وسلم ياحبيبنا يارسول الله
كل سنة وانتو طيبين تعرف صحي المولد من الحاجات البتذكرنا بي ايام زمان وحنينها ، مشينا انا والاولاد لي مولد امدرمان لو كنت عارفاكم كنت سقتكم معاي لكن مافي مشكلة الجايات اكتر من الرايحات انشاء الله وبكره اجمل .
معليش ياطارق يااخوي كان دي تنفع ولمن تجي الحصان ماتزعل
وليك كمان مع (سمسية - فولية - حمصية -لكوووم ) جوزية ودي طبعاً جديده
كل سنة وانتو طيبين تعرف صحي المولد من الحاجات البتذكرنا بي ايام زمان وحنينها ، مشينا انا والاولاد لي مولد امدرمان لو كنت عارفاكم كنت سقتكم معاي لكن مافي مشكلة الجايات اكتر من الرايحات انشاء الله وبكره اجمل .
معليش ياطارق يااخوي كان دي تنفع ولمن تجي الحصان ماتزعل
وليك كمان مع (سمسية - فولية - حمصية -لكوووم ) جوزية ودي طبعاً جديده
Hadia Keroudi- كبار الشخصيات
- عدد المساهمات : 569
تاريخ التسجيل : 18/02/2010
الموقع : الجريف
رد: نفيسيتي فيها
[color=green]
كان كدة يا دكتور طارق الواحد اطمأن أنو السنة دي حا يأكل ليهو حلاة مولد و أكيد الأخت هادية ما حاتنسانا معاها
و نفسي في ( فوليه و لكوووم ) .
و نفسي في ( فوليه و لكوووم ) .
فريني- عضو مميز
- عدد المساهمات : 209
تاريخ التسجيل : 17/02/2010
الموقع : الرياض
رد: نفيسيتي فيها
ماعندك مشكلة يافريني ومني ليك سمسية وحمصية وجوزية وحصان كمان
Hadia Keroudi- كبار الشخصيات
- عدد المساهمات : 569
تاريخ التسجيل : 18/02/2010
الموقع : الجريف
رد: نفيسيتي فيها
يا بختنا يا دكتور طارق ضمنا الحصين ومشكورة يا أحتي هادية لكن أنا عاوز لي عروسه
فريني- عضو مميز
- عدد المساهمات : 209
تاريخ التسجيل : 17/02/2010
الموقع : الرياض
رد: نفيسيتي فيها
:
حبـيـبنــا .. يــا .. طــارق
:
تحــايا ... و .. وعطور .. وكل البهـجـة .. يـا خــي .. و كل مناسبة مولد الرسول (ص)
وإنت طيب وآريـتـك ..تـبقـي .. طـيـب ومن ..مـعك .. و الجـميـع .. يــا.. رب.
:
وغــلاوتـك .. يــا طــارق ، موضوعـك ..دهـ .. كلمــا .. أجـي .. أخت .. راسي .. للنوم .. فــت .. ينـقـز .. لي ... وهــاك .. يا ذكريات ..
النبي فوقك إما حكيت حـكاية (موسي) وكيت يتشابا فوق (البترينة) دايرلو لحـسـة ... عرو....ياخي .. خليها لحـســة حصان المولد ( دي الحاجات الوحيدة البـتـتـلـحــس في الزمن داااك).
:
منتظرين الأبداع .. والفـن .. و مــتـعـة الـسـرد.
:
يحي حمـد.
حبـيـبنــا .. يــا .. طــارق
:
تحــايا ... و .. وعطور .. وكل البهـجـة .. يـا خــي .. و كل مناسبة مولد الرسول (ص)
وإنت طيب وآريـتـك ..تـبقـي .. طـيـب ومن ..مـعك .. و الجـميـع .. يــا.. رب.
:
وغــلاوتـك .. يــا طــارق ، موضوعـك ..دهـ .. كلمــا .. أجـي .. أخت .. راسي .. للنوم .. فــت .. ينـقـز .. لي ... وهــاك .. يا ذكريات ..
النبي فوقك إما حكيت حـكاية (موسي) وكيت يتشابا فوق (البترينة) دايرلو لحـسـة ... عرو....ياخي .. خليها لحـســة حصان المولد ( دي الحاجات الوحيدة البـتـتـلـحــس في الزمن داااك).
