ممكن آخد إجازة (بقدم طلب في دفتر الأحوال)

ياجماعة داير أقدم لإجازة فترة مفتوحة وكده

والطلب بتقدم بيهو في مضابط دفتر الأحوال

ولو في أي أعتراض نرجو التقدم بمظلمة خلال 25 ساعة يعني بالعربي يوم وساعة حقت عرض الحال

لعناية هادية كرودي الضابط العظيم .

،،،،أبوقصي،،،،

ابوقصي ....الرجل الجميل الانيق .... اليك اطنان من الاشواق والتحايا

يا اخي انا عدة اليكم والى اغلي حي في الوطن ا الإ وهو درة احياء الخرطوم ( الإمتداد )

عدة الحنين والى الوطن والبيت الكبير الامتداد وفجأة القاك مقدم طلب اجازة الظاهر كراعي حارة

يا ابوقـــــاحمدــي تحياتي اشواقي للاولاد ...................تحياتي بنقوري

تحية طيبة للزول الرائع انت مابتعرفني وانا بعرفك وبعرف روعتك من خلال البوستات وسؤال الناس منك انا ياسيدي هادية كرودي من الامتداد مربع 9 وانضميت لمنتدي الحي المتفرد شكلي في ايام غيابك
وبقول عوداً حميداً ومرحب بيك من خلال دفتر الاحوال

ينظر ويفاد ياابوقصي
لكن بيني وبينك مفتوحة دي كيف يعني
ده نظام زوغة ولا.......

هادية كرودي من الامتداد مربع 9 وانضميت لمنتدي الحي المتفرد شكلي في ايام غيابك

بنقوري الزولة دي مامنها امان حسي بعد شوية بتغلب وبتلخبت البوست ده تحت فوق وبتولع النيران (علي حسب المزاج )

مرحب بعودة الجميل بنقوري وليك وحشة ياحبيب التحايا عبرك للوالد والوالدة ربنا يديهم الصحة والعافية .

* ابو الجود شنو ليك يعني سوف تتفرق يعني لموضوع الارض بعد ماقبضة الفكة يعني ولا حتي قلت اجدع الجماعة المساكين ديل بهبشة صغيرة كده .
ماطلعنا منك بكدة من الفات مع الرست والاستجام ده طيب حرك لينا موضوع السودان الاتفقنا عليه وينولك ثواب .
* ايها الضابط هادية سوف نفقد في هذا البوست رجل مبدع وجميل اذا منح عطلة لذلك الرجاء منك رفض الطلب .

قريبى مجدى تحية لك ويا اخوى اجازة شنو ناوى تنزل انتخابات فى السودان اذا كان كدة ممكن تاخذ اجازة ويارقريبى اذا اخدت اجازة من غيركم يسرى ويعطى نكهة البيت حقنا دا داير تخلينا لى طارق جبريل وراشد ابنعوف يشبكونا ردونكم بتاع الشاقية للا مافى اجازة الا اذا جبيت البديل ممكن نفكر وتحية خاصة لى اسرة كرودى

انت جنيت واللا شنو ؟
اجازة شنو .. امشي البحر اخد ليك ساعتين
تلاته .. واعمل ليك عمرة كاربه ..
وتعال راجع
بلا اجازة معاك .. خلاااااااااس الخرف دخل !

بعدين حا تمشي وين ؟
في اجازتك الممسوخه دي ؟



خلي الهلوسه يا ابو قصي ..
مااااااااا انت المخلينا قاعدين

لو خلااااااس .. وصلته الحد


يا محمد مصطفي وطارق جبريل
قفلو الحووووووش ده لاحدي ابو قصي
الدخلت فيه تخرج

وفي النهايه ....


وحاتك ما بتقدر

الاخ الغالي ابو قصي بناءً علي ماتقدم اعلاه
وحاتك مابنقدر
يعني بالعربي مرفوض يعني مافي طريقة
يعني خليك مكانك
يعني بالفصيح داوم علي الكتابة والزغللة والطششان

تحايا مقدرة اخي كمال وتسلم انشاء الله

جاري رفض الطلب [center]

ما هو باين في العيون وين ح نهرب منو وين
الهوى البعث الليالي العامرة بي زاد الشجون
يفتح قلوبنا ديار محبة .. .. ديار حياة للعائدين
ما بنقاوم كيف ح نقدر … وين ح نهرب منو… وين

