اليوم وجدت الرابط فمرحبا ولذكريات محببة لي مع الامتداد ومدرسة الامتداد 5 الابتدائية بنين

مرحبا اخى الرفاعى
وتحياتى لك ومنتظرين حكاويك

مرحب بالصديق الرفاعي عبدالعاطي حجر

الأمتداد (5) الأبتدائية أحدي مدارسنا الجميلة وقطعا الزكريات في البدايات منقوشة في الزاكرة ولا تُبارحها رغم ما مر علي الزاكرة من عجلات الزمن تبقي مرحلة الأساس أساسية طفولة براءة مختزنه نفرد لك صفحاتنا قبل صفحات المنبر علك تروي بها ظمئك أولا ثم إحياء زكريات عزيزة عليك وعلينا ومعظم دفعتك هذة زاملتها بالمرحلة المتوسطة الأمتداد(3)مدرسة تخرج منها أعلام بقامة وطن ممتد فيها زكريات وعلائق أخوية متميزة ،مرحبتين حباب رفاعي حجر بين أهله .

،،،،أبوقصي،،،،

الاخ عبد العاطى مرحبا بك فى الحى المتفرد ونحن فى شوق لسماع حكاويك عن مدرستنا الامتداد (5) سابقا طلحة بن الزبير حاليا والتى قضينا فيها احلى سنوات العمر لما كانت تضمه من اساتذة اجلا وطلاب لا يتكررون
مع محبتى
حلمى محمد عمر
مربع 11 واحد طلاب الامتداد 5

[quote="الرفاعي عبدالعاطي حجر"]

الاخ الرفاعى تحياتى
انا من الدفعة التى تخرجت فى العام 1984 وكانت من اميز الدفعات لم تضمه من طلاب واستاذة لم ولن يتككروا بقيادة الاستاذة صلاح والاستاذ نجيب والاستاذ سيد وعبد الحليم والاستاذة احسان والناظر السر ومن طلابها سيف الدين فقيرى وابوبكر جبر الله ومعمر محمد عثمان وشقيقه جمال وخالد جعفر عقيد ووليد عبد الرحيم ومنور سليم وحافظ سيد احمد وياسر عبد الكريم ومعمر عثمان الحسن وانور العاقب والجيلانى حسين (نميرى)والمرحوم لؤى خالد نمر والكثير من الرائعين الذين لا يسع المجال لذكرهم واذكر عند امتحان الشهادة الابتدائية نجح كل طلاب الدفعة وانتقلنا الى مدرسة الامتداد 3 المتوسطة
مع محبتى
حلمى

مرحبتين اخى عبد العاطى ونحن فى انتظار حكاويك
اخى حلمى لك التحيه ..نصف الذين ذكرتهم انتقلو فعلا للامتداد 3 اول مره اعرف عدد منهم درسو فى 5 بالذات نميرى (الجيلانى ) والله يا حلمى ا تمنى اقابل شخص واحد كان معانا فى فارابى هو خليل ( الالفه ) بالله لو عندك عنوان ليه ومعى فى نفس الشركه على صالح (قزقاذ ).
مع تحياتى

الاخ محمد عبد الرحيم
لك التحية حسب اخر معلومة عرفتها عن الاخ خليل انو فى السعودية ولكن لااعرف فى اى منطقة بالضبط وعليك الله سلام كتير جدا للاخ والحبيب على صالح (قزقاز)الذى قضينا معا اجمل سنوات العمر بمدرسة الامتداد 3 ولازالت مستمرة حتى الان .

العزيز حلمي طبعا من هؤلاء عرفت ابوبكر جبرالله اخو طارق جبرالله أكاد اعرف الاسرة كاملة حفظها الباري , ربما هو الان طبيب بالسودان علما اعتقد التقيت طارق جبر الله في الخرطوم بعد طول غياب .

محمد عبدالرحيم تحياتي يا ملك والامتداد خمسة تحتاج الكتابة عنها الى ذواكر متقدة فهيا لنحكي عنها :

