بيان رقم ( 1 ) الإمتداد من مربع 1 حتي 14 .. ديل أهلي .. !!!
+4
الفاتح الجوص
محمد مصطفى
طارق جبريل
عمادالدين العاقب
8 مشترك
صفحة 1 من اصل 1
بيان رقم ( 1 ) الإمتداد من مربع 1 حتي 14 .. ديل أهلي .. !!!
الإمتداد ..
كم تصنع الأقدار التاريخ ..
عندما تدافع الناس مطلع الستينات لتلك القرعة القدرية للظفر بقطعة أرض ..
لم يكن أكثر المتفائلين يتوقع أن تكون تلك المساحة التي سميت بإمتداد الدرجة الثالثة تنسيهم من أين أتي هؤلاء الناس ..
خرجوا من أحياء الخرطوم القديمة بالدموع ولكن ..
سرعان ما إمتزجت هذه الدموع لتصبح دموع فرح ..
كيف لا وقد ألف الله بين قلوب هؤلاء المهاجرين للأمتداد ليشكلوا أسرة كبيرة ..
الحديث طويل ..
لن أقفز فوق الحواجز ..
كم تمنيت من زمن بعيد أن ألتقي بأشقائي وأهلي بمنتدي يحمل هذا الإسم العزيز ..
وكنت أرحل من مرفأ منتدي لمرفأ وتسوقني خطواتي لناس عزاز بالحيل ..
وكانت إطلالتي لبوست ذلك الحي المتفرد تزيد من شجون عزت علي النفس ..
حاولت التسجيل للمشاركة بقلمي المتواضع في ذلك المنتدي ولم أوفق رغم محاولات أعزاء علي القلب ..
وهكذا كانت العين تدمع والقلب ضرباته تزداد بين حروف وذكريات تثير الشجون ..
كنت أقرأ البوست وأستعيد الذكريات وأخرج من سودانيز اونلاين محملاً بصور لازلت أحتفظ بها في البومي الخاص وأندب ذلك الحظ العاثر ..
ما هذا الحظ الذي غربني في عز الشباب وعنفوانه وأبعدني عن أهلي ..
حقاً لم أجد أبلغ من كلمات الرحل المقيم أستاذنا إسماعيل حسن ..
ما ديل أهلي ..
يكفكفوا دمعة المفجوع
ويبدّوا الغير على زاتم
يقسموا اللقمة بيناتم
ويدّوا الزاد حتن كان مصيرم جوع
يحبّوا الجار
يموتوا عشان حقوق الجار
يضوقوا النار عشان فد دمعة
وكيف الحال لو شافوها سايلة دموع!
ديل أهلي .. واللــــــــــه ديل أهلي
البقيف في الدار في نص الدار
وأقول لي الدنيا.
كل الدنيا ديل أهلي
عرب ممزوجة بي دم الزنوج الحارّة
ديل أهلي .. ديل قبيلتي لمّن أدور أفصل للبدور فصلي
ديل فصلي
أقول بعضي
ألاقيهم تسرّبوا في مسارب الروح
بقوا كلي
ألاقي قلبي والإحساس
وسافر في بحار شوقم زمــــان عقلي
أنا محل قبّلت ألقاهم معاي ، معاي زي ضليّ
صباح اليوم وصلني إتصال هاتفي من الأخ الأصغر عادل عوض بلال يبشرني بمنتدي يحمل أسم عزيز علينا ..
سقطت السماعة من يدي وأنا أستعيد ذكريات وذكريات ..وجالت بخاطري أغنية العندليب الأسمر زيدان من كلمات نزار قباني :
ورجعت أحمل فوق أحداقي حنين إستعر ..
الشوق يملأ مهجتي ويهدني طول السفر ..
ورحمت دمعاً كم ترجا كم لعمري إنهمر ..
من قال قلبي لا يحن ؟؟ وأنه بعض الحجر ..
الحديث سيكون من القلب للقلب وذو شجون ..
وأعترف أنني أكتب بإرتباك .. كيف لا ؟؟ وأكتب لمن ينفطر القلب لهم شوقاً وحنيناً ..
أهلي هل من ترحيب بعد سنوات الشتات ؟؟
سنتواصل معكم عبر الشبكة العنكبوتية ومن خلال ( بيت الإمتداد ) ..
مع خالص حبي لكم ..
عدل سابقا من قبل عمادالدين العاقب في الإثنين يونيو 08, 2009 9:01 pm عدل 2 مرات
عمادالدين العاقب- إمتدادي مبدع وفنان
- عدد المساهمات : 128
تاريخ التسجيل : 08/06/2009
الموقع : الإمتداد مربع ( 10 ) منزل ( 101 )
رد: بيان رقم ( 1 ) الإمتداد من مربع 1 حتي 14 .. ديل أهلي .. !!!
عماد كيفنك
احساسك صادق ونبيل
كلنا ذلك الرجل
احساسك صادق ونبيل
كلنا ذلك الرجل
طارق جبريل- الإدارة العامة
- عدد المساهمات : 236
تاريخ التسجيل : 06/06/2009
رد: بيان رقم ( 1 ) الإمتداد من مربع 1 حتي 14 .. ديل أهلي .. !!!
