مدرسة بشير

Guten Tag Herr Johus.
:
تـعرف .. يــا .. الــفــاتــح .. اللغـة .الألمـانية .. درســناهــا ..
في الكليــة ..لمدهـ .. ســنتــين إخــتيــاري ..فقط ..للتدريــب .. الصــيــفي
فــي ..شــركة ..ســيـمـنـس .. فــي .. برلــين .. أيــام .. العلاقــات..
سمــن.. علي ..عــســل ..مــع الألــمان.. الكــلام .. دهـ .. كان .. 84/85
وبــعــدهــا .. يــا ..حــبـيـب .. إبــتدأ .. الشــوت .. الضــفــاري .. آمـسـكــك
أقــطــعـك.. جـواسـيـس.. إمـبريــاليـيـن ..طــفــنــقــي .. وبـلــنـجــات .. للطيـش.
المــهــم .. إتـخــارجــنــا.
:
و ..عبـرك ..يــا ..الـفـاتـح ..ســلامي ..لكل ..أبنــاء .. دفــعــتك ..بمدرســة
بــشــير ..وآهــنــي ..عبركــم .. أيضــا .. الـعـرســـان ..عبدالعظيم زروق
و طارق عبدالنبى.. وألف ..مبروك ..وبــيــت مــال و عــيال.
:
آكــيــد ..الألـمــان .. جــادين ..في ..كل ..شــي .. بــس ..حــاول ..أنـعـش
الذاكــرة..حـبـه..حــبــتين .. لــكــي .. تـتــواتــر .. ذكــريــات ..الصــبا.
:
ودهـــر .. تــولى ..يــا..بـثــيــنــة .. يــعــود ..؟؟ يــا .. لــيــتــه .. يــعــود.
:
عــاطــر ..التـحايـــا.
Bis bald
.Auf Wiedersehen

الحبيب يحى wie geht es dir
والله لقيتك ما ساهل ولغتك لسع مافيه كلام احسن مننا
طبعا الزكريات فى بشير ما بتنتهى وايام الصبا دائنا بتكون موجوده فى زاكرة الانسان .....
بس خلينى افضى من الجرى ده واكيد بكون مواصل
ورمضان كريم للجميع
وتحياتى

طارق جبريل كتب:جيناكم
كان اشطر واحد في دفعتنا هو الصديق العزيز محمد محجوب محمد طه كرودي
بالإضافة للاخ العزيز مدني محمد مدني (اتمنى ان لا اكون اخطأت في الاسم)
في سنة رابعة انا بقيت اكابسهم ليك مكابسة شديدة

حبيبنا طارق التحيات لله
اصلا ديل دفعتنا وكنتو معروفين اصلا من اولي مش العشره بل الخمسه الاوائل
محمد مصطفي ( لو تذكرو القصير و كان لعاب ) - انت يا ود جبريل و تاني مدني حجر و كرودي و احمد محجوب و هاشم ود طويل كده اتذكرو من ناس اركويت و الغريب انه كلهم كانو لعابين في الكورة بس كرودي كان بتاع شغب اكثر من انه بتاع كورة

حبيبنا عزالدين سلامات يا بركه ياخي بقيت توصف و انا ماشي معاك واحده واحده لدرجه اني شيمت ريحه المدرسه يااااااااااااه رغم انه المدرسه ما تتذكر حاجاتها الحلوه الا بعد ما تبقي منها بعيد و عمك النور طبعا لليوم قاااعد في المدرسه و عمك النسيتو ما تتذكرو كيف عمك احمد الراجل المتين الله يرحمه لو تذكرو في مطره قويه كده شجره كانت قدام فصل سنه اولي انشقت نصين عمك ده ربطها بخرطوش لماها تاني علي بعض و قعدت كده سنين طويله بي ربطتو دي هيجت فينا الذكري

والله يا اولاد مدرسة بشير رجعتوا بينا لي زمن (بعيد خلاس)
و ذكرتونا النمله الشفوقة,محمود والنمر,زيدان الكسلان,ومحمد الولد الشاطر وسهام والهام في القطار و طه القرشي مريض وحليمة بائعة اللبن
ومن جديد
صباح الخير مدرستي صباح الخير والنور
اليك اشتقت في امس وزاد اليوم تفكيري
اما اجمل الصور التي بقيت عالقة في الذاكرة صورة العنب , والبيض فوق العش . والنخلة الحمقاء والفول فولي زرعته وحدي وحصدته وحدي وسأكله وحدي
يديكم العافية يا اولاد مدرسة بشير ويا عزالدين بالله واصل لغاية ما تخرجنا من جديد يمكن المره دي نتخرج دكاتره

الاخ العزيز........... عزالدين عثمان ..... السلام عليكم ورحمة الله وبركاته
عسسسسسسسسسسسسسسسسسسسسسسساكم من عواده
كــــــــــــــــــــــــــل عــــــــــــــــــــــــــــام وانتم بخير
وكل سنة وانتم طيبين وسالمين واعاده الله عليكم وعلينا
باليمن والخيرات وسلامي الى جميع ابناء الامتداد بالداخل
والخارج وسلامي للاخ يحي حمد سعيد .. مع خالص
حبي واشواقي لكم $$$$$$$$$$$ بنقوري $$$$$$$$

الأخوة الأعزاء جميعاً
مدرسة بشير وما أدراك ما مدرسة بشير ذكريات جميلة جدا وأن أقراء حديثكم الشيق وأتذكر أيام الجمعية المدرسية وكرة القدم وكرة الطائرة والأساتذة كمال القصير (العربي) وأستاذ عوض( العلوم) وعبدالخالق( الرياضيات) وأسامة ( الجغرافيا) ومحمد الحاج وآخرون وطابور الصباح ، في الصف السادس كنا بنأخذ أمتحانات أسبوعية والدرجة من 30 للمادة الواحدة وكل درجة عليها سوط يعني لو جبت صفر سوف تأخذ 30 جلدة وبصراحة كانت دراسة بمعني الكلمة وكان من أوائل الفصل طالب أسمه كمال من مربع 10 والأخ ممدوج مربع 9 وهنالك أخرون ومن لعبية الكرة صديقي محمود تية من أولاد الصحافة . سوف أعود لكم ياشباب