اخوانى بالامتداد

سعدت بهذا العمل الرائع من اخى محمد مصطفى الذى جمع شمل الاخوة فى المنتدى المميز الذى يضم ابناء العشيرة (الامتداد)
ولكم الود يا اهلى

كنته لازم اكون اول زول يرحب
الصديق والاخ الغالى اسامه العب شرفته بيتك الكبير وسعيد بوجودك
تحياتى للجميع

اسامة محمد الحسن محجوب كتب:سعدت بهذا العمل الرائع من اخى محمد مصطفى الذى جمع شمل الاخوة فى المنتدى المميز الذى يضم ابناء العشيرة (الامتداد)
ولكم الود يا اهلى

الأخ الصغير .. أسامة
والله مشتاق للوالدة وأخوانك بصورة لا يعلم مداها إلا الله ..
تحياتي لهم ولك يا ظريف ..
وبالمناسبة بسأل عن عماد علي فرغلي وأخوانه ..

أسامة محمد الحسن الزول الجميل لك ياغالي مؤنة عشرة أعوام ويزيد من الشوق وقد كان آخر عهدي بك عندما كنت لاعب بنادي الأمتداد وقتها أنا في الجهاز الفني للنادي وعضو مجلس إدارة بالله التحية عبرك للأخ أبوعبيدة نرجو أخباركم عبر هذة المساحة بأستمرار محبتي الأكيدة
مجدي عبدالرحيم
14منزل رقم 4
،،،،أبوقصي،،،،

عمادالدين العاقب كتب:

اسامة محمد الحسن محجوب كتب:سعدت بهذا العمل الرائع من اخى محمد مصطفى الذى جمع شمل الاخوة فى المنتدى المميز الذى يضم ابناء العشيرة (الامتداد)
ولكم الود يا اهلى

الأخ الصغير .. أسامة
والله مشتاق للوالدة وأخوانك بصورة لا يعلم مداها إلا الله ..
تحياتي لهم ولك يا ظريف ..
وبالمناسبة بسأل عن عماد علي فرغلي وأخوانه ..

يا عمده تحياتى واشواقى عماد على فرغلى طبعا موجود فى الامتداد فى بيتم زاتوه واخوانه كلهم هناك ايضا معاده فرغلى والفاتح واختهم فى السعوديه معاكم فى الرياض وتمنا منه كله يكونه معانا هنا .....
بعدين يا عمده انته سالته عن ناس اهل المرحوم صلاح سانتو رحمه الله طبعا كل الاسره فى كندا معاده الحبيب حمدوه واولاد المرحوم يعنىاخواتنا نعومه وتغريد العربى بكونه نسه وان شاء الله نشوفه قريب
تحياتى

الصديق اسامة عساك طيب ومرحبتين
طبعا انت مانسيت دفعتنا الرائعه فى مدرسة بشير ولاانسى حين كنا نصتف على جنبات الملعب
نتابع ابداعاتك الكرويه ايام الدورة المدرسيه ولاانسى حين كان جميع من الفصل ياتون اليك
لتكتب لهم اسمائهم بخطك الرائع المموسق والله يااسامه لحدى هسه انا متذكرو.....
محبتى الاكيده...........واكيد لنا عوده للماضى الجميل

اه يااسامة فرحان وبنطط قابلت ابوعبيدة قبل يومين في لندن انا والاخ عوض كمبا وكانت ليلة بحق من اجمل الليالي تسامرنا وضحكنا واسترجعنا احلي الزكريات وابوعبيدة مازال هو ابوعبيدة لم يتغير ضحكته المعهودة وقفشاتة ..وتاني حنكون متواصليين انشاءالله وخاصة الاخ عوض كمباء رحل من الضواحي للعاصمة لندن ..عوض رجل هميم والله طول فترتي معاه ماقصر تب ود رجال وامتدادابي اصيل
لحدي ما ارجل افوتكم بعافيه

عزيزى , مدثر
لك منى اسمى ايات الود والامتنان
وشكرا على الكلام الجميل اللى انا ما قدرو
وانا فخور بهذه الصداقة التى امتدت لثلاث عقود
وربنا يجمعنا فى ساعة خير يا رب

اخي الصغير اسامة نرحب بطلتك البهية و انت امتداد لاسرة عظيمة ربنا بجمعنا قريبا فقد طال الافتراق

ما تتخيل سعادتى بى مداخلت
لانى من اول يوم لى فى المنتدى وانا بفتش ليك
واليوم السعيد الليلة جابك
ما تنقطع ؟؟

زامر الحى الذى يطرب
واللة يا عمدة كلامك جميل وبيعجب
وربنا يجمعكم دايما على الخير
كمبا قام بالواجب اللى كنت ح تقوم بيه
لو جاء هو لسويسرا, نحن اهل وحالتنا واحده
بلغ سلامى لى كمبا
تحياتى للاولاد

الاخ العزيز اسامة
تحية طيبة وسلامي لكل افراد الاسرة الكريمة
وربنا يلم شملنا في السودان الحبيب ويكتب لنا
الرزق في بلادنا

الغالى , خالد اميقو
سعادتى لاتوصف وانا اتواصل معك
بعد هذه السنين
وافتخر بأنى زاملتك ولعبت بجوارك بنادى الامتداد
وان شاء اللة ربنا يكتب ليك الرزق فى السودان
بين جيرانك واحبابك يا احرف زول
تحياتى للاسرة

اخوانى بلامتداد سعدت بهذا العمل الرائع من اخى العزيز محمد مصطفى وبقيه الكوكبة النيرة من شباب الامتداد الذى جمع شمل الاخوة فى المنتدى بالرغم باننى ليس من سكان الامتداد العريق لكننى درست احدى المراحل التعليمية فى الامتداد ولدى اصدقاء كثر من تلك المنطقة ومن محاسن الصدف اجد ان مدير المنتدى الاخ بل اخو الاخوان محمد مصطفى ابن الامتداد البار واحد لاعبى فريق الرد استار واتمنى ان اجد بقيه الدفعة فى هذا المنتدى الرائع وان يكون هذا المنتدى همزة وصل لجميع اهل الامتداد للتواصل مع بعضهم البعض وعازرونى لو وجدتم اخطاء لغوية ودمتم ودامت ايامكم

ابو عبد الله أسعد الله أيامك ياقريبي
والف مرحب بيك بين أهلك وناسك

وفي رحلة البحث عن الدفعة
أما عن الاخطاء اللغوية فعاذرنك لأنك من غير الناطقين بها
وفي حالة تأنيث وتذكير ترجع طوالي لأخونا الكبير مجدي عبد الرحيم

الف مرحب بيك مرة تانية