يا الله يا عماد الدين ..
كلام منمّق ومعطّر ..
ولصدقه وصلنا شعورك بالكااامل ..
حتى صوت السماعة الوقعت من يدك ..
أنا طريت القرية يادمعاتي سيلي ..
باقي من إتحرمت سنين طويلي ..
طريت ناسنا الحنان ومانمت ليلي ..
ناس نفوسن صافي من نية الرذيلي ..
يكرموا الضيف ولو كان بالبليلي ..
ناس يعزو الجار يموتوا حمى القبيلي ..
ودي طيبة القريي ماجاتن دخيلي ..
حقيقة ياعمدة أجمل مايميز الإمتداد هو ماذكرته عن إمتزاج
الناس فيها دون النظر إلى مسقط الرؤوس ..
ولو اهلنا في دارفور سكنوا الإمتداد لما سمعنا بجنجاويدهم
ولا فورهم وزغاوتهم
كلماتك عطرت قلوبنا وسطورنا ياعمدة
كلام منمّق ومعطّر ..
ولصدقه وصلنا شعورك بالكااامل ..
حتى صوت السماعة الوقعت من يدك ..
أنا طريت القرية يادمعاتي سيلي ..
باقي من إتحرمت سنين طويلي ..
طريت ناسنا الحنان ومانمت ليلي ..
ناس نفوسن صافي من نية الرذيلي ..
يكرموا الضيف ولو كان بالبليلي ..
ناس يعزو الجار يموتوا حمى القبيلي ..
ودي طيبة القريي ماجاتن دخيلي ..
حقيقة ياعمدة أجمل مايميز الإمتداد هو ماذكرته عن إمتزاج
الناس فيها دون النظر إلى مسقط الرؤوس ..
ولو اهلنا في دارفور سكنوا الإمتداد لما سمعنا بجنجاويدهم
ولا فورهم وزغاوتهم
كلماتك عطرت قلوبنا وسطورنا ياعمدة
محمد مصطفى- .
- عدد المساهمات : 310
تاريخ التسجيل : 06/06/2009
رد: بيان رقم ( 1 ) الإمتداد من مربع 1 حتي 14 .. ديل أهلي .. !!!
طارق جبريل كتب:عماد كيفنك
احساسك صادق ونبيل
كلنا ذلك الرجل
الرقيق د. طارق جبريل ..
كل الود وكل التقدير .. وما تلك اللحظات التي عشناها في هذا الدرب من الحياة إنما هو ينبوع صافي سيظل أبداً ما عشنا ما حيينا يارائع ..
عمادالدين العاقب- إمتدادي مبدع وفنان
- عدد المساهمات : 128
تاريخ التسجيل : 08/06/2009
الموقع : الإمتداد مربع ( 10 ) منزل ( 101 )
رد: بيان رقم ( 1 ) الإمتداد من مربع 1 حتي 14 .. ديل أهلي .. !!!
محمد مصطفى كتب:يا الله يا عماد الدين ..
كلام منمّق ومعطّر ..
ولصدقه وصلنا شعورك بالكااامل ..
حتى صوت السماعة الوقعت من يدك ..
أنا طريت القرية يادمعاتي سيلي ..
باقي من إتحرمت سنين طويلي ..
طريت ناسنا الحنان ومانمت ليلي ..
ناس نفوسن صافي من نية الرذيلي ..
يكرموا الضيف ولو كان بالبليلي ..
ناس يعزو الجار يموتوا حمى القبيلي ..
ودي طيبة القريي ماجاتن دخيلي ..
حقيقة ياعمدة أجمل مايميز الإمتداد هو ماذكرته عن إمتزاج
الناس فيها دون النظر إلى مسقط الرؤوس ..
ولو اهلنا في دارفور سكنوا الإمتداد لما سمعنا بجنجاويدهم
ولا فورهم وزغاوتهم
كلماتك عطرت قلوبنا وسطورنا ياعمدة
الأخ العزيز .. محمد مصطفي
حقيقة ما ذكرت إن تعايش الناس بذلك الفهم العميق لما تكدرت الحياة وعموماً سنعود لسرد تلك العلاقات الحميمة وكل شئ جميل عن ذلك الحي المتفرد .
عمادالدين العاقب- إمتدادي مبدع وفنان
- عدد المساهمات : 128
تاريخ التسجيل : 08/06/2009
الموقع : الإمتداد مربع ( 10 ) منزل ( 101 )
رد: بيان رقم ( 1 ) الإمتداد من مربع 1 حتي 14 .. ديل أهلي .. !!!
الاخ عماد العاقب كيف حالك كلاماتك رقيقه مثلك وده الخلنا مكان واهل متفردين
الفاتح الجوص- وسام الإبداع
- عدد المساهمات : 256
تاريخ التسجيل : 08/06/2009
الموقع : مربع 4
رد: بيان رقم ( 1 ) الإمتداد من مربع 1 حتي 14 .. ديل أهلي .. !!!
