ياناس الامتداد عليكم ان تلتفوا حول هذا المنتدى بالصبر وعزيمة

كثرت هذه الايام الاحباطات داخل بوستينا الجميل وهمهمات الغضب بدأت تعلو بسبب قلة المداخلات
ورغم ده ماعايزين حكاية شلليات وماعارف الاوهام التجاريه دى ،مافى حاجه اسمها شلليات، نحن
هنا اى زول عندو حرية الاختيار فى المواضيع العايز يداخل فيها ، ورغم اقتناعى بضعف المشاركه
الا ان هذا هو ليس السبب الحقيقى الذى يجعلنا نتوهم ذلك ويخرج علينا بعض الناس ويقولوا ليك نفس
الشلليات الحاصله فى سودانيز اون لاين متناسين ان هذا البوست كان امتداد لذلك العمل الجميل فى
سودانيز اون لاين وان القائمين على امر سودانيز لم يدخروا وسعا فى الاشراف على هذا المنتدى
والسهر عليه لما لديهم من خبرة فى هذا الصدد واقول لى الناس البتدعى انو فى شلليات فى سودانيز
اون لاين اول شى انتو نعالوا واكتبوا وسلموا بعدين احكموا لكن انا ماممكن اهجر المنبر لمجرد الناس
ماردت لى سلام او نقاشت معاى موضوع ، هذا هروب لايليق باهل الامتداد ، نريد ان نكون اكثر توحدا
تحت كل الظروف ولاشك ان حماسة البدايه تشوبها بعد المستجدات فنحن بطبعنا شعب ملول زهجى ومقلق
يعنى ممكن الزول يكون قافل كده شهر مايخش المنتدى، وبتحصل كتير ،لكن نحن عايزين نحاول نكون اكثر
اصرار على الكتابه حتى ولو مافى زول رد علينا ،وماعايزين تراجع لانو القائمين على امر المنتدى يستحقون
مننا الكثير على المجهود الرائع وماممكن بعد ده كلو ناس تقول ليك مابردو على انا ما بكتب وناس تخلى المنتدى
وناس تحبط فى عزيمة الاخرين لان نحن بهذا بنكون جازيناهم بجزاء سنمار .. . لو كل يوم امتدادى واحد
خش المنتدى وطالع مواضيع دون حتى ان يرد ،ده فى حد زاتو شى جميل .. لحدى هسه لم نسمع بمنتدى الصحافة
او جبرة او برى او اللاماب او الشجرة لكننا صنعنا منتديات للامتداد ان كان هنا فى البيت الكبير بيت محمد مصطفى
او فى حوش طارق جبريل لانهم منذ البداية اجمعوا على ان تكون الديار للامتداديين كلهم يسرحوا ويمرحوا دون
حسيب او رقيب ، فانعموا يا اهل الامتداد بهذه الديار التى تدخلونها فى اى وقت وباى صورة عليكم الله فى احلى
من كده اتحداكم لو فى اجمل من كده ماعايزين نكون زى الجكس يزعلوا لاتفه الاسباب ولو الواحده عملت ليك مس
كول ساى ومارجعت ليها تقطعوا معاك ،،،هذا المنتدى بنى بعزيمة الرجال وسيظل شامخا ماتلا ايضا بعزيمة الرجال
ودمتم اهلى واحبتى

تحيات لكل الغاليين الامتداداب
اهنيك اخى مدثر على هذا الكلام الطيب وصراحة الطرح
بالنسبة لى هذة مشاركتى الاولى فى المنتدى و
اتمنى ان تكون بمثابة اعتذار لكل الامتداداب عن ضعف المشاركة
حقيقية كان الغرض من اشتراكى بالمنتدى الرغبة فى التواصل مع كل الامتداداب الافنقدناهم لمختلف الظروف اما اغتراب او ظروف عملنا خارج الخرطوم
وفرصة جميلة للتعارف وتقوية الروابط الافتقدناها فى السنبن الاخيره
وكتير بنتابع جديد الاخوة فى المنتديات وخاصة سودانيز اونلاين لكن ما باليد حيلة وحمدنا اللة ان لقينا منتدى يجمع اسرة الامتداد الكبير
لك العتبى حتى ترضى وكل اسرة منتدانا الغالى

