.. ونحن قاعدين فى المصطبة على شارع الزلط

الاحداث كثيرة ومتلاحقة منها ما مضى ومنها ما سياتى
ولقعدة فى المصطبة على شارع الزلط لازالت تشغل
مكانا كبيرا فى الخاطر والوجدان
وفى هذا البوست سنحاول استعراض شخصيات واماكن
فى الامتداد الناس البقعدوا فى المصطبة والمارين بالشارع
الماشين الشيك زمان والكايسين الدوا عند عمنا الراحل
بهيج ولن يكون الماضى فقط بل الحاضر

وانا ختيت بنبري جنبك يا تيتا

وأنا كمان

يا تيتاوي

يازول ما تجـُرها لينا من قبل قيام استديو جاد و طلمبة كامل , حيث كان مد البصر
يرتد من سوق العشرة , وميدان الكورة بالحيازة البدرية ووضع الرجل, ودكان جدو اول دكان في المنطقة,

المسطبة مرحلة متقدمة جداً وهي بعد الجامعة, والعيال كبرت , سبقتها مدرسة المشاغبيين.

لك التحايا ومبروك ....لكل الامتداداب البيت الفسيييييييييييييييح


العربي

العربي يا أهلاً ومرحباً بيك
شرفت الديار ..

راجنك من زماااان

تعرف ياود جبرين حكاية المصطبة مهما مر عليها الزمن
لابتفوت ولا بتموت على الاقل من وجدان الناس العاصروها
واى مصطبة كده مش حقتنا نحن برانا
خليك بالنبر قريب
ذكرتنى ضمنة العجايز جمب الرابطة فى العصارى
ولا جمب دكان الطيب فى شارع الخور فى مربع 4

يا تيتاوي المصطبه دي ما حصل مرة من جمبها وليقته فاضيه . والغريبه ناس الصباح ما ناس الليل ..
الاشكال تتغير ولكن روح المصطبه متأصله في ناسه سواء ناس ليل واللا نهار ..

عموما ..
في انتظار ان تمتعنا برائع برواد ها..


حضرته لي كم بلنجه فيها !!!

[/quote ] يازول ما تجـُرها لينا من قبل قيام استديو جاد و طلمبة كامل , حيث كان مد البصر
يرتد من سوق العشرة , وميدان الكورة بالحيازة البدرية ووضع الرجل, ودكان جدو اول دكان في المنطقة,[quote]
ياعربى 7 سلامات ياخ وين الزمن داك مع الزهايمر الحايم ده
بنجيب ليك الجديد بس مرات مرت كده بنعرج على الصينى
لمن يجى مارى بشارع الزلط وقايم سدارى فى الفيسبا لاحق
سباق الخيل

والغريبه ناس الصباح ما ناس الليل ..

طبعا ياكع اكيد ناس الليل ما ياهم ناس الصباح

والناس فعلا بيتغيروا لكن بتبقى المصطبة ياها
لانها تعبر عن الشارع العام فى الامتداد مرات تلقى
ناس سبعة وناس مربع خمسة وكلهم يااما ماشين
الاجزخانة او المركز الصحى ولاسوق العشرة
كلو بمر بالمصطبة

التحية للحلوين والله شوق محيط وبحر وخليج
الشكر والتقدير لهذا المجهود الجبار
شايف عملت ليك شنبات يا محمد مصطفي يعني مافي
فرق بين شنبك وشنب عامر تيتاوي يعني الكتوف تلاحقة
بالمناسبة دي عازم الجميع في المسطبه علي قدقدو بالطحنية والتلج
ومعه اكلة باكمبا بالدخن من الحاجة مريم

[quo
بالمناسبة دي عازم الجميع في المسطبه علي قدقدو بالطحنية والتلج
ومعه اكلة باكمبا بالدخن من الحاجة مريم[/quote]

يا عربي(اميقو).....(تجي كيف دي عربي واميقو....)

عندك ماتش مع وادي النيل وال ابوحشيش.....

