يا جماعه رحبو با ختي المقدم اميرة عوض عبدالله معانا

اول حاجه اشكر الاخ محمد مصطفي .. علي العَمله العمله دي !!
لمة الناس ...........
انضمت اختي يا شباب معانا في منتدي الامتداد والله ماعارف متين لكن صدفه لقيت ابو قصي برحب بالجدد
اميرة عوض عبدالله احمد ..بنت الامتداد .. بس مولوده في الاراك مركز مروي
مدرسة الامتداد 2 الابتدائيه مربع 13 .. برغم اننا نسكن مربع 8 .. تحب القرايه موووووووت
مدرسة الاميريه الخرطوم المتوسطة
مدرسة الخرطوم القديمه بنات .. ثانوي
جامعه القاهرة -الفرع - كليه الحقوق ..
تعمل في الشرطة برتب مقدم ... والان مقيمه في ليبيا
لها من الابناء 3 - فاطمه - ابرار - عبدالرحمن اخر العنقود
اطيب من الطيبه زاااااااااااااااااااااااته ... ملاك يا ناس

والله فرحت جدجد انها معانا

أولاً ألف مرحب بشقيقتكم المقدم/ أميرة عوض عبد الله وإن شاء الله الدار ترحب بيك ..

يا كع .. انت اختك برتبة مقدم وفي ليبيا ؟ طيب قاعد تسوي شنو .. ليبيا ما فتحت كان كدة ...

ود الإمتداد كتب:أولاً ألف مرحب بشقيقتكم المقدم/ أميرة عوض عبد الله وإن شاء الله الدار ترحب بيك ..

يا كع .. انت اختك برتبة مقدم وفي ليبيا ؟ طيب قاعد تسوي شنو .. ليبيا ما فتحت كان كدة ...

يا ولدنا .. اشكرك بهذا الترحيب ..
ايدي في كتفك اعمل شنو يا مان ؟
وماتقول السعوديه بقت اضيق من بيت النمل

تحياتي يا فرده

اختنا بت عوض شتيل الفرحة بحضوروك فرهد وامتدت جزورو ، بس امسكي لينا اخوك الفقر دا .
وانت يا عبدالله كيف يعني تعمل في الشرطة برتبة مقدم والان مقيمة بليبيا حاول اشرح لينا براحه وسوق سواقه

جيدا جاااااااااااات اختك لينا .... خطوة عزيزة ويوم موعود بجيتها
والدار ترحب بيها وتنور بيها
ونشوفهاااااااااا

ترحب بيك ياخوى الدنيا انت واهل الامتدادوتفتح عليك م بالصحة والعافيةوالرزق ابوابا

الصادق خليفه الصادق كتب:اختنا بت عوض شتيل الفرحة بحضوروك فرهد وامتدت جزورو ، بس امسكي لينا اخوك الفقر دا .
وانت يا عبدالله كيف يعني تعمل في الشرطة برتبة مقدم والان مقيمة بليبيا حاول اشرح لينا براحه وسوق سواقه

يا خي انت مالك .. عامل زي سماح اللا يشرحو ليكم !!
ما خده ايجازة بدون مرتب .. وزجها شغال في السفارة هناك مشت معاهو .........
وقع ليك ؟

برضو شكرا علي الترحيب اللذيذ ..

سماح نور كتب:جيدا جاااااااااااات اختك لينا .... خطوة عزيزة ويوم موعود بجيتها
والدار ترحب بيها وتنور بيها
ونشوفهاااااااااا

ازيك يا سموحه ..
تشكرات كميه علي الترحيب ..
نشرح ليك زي الصادق واللا ....

ايديك العافيه يا اخيه

اميره عوض عبدالله كتب:ترحب بيك ياخوى الدنيا انت واهل الامتدادوتفتح عليك م بالصحة والعافيةوالرزق ابوابا

يا هلا يا مرحبا .. مليــــــــــــــــــــــ100 ـــــــــــون مرحب بيك ياغاليه
انا شخصيا مبسوط عشان حا نعمل لوبي قوي في الحته ..



لو في اي واحد ( الصادق خليفه ) عمل ليك حركات .. انا ما بعرفو الرج طوووالي
 
تحياتي ليك و الاولاد .. ولنا عودة

كل الترحاب بالاخت المقدم اميره فى بيتك ووسط اهلك ومسرورين بحضورك ......



________________________________________
انته كل زول جايب اخوه ولا اخته فى شكله هنا !!

عليك الله هسه انا سالتك ياكع ولا قلت ليك اشرح لى ؟؟؟؟

حبابك عشره بلا كشره سعادتك .... حباب أختك يا كع .. وحباب ناس مربع 8 ويكفي أنكم عالجتونا وقدمتوا لينا خدمات جليلة أيام كان مركز صحي سمير الوحيد في الإمتداد .. ويا أخي بينا وبينكم ميدان الإتحاد بس. ملحوظة (وين أولاد 8 القدامى ناس علي اللورش والتيمان و مأمون وغيرهم من شباب ذاك الزمن الكانوا بيقعدوا في نادي الإمتداد لمن كان في مربع 8 في الناصية المواجهة لمربع 12.

سماح نور كتب:عليك الله هسه انا سالتك ياكع ولا قلت ليك اشرح لى ؟؟؟؟

انتي زعلتي .. واللا شنو يا سموحه .. ؟؟
برضو اتصدمته فيك وللمرة التانيه ! انا قايلك ما بتعرفي الزعل .
لكن ... ارجي الراجيك .. حا تزعلي زعل يا شيخه
كتري المناديل .. بس


............
اسامه وين ؟

ترحيب حار بالاخت أميره

فى دارها ووسط أهلها .