ما افتكرت الحظ بيساعد عمري ويورد من جديد
من بعد فرقتنا ديك مين كان بيفتكرك تعود
كنت بحتاج ليك بي شدة وأنت عني بعيد
ما في عيشة بلاك بتبقى .. .. ما في نشوة و ما في ريد
والهوى الجمبك عرفـتو عاطفة ملتهبة وجنون
وين ح نهرب منو … وين

آه ادعينا وقلنا تاني ما ح نشتاق في عمرنا
وقبل ما تمر ليلة واحدة بي حرارة الشوق غمرنا
كم لهينا وقلنا ندفن الحب في سهرنا
الحياة صعبت علينا وبي اثر فقدك شعرنا
شفتا كيف حبك حياتنا آنت يا الحبك حياتنا
وكيف بدون حبك نكون
وين ح نهرب منو… وين

شفت كيف حبك بيعمل… يشغل الوجدان يعذب
وبرضو بتقول عني خادعك وإني بتلاعب وبكذب
ليك حق دنياك خالية لا بتشيل هم لا بتتعب
كنت تتعلم تجامل لو فؤادك مرة جرب
إنو ما يدق دقة واحدة .. .. إلا ويتفجر حنين
يفتح قلوبنا ديار محبـة .. .. ديار حياة للعائدين
ما بنقاوم .. كيف ح نقدر .. وين ح نهرب منو... وين

وقلنا ماااااااممكن ( ياأبوقصي) تأجّز ...

وجاري الرفض زي ماقال أخونا الشعلة

وحمداً لله بسلامة العودة أخي العزيز بنقوري !!

يا ابو قصى
لالالا ما بنقدر

Hadia Keroudi كتب:تحية طيبة للزول الرائع انت مابتعرفني وانا بعرفك وبعرف روعتك من خلال البوستات وسؤال الناس منك انا ياسيدي هادية كرودي من الامتداد مربع 9 وانضميت لمنتدي الحي المتفرد شكلي في ايام غيابك
وبقول عوداً حميداً ومرحب بيك من خلال دفتر الاحوال

اهلاً وسهلاً ... ويا هلا وغلا ...... بالزولة الرئعة الرقيقة كرقة قلبها الحنون .. وفاكهة
المنتدى الامتدادي ......... ( ام خالد )
يعلم الله اني سعدت كثيراً بوجودك وسوف اكون سعيد جدا عندما اسجل حضوري بعد الغيبة الطويلة
بدفتر أحوال الكمدان .................................(ام احمد )
ولك كل الود الاحترام والتقدير على مجهوداتك الكبيرة التي اثرت المنتدى الامتدادي (البيت الملك)
وكما ارحب بالاخت ( ظل زائر ) على مشاركتها بدارها وبيتها الوطن الامتدادي واتمني من
الاخوات ( اميمة سري وسماح نور وفاتن العودة والمشاركة في بيتهم وديارهم )
اختي الغالية الواحد في غمرة انفعالته نسيت ان اقول لك حمد على سلامة الابن (محمد) واتمنى
له الشفاء العاجل وربنا يحفظه وبلغيه تحيات اخوانه واخواته (جعفر وجاسم وفاطمة وكوثراحمد )
واهنئيكم بالمولودة ميادة والف مبروك وربنا يخليها ويحفظها لوالديها والسلام للابناء خالد واحمد
ومحمد ولك مني كل التقدير والاحترام
انا احمد جعفر على عبد الجليل السنهوري اسن الامتداد مربع 4 منزل رقم 35 ومقيم في قطر
الدوحة مع عائلتي الصغيرة المدام (حنان والابناء جعفر وجاسم وفطومة وكوكو) ..بنقوري

ابوقصى كيفنك
عايز تعرف غلاوتك عندنا ولاشنو؟
لا لا مابنقدر نطاوعك
بتمتحنا يعنى؟
محمد عباس عبدالوهاب

الاخ بنقوي سعيدة جداً بي عودتك وعودة كل امتدادي لي دياره واسعد بي تحيتك الطيبة
احمد وخالد ومحمد ببادلوك التحايا وتسلم عائلتك يارب وتسلم ليها بلغهم التحايا والسلام
(وماتسمع كلام بدر يابدر بطل)
وبساند مناشدتك في حضور بقية الاخوات الغائبات

ياابوقصي
ياحليل ناصية بيتنا وميدان الدافوري (ذكري تقوم النفس الحمدالله)
يازول ماتقدم اي اغراءات لاميدان لاناصية اجازة مرفوضة عديل كده
وجزاء لما قدمته من اغراءات ورشاوي تواجد 24 ساعة في ال24 ساعة لمدة اسبوع
اها