تحايا واشواق

العربي 7

العزيز عامر تيتاوي سلامات
المسطبة او الطابية فيما بعد شكلت معاني الحب والود بكل ما فيها فكانت لنا درس لن يكون المرور عبره سهلاً تعلمنا منه كيف يكون رد الجميل ونموذج اخ الاخوان مجدي بركية اكبر دليل تعلمنا منه عندما الزمان يمهلك ان يكون فضلك الي أبناء وطنك هو خير السبيل
التحية والتقدير لكل من بذر بذرة خير في سماء الامتداد العظيم

بالمناسبة دي عازم الجميع في المسطبه علي قدقدو بالطحنية والتلج
ومعه اكلة باكمبا بالدخن من الحاجة مريم

مقة يا مقة ياخ الكلام ده بجيب معاهو هوا بارد
وكاريكا كمان

ونموذج اخ الاخوان مجدي بركية اكبر دليل تعلمنا منه عندما الزمان يمهلك ان يكون فضلك الي أبناء وطنك هو خير السبيل

كمباءنا الحبيب يعجبنى فيك كتيرا الوفاء وقد لاحظت دائما ما تذكر اخونا وصديقنا الحبيب
مجدى بركية بكل معانى الخير والمحبة للاخرين وهو اهل لذلك
الوفاء ياكمبا قيمة جميلة يتمتع بها اهل القلوب الرقيقة .. شفت الكلام ده كيف

حمادة .. كيس نايلو والهوا شايلو
من الاشياء الجميلة كانت فى المصطبة انها تجمع الغاشى والماشى
وكانت مسرحا للعديد من الشخصيات الامتدادية على اختلافها فهى
تحمل طابع الحى الشعبى الذى يسع الجميع ويضم كل الوان الطيف
وكان من بين العابرين ( حمادة ) تيياية اعتقد انها كده صاح
وحمادة كان عنده قصة طويلة بحكيها حاجة كده زى القصيدة
واتذكر منها :
( اوعى تفتوت خميسك حتى لو تبيع قميصك )
( كيس نايلو والهوا شايلو )
ولزمات كتيرة مقفاة كانت ممتعة ومبدعة فى ننفس الوقت
واعتقد ان الكثيرين هنا يعرفون حمادة والعجلة الرالى
وشعره المسرح بطريقة خاصة وهو يتراقص عندما يلقى
تلك الكلمات التى اتمنى ممن يذكرها ان يكتب منها اى مقتطفات هنا
للذكرى ووفاء لواحد من ابناء الامتداد وصاحب قلب ابيض
زى الحليب
حمادة وين الان واخبارو شنو
البعرف يورينا

[center]حمادة .. كيس نايلو والهوا شايلو
من الاشياء الجميلة كانت فى المصطبة انها تجمع الغاشى والماشى
وكانت مسرحا للعديد من الشخصيات الامتدادية على اختلافها فهى
تحمل طابع الحى الشعبى الذى يسع الجميع ويضم كل الوان الطيف
وكان من بين العابرين ( حمادة ) تيياية اعتقد انها كده صاح
وحمادة كان عنده قصة طويلة بحكيها حاجة كده زى القصيدة
واتذكر منها :
( اوعى تفتوت خميسك حتى لو تبيع قميصك )
( كيس نايلو والهوا شايلو )
ولزمات كتيرة مقفاة كانت ممتعة ومبدعة فى ننفس الوقت
واعتقد ان الكثيرين هنا يعرفون حمادة والعجلة الرالى
وشعره المسرح بطريقة خاصة وهو يتراقص عندما يلقى
تلك الكلمات التى اتمنى ممن يذكرها ان يكتب منها اى مقتطفات هنا
للذكرى ووفاء لواحد من ابناء الامتداد وصاحب قلب ابيض
زى الحليب
حمادة وين الان واخبارو شنو
البعرف يورينا