تحية خاصة للغالين بمربع 8

نورالدايم
حبابك الف ياخ
وهذه هى الروح التى نبحث عنها حب الامتداد
يعنى يمكن نعاتب الناس الغايبه بسبب المشغوليات ونقول ليهم
تعالوا قدموا شى يسير للامتداد الاداكم الكتير يعنى عايزين
ناجج ونشعل المنتدى من هذا المنطلق مش من منطلق شلليات
وكلام عجيب انا شايف انو ماليهو داعى
التحية ليك ولكل ابناء مربع 8
مودتى وشكرا على كلماتك الانيقه

مدثر قرجاج كتب:نورالدايم
حبابك الف ياخ
وهذه هى الروح التى نبحث عنها حب الامتداد
يعنى يمكن نعاتب الناس الغايبه بسبب المشغوليات ونقول ليهم
تعالوا قدموا شى يسير للامتداد الاداكم الكتير يعنى عايزين
ناجج ونشعل المنتدى من هذا المنطلق مش من منطلق شلليات
وكلام عجيب انا شايف انو ماليهو داعى
التحية ليك ولكل ابناء مربع 8
مودتى وشكرا على كلماتك الانيقه

تسلم يا قرجاج

ياسلام يا مجدى ياخ وكأنك تنفست بالمزيد من كلماتى التى كنت اود ان اضيفها
انها الروح والعزيمه من اجل الامتداد ومن اجل الترويح عن النفس ودون شك
تحتاج الى المثابرة ومثل ماذكرت فلنكتب فيوم بكره بأذن الله جميل وحلو وينتظرنا
الكثير .. يا ابوقصى انت من اولئك الذين ماكلو ولا ملو وهم يعطون دون توقف
لايلتفتون الى من تداخل او من علق ارجو وارجو ان تكون نموذجنا الطيب ولا
شك هو نموذج يسعد كل الامتداديين ....
ونقول للامتداد .... قليل فى حقك المشوار بدور من اجلك امشى كمان وكمان
محبتى

يا الله ياعمر لوحه والله ولا اروع جميله جميله وياريت لو كان فى صور اكتر عشان تكتمل
يعنى ياعمر بامكاننا ان نكون شله واحده كما فى اللوحه شله تحتضن كل ابناء الامتداد
محبتى وشكرا على الروعه

مدثر قرجاج كتب:كثرت هذه الايام الاحباطات داخل بوستينا الجميل وهمهمات الغضب بدأت تعلو بسبب قلة المداخلات
ورغم ده ماعايزين حكاية شلليات وماعارف الاوهام التجاريه دى ،مافى حاجه اسمها شلليات، نحن
هنا اى زول عندو حرية الاختيار فى المواضيع العايز يداخل فيها ، ورغم اقتناعى بضعف المشاركه
الا ان هذا هو ليس السبب الحقيقى الذى يجعلنا نتوهم ذلك ويخرج علينا بعض الناس ويقولوا ليك نفس
الشلليات الحاصله فى سودانيز اون لاين متناسين ان هذا البوست كان امتداد لذلك العمل الجميل فى
سودانيز اون لاين وان القائمين على امر سودانيز لم يدخروا وسعا فى الاشراف على هذا المنتدى
والسهر عليه لما لديهم من خبرة فى هذا الصدد واقول لى الناس البتدعى انو فى شلليات فى سودانيز
اون لاين اول شى انتو نعالوا واكتبوا وسلموا بعدين احكموا لكن انا ماممكن اهجر المنبر لمجرد الناس
ماردت لى سلام او نقاشت معاى موضوع ، هذا هروب لايليق باهل الامتداد ، نريد ان نكون اكثر توحدا
تحت كل الظروف ولاشك ان حماسة البدايه تشوبها بعد المستجدات فنحن بطبعنا شعب ملول زهجى ومقلق
يعنى ممكن الزول يكون قافل كده شهر مايخش المنتدى، وبتحصل كتير ،لكن نحن عايزين نحاول نكون اكثر
اصرار على الكتابه حتى ولو مافى زول رد علينا ،وماعايزين تراجع لانو القائمين على امر المنتدى يستحقون
مننا الكثير على المجهود الرائع وماممكن بعد ده كلو ناس تقول ليك مابردو على انا ما بكتب وناس تخلى المنتدى
وناس تحبط فى عزيمة الاخرين لان نحن بهذا بنكون جازيناهم بجزاء سنمار .. . لو كل يوم امتدادى واحد
خش المنتدى وطالع مواضيع دون حتى ان يرد ،ده فى حد زاتو شى جميل .. لحدى هسه لم نسمع بمنتدى الصحافة
او جبرة او برى او اللاماب او الشجرة لكننا صنعنا منتديات للامتداد ان كان هنا فى البيت الكبير بيت محمد مصطفى
او فى حوش طارق جبريل لانهم منذ البداية اجمعوا على ان تكون الديار للامتداديين كلهم يسرحوا ويمرحوا دون
حسيب او رقيب ، فانعموا يا اهل الامتداد بهذه الديار التى تدخلونها فى اى وقت وباى صورة عليكم الله فى احلى
من كده اتحداكم لو فى اجمل من كده ماعايزين نكون زى الجكس يزعلوا لاتفه الاسباب ولو الواحده عملت ليك مس
كول ساى ومارجعت ليها تقطعوا معاك ،،،هذا المنتدى بنى بعزيمة الرجال وسيظل شامخا ماتلا ايضا بعزيمة الرجال
ودمتم اهلى واحبتى