كنا نأتي المدرسة من البوابة الغربية قادمون افواجا من الشمال مربع 7 و11 والعشرة والعشش , مرورا بملعب مسيك ومسجد مسيك وامامنا بيت آل قناوي والفرن في هذا الشارع نلتقى زرافات ووحدانا كان قبل الوصول للمدرسة تجاورنا مدرسة خمسة للبنات رهط من الاطفال اولاد وبنات الحلة والمربعات المجاورة قادمون بامل كبير في التعليم , كان في ذاك الوقت اساتذة مداخلتك ذكرتني هذا الاستاذ المحبوب والحبوب استاذ نجيب كان انموذج للرجل المحترم والمعلم القدير كان مهذبا في تواضعه خجول , بالمدرسة كانت اسرة الغفير وبعد بيت الغفير على يسارك وانت داخل المزيرة وهناك كانت الاشجار تظلل المدرسة في ناحيتها الجنوبية والفصول بالترتيب اولى وثانية وثالثة وهكذا في اخر المدرسة الصف السادس لكنا عندما وصلنا سنة سادسة كانت المذاكرة في فصل سنة تالت لانه مجاور للمكاتب ... تدخل المدرسة في يومها الاول وفي روح الطفل المرتبط بالبيت والام وانتقال مدهش غير سلسل من الروضة الى المدرسة في الروضة كانت القصة ونسة واكل ولعب ونظافة عند ماما آمال اوتذكرها كانت هذه الروضة قريبة من مدرسة 5 لكن لا اذكر تفاصيلها البتة هي بيت مستأجر به بعض العاب وحاجة كبيرة تعمل سندوتشات وسائق وبوكس يوزعنا لكن تغيب عني عموما دعنا في مدرسة الامتداد 5 الجميلة والتي تهفو اليها النفس تلك الايام الخوالد نأتي المدرسة ثم نعود تبدأ الذكريات والمعرفة والصداقات والمشكلات بعد الصف االرابع فحينها بعد الرابع ما ان يطلق الساعي يديده بالجرس رنينا حتى ننطلق الى المزيرة وبعضنا الى الشارع في تلك الايام يبدأ تحملك لمسؤولية اختيار الاكل ففي الرابع اذكر تُركنا من السندوتشات البيتية وبدأنا نطالب بأن نأكل عند حاجة فلانة عندنا كان امام المدرسة وانت خارج يمينا الحداد ابو طالب اسمو ناجي تقريبا وبعده إمراة كانت تبيع الفطور كانت تقول لي امي دي خالتك فلانة نسيت الاسم امام بيتها نشتري الفطور ونشتري الايسكريم والشطة والعجور ودقة القنقليز وحلاوة سمسمية وحلاوة عكاز والوان واشكال من المشتريات.



نواصل ذكريات .


تحياتي لكل اولاد الدفعة بالامتداد 5 وكل طلابها ومدرسيها طبعا نحن ولمرة واحدة درستنا مُدرسة ولم تعود ...


..........................................................................حجر.

من الطلاب الدرسوا بها جنابوا عمادالدين خلف الله عيساوي،محمد يعقوب (كتلي)
وأيضا علي ما أعتقد مولانا معتصم خلف الله عيساوي علي ما أظن ولنا عودة ومعظم الطلاب أنتقلوا مدرسة الأمتداد3 المتوسطة ولنا بوست توثيقي هنا وفي سودانيزأونلاين لمن أراد أن يطلع عليه ويعطي إضاءة عن تلك الفترة الجميلة.

،،،،أبوقصي،،،،

اخونا الرفاعى تحياتى القلبيه
لم ادرس فى الامتداد 5 لكننى فى المتوسطه التقيت بناس امتداد5
وضمتنى معهم الامتداد 3 المتوسطه فسطرنا احلى ذكريات وكانت
شلتنا فى المتوسطه معظمها من ابناء تلك المدرسة الجميله ،دعنى
عبر مساحتك ارسل التحايا لهؤلاء الرائعون من امتداد 5
احمد جعفر ،الفاضل،محمد الشيخ ،عبد الله حمد ،عماد الرشيد، منيرادريس
عبد الرحمن صالح،

قرجاج

كيفنك يا امير

كل من ذكرت ربما هم اصغر منا سنا , التحية لك والتقدير , وقد ضمت الامتداد 3 مجموعة كبيرة من طلاب خمسة التحية لك وللجميع وخليك قريب .


...........................................حجر.