وايضا ياعموري من الشخصيات الظريفة التي كانت تمر علي المسطبة أمثال كشر وحركات السجارة
وهي مولعة وايضا السر بعيرة وكلامه عن هو مفروض كان يلعب في فريق النيل وتم قصده من بعض الاداريين وعن كلامه عن ناس ود مالك ومحمود حين باعوا تيم الامتداد .
وايضا من الشخصيات الامتدادية والاخوان الاعزاء والابرار نذكر منهم الاخ الكريم والراجل ذو نيه بيضاء سخي تجده يساعد كل كبير وصغير , بشوش حتي حين تمر عليه المصاعب الا هو الاخ مجدي بركية ربنا يطراه بالخير كما ذكر اخي عوض كمبا ( مجدي بركيه انا شخصيا مهما طال الزمن او قصر لا انسي ابدا افضاله الكثيرة علي انا شخصيا ) ربنا يديه الصحة والعافية .
والتحايا لكل رواد المسطبة من داخل الامتداد وخارجها ,,, والان هي في حراسة امينة بكرم وطيب الاخ صلاح تيتاوي ربنا يديه الصحة والعافية

وايضا ياعموري من الشخصيات الظريفة التي كانت تمر علي المسطبة أمثال كشر وحركات السجارة
وهي مولعة وايضا السر بعيرة وكلامه عن هو مفروض كان يلعب في فريق النيل وتم قصده من بعض الاداريين وعن كلامه عن ناس ود مالك ومحمود حين باعوا تيم الامتداد .

يابدر لكين ماهيجت الذكرى ونكت حاجات قديمة بتولع فينا جمر الحى
زى ماقالوا

السر بعيرة وما ادراك ما السر بعيرة هذا الانسان الذى كان
بالفعل يحمل فى جوفه سرا دفينا
لقد كان ( بركة ) تمشى على قدمين وتسعى بين الناس كان يرسم البسمة على
الوجوه وينتزع الضحكة بالقوة لقد كان بسيطا جدا لكنه فى بعض الاحيان يثير
مخاوفك ففى وسط الهزل كان بعضا من الجد الذى يعقد الالسنة بالدهشة
من منكم يحدثنا عن السر بعيرة

ahmed khidir كتب:طبعا يا عامر
حكايات المصطبه دى سمعنا بيها من اخوانا الكبار
ناس الفاضل سابل وامير فضل





وش ساخر
لزوم تسخين المصطبه وكدا

قلت لى كانوا بقولوا ليك يلا يا ود امشى العب
جمب البيت الجابك هنا ششنو

يا عامر
شوف لينا طريقة نجيب عمك الفاضل سابل هنا
ح اتصل عليهو واتكلم معاهو.

الاخ العزيز/ ود تيتاوي
الشوق موصول ليك من الريان القديم الى جريدة الشرق (الرياضي)
طبعا يا تيتاوي المصطبة الواحد بغشاها عندما يشتري بعض الادوية
من صدلية بهيج وطبعا ليها ذكريات جميلة اثناء عبورنا للصدلية
بالمناسبة يا تيتاوي ... الخرخرة تعلمتها من احمد جمعة عندما كان
كابتن سلام (4) التحية اهلي الحلوين بالوطن الكبير الامتداد

مع تحيات ............... بنقوري العسل

احمدجعفرعلي السنهوري كتب:الاخ العزيز/ ود تيتاوي
الخرخرة تعلمتها من احمد جمعة عندما كان
كابتن سلام (4)

مع تحيات ............... بنقوري العسل

يا بنقورى .. وتيب الخرخرة زمن الدرقات العلمك ليها منو

عامر تيتاوى كتب:

ahmed khidir كتب:يا عامر
شوف لينا طريقة نجيب عمك الفاضل سابل هنا
ح اتصل عليهو واتكلم معاهو.

ياريت ياود خدر وجود الفاضل سيثرى المنتدى
ويشكل اضافة حقيقة
معا لحضور فاعل لحبيبنا الفاضل

عمورى جيبوه عبدربه وجيبوه معه مترجم

ياسلام عليك ياتيتاوي زكرياتك دئما ترجعنا للايام الجميله الف تحيه لك ياعامر تيتاوي يارائع بس حتي نحنا الهوي شالنا للغربه اللعينه ماالكيس لوحدو نتمنا عودة العصافير الامتدادية المهاجره للوطن الام والامتداد الام الحقيقية التي انجبت العباقر وانت منهم ياتيتاوي ياراقي . والاخ قرجاج لك الف سلام هانحن من 14 يمكن طول الغربه نستك ناس المربع علي العموم نحنا حاضرين بقلوبنا واكرر دعوتك لكل الامتداداب واخص الاخون بمدينة جدة . مع خاص تحياتي