مشاركاتكم مامشجعة

شكراً ليك يابدر وعلي الثقة في انه البوست يلم الناس.
خلينا نكون اسماء مختلفة امكن واحد يطلع بي اسم يشد الناس لدخول البوست والمشاركة مني ليكم
خميس التمام ( او نراعي ظروف اخوانا في الدول العربية ونعملوا الاحد)

ونسيت اقول انه لازم ادارة الموقع تساعدنا بارسال اسم البوست بعد الاتفاق عليه لكل المشتركين (ولا رايكم شنو).
ويكون فيه كل الاخبار المهمة لناس الحي الحصلت خلال الاسبوع.
ولا صعبة دي افيدونا ياناس الادارة

ياأبوقصي ازيك ووينك طولت من مداخلاتك انشاء الله طيب.
فريني وينك يافردة ماظاهر انشاء الله خير.
بدر ياخوي مارديت لا بي اعوج ولاعديل؟
عبدالله ازيك وشكراً علي ترحيبك لكن ياخوي قدر الجندريات الفي معنكشين في سودانيزاون لاين ماعايزات يمرقن يدك معانا شوية دفرة

شكراً ليك يافردة ومشكور لكن بخصوص التسميه وتنويه لكل المشتركين نسوي شنو ،ماتحاولوا تكلموا ابونا طارق ياخوانا

جيناك مرة تانية اخت هاديه

انتي عارفه المفروض يتغير شكل المنتدى نهائي ويكون بي اقسام

يعني يكون ملم بكل التخصصات يعني المنتدى الاجتماعي والعام والاسلامي

والرياضي يعني زي باقي المنتديات انا بعتبر المنتدى حاليا جمع الناس لكن الناس

ازواقها مختلفه يعني لو الزول لقى اكثر من قسم اكيد بشارك في اي قسم في اليوم

لكن بشكله الحالي ما اظن والدليل انه في اغلب الاخوات بدخلو بتصفحو بس

ومابشاركوا لكن لو لقت قسم المراة بتشارك واقسام المراة كتيرة منها المطبخ والمكياج والاطفال وكدا

يعني يا اخت لازم يتغير شكل المنتدى ويتحول لاقسام حتى لو كلف ماديا

والناس تشارك ماديا لكن بحالتو دي الناس ما بتشارك ونشوف رائي الاخوان

محمد مصطفي والدكتور طارق جبريل وباقي الاعضاء

ودمتي

الاخت هادية
تب كلامك ما اعوج وانتي قلتي الراي السديد وكل الناس امنت علي ان يكون هنالك
بوست خصيصا للتوقيع من الاعضاء اسبوعيا .
وانتي اذا كنتي عايزة مشورتي المتواضعة بالنسبة للاعضاء انا بقترح انكي تختاري
اسم البوست لانكي انتي صاحبة الفكرة .

بدر يعقوب كتب:الاخت هادية
تب كلامك ما اعوج وانتي قلتي الراي السديد وكل الناس امنت علي ان يكون هنالك
بوست خصيصا للتوقيع من الاعضاء اسبوعيا .
وانتي اذا كنتي عايزة مشورتي المتواضعة بالنسبة للاعضاء انا بقترح انكي تختاري
اسم البوست لانكي انتي صاحبة الفكرة .

كلامك ميه ميه يابدر الاخت هادية تفتح البوست ونشوف المشاركات كيف

وكمان نشوف الاقتراحات وانا ممكن اختار اسم بوست تفتحو الاخت هادية

ويكون(سجل حضورك بالصلاة على النبي عليه افضل التسليم)

ويكون مثبت من قبل الادارة

ولا رايكم شنو؟؟؟

كلامكم جميل جدا جدا يا بدر و راشد و أنا ذاتي معاكم و يلا نحن منتظرين

شكرا" ليكم شديد ياشباب حقيقي خجلتوني صاح انا صاحبة الفكرة لكنها نابعة من خوتي ومحبتي وشوقي الشديد للإمتداد و ليكم علشان كده خلونا نتشاور كلنا في إقتراح الاسم
التمام ، طمنونا ، دفتر الاحوال ،ياضلنا ، جينا وسلمنا ، ياواحتنا ،بي عافية.
غايتو كل مايجيني اسم بكتبوا ليكم والعندوا يسعفنا_

ياراشد انا زاتي بسال إذا في إمكانية لي انه الادارة ترسل رسالة لكل المشاركين لدعوتهم للمشاركة وبي كده نكون ضمنا المشاركة بي الجميع وبخصوص الاسم القولته انا بقترح بعد إذنك ده يكون بوست ثابت لوحده لانه إنت مابتضمن شكل المشاركات شنو في دفتر اليومية المقترح وبي كده نكون ضمنا كم بوست ثابت ممكن يتيحو للاعضاء المشاركات المختلفه حتي الحصول علي مقترحك.

تعرفوا ياشباب (طبعا" شابات من يوم مادخلته لليلي يعميني) بحلم بي إنه البوست بتاع الحضور ألإسبوعي ينجح وادخل اقراء كل يوم اخباركم واعرف احوالكم من مربع 1 لي 14

بي مناسبة المشاركات والإقتراحات ياخونا وين أبو قصي البلاقيوه يسلم عليه

ياراشد ماتفتح لينا بوست للصلاة علي الحبيب المصطفي والاخوان يشاركو بي ذخايرهم ومجهوداتم المقدرة عن قصص الحبيب صلي الله عليه وسلم، وصحبه
خلونا ننوع ونكتر المشاركات ولا رايكم شنو

اسم مقترح جديد
الجاب لي أخباره
(نوع من انوع الشمار لي الناس البتحبه وكده)

يااخونا فترته خلاااااص الكتابة وجعت يدي وشلتني تاني لي بكرة اكان لينا عمر سمح.
فتكم بي عافية

مشكورة يا هادية علي هذه الاقتراحات الجميلة و في انتظار رأي الأخوه الاعضاء  

يااخوانا بي مناسبة المشاركة والله لي كم يوم بشوف لي جندرية بتخش وتطلع ماتكلموها ولا اقبضوها التدخل لي جوه شوية

يااعضاء المنتدي قررت اعمل رحلة لكل المشتركين تفتكروا محتاجين لي هايس 15 راكب ولا قريس 14 راكب (طبعاً اخوانا المغتربين قريس دي شوية صعبة عليهم)

ياناس المنتدي شايفة لي ناس اساميها بتظهر كحضور من دون مشاركة ماعاجبكم الوضع ولا شنو
الكلام ليك ياالمفتح عينيك وفي مقولة اخري يالمنطط عينيك

( اللة يسامحك ) وبسسسس .

المسامحة للجميع يارب

طبعاً اخوانا المغتربين قريس دي شوية صعبة عليهم

الاخت هادية بس قريس دي لسه ماادونا ليها لمن نعرفها لو النفس تطايبت ماعندنا مشكلة بتشيلنا ونركب كما ن فيها معانا كل الاخوان والجيران والحبان .