[b]لقيتا ليكم[/b]

عزت إبراهيم كتب:أولاً تحياتى لكم جميعاً أبناء الإمتداد الحى المتفرد فعلاً
وموضوع البوست بسيط جداً لكن لازم يكون فى مقدمة وكدة
طبعاً أنا عارف وكلكم عارفين إنو أبناء الإمتداد عايزين يخدموا المنطقة لكن ما عارفين كيف ودى الأنا لقيتا ليكم رايكم شنو؟
وماأطول عليكم الفكرة ببساطة كالآتى :-
كلنا طبعاً درسنا الإبتدائى فى مدارس الإمتداد وكل واحد فينا بيحمل ذكريات وأيام جميلة للمدرسة بتاعتو (الإمتداد 1 و 2 و3 و4 و5) بنين وبنات والفكرة تتلخص إنو كل ناس درسوا فى مدرسة يتلموا مع بعض ويقدموا حاجة للمدرسة مثلاً صيانة أو كتب مكتبة أو أى شئ الناس تراهو مناسب دعم للمدرسة وبى كده بنكون قدمنا خدمة لكل مدارس الإمتداد وبعد كده الناس ممكن تطور الفكرة لأشياء تانية خدمات للمربع للنادى لـ....إلخ
أنا طبعاً درست فى الإمتداد(5) أو (محمد إبراهيم) كما كان يحلو لنا تسميتها
أها رأيكم شنو؟ ما لقيتا ليكم؟
وفى إنتظار آرائكم
وبعدين البنات ما يقولوا الموضوع ما بخصنا مدارس البنات فى إنتظاركم