:
منتظرين الأبداع .. والفـن .. و مــتـعـة الـسـرد.
:
يحي حمـد.
يحي حمد سعيد حامد النضيف- وسام الإبداع
- عدد المساهمات : 586
تاريخ التسجيل : 07/06/2009
الموقع : مـربع 3
رد: نفيسيتي فيها
يافريني يااخوي عروسة مولد ؟
قول يالطيف ياراجل الزمن ده بقي في باربي وفلة و.....، لكن ماتزعل دي واحدة.
قول يالطيف ياراجل الزمن ده بقي في باربي وفلة و.....، لكن ماتزعل دي واحدة.
Hadia Keroudi- كبار الشخصيات
- عدد المساهمات : 569
تاريخ التسجيل : 18/02/2010
الموقع : الجريف
رد: نفيسيتي فيها
يايحي يااخوي شكلك قديم خلاص، حتي زمن اسكريم العربية محضرتو ، اتلومته لكن
Hadia Keroudi- كبار الشخصيات
- عدد المساهمات : 569
تاريخ التسجيل : 18/02/2010
الموقع : الجريف
رد: نفيسيتي فيها
أختـنا ..هـادية ..تحـيــاتي .. وإحـترامي .. وتـقـديري.
إيييييك .. هــو ...نــان .. قدم .. نـصــاح .. عــاد.. آهـا ..أحـكي .. لــيك.
:
طــبعا .. زمــااااان .. قبل ..زمن .. بــعــيد.. الموضــة آياميها كانت ..الداندورمة
شــفتي .. يـا .. هــادية، و بيعملوهــا في العــشــرة كيري ســاكت لا صـحة بيئة
و لايحـزنون ونحن نــشيــل و نلهط في ( الدانــدورمــي) و الكاس الواحد
بتـعـريفـة واحدة ..بـس عــلـيك الله شـفتي الأسعـار دي ..كـيـف .
:
ومــرات ..كــدة .. نــقـوم ..علي .. شــقــاوتنا .. ونمــشــي الجريف ( غرب) طبــعا ..كداري .. لا كان في اركويت و لامعمورة و لا الطائف و لا غيرة.
و الصحافة دي يا دوب باديه ،
شــارع الظلط الوحيد الفاصل بين الأمتداد و الجريف هو شــارع مدني
و المشوار دهـ كلو عــشــان شــنو ... بــس عـشـان المـسـكيت و نقبض الخنافس
(الكدندار) وناخد لينا غطســة غطـسـتين في البحر و نرجع مبــسوطين.
:
اجيك .. لمـدرســة ... المرحوم الناظر / بــشــير
دي .. كانت مدرســتنا الأبتدائية في مربع 8 قبل ما يتم
ترحيلنا للـفسـحــة بتاعتكم زمان مـابين مربع (9) و( 10) الموقع الحالي للمدرســة،
ولمان رحلنا .. كانت المدرسة فصول بس .. لا أبواب ولا شبابيك .. وبدون
حوش ، يعني تخت قصب السكر و العجور في الشباك الغنم مايريحنك .. وبرضو كـنـا
مبسوطين .. وكمــان ..شـطار.
:
فتـكـم .. بـعــافيه.
:
:Hadia Keroudi كتب:يايحي يااخوي شكلك قديم خلاص، حتي زمن اسكريم العربية محضرتو ، اتلومته لكن
إيييييك .. هــو ...نــان .. قدم .. نـصــاح .. عــاد.. آهـا ..أحـكي .. لــيك.
:
طــبعا .. زمــااااان .. قبل ..زمن .. بــعــيد.. الموضــة آياميها كانت ..الداندورمة
شــفتي .. يـا .. هــادية، و بيعملوهــا في العــشــرة كيري ســاكت لا صـحة بيئة
و لايحـزنون ونحن نــشيــل و نلهط في ( الدانــدورمــي) و الكاس الواحد
بتـعـريفـة واحدة ..بـس عــلـيك الله شـفتي الأسعـار دي ..كـيـف .
:
ومــرات ..كــدة .. نــقـوم ..علي .. شــقــاوتنا .. ونمــشــي الجريف ( غرب) طبــعا ..كداري .. لا كان في اركويت و لامعمورة و لا الطائف و لا غيرة.
