سلام كبير من الاخوة خارج البوست بمربع 1&4 - وليد كرنديس

نجلس يومياً عند العصرية في ميدان الردستار (جنب بيت العزيز محمد مصطفي - اللساتك) نشاهد اي تمرين فيه ويكون الحضور الاكبر يومي الاثنين و الاربعاء لتجمع كل شباب الامتداد بمختلف الاجيال بشكل رائع يحكي عن كل الترابط والوحدة لهذا الحي الراقي الفريد ومن هنا اقول للمتفرد ود جبريل لقد استخدمت المعاني الكاملة ( الامتداد ذلك الحي المتفرد) وهذا التجمع له رواج عالى في مختلف ارجاء العاصمة القومية :

تمرين الاثنين يجمع كل من :- احمد جمعة هنو - منيه - احمد الطريفي - عيسى جبريل - شوكت - عثمان محمد الحسن سكو - آل ابنعوف - الجخس - حسن جاد كريم - حسين وداعة وحنني - سالم الخير - طمبل - المعلم عابدين ابو - فيصل الطويل -الفرزدق -عوض تتو - مجدي الجمري - عادل شاويش - ياسر الحاج ود السمين- ياسر جاد الله - عوض الامتداد - الكيييت - والكوتش دفع الله - عصام طلقة ود مالك وخالد حلبى و مصطفي حوته وطلال لطف الله (ناس الاجازات) والحكم المرتشي دائما فتاح عابدون والنجوم صبحي ومبارك سليمان وزيكو (سيد الاسم)

اما تمرين الاثنين :- حافظ خليل - الفاتح فريجون - الباقر فريجون- عماد ادريس - النصير - الكتة - علي (شقيق فيصل الطويل) ايهاب اسماعيل - خطاب محمد الامين- علي الجعان - نجم الدين - الفاضل - هيثم دنش - متوكل التوم - اسامة محمد الحسن - مرتضي سكو - لايوقة - عوض طلقة - عبد الهاي ياسين- محمد مصطفي والفاتح الجص و خالد سويسرا واشرف محمود (ناس الاجازات) والنجوم ابازر شريف وغسان ( نجما المريخ ) وريتشارد والمعلم جندي نميرى وسامي الحماداب وطه ميلا وبكري السحار وبكري خضر وخالد نيلز -

اسف جدا للايطالة وللذين سهى ذكرهم ..................................
هذه الاسماء 60% من الجملة الحقيقة ومن كل مربعات الامتداد يوجد رائعين ينتمون لهذا التواصل و في كل هذه الجلسات ياتي سيرة البوست الرائع الذي يجمع كل الامتداديييييين داخل وخارج الامتداد (الوطن)

من هنا وقد ترك الاخوة باللساتك التحية والتقدير لكل الخوة خارج البلاد ويدعونهم الى ذلك التجمع في اجازاتهم والمشاركة في التماريييين لتسترجع زكريات على الطبيعة مع بني جيلك


ملحوظة خطيييييييييييرة جدا وموسفة :-

فريق الامتداد مهدد بالهبوط وسوف يلعب سنتر ليق للبقاء بالدرجة الثانية ---- نتمني قلوبكم معنا ولنكون يداً واحدة داخل الحي المتفرد


التحية الخاصة : السيد عامر تيتاوي الذي لم اتمكن بالجلوس معه في هذه الجازة و الحبيب محمد مصطفي وعائلتة الكريمة

سلللللللللللامي لكل الاخوة داخل البوست وخارج الوطن ورمضان كريم

ابنكم وليد كرنديس

عزيزى وليد رمضان كريم وان شاء الله الاهل والاولاد طيبين
ميدان الردستار كان ومازل دائما تجمع لكل ناس الامتداد وتجمع فيه كل محبه وتقدير والناس بتجى للونسه ومعرفت اخبار واحوال الجميع
يعنى حاجه اكتر من الكوره وقالو لى من مشيت صحبك حافظ طوالى مضروب واسع رسل لى عقد قال لمن اجى الاجازه ارحع العب معه تانى انا طبعا قولته ليه بسال خطاب (ناس البنوك ديل قالوا بدفعه اكتر ) بالله تحياتى للكل
وطبعا خبر مزعج انه الامتداد النادى العظيم وبعظمت اهله يصل للمرحله دى .... قلوبنا معكم ومع الامتداد وان شاء الله كبوه ونرجع احسن من ما كنا ودى على الاقل بتوحد الناس حول النادى وما نشوف شر ان شاء الله
تحياتى

العزيز الجص ملك المغرزة في مربع 4

تحياتي و اشواقي وتحيات كل الاخوة بمربع 1&4 لكل الحبايب المعاك ولا تنسانا من صالح دعواتك
اخرمرة دعيت صحبك عبد الهادي جات فيهو

شكراً اخونا الصغير وليد ومبروك عليكم شهر رمضان الكريم اعاده علينا
وعليكم بالخير والبركات وامطار الخير هلت عليكم وانشاء الله سوف تهل
على فريق الامتداد بالخير والثبات والصعود للاولى انشاء الله وقولوا آميين
يالله وربنا يوفقكم في المرحلة القادمة وسلامي الخاص للاخ الجخص
والسلام الى الجميع ... الاخ وليد ادخل مكتبة الصور وشوف شخصك وانت صغير ...........بنقوري

حمد الله على السلامة يا ود التوم وجودك بالبيت الكبير الامتداد شرفنا
والله والف حمد الله على السلامة والوصول من السودان ورمضان كريم
واعاده الله عليكم وعلينا باليمن والخير والبركات وسلامي للاهل والابناء