الرفاعي عبدالعاطي حجر
الفاتح الجوص
ابو قصي
حلمى محمد عمر
عمادالدين العاقب
محمد عبد الرحيم قسم الله
مدثر قرجاج
كل متابعي المنتدي
السلام عليكم ورحمة الله وبركاته
والله بصراحة انا ما مصدق لقيت موقع الكتروني للامتداد الجميل، بالرغم من ضرورة تطوير الموقع وانا مستعد اعمل استايل جديد للموقع بشكل احلى من كدة عشان خاطر عيون ناس الامتداد وانشاء الله التصميم بي يدينا ما محتاجين ناس من برة تصمم لينا، الاخ عبد الله كع هو الوراني الموقع، بالرجوع لموضوع الامتداد 5 صراحة ذكريات كثيرة لكن اكتر حاجة بتذكرا (السقط) ياخ المدرسة دي فيها سقط تقول في القطب الشمالي ، وله يمكن عشان كنا اطفال ما بنستحمل السقط ههههههه، واحلى حاجة كانت المدير استاذ السر كان جنو يقول عايز قروش الدرس كل يوم يقطع الحصة بي سبب قروش الدرس مع انو الناس كلها دافعة لكن كان عندو المرضة دي، قيتو دا في زمنا نحن 1984-1990، حلمي محمد عمر (ود حلتنا زمان) ازيك يا رائع، البسال من خليل الزول دا تمام التمام واتزوج في السودان ورجع الرياض وساكن في حي اسمو الازدهار ومتواصل مع الشباب،الاخ الفاتح الجوص شوفتك في بوست تاني بتسال من عز العرب برضو تمام وكان في السودان قبل سنة ورجع السعودية و موجود في مدينة جدة وامورو مية المية وانا حاكلموا عن سؤالك عنو. من الناس التم ذكرهم في البورت عبد الله حمد (كركر) موجود في الرياض والحمد لله بخير وكذلك منير ادريس موجود في جدة وكذلك ضياء الدين عطا المنايا، ديل كلهم طبعا درسوا في الامتداد 5 وكذلك الاستاذ مرتضى بدر الدين واخوه وليد برضو موجودين معنا في الرياض، والصادق وشي وغالب التهامي وابراهيم التهامي، وعاصم كمال ، خالد السمين، خضر كرنديس، عبد التواب اخو عارف مربع (7)، احمد غربية، يوسف كنب (اخ المرحوم عبد الرحمن له الرحمة والمغفرة)، محمد خضر العبيد، عز الدين الطيب الخضر، وما ننسا الرائع نادر الخزين موجود في المنطقة الشرقية وعلى اتصال دائم بالشباب، نجم الدين عبد الله (اخو بهاء الدين)،عبد الخالق ، ياسر قرشي،عصام خليل،هشام عبد المطلب،محسن جودة، وكذلك محمد حسب الرسول هاشم (مربع بس ما قابلتوا، ، ولسة في ناس كتار ما ذكرتهم ..
لكن الناس بتتواصل بصورة منتظمة

سلامات الاخ هيتم وشرفتا بيتك والله وهو بيت كل اهلنا فى الامتداد وحتى الاخرين فى البدايه انا اشكر لك جهدك فى تطوير الموقع ونحن محتاجين لذلك وده عنى فقط وده شى ما غريب على ناس الامتداد وطبعا المشرف على الموقع محمد مصطفى للاسف هو فى اجازه هذه الايام ومجرد رجوه ممكن ان تقوم الاتصال به وعمل الازم وانته اصحاب شى وبتعرفه اكتر مننا ....
والشى التانى شكرا كتير على اخبار عزالعرب وهو اخوه وصديق غالى وارجوه انه تعطيه التلفون وهو 00491776080148 واكون شاكر لك ...
وطبعا الواحد منسجم فى حكاوىمدرسه مربع5 زكر اسم الاخ سيف الدين فقيرى وهو موجود معنا هنا فى المانيا وتخرج من الطب قبل سنوات وبخير
تحياتى

الاخ الفاتح
سلام
بالله بلغ تحياتي وسلامي للاستاذ سيف الدين فقيري الراجل دا درسني في يوم من الأيام، بتذكر لمن كنت ممتحن من المتوسطة للثانوية ووقف معانا وقفة جامدة وهو رجل بحب الخير للناس وراجل محترم جدا بلغوا تحياتي وقول ليهو هيثم تكه باك الهدف بسلم عليك.
بخصوص عز العرب انشاء الله انا ماشي جدة بعد اقل من اسبوع وحنكلمك من هناك.
معزتي

اخونا وود حلتنا هيثم تكة او هيثم شوشة والله ليك وحشة يا زول يا رائع والله شوقنا كميات وحبابك الف فى الحى المتفرد ووتعازينا الحارة فى حبوبة وطبعا وصلنا الشباب فى البيت وقابلنا هم كلهم ولو سالت عن اخبار الحلة والله الفضلوا كويسين والفضلو دى دلالة عن العدد الكبير من الناس العاشرتهم ورحلو تركو الحى زى ناس خالد صقير وناس اسامة حمام وابو ترية ياخى تصدق انو ناس احمد راس باعواالبيت وخلو مربع 11وبقينا كل يوم نسمع عن زول رحل وزول عاوز يرحل
اما اخر خبر فى الحلة اخونا سمير النور اخو فردتك التوم يوم الخميس القادم ثبدا مراسم زواجه وطبعا التوم البقى بوليس قال العرس حيكون حدث بالمناسبة العروس اخت زرياب ما عارف لو بتعرفوا والا لا بلغ سلامنا لجميع الشباب المعاك ومن هنا حا تعرف منى اخر اخبار الامتداد عامة ومربع 11 خاصة
حلمى