و الصحافة دي يا دوب باديه ،
شــارع الظلط الوحيد الفاصل بين الأمتداد و الجريف هو شــارع مدني
و المشوار دهـ كلو عــشــان شــنو ... بــس عـشـان المـسـكيت و نقبض الخنافس
(الكدندار) وناخد لينا غطســة غطـسـتين في البحر و نرجع مبــسوطين.
:
اجيك .. لمـدرســة ... المرحوم الناظر / بــشــير
دي .. كانت مدرســتنا الأبتدائية في مربع 8 قبل ما يتم
ترحيلنا للـفسـحــة بتاعتكم زمان مـابين مربع (9) و( 10) الموقع الحالي للمدرســة،
ولمان رحلنا .. كانت المدرسة فصول بس .. لا أبواب ولا شبابيك .. وبدون
حوش ، يعني تخت قصب السكر و العجور في الشباك الغنم مايريحنك .. وبرضو كـنـا
مبسوطين .. وكمــان ..شـطار.
:
فتـكـم .. بـعــافيه.
:
يحي حمد سعيد حامد النضيف- وسام الإبداع
- عدد المساهمات : 586
تاريخ التسجيل : 07/06/2009
الموقع : مـربع 3
رد: نفيسيتي فيها
الحاجه البتجنن عديل يا دكتور - في بلاد السنه ( السين عليها ضمه )
ما بحتفلو بالمولد نهائي .. !! نعمل شنو في البلد الغريبه دي
ما فيها غير عيدين بس ...... وبايخات بوخ
عموم برضو نفسنا في لحظة بس نعيشه في الاكشاك الكبيرة
حقت المولد - نشوف بس - نشوف بس -
هئ هئ هئ (( وسالت الدموع مطرا ))
كل سنه وانت والمعاك طيبين
ما بحتفلو بالمولد نهائي .. !! نعمل شنو في البلد الغريبه دي
ما فيها غير عيدين بس ...... وبايخات بوخ
عموم برضو نفسنا في لحظة بس نعيشه في الاكشاك الكبيرة
حقت المولد - نشوف بس - نشوف بس -
هئ هئ هئ (( وسالت الدموع مطرا ))
كل سنه وانت والمعاك طيبين
عبدالله عوض عبدالله كع- وسام الإبداع
- عدد المساهمات : 486
تاريخ التسجيل : 06/06/2009
رد: نفيسيتي فيها
يايحي ياخوي شكلك كده ساهمته في تخطيط البلد دي.
بي مناسبة الكدندارة عندي ليك 10 لاماهم من مابدينا نبني (تزايد عليهم )
بي مناسبة الكدندارة عندي ليك 10 لاماهم من مابدينا نبني (تزايد عليهم )
Hadia Keroudi- كبار الشخصيات
- عدد المساهمات : 569
تاريخ التسجيل : 18/02/2010
الموقع : الجريف
رد: نفيسيتي فيها
أخـتـنا .. هــاديـة .. طــاب ...يومــكHadia Keroudi كتب:
بي مناسبة الكدندارة عندي ليك 10 لاماهم من مابدينا نبني (تزايد عليهم )
:
آســمــعــيني .. يـا ..هــاديــة ، إذا ...وارثــات (أقـصـد ال 10 ) .. تــب ..جــاهــزين جــاهــزين ..لحـمـاية .. الديـ .... عـفــوا .. الكـدنــدارة ... بــس .. عـلي .. شــرط
مزاد مـقـفـول ودفـع .. رســوم إشـتتراك ، مبلغ و قـدرة =1000$ عـدا
و نـقـدا .. لمـن يرغـب .. في الـمزايـدة ، و تكمل .. لمن يرســو عليه المزاد
وأشـتـت .. بالباقي..
:
بزنـس ..إز .. بـزنــس.
:
آآآهـــا ..شــن ..الــرآي.
:
آكان .. للتخطيط .. عـجـب .. شــيلــي ..الـصبر!!
:
راجــع بعـد (Break) ..
:
يحي حمد سعيد حامد النضيف- وسام الإبداع
- عدد المساهمات : 586
تاريخ التسجيل : 07/06/2009
الموقع : مـربع 3
رد: نفيسيتي فيها
مزاد مـقـفـول ودفـع .. رســوم إشـتتراك ، مبلغ و قـدرة =1000$ عـدا
و نـقـدا .. لمـن يرغـب .. في الـمزايـدة ، و تكمل .. لمن يرســو عليه المزاد
سجمي شكلك فهمتني غلط يايحي ياخوي قصدي كدندارة مابت الجارة (اجي)
و نـقـدا .. لمـن يرغـب .. في الـمزايـدة ، و تكمل .. لمن يرســو عليه المزاد
سجمي شكلك فهمتني غلط يايحي ياخوي قصدي كدندارة مابت الجارة (اجي)
Hadia Keroudi- كبار الشخصيات
- عدد المساهمات : 569
تاريخ التسجيل : 18/02/2010
الموقع : الجريف
رد: نفيسيتي فيها
:
يا .. هــادية .. يــا خـتي .. دهـ . بزنــس .. آون .. لايــن.
آقــول ..لـيك حــاجة :
:
عــارفة الحـصان .. بتـاع .. المولـد و الـعـروســة .. بتـاعـة المولــد آلآت .. طــارق .. قــمت .. عـماـت لــيــهم (بـرموشــن) عـرض تـسويق .. في يــوم الجــمـعـة في ســوق التحــف و الأثـريات في جـنيف - (بـســويـسـرا)
أأأهـ ..قــوم .. يــا .. أمير المؤمنين / مـعـمر الـقـذافـي .. أعـلن الجـهـاد علي
الدولة الماكرة و الكافرة و الفاجرة .. ســويسرا في مناسبة المولد،
:
في لحظة ..تم رصــد ..حصين حـلاوة المولــد بأنها.. خيــول الجهاد لدك حصون وقلاع
المعتدين السويسريين ومن شــايعهم.
:
و عروســات حلاوة المولد .. صــرن .. الحور العين .. لحفز.. هـمـم المجاهدين.. لكي
يـبـلـوا بلاءا حسنا !!
وهــاك .. يــا ... الإيمـيـلات .. الماخــمــج .
:
شــفتي .. يا هادية .. الـشـلاقة .. دي ..كــيف...( يـجازي.. مـحـنك .. يا طارق).
:
إطــمــئنــي .. الكـــدنـــدارة .. بــس..
:
إحــتــرامــي.
يا .. هــادية .. يــا خـتي .. دهـ . بزنــس .. آون .. لايــن.
آقــول ..لـيك حــاجة :
:
عــارفة الحـصان .. بتـاع .. المولـد و الـعـروســة .. بتـاعـة المولــد آلآت .. طــارق .. قــمت .. عـماـت لــيــهم (بـرموشــن) عـرض تـسويق .. في يــوم الجــمـعـة في ســوق التحــف و الأثـريات في جـنيف - (بـســويـسـرا)
أأأهـ ..قــوم .. يــا .. أمير المؤمنين / مـعـمر الـقـذافـي .. أعـلن الجـهـاد علي
الدولة الماكرة و الكافرة و الفاجرة .. ســويسرا في مناسبة المولد،
:
في لحظة ..تم رصــد ..حصين حـلاوة المولــد بأنها.. خيــول الجهاد لدك حصون وقلاع
المعتدين السويسريين ومن شــايعهم.
:
و عروســات حلاوة المولد .. صــرن .. الحور العين .. لحفز.. هـمـم المجاهدين.. لكي
يـبـلـوا بلاءا حسنا !!
وهــاك .. يــا ... الإيمـيـلات .. الماخــمــج .
:
شــفتي .. يا هادية .. الـشـلاقة .. دي ..كــيف...( يـجازي.. مـحـنك .. يا طارق).
:
إطــمــئنــي .. الكـــدنـــدارة .. بــس..
:
إحــتــرامــي.
يحي حمد سعيد حامد النضيف- وسام الإبداع
- عدد المساهمات : 586
تاريخ التسجيل : 07/06/2009
الموقع : مـربع 3
رد: نفيسيتي فيها
يحي ازيك حيرتني ياولدي لكن تعرف الصنف الجديد واحد من اتنين
ياقوي ياضارب
ياقوي ياضارب
Hadia Keroudi- كبار الشخصيات
- عدد المساهمات : 569
تاريخ التسجيل : 18/02/2010
الموقع : الجريف
رد: نفيسيتي فيها
:
مــساء .. الخــير.. يــا .. هــاديــة.