واهلا وسهلا ،،،،،،،،

الفاتح الجوص كتب:كل الترحاب بالاخت المقدم اميره فى بيتك ووسط اهلك ومسرورين بحضورك .....
______
انته كل زول جايب اخوه ولا اخته فى شكله هنا !!

الجووووص العريس .. مُفرد الملائكه اليومين يا صاحب
ربنا يتم ليك علي الف خير
مشكور يا جوص يا خي . علي الترحيب ..
نحن ما بتاعين مشاكل ولا حاجه .. بس يبعدو مننا .. الخرده الصادق - والمعلم ابو مرضونا

كع .

يافتاح ياعليم يارزاق ياكريم .

مالك مسخن كده طواااااالى .

وعاوز مشاكل مع الناس كلها . قول يالطيف ،،،،،،،

abo sara كتب:

اوووووووووووووووه يامراحب بالمقدم شرطة /اميرة الاميره

بت حلتنا سابقا- والله مرحب بيك في دارك ووسط اخوانك واخواتك

وياريت ياسعادة المقدم ماتنقطعى وخليك دايما مواصلة معانا هنا ده

تحايانا لزوجك العزيز وعيالك

كع ازيك وين الناس يارجل؟

محمد عباس عبدالوهاب

ابو عباس اخبارك ..
وينك انت غاتس ..
اخر مرة قلته جاي الرياض لا سمعنا بيك جيت واللا ما جيت !!
عموما مشتاقووووون يا فرده ..
اتمني ان تكون هي هميمه علي الامتداد وناسو .. زي ماهي هميمه علينا
تشكرات يا اخينا

Majdi AbdulRahim fadul Mo كتب:كع بعد ده نفتح ليك سااااااي نعمل علاقات مع المقدم شرطة دي يمكن نعيد خدمتنا في يوم من الأيام وتبقالنا طهر .
ألف مرحب بيكِ أميرة عوض في بوست كع البقي فاطي كراس عربي ولسه الرياضيات ما فكت.
،،،،أبوقصي،،،،

المشكلة ما الفطه يا قلب .. كان علي الفطه هينه
في العمر الشتت في الغربه سااااااااااااااااااااااكت وبدون فايده
امبارح بتكلم مع واحد . . قال انت بقيت عجوز ومخّرف كمان
قلته ليهو ليش يا حبوب نحنا لسه .. في مقتبل العمر ..
قالي .. عليك الله دي كرش زول في مقتبل العمر انت مفروض تكون ميت
من سنة 2000 .. المهم وبرضو كان بقت علي الكرش هينه ..
ضربنا الزهايمر يا حبا ...اكون ماسك الجوال في ايدي واتصل منو علي المرة في البيت
اقول ليها الجوال انا نسيتو في البيت عليك فتشي لي !!!!!!!


اشكر علي الترحيب ..  

فتح الرحمن أبوراس كتب:حبابك عشره بلا كشره سعادتك .... حباب أختك يا كع .. وحباب ناس مربع 8 ويكفي أنكم عالجتونا وقدمتوا لينا خدمات جليلة أيام كان مركز صحي سمير الوحيد في الإمتداد .. ويا أخي بينا وبينكم ميدان الإتحاد بس. ملحوظة (وين أولاد 8 القدامى ناس علي اللورش والتيمان و مأمون وغيرهم من شباب ذاك الزمن الكانوا بيقعدوا في نادي الإمتداد لمن كان في مربع 8 في الناصية المواجهة لمربع 12.

خدمات جليلة شنو يا ابوراس .. غير المزيرة الكانت موجوده جم بيت ناس طارق شكشك
والمزيرة التانيه الجم .. بيت ناس فيصل عوض شمسون - والغريبه المزيرتين ديل ما فيهم كوز
والمويه زااااته نار جهنم !
ويا حليل مربع 8 الكان ناصيه والله !
اشكرك علي الترحيب يا مان

MARADONA. كتب:ترحيب حار بالاخت أميره
فى دارها ووسط أهلها .
واهلا وسهلا ،،،،،،،،

تسلم يا مرضونا :
زارتنا البركه قسما بالله

يحي حمد سعيد حامد النضيف كتب:

::

زاد الـمـنـتـدى أشــراقـا .. و روعــــة .. بـقـدوم أخـتـنـا / أمـيــرة حـسـن الأمـتـداد ..!!

وكـفــي بـنـا .. فـخــرا .. أنــهــا .. مــن ذات .. الـمـعـيـن الـمـمـتــع .. كــــع ..!!
:

تــحــيــاتــي .. و إحــتــرامــي

::

والله ماشالله عليك يا النضيف .. منظم وشغلك نضيف
ما مجامله دي .. حقيقه ورب الكعبه ..
اشكرك .. وبالناسبه ولدي الكبير كنت ناوي اسميهو النضيف .. والان لقبو النضيف

بس اميرة حسن ... دي ما عرفتها !!
تاني شكرا جزيلا

على الأقل يا كع لمن كنّا نشتهي باسطة مصنع البصري ولا لمن كنت أكون ماشي لتيتاوي وبكري السمين بمرّ بدياركم بسلام وللسلام على (.........) وخليها في سرك ما أصلوا البوهية جوه البرميل.......................