سالناكم ومافيش حد اجاب علي السؤال

ياناس المنتدي للمرة الثانيه والاخيره انتو المدير والقفير والوزير
ديل منو ياناس عشان عندنا شكاوي كتتتتتتتتتتتتيرا دايرين نوجه ليه
شوية لووووووووم
ود[١١]

شوف محمد مصطفى أخي نجم الدين .
والمثل بقول الما دارك ما لامك .
والعتب أصل المحبة .
وليس بيننا غفيراً أو وزيرا .. كلنا أخوه .. متحابين في الله والإمتداد .

مودتــــــــي ،،،

الاخ العزيز عادل علي احترامي الي شخصك الغالي انا لما سالت عن المدير وووو ماكان عندي قصد في اي شي الواحد امكن دخل معاكم جديد وكنت دائما متابع معاكم من بعيد لظروفي الخاصه التي منعتني من الكتابه
معكم ولما كتبنا مافي حد برد الي بعض الاشخاص وانت منهم الاخ راشد
كان كتب عن بعض الذين يقرون ولا يكتبون وانا كنت واحد منهم لظروفي الخاصه ولما علقت علي ماكتبه لم يرد ده مش حاجه تزعل
ولك احترامي ود القبيله

الحبيب نجم الدين ,,, انا شخصيا ماعارف بتسأل عن شنو لكن علي ما اعتقد القفير والمدير هنا الرائع محمد مصطفي
ونحن هنا كلنا حراس للامتداد العطيم ذي ماقال الاخ عادل تنقو كلنا اخوه ويجمعنا حي واحد ومجتمع واحد بنحترم صغيرنا وبنوقر كبيرنا
وانشاء الله دائما متحابين ومتكاتفين ومتعاونيين في سبيل هذا العشق الجميل .
لك تحياتي واشواقي والي كل الامتداداب الذين معكم في بلاد الفرنجة .

الاخوه الحلوين ابوقصي وبدر وعادل علي سلام كتتتتتر والله العظيم انا ما
زعلان ولا حاجه لانوالامتداديون مابزعلو من اي شئ وزي ماقال تنقو
كلنا جنود للامتداد الحبيب ولكم فائق حبي واحترامي
ود القبيله

ربنا ما يجيب الزعل يا اخى نجم الدين ومافى زول من الامتداد بزعل ابدا
ولك العتبى حتى ترضى

الاخت العزيزه٠سماح مني السلام والاحترام الاخوه الكرام ٠عادل٠ابوقصي٠بدر٠ياحبايبنا والله العظيم مافي زعل ولا حاجه ولو في زعل
انا ماكنت برد عليكم كلنا اولاد الامتداد هذا الحي العظيم بااهله
ولكم حبي وتقديري
ود القبيله[نجم الدين]

نجم الدين العربي ( ود القبيلة) إزيك؟
بتفتش في الغفير والمدير عشان الشكوى؟

مالك بقيت زي ناس سلام 4 ؟
مع إعتذارنا للعادلين وكل أهلي الطيبين في سلام4

الشكاوي يوم السبت يانجم الدين

ملحوظة يانجم

نحن 4 أشخاص بنقوم بإدارة المنتدى ..
أنا بديرو فنياً ..
طارق جبريل أب روحي وأول داعي لفكرة المنتدى
عوض كمبة يديرو اعلانياً وإعلامياً
مدثر قرجاج دا بقى شكاوي .. معارضة .. إنفصال .. تجمعات .. مظاهرات
يعني بإختصار لو عندك شكوى ترسل رسالة خاصة لأخونا مدثر قرجاج
والباقي بتمو ليك هو من جيبو

محمد مصطفى كتب:ملحوظة يانجم

نحن 4 أشخاص بنقوم بإدارة المنتدى ..
أنا بديرو فنياً ..
طارق جبريل أب روحي وأول داعي لفكرة المنتدى
عوض كمبة يديرو اعلانياً وإعلامياً
مدثر قرجاج دا بقى شكاوي .. معارضة .. إنفصال .. تجمعات .. مظاهرات
يعني بإختصار لو عندك شكوى ترسل رسالة خاصة لأخونا مدثر قرجاج
والباقي بتمو ليك هو من جيبو

انا برشح الرد ده يامحمد افضل رد لشهر 5 و6 و7


حيرت نجم الدين العربي وكل العرب

ياراشد جيراني منو لكن؟
تتذكر أقع زي النملة ولا أقع زي (الكراكة)؟
دا غير ياابوي السيف انساهو انت ماشي تفتح الزومة؟