:
عــارفـه، .. الــســوق .. الأيــام .. دي .. مكــشــوف .. وعـدمــان ..نـفـاخ .. النــار .
و مــا .. عـنـدنـا .. آي .. قـشــة .. مــره .. ضــارب X مــضـروب .. كــلو بـيـتسـلـك.
جــهــزي .. الــدلـيـفـــري .. وبــــالله .. إتـوصـــي..
:
مــساء .. الخــير.. يــا .. هــاديــة.
يــاااااخـيييـي ..دهـ .. المـطـلـوب .. زااااااتــــــــــــــــــوHadia Keroudi كتب: لكن تعرف الصنف الجديد واحد من اتنين
ياقوي ياضارب
:
عــارفـه، .. الــســوق .. الأيــام .. دي .. مكــشــوف .. وعـدمــان ..نـفـاخ .. النــار .
و مــا .. عـنـدنـا .. آي .. قـشــة .. مــره .. ضــارب X مــضـروب .. كــلو بـيـتسـلـك.
جــهــزي .. الــدلـيـفـــري .. وبــــالله .. إتـوصـــي..
:
يحي حمد سعيد حامد النضيف- وسام الإبداع
- عدد المساهمات : 586
تاريخ التسجيل : 07/06/2009
الموقع : مـربع 3
رد: نفيسيتي فيها
يحي ازيك وصباحك عافية انشاء الله ياولدي لكن مسئول من الخير راح علي الموضوع هو كان بدايته المولد ولاشنو؟
Hadia Keroudi- كبار الشخصيات
- عدد المساهمات : 569
تاريخ التسجيل : 18/02/2010
الموقع : الجريف
رد: نفيسيتي فيها
يا هادية كدي خلينا من المزادات و الدليفري بتاعكم دا وين حلاة المولد أنت عاوزه تنسنى الموضوع ولا شنو ؟ اذا طارق نسى أنا ما نسيت
و بقولو ليك حلاة الولد بتاعة أم درمان دى قالوا حاجة خطيرة
و بقولو ليك حلاة الولد بتاعة أم درمان دى قالوا حاجة خطيرة
فريني- عضو مميز
- عدد المساهمات : 209
تاريخ التسجيل : 17/02/2010
الموقع : الرياض
رد: نفيسيتي فيها
كان انت نسيت انا مانسيت (ترارارا)
جداً حاضرين بس قول متين (حرم) بي حصانه
جداً حاضرين بس قول متين (حرم) بي حصانه
Hadia Keroudi- كبار الشخصيات
- عدد المساهمات : 569
تاريخ التسجيل : 18/02/2010
الموقع : الجريف
رد: نفيسيتي فيها
:Hadia Keroudi كتب:يحي ازيك وصباحك عافية انشاء الله ياولدي لكن مسئول من الخير راح علي الموضوع هو كان بدايته المولد ولاشنو؟
تــسلمــي .. يــا .. مـا مـا ( باللـه .. شــوف .. الـشــايب .. الخـرفان ..دهـ..)
ونــهــارك ..ســعـيـد .. دائما .
:
آنــا من الـبــارح .. مــانــي ..فــارز .. شــي
:
آظــنــيــتــو.. آظــنــيــتــو .. آظــنــيــتــو .. يــقـطــع .. طــاري .. الـشــي .. الـفــوق .. داااك
:
الخــرابــة .. الشــي .. دهـ .. قــوي ..خــلاس ..!!!
:
مــســئــولين .. من الخــيــر .. إنـتــوا .. الــشـي ..دهـ .. بـيـزرعــوهـ ..؟؟
:
تــانــي .. آنــا من الـبــارح .. مــانــي .. فــارز .. شــي ...
:
:
:
يحي حمد سعيد حامد النضيف- وسام الإبداع
- عدد المساهمات : 586
تاريخ التسجيل : 07/06/2009
الموقع : مـربع 3
رد: نفيسيتي فيها
يااخوانا المولد الجاي جا لي هسي ماضقتوها
Hadia Keroudi- كبار الشخصيات
- عدد المساهمات : 569
تاريخ التسجيل : 18/02/2010
الموقع : الجريف
صفحة 1 من اصل 2 • 1, 2
صفحة 1 من اصل 2
صلاحيات هذا المنتدى:
لاتستطيع الرد على المواضيع في هذا المنتدى