الليله انا مخنوووووق
5 مشترك
صفحة 1 من اصل 1
الليله انا مخنوووووق
انبارح لم يكن يوما عادى ..اوربما كان عادى،، غايتو ماعارف.. فقد ساورنى شعور قاتل بالملل والزهج وقد صحوت على انقباض فى صدرى وكنت مخنوق لدرجة اننى لم ادخر وسعا فى ان ابين ذلك عند اول مكالمة تلفونيه تلقيتها فى الصباح الباكر من صديقى .. وقلت ليه على طريقة المصريين:- (انا اتخنات ياعم ) بدون ان اشرح له اسباب الخنقه بعد ان استعرت الالف بدل القاف غايتو اتخيل لى كده صاح، والله ماعارف المهم انى مخنوق بعدين مانمت كويس فقد كانت هناك معركه حامية الوطيس بينى وبين الباعوض امتدت الى الساعات الاوله من الصباح طار على اثرها النوم من عيونى وبقيت سهران الليل بحسب نجومو، حاولت جاهدا ان ابحث عن حلم من احلام اليغظه على امل ان يتسلل النوم الى عيونى البقت باكيه من قلت النوم ، لكن بدل من النوم تسلل الملل الى نفسى اكثر واكثر وحاولت ان اجد اجابة على سؤال سخيف (من اين جاء الباعوض ؟؟) فقد منحنا هدنة مقدرة طيلة شهر من عمر الزمان لكن عاد من جديد، اظن ان الامتداد عزيزة عليهو شديد كما هى عزيزة علينا .. ومع الخيوط الاوله من الفجر بدأت احس بنفسى اكثر مقدرة على الهروب الى احلام اليغظه حاولت بقدر المستطاع ان يكون هذا الحلم فى المستقبل لكن تلك الوجوه حاصرتنى، شدتنى الى الماضى البعيد تذكرتهم عانقت ذكرياتى معهم من جديد هربت اليهم فى ماضينا الجميل انهم اصدقائى الامتداديون الذين تفرقت بهم السبل .. تنهدت بعمق فقد تركونى وحيد بعد ان تعانقت قلوبنا فى شوارع الامتداد لسنوات طويلة لقد كانوا مصدر فرحى وسرورى اين انتم ياكل هؤلاء عمار فشارية _ ايهاب التنو- بدر الدين فرو- مرتضى الجزار- امانويل- ايهاب الحاج- عمار عبد الحميد- عبد الجليل السفاك-مجدى ادريس - حسن عتر .. لقد ابتعدوا جميعا واليوم بحثت عنهم كثيرا لكننى لم اجد غير تلك الجدران التى كثيرا ماجلسنا بجوارها وشخبطنا فيها ايام حلوة كتبت بمداد لطالما سال حبا وابتسام وفرحا ورسمناها بقلوب لاتعرف غير التسامح والصفاء.....المهم وبعد ان هاتفنى صديقى الذى لم يكن يدرك انه ايغظنى من احلامى لان النوم لم يعرف الطريق الى جسدى فى هذا اليوم ،بعدها تثاءبت فى محاولة كى اقنع نفسى اننى استيغظت كالمعتاد للذهاب الى العمل ولكن هذا لم يكن صحيح فقد جافانى النوم ،ركبت الحافلة بتاعت المواصلات وبجوار النافذة اطلقت لأفكارى العنان كى تبحث مجددا عن حلم من احلام اليغظه دون جدوى احاول مازالت صورهم وذكرياتهم تطاردنى نزلت من الحافلة وانا اردد بينى وبين نفسى (لقد ذهبوا جميعا فى رحاب الحياة وتفرقنا واصبحت كل السنوات الماضيه ذكريات سطرناها بمشاعر صادقه فياكل هؤلاء احبكم بصدق شديد ولن انساكم ماحييت) اخذت اشق الطريق على عجل لست متأخر عن العمل لكننى اسرع كمن يهرب من شى....
مدثر قرجاج- الإدارة العامة
- عدد المساهمات : 212
تاريخ التسجيل : 08/06/2009
رد: الليله انا مخنوووووق
الرائع قرجاج تغيب و تاتي بالروائع لك منا حزيل الامتنان
يا خي نحن برضو مخنوقين و ربنا يفيكها .