حلمي كيفك يا غالي

حلمى محمد عمر كتب:اخونا وود حلتنا هيثم تكة او هيثم شوشة والله ليك وحشة يا زول يا رائع والله شوقنا كميات وحبابك الف فى الحى المتفرد ووتعازينا الحارة فى حبوبة وطبعا وصلنا الشباب فى البيت وقابلنا هم كلهم

الله يبارك فيك وما بتقصر وشكرا ليك....

حلمى محمد عمر كتب:عن اخبار الحلة والله الفضلوا كويسين والفضلو دى دلالة عن العدد الكبير من الناس العاشرتهم ورحلو تركو الحى زى ناس خالد صقير وناس اسامة حمام وابو ترية ياخى تصدق انو ناس احمد راس باعواالبيت
وخلو مربع 11وبقينا كل يوم نسمع عن زول رحل وزول عاوز يرحل

يا ساتر معقولة الكلام دا وناس صقير رحلو وين؟

حلمى محمد عمر كتب:اما اخر خبر فى الحلة اخونا سمير النور اخو فردتك التوم يوم الخميس القادم ثبدا مراسم زواجه وطبعا التوم البقى بوليس قال العرس حيكون حدث بالمناسبة العروس اخت زرياب ما عارف لو بتعرفوا والا لا بلغ سلامنا لجميع الشباب المعاك ومن هنا حا تعرف منى اخر اخبار الامتداد عامة ومربع 11 خاصة

ربنا يتم على خير وبلغوا احر التهاني، ايوه اخت زرياب شوفتها والله نعم الاختيار وانشاء الله بيت مال وعيال ، وسلامي لصديقي التوم كنت بتصل عليهو طوالي بس الرقم راح مني في سفرتي للهند واعتذر ليهو بالنيابة عني يا حلمي..

وكمان طمني عليك وعلى اخبارك وكل الاهل ، انا انشاء الله نازل اجازة يوم 26 رمضان لحدي خامس يوم في العيد اجازة بسيطة بس كعب العدم..

حبيبنا شوشة تحياتى طبعا ناس صقير رحلو حى الازهرى طبعا اى زول برحل من الامتداد بمشى الازهرى او عيد حسين او جبرة حقتكم والله يا هيثم بقيت كبيرة خلاص ولما توصل بالسلامة ما حاتعرفا ويا هيثم كلم الشباب المعاك ناس كركر وضياء الدين وغيرهم يسجلوا فى الموقع عشان نعرف اخبارهم واعرفك ان جميع الاهل بخير ونحن فى انتظارك على احر من الجمر واجازة سعيدة

اخي الرفاعي ود حجر الصنديد
سلام لكل اهل الامتداد الامتداد انشاء عام 1964 اي يبلغ من العمر الان 45 عام هي عمر ذلك الحي المتفرد علي قولة ود جبريل .....يا ود جبريل طال غيابي عن البوست (في سودانيزونلاين )لاني فاقد الباسورد منذ زمن بوشاية خبيثه باني شخص وهمي وفشلت في اقناع اخونا بكري ابو بكر باني ازهري محمد موسي شحم ولحم ............
المهم اننا سوف نلتق هنا وكبرو الكوم يا ناس الامتداد حتي يكون هذا الموقع متفرد ...يحياتي للجميع ...

ياجماعة وين ناظر المدرسة دي ؟

خالي الطلبة في الحوش ومسجل غياب التحية لكل أبناء الأمتداد ومدارس الأمتداد مجتمه.

،،،،أبوقصي،،،،

[quote="الرفاعي عبدالعاطي حجر"][center][color=red][size=18]
[color=red]حسب اللافتة هي مدرسة الامتداد خمسة الابتدائية بنين

البوست دة كان غطس وين ؟ اول مرة اشوفو -التحايا لك العطرة اخى القامة الرفاعى لك ولكل المتداخلين
طبعا انا لم اكن محظوظ بدراستى معك في الامتداد 5 ولكن كنت الدفعة البعدكم في حلويات سعد
ننتظر المتابعة في الحكايات الجميلة

وهيجتنى الذكــــــــــــــــــــــــــــــــــــ ياغالى ـــــــــــــــــــــــــــــــــــــــرى