مع عاطر التحايا والاشواق................ بنقوري

سلامى وتحياتي للاخوان بنقوري وقدره كم انا سعيد للرد والتواجد بينكم وارجو ارسال اي مقترحات للنهضة بهذا البوست الرائع
من جانب آخر اطمئنكم بان العم جعفر والخالة زبيدة باحسن حال ولا تخلو مداعبات العم جعفر الى الان

وليد كرنديس

رمضان كريم ،وزكريات الأمتداد متفردة في كل فسحاتوا وميادينوا وميدان الردستار نزكروا بدورة الأشبال زمن اللاعب الريف عزالدين أبو درق وطرائف قرشي محمد نصر وصديق آدم والجميل الأتنين عملوا بالتحكيم في الرابطة ووقتها أي كاس أشبال نزل شالوا الجزائر وحتي وصلوا الرابطة تلك المجموعة كانت تميز الجزائر وزكريات الخواجة بول
واصل ياجميل،وقلوبنا مع الأمتداد ياحليل زمنكم ونحن في دائرةالكورة وقتئذ.

،،،،أبوقصي،،،،

صديقي اللدود . وليد كرنديس

رمضان مبارك عليكم ..
آسف للتأخير .. المشاغل (هلكتنا) ..
الامتداد والسودان كلو بخير طال مافيه أمثالك من الشباب
الهميمين ..
لاتحرمنا من التواصل .. وسلامنا للأهل جميعاً وبالأخص (لايوقا) ..

ذكرياتنا جميلة .. لكن ذكريات إجازة 2008 لها طعم خاص ..
من عفراء إلى ال (فرعاء) وبالعكس ..

أتوقع إتصالك في العيد .. عشان (تحلّل) إتصالي عليك في رمضان

ياراجل يا كعب !!

تحيات خاصة للأخ بابكر التوم سرور .. وألف مرحب بيك
في دارك وأهلك !! سنييين يا قدرة !!
أحسن أقول (قدرة) ؟ ولا اللقب التاني ؟

الراجل الجميل بنقوري ..
مقصر معاك شديد والله ..

تحياتنا لأسرتك الكريمة ..
على أمل اللقاء بكم قريبا إن شاء الله
ورمضان مبارك
وماتنسونا من صالح الدعاء !

الاخ ابو مصطفى شكرا ليك كتير والله مافي اى تقصير
والامور حلوة وجميلة بوجودكم ورمضان كريم وسلامي
لاسرتك الكريمة وسلامي للامورة الحلوة التي نورت علينا
المنتدى وماشاء الله وتبارك الله وربنا يخليها ليكم آميييين يا رب
والسلام الى الجميع .................. بنقوري

الاخ وليد والاخوان بمربع ١و٤
سلام واشواق وربنا يحقق الاماني وكل سنة والجميع بالف خير وعيد الاضحي انشاءالله معاكم
ميدان الردستار شجرة ناس ابنعواف دكان العم امين الله يرحمه وميدان الزاوية اماكن في الذاكرة والمرور عبرها يجسد حكاية عشق وهيام بما فيها من اشجان كرم وطيبه وحسن خلق وخفت ظل واسماء سطرة باحروف من نور معني الود والتراحم. فكانت ومازالت مدرسة تخرج كثير من الاجيال

الاحبة الاعزاء ..... عسسسسسساكم من عوووووووووادة
اهلي بالداخل والخارج من ابناء الامتداد كل عام وانتم بخير
وكل سنة وانتم طيبين وكل سنة وانتم احلى وحلوين وربنا
يحقق اماني الجميع والعام القادم يعود علينا بالخيرات و
البركات ..... مع خالص حبي واشتياقي لكم وللامتداد العريق

الاخ ..... وليد .... مدنا بالاخبار والاحوال عن الوطن الكبير الامتداد
ونحن في انتظار الاخبار منك ووفق الله وكتر خيرك
مع تحيات ............. بنقوري

الاخ وليد
مشتاقين كتير, انا ما عارف المغتربين نحن ولا انت!!!
لأنو جياتنا للامتداد بقت اكتر من جياتك وحتى لو جيت يومين وتسافر تاني
والله عاوزين تقعد ونتونس زي زمان يا راجل يا راقي وانت دايما لامي الناس حتى في البوست بتاعك,,
والتحية عبرك لرجل المغارز الفاتح الجوص وبابكر التوم (فينك ياراجل) والاخ العزيز احمد بنقر(أبوجعفر) وللحريف محمد مصطفى

وينك يا أصلي ووين تلفوناتك المفرحة - مشتاقين كتير وفي الإنتظار. وتحباتي لأخو القدح.  

معقول لكن ؟ عادل حسين وخالد عبد الرحمن في يوم واحد؟

طيب كنتو تكلمونا عشان نفرش البورد رمل
ونزيّن أركانو بالورود ..

ألف مرحب بيكم في (عقر) داركم ..
والبركة فيكم وفي أمة محمد
وربنا يجعل أمواتكم في جنة الخلد
ويتقبلهم قبول حسن ..

وألف مرحب بيكم نورتونا والله

الاخوان خالد الدب وتنقو

والله وشتاقيييييييييين كتير - الله انا مافي شى بجيبنى الخرطوم الا الامتداد وناسوا
ولازم نتجمع قريبا انشاء الله

تحياتي - محمد مصطفى ووليد كرنديس / جعلكم الله ذخراً .. وتحياتنا لكم الشباب داخل وخارج البوست