تعـــــــــــالوا نـوثـــــــــــق

من طرف عادل علي السبت ديسمبر 19, 2009 10:57 am

إخوتي الأعزاء ....
هذه دعوة للتوثيق والتعريف بجميع المرافق بالإمتداد سواء أن كانت صحية أوخدمية أوثقافية أو رياضية وخلافه والتي لطالما نعمنا بما تقدمه لنا من خدمات وفائدة في إمتدادنا الحبيب وعلى سبيل المثال : ـ
مركز صحي سمير - مركز سارة وغنيمة - رابطة الإمتداد - فرق الإمتداد - مركز الشرطة محطة 7 - المدارس - محطة البراميل - جهاز شؤون السودانيين العاملين بالخارج ( المغتربين ) - وحتى الأحياء المجاورة كالعشش والعشرة والديم والصحافة .
هذه دعوة للتوثيق والإفادة ويا حبذا لو بدأنا بمركز صحي سمير . وفي إنتظار مشاركاتكم بالمعلومة الصحيحة والمفيدة .

من طرف Majdi AbdulRahim fadul Mo السبت ديسمبر 19, 2009 12:28 pm

نااااااس مربع 8 مطلوب حضور من الأكبر للأصغر حتي يوضعوا الأساس ثم أولاد حمدتو يحملو المعاول للبناء منتظرين معك عادل ياجميل.

،،،،أبوقصي،،،،

من طرف abo sara السبت ديسمبر 19, 2009 2:40 pm

Majdi AbdulRahim fadul Mo كتب:نااااااس مربع 8 مطلوب حضور من الأكبر للأصغر حتي يوضعوا الأساس ثم أولاد حمدتو يحملو المعاول للبناء منتظرين معك عادل ياجميل.

،،،،أبوقصي،،،،

عادل على و ابوقصي التخايا العطرة

اها يأبوقصي اناجيتك جارى بس من الأصغر للأكبر ومعاى موش معول معاي حفارة صغيرة وواقف برااااااااااااااي في نص المنتزههة
هههههههههههههههههههه

Majdi AbdulRahim fadul Mo كتب:نااااااس مربع 8 مطلوب حضور من الأكبر للأصغر حتي يوضعوا الأساس ثم أولاد حمدتو يحملو المعاول للبناء منتظرين معك عادل ياجميل.

،،،،أبوقصي،،،،

عادل علي
سلام
عند دخولنا الي غرفه العمليات في مركز سمير اعتقد والله اعلم كانت هناك لافته
شُيِّد مركز صحي سمير عام 1968م تخليداً لذكرى ابن المهندس محمد حمد النيل، الطالب سمير، الذي تُوفي بلندن عام 1964م
واتزكر عمك الحضري عمك فرغلي وعلي يوسف ود النعيم.
والله تاني مابتزكر الزمن الطال والزاكره خربت والكبر حصل

من طرف عادل علي السبت ديسمبر 19, 2009 5:54 pm

أخى عمر
أحسنت وننتظر من الشباب تأكيد التاريخ وأتذكر أيضاً قريبنا عم عبد العزيز مساعد طب الأسنان عليه رحمة الله والحضري ووالدة كمال الحريف سلام 11 - وعم على فرغلي عليه رحمة الله وعم على يوسف أطال الله عمره وعلى ما أعتقد سمير كان طالباً للطب وتوفى في أدنبره - وفي أنتظار من المعلومات.

من طرف عوض كمباء الثلاثاء ديسمبر 22, 2009 2:09 am

عادل علي كتب:إخوتي الأعزاء ....
هذه دعوة للتوثيق والتعريف بجميع المرافق بالإمتداد سواء أن كانت صحية أوخدمية أوثقافية أو رياضية وخلافه والتي لطالما نعمنا بما تقدمه لنا من خدمات وفائدة في إمتدادنا الحبيب وعلى سبيل المثال : ـ
مركز صحي سمير - مركز سارة وغنيمة - رابطة الإمتداد - فرق الإمتداد - مركز الشرطة محطة 7 - المدارس - محطة البراميل - جهاز شؤون السودانيين العاملين بالخارج ( المغتربين ) - وحتى الأحياء المجاورة كالعشش والعشرة والديم والصحافة .
هذه دعوة للتوثيق والإفادة ويا حبذا لو بدأنا بمركز صحي سمير . وفي إنتظار مشاركاتكم بالمعلومة الصحيحة والمفيدة .

الجميل عادل تحية وأشواق ياسلام عليك لفتح هذا البوست حقاً كل ركن من أركان الامتداد يحتاج لمجلد من التوثيق أسماء رحلت لها الرحمة والغفران واسماء ما زالت بيننا وكذلك اماكن في الذاكرة جميعهم شكلواء كل الحب والوفاء وكبير الاثر في الخاطر والوجدان
وعشان كدي انا بجيك بمهل تحت عنوان
( حدث في مثل هذا اليوم تحت شجرة ناس ابنعواف )
بجيك بكل ما مر من هنا من الحكاوي والطرائف والاسماء التي لا زالت في الذاكرة وأتمني من الجميع من لهم مخزون من الذاكرة المساعدة

مع اكيد حبي وتقديري للجميع

من طرف عادل علي الثلاثاء ديسمبر 22, 2009 11:20 am

حبيبنا / كمبا
الرجل الذي مترعاً بالطيبة والصفاء والنقاء لك وحشة أكبر من الجخس وفاقدنك في حوشنا الصغير ده
تعال لينا بي مهل ونحنا في إنتظار جيتك الغالية لتمدنا بكل ماهو مشوق وطريف عن الحبايب .
أظهر بالله -
مودتـــــــــــــــــــــــــــــــــي ...

من طرف راشد ابنعوف الثلاثاء ديسمبر 22, 2009 6:41 pm

اخونا الكبير تنقو لك التحايا

اخترت موضوع قيم والتوثيق مهم مع انو الامتداد ليس بالقديم جدا لكن مع مرور

الزمن حيكون من الاحياء القديمه جدا عشان كدا التوثيق من بدري مهم خاصه للاجيال

القادمه

بالنسبه لمركز صحي سمير يعتبر من اركان الامتداد وطبعا كلنا بتزكر الحضري

والراحل على فرغلي وريحه الديتول وغرفه التطعيم وصوت الصرييخ بتاع الشفع

والحاجه بتاعت التسالي والفول قدام المركز واخو ماو ومرات كنا بنلاقى ماو

ونكورك ليهو يادكتور ماو شباك الفحص وين؟ ويرد علينا بكل جديه امشو قدام يمين

وطبعا ناس العشش كانو مفتكرين ماو دكتور جدد

ده البتزكرو ليك ياعادل عن المركز

لو اتزكرت حاجه برجع ليك

ولك كل الود

تعـــــــــــالوا نـوثـــــــــــق

تعـــــــــــالوا نـوثـــــــــــق

رد: تعـــــــــــالوا نـوثـــــــــــق

رد: تعـــــــــــالوا نـوثـــــــــــق

رد: تعـــــــــــالوا نـوثـــــــــــق

رد: تعـــــــــــالوا نـوثـــــــــــق

رد: تعـــــــــــالوا نـوثـــــــــــق

رد: تعـــــــــــالوا نـوثـــــــــــق

رد: تعـــــــــــالوا نـوثـــــــــــق