يا جماعه رحبو با ختي المقدم اميرة عوض عبدالله معانا

عبدالله عوض عبدالله كع كتب:

سماح نور كتب:عليك الله هسه انا سالتك ياكع ولا قلت ليك اشرح لى ؟؟؟؟

انتي زعلتي .. واللا شنو يا سموحه .. ؟؟
برضو اتصدمته فيك وللمرة التانيه ! انا قايلك ما بتعرفي الزعل .
لكن ... ارجي الراجيك .. حا تزعلي زعل يا شيخه
كتري المناديل .. بس


............
اسامه وين ؟

ياساتر الله يكفينا شر الصدماااااااااات ..ياكع
ومنو القال ليك انا زعلتة

تعرف يا ابو اللول كع دا بعمل لينا نحن بس أسد هنا لكن هناك خليها في سرك ويقول ليك اتصل على المره من الجوال واقول ليها شوفي لي جوالي نسيتو في البيت .. وشكلو ما عارف المجنن الجوال وصاحبو منو وبرضو يقول ليك ود الامين بسرح بالخلال .
تاني تعالوا اغتربوا وجيبوهم .

يا ريت يا كع لو كان عندي ( اخت ) ضابط ويا ريت لو كنت متزوج ، تعرف كان بحصل شنو .. اللي بحصل لو المره رفعت قرنها ولا بتكلم انا بس بقول ليها كلمي هناك ( اختي ) الضابط .. وتقوم تكشحها ليك بي كف لمان انا اقوم واقعد معاهو .. وبعدها اقول ليها انت لسه ما شفت حاجه اعملي حسابك اختى دي لو( ساقتك )القسم بتتعبي معاها . وساقتك دي كيف معاك .

وبعدين خلي بالك ابو اللول دا الحاله ما عندو اخ أو اخت ضابط ، بمعنى انو لو كان عندو كان بقى كل حيوانات الغابه المفترسة مش أسد بس .

مليون مرحب بيك في دارك 

أخونا كع الدقاك منو جايب معاك المقدم ذاتو ذكرتنى نكتة الفار القال لو عندكم كديسة برضو جيبوها معاكم مرحب بى المقدم والمنتدى نور

مرحب بالمقدم اميرة عوض عبد الله (كعكوعية ) في بيتكم ومرحبتين بيك بين اهلك من ابناء الامتداد

مليون مراحب بسعادة المقدم / أمير عوض عبد الله - كترحابنا بأخيها الحبوب عبد الله . وأكيد البيت بيتها .

مرحب بيك اميرة فى دارك ووطنك العزيز الامتداد انشاء اللة تزكرينى يا مقدم حلتنا اخوك دايما مرحب بيك تانى

عبدالله عوض عبدالله كع كتب:
بس اميرة حسن ... دي ما عرفتها !!
تاني شكرا جزيلا

:
مـحـبـوبـنـا .. المـمـتـع دائـمـا .. كــع
المـوســيــقــار و المـطـرب وردي ..قــال:
يــا .. أمـيــر الحـســن .. لــو تـســمـح ظــروفــك .. كـل ســاعــة .. كـل لـحـظـة
كـل يـوم .. مـشــتــاق أشــوفـك ..
يــا أمــيــر .. يــا كـــع
:
ومـن .. واجـبـنـا و الله .. ولا نـشـكر عـلـيـة .. وســلام حـنـيـن .. لـولـدنــا الـنـضــيف
::

مليار مراحب باختنا الغالية حضرت المقدم
اميرة عوض في بيتك ودارك ووطنك الامتداد
واهليييين وسهلاً وحياك الله اختنا حضرة المقدم
ومن هسع عندنا دفتر احوال للحضور بقيادة
الكمندان هادية ونائبه سماح وتحياتي لك ولاسرتك بليبيا

يا كع انت فتحت البوست ده خلي اختنا حضرة المقدم هي تعبر
عن فرحتها باهلها واخواتها واخوانها من ابناء الوطن الامتداد
وتحياتي لك يا كع ولاسرتك يا ظريف

مرحبتين حبابك سعادة المقدم في بيتك وسط اهلك نتمني ان تثري هذا الحي الاسفيري المتفرد بكل الوان الجمال والخير والمحبة

ياكعوووو الا سماح بت نور دي ...شفت سماح دي بنطاعن فيها بالحراب عدييييييل كده..

كيف الدار بالله انشاءالله دائما عامره بيكم ..وتحياتي لكل الاحبة وقول لي خالد مردونا والله صاحبك مالامي فيهو لي يوم الليلة ...

تحياتي للاخت اميرة واسرتها الكريمة بليبيا

اهلا وسهلا اخت اميرة مرحبيك في دارك واتمني مساهمتك واثراء هذا الدار بارشاداتك القانونية والعلمية

مساهماتك من خلال المهنة من المؤكد ستساهم في كثير من الامور الحياتية اليومية

وياكعووو الا سماح بت نور دي ..اوعك تزعلها لينا ..دي فيها طعين انا ماجعلي لكن جاورتهم اكثر من 40 يوم عشرات السنين يعني صرت منهم

ياسعادة المقدم اميرة ده ما تهديد لكن دي ثقافة ساي ...

اقامة طيبة بين اهلك واحبابك ..

التعديل للتوضيح ..انا كنت فاكر الكتبته طار ..لكن الحمدلله موجود وزياد الخير خيرين

مرحبتين حباابك يا اميرة
والف تعظيم سلام سعادتك
الدار نورت يا عبد الله

الف هلا وغلا ومرحباً بي جنابو / أميرة عوض عبد الله كع

وعقبال اي واحد في المنتدى تظهر ليهو أخت أو أخى يا كع
حتى تكبر الاسرة السايبرية أكتر وأكتر


ألف مرحب بيك ياجنابو

نقيتو في ليبيبا

الله رجعت المنتدي اليوم من الصباح وبقري في المداخلات من الصباح .. والله اتكيفته للطيش ...
الذه حاجه طيبه الناس - ومداخلاتهم
ان شالله يرجع المنتدي كما بداء
تحياتي للجميع ....

مجدي يا خي اخبارك شنو وولادك
طيبين يارب
تعرف انا بقيت كلما الشوق يرميني بقوم افتش لي ناس الامتداد ..
لاحولة ولا قوة الا بالله .. نحنا جافين .. وقلوبنا قاسيه وبارده ابرد من الشتاء العايشنو اليومين دي ..
وكل مرة بنقول ايام وتعدي - وفجاءة تلقي 2011 مرقت من تحت كرعينك
يا ابوقصي : الوضع مؤلم وريحتو عفنه
ودعتك الله