ظرفاء ملعب الرابطة - هل تذكروهم ؟

هناك نفر كريم من أهل الإمتداد خدموا النشاط الرياضي بالمنطقة وكانوا ناشطين وفاكهة ملعب الرابطة نسأل الله الصحة والعافية للأحياء منهم والرحمة والمغفرة لمن توفى - وعلى سبيل المثال وليس الحصر .
1. العم محمود سليمان مالك  
2. العم فتحي محمد داؤود
3. العم جعفر - موزع البرتقال بين الشوطين
4. باولا
5. خواجة
6. الصيني
7. محمد عجوز
8. النقيش
9. فضل أم قد
10. العم نوار
ولا ننسى الظرفاء : ـ
1. ماو
2. السر بعيرة
3. جكسا
4. محمد تيايا

وطبعاً القائمة تطول -
هؤلاء وكثر جديرون بالذكر فهم أعلام أيضاً .

ياسلام يا مجدي ،،،
ذكرتنا الزمن الجميل برموزه المختلفة - أسماء رحلت عنا إلا أنها ستظل فينا وأسماء لا زالت على ظهر هذه البسيطة - نتمنى لها ولك ولكل الحبان - الصحة والعافية .
وفي إنتظار مداخلات الأخوان ومزيد من الأسماء النيرة .
خليك قريب .
مودتي ،،،

كيفك يا تنقو

طبعا الناس الانت زكرتهم نصهم مابعرفهم لصغر سني طبعا لكن اخوي الكاشف

عبدالله كع بيكون بيعرفهم كلهم يازول ماتصدق بهظزر معاك

فعلا كانو ظرفاء واعلام والناس كانت بتستمتع بقفشاتهم وتعليقاتهم

وانت نسيت الهادي طعمية بتاع الاستديو وكشر الطويل

واحمد الزول الكان بسلم على الرابطه كلها

ولو اتزكرت زول بجيك

لك كل الود

مبروك قالو رسلت البرادو

سلام ود أبنعوف
شكراً على المرور الكريم وشكراً لتذكرينا بنفر كريم من أعلام رابطة الإمتداد العريقة ومنتظرين جياتك بالكثير من الرموز كما أهنئك على البوست الموفق " دردشة مع رمز من رموز الإمتداد " العم محمود محمد أحمد وأرجو أن تسأله عن قصة بندقيته والحرامي .
منتظرنك أبقى راجع وبرجع لك .

بمناسبة البرادو أنت تقصد البرد وللا شنو ؟

مودتي ،،،،

سلام اخوانى الأعزاء
انا عايز ادخل بيكم جوة الملعب ( جوة الجك) الحكام والقفشات داخل الملعب
اولا الحكم الدولى الطاهر محمد عثمان الحضور الزاهى ومعالجة الأمور بالقفشات لا بالكروت
ودة دايما كان بيحصل لما يكون في احتكاك خشن ياتى باللعيبة ويتكلم معاهم وثوانى وتجدهم يضحكون

الحكم عمنا (عبيد)وابو صاحبنا حمزة (ابو اضنين)
اذكر الي الآن لما يكون في مهرجان أو نهائي كأس تشوف عمنا عبيد يحمل صفيحة مليئة بالتراب
فقط علي اسنانه، ودة كان حسب صغر سننا نعتبره ضرب من ضروب الخيال

الحكم فيصل شقيق ربيع الجزائر كان دايما لما الكورة تكون مسخنة ويعلو الهتاف التحكيم فاشل
تجده في الدقايق الاخيرة قبل نهاية المبارة لايبارح الجانب الشرقى الشمالى من الملعب، ومع
صافرة النهاية يكون قريب من البيت (ويفك البيرك) جرى علي البيت0

ايضا لاننسى الحكام سعيد (جنين) - الصادق ( ود المرين) مجدى محى الدين

لكم ولهم التحية والتجلة
ودوام الود
محمد عباس

ابوقصى يارايع
المغفرة لكل من ذكرت ودوام الصحة للأحياء

ياخى قلنا ننفض الذاكرة من التراكمات اللى حصلت ليها خلال السنين الماضية

بالنسبة للحكم فيصل والله يابوقصى شوف عينى صاحبك (فللى ) علي البيت

خارج النص
اللون الاخضر دة جزائرنا ولا شنو؟

تسلم أخوى
محمد عباس

ابوقصى
والله لقيتك ابوســــــــــــــــــــــــريع عديل كدة

محمد عباس

Majdi AbdulRahim fadul Mo كتب:الجزائر ثم الأمتداد ثم السودان فالأخضر لون الأنتماء شكرا لك أبو سارة.

،،،،أبوقصي،،،،

ابو قصي معقول الكلام ده منك ياراجل ياراقي يا اصيل

يابدر الدين مجدي بيكون قاصد الجزائر بتاعت ناس ابوتفليقه بلد المليون شهيد