مساحة لجيراننا الذين رحلوا من حيننا

[color=green]

تعرف يا ابوقصي وفريني انا لما جينا نرحل من الامتداد كنت اتزوجته ورحلت قبلهم بي سنه لكن لحدي الوقت داك كنت فاكرة انه بيتنا ده ملك وانه احنا مامؤجرين ولحدي الان ده احساسي ومش انا بس ابوي وامي بقولوا من مارحلوا من الامتداد الله يديهم العافية ماضاقوا عافية شفته كيف ، بالجد اتمني من اي صاحب ملك او ايجار انشاء الله ماتحوجه الظروف للرحول.
محمد اخو واحد وصحي اولاد الجيران والحبان والاخوان كانوا ليه اخوة علشان كده بالجد الواحد بفرح لما تسالوا عنه وتواصلوه وانا حااحاول جاهدة انه ادخله عالم العولمة.
ناس معتز صديق واخوه خالد واخواته كانوا اخوان وجيران والحمدالله متواصلين لحدي الان وانشاء الله دايماً.
(اللمة علي الهوا).

ياسلام عليك يا فريبني يا صاحب ..
حتة الجيران الرحلو دي قويه ...
ناس بسكه ديل ارقي واروع ناس .. طبعا شقو مربع
8 شق من امهم ماشه سوق العشرة - والي ابوهم هو ذاهب للدوام
وانسي بسكه اخوان كرهونا مربع 8 طالعين نازلين - للمواصلات
والغربيه ظلط شرق اقرب ليهم !!!

تحياتي للناس الطيبه

فريني .. يا خي مالك عايز تتور نفسنا سااااكت
يا خي في ناس اتحفرو جوووووه الدواخل ورحلو ..
خلونا وخلو دواخلنا زي بيوت الاشباح ...
منهم -
اسرة العم حامد الشريف حامد .. ديل كمان اطيب من ناس
بسكه .. ديل ربنا خلق الطيبه عشانهم
والله ما عرفهم رحلو سنة كم ولكن كأنهم لم يرحلو ..
سكونونا وخلو ارواحنا مجنونه
فعبر بوستينك ده --- تحياتي لهم
الاخ الغالي ضرار حامد الشريف
عبدالمنعم حامد الشريف
وشريف حامد الشريف
واختهم الوحيدة خالدة حامد الشريف
ووالدتهم ووالدتنا الحاجه زهرة ..
لهم اطيب الاماني والاشتيقات

في النهايه - كدا سمعته انو جابو ليهم اخو اسمو ( محمد )
اشكرك فريني
والف رحمه ونور علي اخوهم - وليد حامد الشريف
ـــــــــــــــــــــــــــ
ليه ما بتجي دار الامتداد - واصح المكان والمعالم
غبيراء - فوق مطعم العباسيه ... اوعك تقول ما عارفو ..
تحياتي - وبرجع ليك قريب........... كع

يا كع بالله عليك ما تنسى ناس طمبل و سوكا
و نحن منتظرين

فريني يارائع ,,,ياخي انت دائما بتولع النيران فينا,,, بس نيران جميلة بتذكرنا حبايبنا واهلنا .
من الاسر التي مازال صداها في الحي وارتباطها وتعلقها بمربع 4 والامتداد .

اسرة المرحوم محمد الحسن محجوب والخالة المرحومة نور احمدونا ( عادل , عمر , عماد , عصام , بكري , ابوعبيدة , اسامة , وبناتهم الفاضلات . مني . سارة , سماح )

وايضا اسرة المرحوم جعفر محمد صادق والخالة المرحومة حميدة . ( يسين , الدرديري , احمد , معاوية فلاتي , يوسف )

ولنا عودة للسرد

تسلمو يا اعزاء على ذكراكم لنا فانتم فى دواخلنا خالدين.. والامتداد كان ومازال الحى الاول فى حياتنا لكم كل الود والاحترام والتقدير اخوانى ...وتشكر كتيييييييييير يا بدر الدين
وللملتقى

حمداً لله على السلامة ياسماح
يعني مابجيبك إلا سيرة الرحول؟

الأخ فريني تحياتنا (المتأخرة) بقدومك
اعذرنا .. شغلتنا أموالنا وأهلونا

أما عن الراحلين من الحي والمتواجدين بدواخلنا فلاننسى أسرة عمنا : فتحي محمد داؤود
والد كل من : محمد فتحي ومعاوية ومنير بمربع 4

اسرة المغفور له بإذن الله
العم الصول/صالح بخيت السيد
جيراننا ونسابتنا في نفس الوقت عند رحولهم مدينة أبو آدم تركوا فراغا كبيرا في الحى
الخالة (كلتوم الفضل )أطال الله عمرها ، أبناؤهم إبراهيم وعادل وبنتين(ربنا يجعل فيهم البركة)
انا عايز اتكلم اكتر عن المغفور له بإذن الله عمنا صالح بخيت، كان عسكري من طراز فريد
ورجل متسامح مع كل الناس ، يضحكك ويضحك مع الصغير والكبيرحتى بتاعين (الورنيش)
كان يمازحهم ويلاطفهم0
والله إلى الآن أتذكر عند خروجه للعمل في الصباح الباكر وانا في منزلنا اسمع حركة الباب وهو
يفتح ثم يغلق اعرف إنو عم صالح ذاهب للعمل ، وعند رجوعه ينزل في سوق العشرة ويأتى
محملا بالأكياس وهو متأبط عصاته العسكرية التي لم تفارقه حتى نزوله المعاش
فعلا رحولهم سبب الم كبير عند الجيران، ولكن كان عزاؤنا الوحيد انهم سوف لن يغيبوا عننا كثيرا

الوالد والعم المغفور له كان نعم الأب والجار ، الا رحم الله عمنا الصول صالح بخيت السيد
وادعوكم للدعاء له بالرحمة والمغفرة

كع ممكن تضيف

محمد عباس عبدالوهاب

شكرا : فرينى على هذة المساحة .
نعم هناك أسرة يجب ان نخلدا زكراها الجميلة التى عشناها .تكريما . وحق من الحقوق .
وهى :ــ أسرة العم / محمد الحسن محمد فايق .وزوجتة والوالدة الحنونة فى قلوبنا الخالة (ست البنات )
أطال اللة عمرها . فعلا هى اسرة جميلة فى بيت من بيوت مربع 9 الجميل . رحلو وتركو بصمة
حزن فى قلوبنا .ومازلنا نتزكرهم دايما .بالطيبة والمحنة والمحبة . ونتزكر أبنائها دوما .
وهــم :ــــ ( إسماعيل محمد الحسن . محب محمد الحسن .واختنا . بسمات محمد الحسن . والمرحوم والصديق
والاخ . عصام محمد الحسن ) رحمة اللة رحمة واسعة ويدخلة جنات الخلد .
لن ننساهم لانهم فى قلوبنا ابدا .........
ولنا عودة ،،،،،،،،

تحياتنا للامتداداب عموم وهاك مربع 8 يا عبداللة كع
-اسرة عمنا مصطفى والد احمد نقة بالسعودية معاكم
-اسرة عثمان وصالح ترفة
-اسرة المرحوم صالح بانقا
-اسره المرحوم الجمرى
-اسرة المرحوم عابدين خليل
هولاء بعض ممن تركوا فراغا وانشاء اللة تسعفنا الذاكرة ونواصل بالجديد من اخبار مربع 8

يا نور الدائم ... انت مجاهد نور الدائم واللا انا ما بشوف ؟؟؟
والكبر دخل يا صاحب ..

برجع ليك تاني

باااااااااااا حليلك ياعم كعكع

noureldaim كتب:تحياتنا للامتداداب عموم وهاك مربع 8 يا عبداللة كع
-اسرة عمنا مصطفى والد احمد نقة بالسعودية معاكم
-اسرة عثمان وصالح ترفة
-اسرة المرحوم صالح بانقا
-اسره المرحوم الجمرى
-اسرة المرحوم عابدين خليل
هولاء بعض ممن تركوا فراغا وانشاء اللة تسعفنا الذاكرة ونواصل بالجديد من اخبار مربع 8

مرحب بيك يانورالدائم (انا برضو ماعرفتك زى اخونا كع ده وجاي)
بس حبيت اصحح اسرة عمنا مصطفى والد احمد نقة دى هي بالاساس اسرة المغفور له بإذن الله
عمنا علي خليفة وايضا نضيف للمجموعة آنفة الذكر اسرة عمنا عوض عبدالله كع ربنا يمتعوا بالصحة
طبعا رحلوا من 8 الى 11
بس والله كلهم عزيزين علينا خالص 00خالص
اكيد راجع تانى
مودتى،،،،،،،،،،
محمد عباس عبدالوهاب

يااخى مجدى انت ذى النسيت ناس عمك سرى لكن اقول ليك مصطفى وبهاء الدين تعبونا انا واسامه داوؤد تعب شديد مشو اركويت جرينا وراهم رجعو الصحافه وسط نقلنا معاهم مشو الصحافه غرب ذرناهم غايتو ده حدنا معاهم ..
ولاننسا اشهر اره كانت بيننا وهم كمبيذ وعصام دينق كذلك عمك الماحى صاحب اسرع حافله فى شرق وكان بشغل ليك ذاد الشجون لود الامين قبل نهايه الا غنيه انت بتكون فى السكريه وكذلك عكاشه واخوانه

سلامات ابو السارة واخونا عبداللة
تحية لمجاهد وكل شباب مربع 4 -
لو بتتذكر عمك احمد نورالدائم فى مدرسة الاولاد واولادة نجم الدين - كان فى فريق النجوم - ونورالدائم ومحمد تكون لسة ما كعكعت .
شكلها القعدة برة طالت وغالبا ما حتتذكرو كويس.
وحبابكم فى البريد meldaim.khartoum@gnpoc.com

نور الدائم
ياخى تحياتى ليك وللوالد والوالدة والاسرة والجيران

انا غايتو عرفتك سكنتوا في البيت المقابل دكان حمد والآن ساكنين في بيت عمنا المرحموم عابدين والد
عادل وطارق (ليمونة)
لكن كع ده مااظن يعرفك لانهم رحلوا قبل قدومكم للإمتداد (والله اعلم)
كلامى ده لوصاح قول لي صاح ولو كمان غلط قول لي كضبا كاضب ولا بزعل


جربت ايميلك ما مشى الحال
سلام لى كل الجيران والاحباب
مودتى،،،،،،،،،،،
محمد عباس عبدالوهاب
منزل رقم2 بعد المدرسة شرقا

noureldaim كتب:سلامات ابو السارة واخونا عبداللة
تحية لمجاهد وكل شباب مربع 4 -
لو بتتذكر عمك احمد نورالدائم فى مدرسة الاولاد واولادة نجم الدين - كان فى فريق النجوم - ونورالدائم ومحمد تكون لسة ما كعكعت .
شكلها القعدة برة طالت وغالبا ما حتتذكرو كويس.
وحبابكم فى البريد meldaim.khartoum@gnpoc.com

اتزكرتك يا ولد ... اخبارك وخبار الوالد والوالدة والاخوان ........يااااااااااااسلام يا نور
والله يا حليلكم

برجع ليكم في وقت تاني

مساءات الخير على الجميع
عبداللة كع يا رائع شايف فى فكرة بوست كل سبت بادى باكبر الاعضاء سنا اعمل حسابك وما يقروا "يا ولد" دى يقومو يبدو بيك ..
حقيقى وبدون مجاملة كثيرون من امثالكم نفتقدهم فى الامتداد وان كنا كجيل ما شاركناكم نشاطاتكم فى الحلة سواء كان الدافورى او الجمعية او نشاطات فريق النجوم او فزع الخريف الا اننا كنا متابعين وكان كل نجم من النجوم او حتى لاعب فى الدافورى من الحلة هو بمثابة اخ اكبر لنا ابتداء من تيم الزمن الجميل ناس الباقر وحميدة والزعيم حزوم وخالد اميقو وعابدين و الصادق اللاجى ونوار ونجمى وطرقة و.................كميات وكميات من النجوم.
كلامك تب فى محلو ابوسارة الا عبداللة ما ظنيتو رحل قبل ما نجى الامتداد ..
الاهل الحمدللة طيبين الا بقينا نص مغتربين مع شغل الخلا البقى شهر شغل و شهر اجازة بقينا لا قاعدين فى الحلة عارفين خبر الاهل لا بعيدين نقنع من شوفتهم .
وهاك البريد التانى.
omnaiat2265@yahoo.com
omnaiat2265@hotmail.com

نور .. يا ولد دي للتمليح ..
تعرف يا نور الدائم - ممكن اقول ليك يا ابني ..
تخيل سنين الغربه بتكبر الزول وتبهدلو ولكنها بتقيف
مكانها عند الذين فارقتهم . والي الان انا
اري اخوك الكبير نجم الدين ذلك الود الحريف الطيب
المؤدب - كما هوووو- حتي اخوانك الباقين اراهم كما هم قبل
14 سنه
احنا رحلين من مربع 8 سنة تسعين .. ولكن لم اغيب عن المربع يوم
واحد - حتي مدت اليا الغربه ايادها اخذتنا بعيدا عن اناس نعزهم
يا عزيزي حركت فيني اشياء - وهيجته علي زكرياتي -
الزعيم والدافوري - وعابدين - واللاجي - ... والباقر
والنفير - خنزير - وايام رائعات

برجع ليك تاني --- خليني ابكي شويه