مبروك للرئيس المنتخب عمر البشير

نهني الشعب السوداني والامه السودانية علي فوز الرئيس عمر حسن احمد البشير

ونتمني من الله العلي القدير ان يكون فيه خير للامه السودانية بالنهوض والرفاهية والعزة والكرامة لهذا الشعب الابي الذي عانه كثيرا

اللهم اجعله خير امام وخير نصير لهذة الامه ولشعب السودان البطل . وجنبنا الفتن ماظهر منها وما بطن

بالتوفيق والسداد لما فيه الخير كله

مبروك لينا وللامة العربية هذا القائد المميز
نسأل الله له التوفيق ولبطانته الامانة والاخلاص في العمل

يارادر الناصريه مبروك ليك الفوز








نحنا بنعرف المنتخب القومي بس

ده شنو ده ؟
طلعته كوز وامنجي كمان .. وتابع لنظام البشير الظالم !





مثل اغريقي :
جن تعرفو احسن من جن مجنتر
ــــــــ
مبروك

ياكع يعني اي انسان بعبر عن رايه يبقي كوز وامنجي
انا ماجبت حاجة من عندي ده الشعب الاختار الرئيس واصبح رئيس السودان كان رضينا او ابينا
وانا في رايي انو البشير انسب ممن يقود البلد في ظل هذة الاحزاب التقليدية التي لاتخدم مصلحة السودان , ولذلك كان هو خياري الاول
وغالبية اهل السودان الذين ليست لهم اتجاهات سياسية فضلو البشير علي غيرة .

أود أن تصحح عنوانك فليس ممبروك للرئيس المنتخب عمر البشير وإنما الأصح مبروك للشعب السوداني
فوز المنتخب عمر البشير فلولاه لكنا في خبر كان

تشكر اخي فتح الرحمن ادريس ,,, الشعب هو الاختار الرئيس المنتخب لذلك مبروك للرئيس الفوز لاختيار الشعب له

دمت اخي ودام الشعب السوداني بخير وصحة وعافية

الشعب اختار شنو ؟؟
يا امنجي !!
الانتخابات مزووووورة ..!!


ده كلام حسون !! قداني قد

الشعب اختار شنو ؟؟
يا امنجي !!
الانتخابات مزووووورة ..!!


ده كلام حسون !! قداني قد

ده كلام كيبوردات وبس ,,, ياعمك الزي حسون ديل كتار ,,,,,,كان امنجي ماعارف ولكن برضو كتر خيرك
وبرضو كان رضينا او ابينا البشير رئيس السودان وبعد اربعة سنين لو ماعايزنو ماتصوتو ليه بس يكون عندك حق شرعي عشان تصوت للانت عايزو مش ماتسجل وتقعد في بيتكم وتقول الانتخابات مزورة .

[center][b][size=24][b]أنا معاك يا أخ بدر[/b]
[b]السفينة ماشة بيهم ومن غيرهم والداير ينبح ينبح[/b]
[size=24][b][/size][/b][b]المهم رأي الأغلبية[/b][/size][/b][/center]

الاخوان بدر وكعكوعي والاخ ابوراس

سلام (4) ليكم جميعا

والله نقاش السياسه زي نقاش هلال مريخ وما بنتهى ونحنا لاكورة ولاسياسه عشان كدا ماتحرقو

دمكم انت وكع والاخ ابوراس ونخلي بالنا للسودان بتاعنا (الامتداد) مع احترامي ليكم طبعا وانتم اخواني

الكبار لانو بي الطريقه دي امكن البوست ياخذ منحى اخر نحن هنا تبع حزب (الامتداد) يعني كلنا امتداديين

عشان كدا روقو المنقه وختو الكورة (واته) واكرر احترامي ليكم مرة تانيه

ودمتم زخرا للامتداد



ولكم كل الود

لو كنت سجلته كنت صوته ل عمر البشير ..


انا بكاوي في بدر الدين يا قريبك -
في سودانيز اون اون لاين - اي زول متعاطف مع المؤتمر الوطني
امنجي وكوز واي حاجه
تحياتي ليكم كلكم
يافتح الرحمن ابو راس انت منو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

طيب ياشعلة حرك لينا موضوع تجمع شباب الرابطة خلاص الستة اشهر علي وشك
فعلا الامتداد هو الوطن المصغر وعايزين نحرك الشباب للاجتهاد في سبيل المنطقة
بتفعيل العضوية والاشتراكات الشهرية .

شكرا بدر وده أحساسك بالعملية وصوت فرد يأمل للبلد التطور عن طريق الأنتخابات أي أن كانت النتائج.

بالظبط كده يا ابوقصي يديك العافية

تحياتي لاهلي الحلوين ..... والله يا اخوتي عمر جعلي زي المك نمر
وانا شخصيا اري فيه القائد الهمام ولكن عندما يسير من جماعة المؤتمر
الوطني .. وعدم وجود الحرية والديمقراطية لا خير في عمر ولا غير
غير عمر .. عشتم يا شعب الامتداد في رفاهية وارجو ان نكافح وننال
استقلال للوطن الامتدادي وننعم بشمس الحرية في ظل وطنا الصغير الامتداد

أهلك الحلوين الإمتداديين في جميع بقاع العالم بيحيوك يا أخ بنقوري .. الأخ عمر البشير جعلي أصيل والمؤتمر الوطني بإجماع أهل السودان أفضل من الكم الهائل من الأحزاب المتواجدة حالياً على الساحة على الأقل إذا عزموا على شيئ بينفذوا وما بيوعدوا ساكت زي الباقين.

حياك الله اخي فتح الرحمن ابوراس وتحياتي لك يا حلو
عمر البشير جعلي اصيل دي مافيها كلام وزي المك نمر مافيها
كلام بس الريس لو ابتعد عن الحرامية والمرتزقة بتاعين المؤتمر
الوطني بيكون له شأن كبير والوطن بنعم بالخير والحرية والديمقراطية\
ولكن في ظل المحسوبية المرتزقة لكن يكون هناك شأن للسودان
ودمت اخي الغالي فتح الرحمن ولك تحياتي وللجميع التحايا

أخي بنقوري ... تحياتي.. من تحيتك إنت متواجد بدول الخليج أولاً وثانياً فعلاً المؤتمر الوطني محتاج لغربلة وإستبعاد الإنتهازيين والمنتفعين وزي ما أنت عارف أي منشأة ضخمة ناهيك عن حكومة لا بدً من وجود هؤلاء الأشكال ولكن بعد مرور الوقت والزمن بيتساقطوا تلقائياً وما تجربة الجمعيات التعاونية الإستهلاكية زمن نميري خاصة في أحياء الخرطوم القديمة زي الإمتداد والديم وخلافه إلا مثال لذلك... الصبر جميل وخاصة في المرحلة القادمة .. مرة أخرى تحياتي لك ولجميع آل الإمتداد...