أخي الكريم أضم صوتي لصوت أخي محمد مصطفي منذ عرفتك عبر قلمك كل يوم يذيد أعجابي وتقديري لك صادق القول في داخلك كل البياض أثبت قولاً وعملاً حبك للامتداد فهناءاً لنا بك

_______________


حقاً العمل العام يحتاج لكثير من الصبر والجهد والعزيمة حتي يتحقق المراد


مع خالص الود والتقدير

عوض كمبا والله ليك وحشه وافتقدناك فى المنتدى
شكرا لعباراتك الجميله جدا وممتن لك على هذا التقدير
والله ياعوض احاول فقط ان احب الامتداد بصدق وشفافيه
وياريت المنتدى ده يتواصل رغم الصعوبات ممكن انشاالله
يمتد الى امدا بعيد
مودتى

العزيز مدثر
الاخوة المتداخلون

لاشك ان كل من سجل وشارك في هذا المنتدى انما فعل ذلك بدافع حبه لهذا الحي المتفرد في كل شيء .عن نفسي حثى لو لم اشارك بالكتابة استمتع جدا بمتابعة مشاركات الاخرين .
ختاما اتمنى ان تسود روح المحبة بالمنتدى لا لشيء ولكن من اجل الامتداد ...

منير ادريس ود دفعتى
والله احب تلك الرياح التى تهب من قبلك لانها تذكرنى ايام كانت فيها الرياح
تهب من القلوب الى القلوب ذكريات حفرت عميقا فى دواخلى واختلطت فى
نفسى ،،حزن فراقها ، وفرح استرجاعها ، فباتت شجن استلذ به كلما اتعبنى الشجن
الاليم وكلما لفحنى لهيب هذه الايام المولع ... الله يامنير ليت ايام امتداد3 تعود
من جديد ليس هذا فحسب ليت الزمن يتوقف عندها الى الابد حتى ننهل من ذلك
الصفاء والتصالح والتسامح ودموعنا وقتها التى كانت كثيرا ماتمتزج بالضحك
لاننا ماعرفنا لهذه الدموع معنى نسكبها نعم لكن لانحس بالامها وعذاباتها ...
اخخخخخخخخ خليها على الله ياصحبى ومعليش خرمت من الموضوع الاساسى
والله ماخرمت شديد لان الحنين الى الاشياء والاخلاص لها والعرفان لها يكون
اساسه الحب فهى دعوة كما قدمتها انت دعوة لحب الامتداد ودعوة ليظل هذا
المنتدى وهو الناطق الرسمى باسم مشاعرنا يظل راسخا قويا
مودتى الاكيده

مدثر اخوي ,
كلامك كبير بالحيل والله من كترت ما كلامك حلو قعدت اعيد قراءة ردك عشرات المرات فقد اعادتني الذاكره الى تلك الايام الجميلة التي سعدت فيها جدا بمزاملتك انت ومجموعة اخرى من الاصدقاء الذين اتمنى من كل قلبي ان بكونوا بخير

سلامات مدثر -
نعم الجميع مقصر .. ولا عزر لاي منا
حقيقا اصبح هذا المنتدي متنفس للكثيرين منا وحتي
للشباب في السودان ..
وانا شخصيا ما عندي اي عزر مقنع - ولكن سوف تكون
لدي مشاركات يوميا هنا ولن انقطع ابدا اللا للشديد القوي


تحياتي مدثر قرجاج

عبد الله كع ياصديق
مرحب بيك فى بيتك والله عارفنك
مابتبخل على الامتداد وقد اعطيتنى الكثير من المساهمات
ربنا يبعد العوارض
محبتى

الله يبعد العوارض .. ويرجعنا السودان معاكم يا فرده ..
يا خي الغربه شينه ...
وووووب علينا منها ....