يا خي نحن برضو مخنوقين و ربنا يفيكها .
فريني- عضو مميز
- عدد المساهمات : 209
تاريخ التسجيل : 17/02/2010
الموقع : الرياض
رد: الليله انا مخنوووووق
الجميل والرائع دوما قرجاج بعد الشر عليك يااخي عليك قبل النوم بالتحصن
من الشرور والاستعازة من الشيطان ,,, جميع سكان الامتداد يصارعون الباعوض
وهذا الحال اصبح واقع الا ان يمن الله علينا بفرج من عنده لتسخير القائمين علي امر اصحاح البيئة لحل هذة المشكلة التي يعاني منها اهلنا في الامتداد ..او تكاتف الجميع في الداخل والخارج واللجو لخيار العون الذاتي لاهل المنطقة وهذا الامر تكلمنا فية كثيرا من قبل .
وعن الذكريات الجميلة والاصحاب والحبان هكذا هي الدنيا تفرق وتجمع لاجل استمرار الحياة بس هم دائما في قلوبنا وفي وجداننا .
جعلك الله اخي قرجاج ممن ينعمون بنوم هادي خالي من الكوابيس والارق
من الشرور والاستعازة من الشيطان ,,, جميع سكان الامتداد يصارعون الباعوض
وهذا الحال اصبح واقع الا ان يمن الله علينا بفرج من عنده لتسخير القائمين علي امر اصحاح البيئة لحل هذة المشكلة التي يعاني منها اهلنا في الامتداد ..او تكاتف الجميع في الداخل والخارج واللجو لخيار العون الذاتي لاهل المنطقة وهذا الامر تكلمنا فية كثيرا من قبل .
وعن الذكريات الجميلة والاصحاب والحبان هكذا هي الدنيا تفرق وتجمع لاجل استمرار الحياة بس هم دائما في قلوبنا وفي وجداننا .
جعلك الله اخي قرجاج ممن ينعمون بنوم هادي خالي من الكوابيس والارق
عدل سابقا من قبل بدر يعقوب في الثلاثاء مارس 30, 2010 12:30 pm عدل 2 مرات
بدر يعقوب- كبار الشخصيات
- عدد المساهمات : 484
تاريخ التسجيل : 06/06/2009
رد: الليله انا مخنوووووق
مدثر ازيك وانشاء الله طيب
تعرف كنت بقراء في عناوين المواضيع ونسبة للخنقة الاشد من خنقتك الانا فيها اليوم لقيتو احسن موضوع ادخل فيهو لكن انت مخنوق من البعوض وانا من(!) مافي داعي نقول مخنوقة من الخنقة لكن تعرف احساس قاسي الله لايضوقوا لا لي حبيب ولا عدوا.
الله يفك خنقتك ويريحك
يعني ياشباب اليوم المزاج شوية كده
بس نقول الله في
ودمتم
تعرف كنت بقراء في عناوين المواضيع ونسبة للخنقة الاشد من خنقتك الانا فيها اليوم لقيتو احسن موضوع ادخل فيهو لكن انت مخنوق من البعوض وانا من(!) مافي داعي نقول مخنوقة من الخنقة لكن تعرف احساس قاسي الله لايضوقوا لا لي حبيب ولا عدوا.
الله يفك خنقتك ويريحك
يعني ياشباب اليوم المزاج شوية كده
بس نقول الله في
ودمتم
Hadia Keroudi- كبار الشخصيات
- عدد المساهمات : 569
تاريخ التسجيل : 18/02/2010
الموقع : الجريف
رد: الليله انا مخنوووووق
قرجاج يا حلو ،،،
غبت فأتيت بالجميل " تسلم من الخنئة يا عم " وأكيد أنت منكسرالخاطر ، أولاً لفراقك الحلوين ورفقاء الدرب وعشرة الأيام وثانياً لهزميتك النكراء من الباعوض اللعين وصدقني أصدقائك الذين تفرقت بهم السبل يحبونك بقدر حبك لهم ويفتقدونك بشدة واكثر من كثير ذلك لبعدهم الإجباري عنك والوطن بما يحويه من كل جميل فهم يعاركون باعوضاً من نوع آخر أشد شراسة من الذي قارعته فصرعك ألا وهو الغربة والبعد والشوق والحنين " ده خليهو ساكت ما بجييك في الليل بس ، باعوض سخيف بجييكفي الصباح والنهار والليل في صحوتك أو حتى في عز المنام .
ولكنها سنة الحياة وتظل ذكراهم الجميلة ذادنا في مسيرنا كما ذكرانا ذادهم .. وصدقنى ذكرك فقط للحافلة التي ركبتها وانت ذاهب للعمل هيجت شجوننا ورجعتنا لزمن جميل كل منانا أن يتجدد ونحياه.
هون عليك أخي فسوف تصفو الليالي بعد كدرتها وتعود تاني من تاني.
مودتــــي ،،،
غبت فأتيت بالجميل " تسلم من الخنئة يا عم " وأكيد أنت منكسرالخاطر ، أولاً لفراقك الحلوين ورفقاء الدرب وعشرة الأيام وثانياً لهزميتك النكراء من الباعوض اللعين وصدقني أصدقائك الذين تفرقت بهم السبل يحبونك بقدر حبك لهم ويفتقدونك بشدة واكثر من كثير ذلك لبعدهم الإجباري عنك والوطن بما يحويه من كل جميل فهم يعاركون باعوضاً من نوع آخر أشد شراسة من الذي قارعته فصرعك ألا وهو الغربة والبعد والشوق والحنين " ده خليهو ساكت ما بجييك في الليل بس ، باعوض سخيف بجييكفي الصباح والنهار والليل في صحوتك أو حتى في عز المنام .
ولكنها سنة الحياة وتظل ذكراهم الجميلة ذادنا في مسيرنا كما ذكرانا ذادهم .. وصدقنى ذكرك فقط للحافلة التي ركبتها وانت ذاهب للعمل هيجت شجوننا ورجعتنا لزمن جميل كل منانا أن يتجدد ونحياه.
هون عليك أخي فسوف تصفو الليالي بعد كدرتها وتعود تاني من تاني.
مودتــــي ،،،
رد: الليله انا مخنوووووق
فرينى انشالله طيبفريني كتب:الرائع قرجاج تغيب و تاتي بالروائع لك منا حزيل الامتنان
يا خي نحن برضو مخنوقين و ربنا يفيكها .
والله الغياب بسبب الانترنت مامتاح لينا الا فيماندر واللحظه البنلقاها بنخش المنتدى
لو كبيرة بنكتب ولو صغيرة نتصفح اخبار الناس دعواتك لينا بى لاب توب فى البيت
عشان نتكى ونكتب بمزاج... الخنقه شكلها عامه ربنا يفكها....
محبتى
مدثر قرجاج- الإدارة العامة
- عدد المساهمات : 212
تاريخ التسجيل : 08/06/2009
رد: الليله انا مخنوووووق
بدر الدين كيفنك ليك وحشه والله فى المنتدىبدر يعقوب كتب:الجميل والرائع دوما قرجاج بعد الشر عليك يااخي عليك قبل النوم بالتحصن
من الشرور والاستعازة من الشيطان ,,, جميع سكان الامتداد يصارعون الباعوض
وهذا الحال اصبح واقع الا ان يمن الله علينا بفرج من عنده لتسخير القائمين علي امر اصحاح البيئة لحل هذة المشكلة التي يعاني منها اهلنا في الامتداد ..او تكاتف الجميع في الداخل والخارج واللجو لخيار العون الذاتي لاهل المنطقة وهذا الامر تكلمنا فية كثيرا من قبل .
وعن الذكريات الجميلة والاصحاب والحبان هكذا هي الدنيا تفرق وتجمع لاجل استمرار الحياة بس هم دائما في قلوبنا وفي وجداننا .
جعلك الله اخي قرجاج ممن ينعمون بنوم هادي خالي من الكوابيس والارق
غايتو يابدر انا معاناتى مع الباعوض مابتنتهى فى بلد السجم وحكومة السجم الماقادره تحل مشكلة باعوض
باقى ليك تانى بتقدر تسوى لينا شى ديل ميئوس منهم .. عارف الباعوض ده مازى زمان ممكن تجمع تبرعات
وترش وعون ذاتى وكده ده باعوض ماينفع معاه الا الرش بالطيارات يعنى بالجد داير معركه عديل ...
طبعا الناس الجميليين مابطلعوا من القلب بالساهل .. ربنا يدينا ويديك النوم الهادى يارب...
مودتى
مدثر قرجاج- الإدارة العامة
- عدد المساهمات : 212
تاريخ التسجيل : 08/06/2009
رد: الليله انا مخنوووووق
هادية ازيك وحمدالله على السلامه انا قلت مشكله غيابك تكونى قطعتى فاتورةHadia Keroudi كتب:مدثر ازيك وانشاء الله طيب
تعرف كنت بقراء في عناوين المواضيع ونسبة للخنقة الاشد من خنقتك الانا فيها اليوم لقيتو احسن موضوع ادخل فيهو لكن انت مخنوق من البعوض وانا من(!) مافي داعي نقول مخنوقة من الخنقة لكن تعرف احساس قاسي الله لايضوقوا لا لي حبيب ولا عدوا.
الله يفك خنقتك ويريحك
يعني ياشباب اليوم المزاج شوية كده
بس نقول الله في
ودمتم
وكنت حا افتح بوست بتاع دعم ....
والله ياهادية تتعدد الاسباب والخنقه واحده لكن كون الزول يعرف اسباب الخنقه ده فى حد زاتو انجاز
لانو فى خنقات كده ماتعرفيها زاتو من شنو فجاة تجيك وتدبرس بيك وتمشى ....
ربنا ييسر الامور ويفك الخنقه ......والله المزاج بتعكر مرات كتيره لكن سرعان مايصفو
بس كيف نحن مانستسلم......
مدثر قرجاج- الإدارة العامة
- عدد المساهمات : 212
تاريخ التسجيل : 08/06/2009
رد: الليله انا مخنوووووق
عادل انشاالله طيب وحمد الله على السلامه بعد انقطاعك لفترة صغيرة لكن ترك فراغ كبير فى المنتدىعادل علي كتب:قرجاج يا حلو ،،،
غبت فأتيت بالجميل " تسلم من الخنئة يا عم " وأكيد أنت منكسرالخاطر ، أولاً لفراقك الحلوين ورفقاء الدرب وعشرة الأيام وثانياً لهزميتك النكراء من الباعوض اللعين وصدقني أصدقائك الذين تفرقت بهم السبل يحبونك بقدر حبك لهم ويفتقدونك بشدة واكثر من كثير ذلك لبعدهم الإجباري عنك والوطن بما يحويه من كل جميل فهم يعاركون باعوضاً من نوع آخر أشد شراسة من الذي قارعته فصرعك ألا وهو الغربة والبعد والشوق والحنين " ده خليهو ساكت ما بجييك في الليل بس ، باعوض سخيف بجييكفي الصباح والنهار والليل في صحوتك أو حتى في عز المنام .
ولكنها سنة الحياة وتظل ذكراهم الجميلة ذادنا في مسيرنا كما ذكرانا ذادهم .. وصدقنى ذكرك فقط للحافلة التي ركبتها وانت ذاهب للعمل هيجت شجوننا ورجعتنا لزمن جميل كل منانا أن يتجدد ونحياه.
هون عليك أخي فسوف تصفو الليالي بعد كدرتها وتعود تاني من تاني.
مودتــــي ،،،
ايوه والله ياعادل مرات كده لمن تزهج بتحن للناس الحلووين وطبعا ديل دايما تتبعهم الايام الحلوة ومن
ثم الماضى الجميل يعنى حاجات كتيره تحن ليها وتتمناها فى لحظه لكن سنة الحياة ،،
ياسلام ياخ والله ياعادل احس بشعور كل المغتربين الذين يحنون للوطن وللوطن الصغير الامتداد اكيد
بكون الحنين عندهم لاينقطع وكان على ركوب المواصلات ممكن اصدر ليكم كمية من المشاهد لانو
انا من معتادى الحافلة والجلوس جنب الشباك حركه لذيذه جدا بس دايره ناس يكونوا هادين والزول الجنبك
مايفتح معاك موضوع عشان مايطير ليك السرحه من راسك
محبتى
مدثر قرجاج- الإدارة العامة
- عدد المساهمات : 212
تاريخ التسجيل : 08/06/2009
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى