المواهب الضائعة

فريق المواهب الضايئعة فى مربع واحد كان فريق ظريف وحريف من شباب واحد ومن شا رع واحد وكان ابرزهم صلاح الناقة ومختار فضل المولى وخالد سلام وجمال بابكر وكان لما تكون فى مبارة مع الحمير بتكون مولعة نار هلال مريخ بس ولكن دا ما موضوعى انا عاوز اتكلم عن المواهب الموجودة فى المنتدى من شعراء وكتاب ورسامين ان يبرزوا لنا ابداعهم حتى نراء فى مبدعين ولا لا ويا ناس برة الغربة بتخلى اى زول شاعر وبكاى فاخرجوا ما عندكم من ابداع
كمال وديدى

ياكمال يا أخوي إستهدأ بالله ..
كيف من مربع وااااحد ومن شارع واااااااااحد ..
وكان أبرزهم صلاح الناقة من مربع 4 ومختار عبد المولى من 4 برضو؟
هو ياكمال لو ما مربع 4 كان بتكون في مواهب؟
مع إعتذارنا لأخونا الكبير عادل تنقو
ولكل شباب 1 المحترمين ..

أما موضوع المواهب (عامة) من أشعار ورسم وفنون .. فدونك الكاتب الفذ طارق جبريل .. وراني والعبقري جداً بدر الدين فاروق ..
وحسبك مدثر قرجاج .. وقريبي مجدي ..على سبيل المثال لا الحصر ..

حتى (كلب) و(ابن كلب) عماد عويس ( ليست عنصرية قبلية ولا مربعية) تنضوي تحت جدار الكتاب وحنكة البيان ..

وإنت زاتك ياكمال راجل فنان ..باقتراحاتك واهتمامك ونشاطك في توسيع دائرة إلتقاء الامتداديون !

ماتنقطع بالله عليك !!

أخي / كمال
إقتراحك جميل جداً وفكرة طيبة ، دون شك المنتدى ملئ بالمواهب المتعددة أتمنى أن يؤخذ الإقتراح ماخذ إهتمام .
أما قولك بأن فريق المواهب الضائعة كان فريق ظريف أتفق معك في ذلك لكن حريف لا أعتقد ويكفى كابتنكم كان صلاح الناقة ومحمد مصطفى وفي وكفي .
وياليتنا عدنا أوعادت الأيام تلك بما فيها من صدق ونقاء وصفاء ومواهب ظريف حتى لو ما كانت حريفة .
عادل تنقو.

ياسلاام عليك يا كمال زكرتنا ايام لاتنسى

المواهب الضايعه (الكلاب الضاله) كما يحلو تزكرت خالد سلام

واخوانه علم وعبدالحميد والحارس الهمام عبدالله الليبي ودائما كان

شماعتكم عند الهزيمه وتزكرت صديق الكيني والخلوق جمال بابكر

وحاج موت الذي كان ثغرة في فريقكم هههههههه وصلاح الناقه

الماسورة بس صراحه كنا بنخاف من زول واحد بس هو الحريف

واللعاب والخطير (عادل وديدي) ايام ياكمال والله

الاخ محمد مصطفى تحياتى وصلاح الناقة ومختار ديل كانو محترفين فى المواهب لاكين الاساس كان فى مربع واحد
راشد ابنعوف
طبعا انت متذكر انو المواهب كانت متخصص فى هزيمتكم بى دفاعكم بيقادة شهاب اب كراع وهو بطل الكورة بسسب المواهب
عمنا عادل تنقو
المواهب كانت حرفنة وظرافة وقيادة وكمان ما ننسى فريق الوان بتاع المرحوم جعفر عبدون

عمي / كمال
فعلاً المواهب الرايحة حرقنة وزرافة وصلات طيبة وشن جاب المواهب الرايحة لألوان .

kamal كتب:فريق المواهب الضايئعة فى مربع واحد كان فريق ظريف وحريف من شباب واحد ومن شا رع واحد وكان ابرزهم صلاح الناقة ومختار فضل المولى وخالد سلام وجمال بابكر وكان لما تكون فى مبارة مع الحمير بتكون مولعة نار هلال مريخ بس ولكن دا ما موضوعى انا عاوز اتكلم عن المواهب الموجودة فى المنتدى من شعراء وكتاب ورسامين ان يبرزوا لنا ابداعهم حتى نراء فى مبدعين ولا لا ويا ناس برة الغربة بتخلى اى زول شاعر وبكاى فاخرجوا ما عندكم من ابداع
كمال وديدى

كمال فته طبعا انت كنت اول المواهب الضائعة
كيفك ياكمال انشاء الله بخير وكيف شارع واحد من ناصيتى المرحوم جعفر وملاح الى ناصية عطية وسلم لى على 1 كلوا

لك التحية عادل وناس واحد كلهم بخير

يا شباب ما فى زول طلع عندة موهبة يكتب لينا خلاص
رايكم شنو نتبارى فى قصيدة عن الامتداد انا شخصيا ما شاعر بى اى اجة لاكن بديت اكتب واتوقع من الاخوة مجدى عبد الرحيم وطارق جبريل ان يكتبوا ملحمة فى الامتدد

الأخ / كمال فته
طالما بدأت تكتب ربنا يوفقك ونحن في إنتظار ( القصــــــــــــــيدة الضــــــــــــــائعة ) - مودتــــــــــــي ،،،

شكرا نبيلا ابو قصى
انت زول مبع وفنان ومهموم بالامتداد اللة يديك العافية ومذيد من ابدعتك وفى انتظار البقية ويارت يكون فى بوست خاص بى الشعر عن الامتداد