عماد العاقب
كلماتك جميلة ومعبرة وهى بلا شك نابعة من قلب
ينبض بحب الناس وخاصة اهل الامتداد مهد الطفولة
ومرتع الصبا
ننتظر اسهاماتك الرائعة ( مقدما ) وليك اجمل تحية
وواصل
كلماتك جميلة ومعبرة وهى بلا شك نابعة من قلب
ينبض بحب الناس وخاصة اهل الامتداد مهد الطفولة
ومرتع الصبا
ننتظر اسهاماتك الرائعة ( مقدما ) وليك اجمل تحية
وواصل
عامر تيتاوى- إمتدادي مميّز
- عدد المساهمات : 68
تاريخ التسجيل : 06/06/2009
الموقع : مربع 8
رد: بيان رقم ( 1 ) الإمتداد من مربع 1 حتي 14 .. ديل أهلي .. !!!
الفاتح الجوص كتب:الاخ عماد العاقب كيف حالك كلاماتك رقيقه مثلك وده الخلنا مكان واهل متفردين
الأخ العزيز/ الفاتح الجوص
لك كل ودي وتقديري ونعد بالتواصل دوماً معكم .
عمادالدين العاقب- إمتدادي مبدع وفنان
- عدد المساهمات : 128
تاريخ التسجيل : 08/06/2009
الموقع : الإمتداد مربع ( 10 ) منزل ( 101 )
رد: بيان رقم ( 1 ) الإمتداد من مربع 1 حتي 14 .. ديل أهلي .. !!!
عامر تيتاوى كتب:عماد العاقب
كلماتك جميلة ومعبرة وهى بلا شك نابعة من قلب
ينبض بحب الناس وخاصة اهل الامتداد مهد الطفولة
ومرتع الصبا
ننتظر اسهاماتك الرائعة ( مقدما ) وليك اجمل تحية
وواصل
الأستاذ/ عامر تيتاوي
ومن القلب لك أصدق التحية ونتمني أن نوفق بمساهماتنا المتواضعة ولكن قبل كل شئ أود من كل الأخوان الإعلان عن هذا المنتدي الذي ولد بأسنانه في المنتديات الأخري حتي نستطيع أن نستقطب كل أبناء الإمتداد لكي نوثق لذلك العشق ورموزه ولكم تقديري .
عمادالدين العاقب- إمتدادي مبدع وفنان
- عدد المساهمات : 128
تاريخ التسجيل : 08/06/2009
الموقع : الإمتداد مربع ( 10 ) منزل ( 101 )
رد: بيان رقم ( 1 ) الإمتداد من مربع 1 حتي 14 .. ديل أهلي .. !!!
كلمات معبره من شخص محب وعاشق لهذا الحي المتفرد ,,,تسلم ياعمدة
بدر يعقوب- كبار الشخصيات
- عدد المساهمات : 484
تاريخ التسجيل : 06/06/2009
رد: بيان رقم ( 1 ) الإمتداد من مربع 1 حتي 14 .. ديل أهلي .. !!!
سيل جارف من المعاني الصادقة
هي صدق ابن الامتداد ونبل احاسيسه
تجاه كل ماهو امتدادي,
الحلة, المربع,المدرسة,الفريق,ووووووو
العربي
العربي7- إمتدادي جديد
- عدد المساهمات : 12
تاريخ التسجيل : 06/06/2009
رد: بيان رقم ( 1 ) الإمتداد من مربع 1 حتي 14 .. ديل أهلي .. !!!
تسلم عماد العافب علي هذه الكلمات الجميلة الرائعة في حق هذا الحي المتفرد بأهلوا و ناسوا
والواحد لسان حالو بقول ( أنا لو ما جيت من زي ديل كان وا أسافاي ، وا مأساتي وا زّلي تصوّر كيف يكون الحال لو ما كنت أمتدادي... وأهل الحارة ما اهلي؟
:
:
بالنسبه الزول الرائع وين مختفي يا جماعة العندو اخبارو يطمئنا عليهو
والواحد لسان حالو بقول ( أنا لو ما جيت من زي ديل كان وا أسافاي ، وا مأساتي وا زّلي تصوّر كيف يكون الحال لو ما كنت أمتدادي... وأهل الحارة ما اهلي؟
:
:
بالنسبه الزول الرائع وين مختفي يا جماعة العندو اخبارو يطمئنا عليهو
فريني- عضو مميز
- عدد المساهمات : 209
تاريخ التسجيل : 17/02/2010
الموقع : الرياض
رد: بيان رقم ( 1 ) الإمتداد من مربع 1 حتي 14 .. ديل أهلي .. !!!
رغم تأكدنا من حبك الشديد للامتداد ياعمدة
وفرحتك بسماع افتتاح المنتدى ووقوع سماعاتك
إلا إنك برضو حاربتنا
ولم تكلف نفسك (سطرين) تكتب تطمنا على أحوالك
عسى المانع خير يارب
وفرحتك بسماع افتتاح المنتدى ووقوع سماعاتك
إلا إنك برضو حاربتنا
ولم تكلف نفسك (سطرين) تكتب تطمنا على أحوالك
عسى المانع خير يارب
محمد مصطفى- .
- عدد المساهمات : 310
تاريخ التسجيل : 06/06/2009
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى