نجاح وفشل الحياة الزوجية

في السنوات الاخيرة زادت حالات الانفصال بي اشكالو المختلفة سواءً طلاق او انفصال جزئي يعني اتنين عايشين في بيت واحد بس علشان الاولاد او لاسباب شكلية
في ناس بتقول انه الواحد اتفاجاء بالشخص التاني انه مازي مامتوقعوا
وفي ناس بتقول الظروف الخارجية غيرت منو
وفي ناس بتقول جملةً وتفصيلاً الافكار مامتقاربة
في ناس بتتغير للاحسن وفي ناس بتسؤ بيهم الحالة في كل الاحوال الاسباب شنو
عدم وعي للمسولئة ولا عدم ادراك لمدي قدسية الحياة الزوجية
نادراً ونحن صغار انه نسمع بي فلان طلق ولا فلانة طلقوها ،هسي بقي العكس من النوادر انه نشوف فلان وفلانة بضحكوا سعيدين (زي ديل طبعاً بكونوا قصة)
ليــــه
(ملحوظة ابداء الراي مامعناه انها تجربة شخصية و الحالة بتنطبق علي الشخص من سعادة او فشل )

هادية سلام ....
اعتقد ان اختلاف الزمان قد خلق كثيرا من الاشياء الجديده على مجتمعنا ان كان على صعيد الزوج او الزوجة لذلك تصعب المقارنه بين نساء ورجال ذلكم الزمان الذى كان وتيرة الحياة فيها تسير بمنوال واحد والعادات والتقاليد هى الاصل فى كل شى ،عشان كده كانت القناعه عامل اساسى فى نجاح الحياة الزوجية واستمرارها لسنوات طويله... مشهد الاسرة فى ذلك الزمان بسيط جدا اسرة مكونة من اب وام وابناء تجمعهم مودة خاصه وحميميه جميله الاب دائما مايكون قابض على مفاصل الاسرة هو الذى يعمل ويتكفل بكل اعباء الاسرة ،، الام فى المنزل تهتم بزوجها وتوفر له سبل الراحة وتعمل على العناية بالابناء ،طريقة الزواج تنبنى فقط على مفهوم الاخلاق او صلة الرحم ... ام المشهد الان ومع دخول العولمه وانفتاح العالم وتحرر المرأة التى اصبحت اكثر انطلاقا وانفتاحا عن الزمن السابق وصارت هى صاحبت القرار فى الزواج بل ليس هذا فحسب فهى باتت تقاسمه وتسابقه فى كل شى يعنى الكتوف اتلاحقت وماعادت تلك الانثى الضعيفه مهيضة الجناح وهو امر اعتبره جيد جدا .. الرجل ايضا اعترته كثيرا من التغيرات فى سباق الزمن الجديد ، المهم ان هذه التغيرات التى طرأت على الطرفين اصابت الحياة الزوجية ايجابا وسلبا ونحن هنا بصدد تناول الجانب السلبى الذى يؤدى الى كثرت الطلاقات ... ..

مدثر ازيك وانشاء الله طيب (والبعوضة شوية فارقتك)
انا معاك في انه الزمن اتغير لكن المفاهيم بتاعت جيلنا الحالي والاساساً هو بعاني من المشكلة دي جيل جاء بي موروثات بتاعت الجيل القبلو مباشرةً يعني القناعات والموروثات ماحاجات بعيدة وما حقت زمن بعيد
وبعدين قصة الكتوف تلاحقت ماحقو تخلق مشكلة لو في احساس من الانثي بالتقدير علي مجهوداتها البتقوم بيها تجاه البيت والاولاد وبالمقابل في احساس بالحوجة من الانثي الضعيفة للرجل
تعرف يامدثر في حلقة مفقودة

اذا ابتدرنا حديثنا عن التصدع الذى اصاب الحياة الزوجية بالفتاة نجد انها بطبعها مخلوق رومانسى رقيق تغلب عليها العاطفه اكثر من العقل وهذا طبعا ليس على العموم ، لذلك الفتاة منذ ان تتفتح وتعى الاشياء حولها تفكر باشياء كثيره من ضمنها بالطبع الرجل شريكها فى هذا العالم ومنذ المراهقة المبكرة تبدأ فى نسج ورسم صورة لفارس الاحلام فتتصوره على حصان ابيض بطوله الفارع ووسامته وغيره من تلك التفاصيل، ومع مضى السنوات وتفتح العقل وتقدم السن بها تحاول ان تقدم بعض التنازلات عن ذلك الفارس حيث تبدو اكثر واقعيه ومنطقيه فى اختيار شريك حياتها وهذا جيد لكنه ربما يحمل معه بعض الترسبات القديمه وتصادم الاحلام مع الواقع يجعل الفتاة تندب حظها حين لاتجد ماكانت تحلم به ،، يعنى ان ماعايز اطلع من النص لكن احاول ان اعمق ان فكرة اختيار الفتاة للزوج من القليل بمكان ان تجدها مبنيه على خبرات تراكميه او عين ثاقبه للرجل بقدر ماهى محاطه بالسطحية ،لاننا تعودنا فى الاسرة ان لانتحدث للفتاة عن الرجل الحقيقى ونتركها لوحدها تكون فكرتها الخاصة من خلال الفضائيات ومن خلال مكالمات الموبايل وغيرها من الاشياء الهشة التى لاتجعل الفتاة قادره على تمييز الاشياء لانها اساسا تفتقر الى فنون الاختيار السليم فمن الاحرى ان تتلقى الفتاة جرعات مكثفه منذ المراهقة عن الرجل وكيفية التعامل معه فى كل مرحلة من مراحل العمر وهذا بالطبع دور يقع على الاب والام فمن المهم جدا ان يجعلوا من ابنتهم صديقتهم التى لاتكتم الاسرار بل تبوح بها وتتشاور معهم لتجد النصح والطريق الراشد لان هذا الزمن لم تعد فيه سياسة الكبت والحجر على الفتيات سياسه ناجعه بل لها مردود سلبى نضيف الى ذلك ان الفتاة اليوم تدرس فى الجامعه وتعمل فى كل القطاعات الخاصه والعامه فلا مفر من مقابلة الرجل والاحتكاك به فى كل الاصعده لذلك علينا ان نجعل من ذلك الاحتكاك فى كل هذه الاماكن احتكاك ناجح يقود الفتاة للاختيار الصحيح النابع من تربيتها وشخصيتها المستقلة وتجاربها التراكميه........
اذا المعايير الغير صحيحة فى الاختيار ربما تقود الفتاة الى الى العوده من جديد الى منزلها لتسمى مطلقه... شى اخر التسرع والشفقه ايضا خصوصا ان الفتاة فى سن معينه تبحث عن المخارجه فقط بأى شكل من الاشكال مما يضع غشاوة فى عينيها لكنها تزول بعد الزواج وربما عادت ايضا لتبقى مطلقه ..

طبعا الرجل ايضا تنطبق عليه بعض ما اشرنا له فى السابق خصوصا ان هناك الكثير منهم لايهتمون بايجاد الارضيه الصلبه مع الفتاة قبل الزواج بقدر مايهتمون مثلا بالجمال او المال وغيره من الامور التى سرعان ماتتكشف بعد الزواج ......
عشان اختصر ياهادية وما افكها فى الناس كنت عايز اتناول جانب الطلاق من خلال المشاكل التى تحدث بعد الزواج فمثلا الذين تزوجوا عن قصة حب طويله يمكنهم ان ينفصلوا ايضا وباستثناء الظروف القدرية نجد ان قلة الخبرة فى ادارة الحب بعد الزواج عند السودانيين باكملهم مشكلة كبيرة فدائما مايضيع الحب بعد الزواج فالمحافظه على المشاعر الجميله التى تأججت قبل الزواج امر فى غاية الصعوبه يحتاج من الرجل الى تفاصيل ومن الزوجه ايضا الى تفاصيل حتى يعبروا محكات حقيقية قد تعصف بحبهم اذا لابد ان نمتلك ثقافة المحافظه على المشاعر بعد الزواج ومحاولة ايجاذ التوازن بين صعوبة الحياة وبين المحافظه على مشاعر تكون دواء ناجع لضمان استمرارية الحياة .... ايضا نحن نفشل فى ان نبدأ قصة الحب بعد الزواج فالكثيرين يمكنهم ان يتزوجوا زواج عادى وبدون حب لكنهم فى مقدرتهم ان يسيطروا ذلك بعد الزواج لكن ايضا نحن نفشل فى ذلك اذا سر هذه الطلاقات المتفشيه فى هذه الايام تعود الى سببين اولا زواج غير متكافى او زوجين لم يستطيعوا ايجاد توازن بين ظروفهم القاهرة وبين كيفية امتصاص هذه الظروف وتحويلها الى مشاعر جميله تكبح جماح المشاكل والاختلافات ...وطبعا الفى البر عوااااااااااااااااااااااااااام
انا شكلى كلامى كتر وساعود لاحقا حتى لاتصابوا بالملل......................................
معليش ياهادية الموضوع جميل وكبير ويحتاج الى زمن طويل حاولت ان اختصر قدر الامكان لكننى لم افلح .......

انا معاك يامدثر لكن انت ماملاحظ انك بتتكلم عن سؤ الاختيار بس يعني السؤ او المشكلة في الطرف الاخر ولا ماكده
انا فهمي انه في مشكلة في فهم الحياة الزوجية بالنسبة للطرفين وبالذات في تحمل المسئوليات وخاصةً من ناحية الرجل لانه زي ماقلت المراءة مخلوق ضعيف والضعف هنا جاي من حبها لي نجاح بيتها وزوجها واولادها وده البخليها مهما علت تكون سعيدة بي تقدير واهتمام زوجها بيها وده الكان بفرق من زمان وهسي يعني الزمن اتغير بي مفاهيمو
خلينا نقول ولو جاز القول القناعات والاتكاليات سبب اساسي في المشكلة

Hadia Keroudi كتب:مدثر ازيك وانشاء الله طيب (والبعوضة شوية فارقتك)
انا معاك في انه الزمن اتغير لكن المفاهيم بتاعت جيلنا الحالي والاساساً هو بعاني من المشكلة دي جيل جاء بي موروثات بتاعت الجيل القبلو مباشرةً يعني القناعات والموروثات ماحاجات بعيدة وما حقت زمن بعيد
وبعدين قصة الكتوف تلاحقت ماحقو تخلق مشكلة لو في احساس من الانثي بالتقدير علي مجهوداتها البتقوم بيها تجاه البيت والاولاد وبالمقابل في احساس بالحوجة من الانثي الضعيفة للرجل
تعرف يامدثر في حلقة مفقودة

...
عارفه ياهادية المورثات الكانت زمان موجوده قاعده لحدى هسه ولم تتغير الشى الوحيد الذى اختلف انها فى الماضى كانت براها لكن اليوم موجودة لكن تحت وطأة المؤثرات والثقافات التى اجتاحتنا يعنى لابد ان يخلق هذا شرخ على كل المستويات حتى الذين تجرعوا هذا الموروث لابد ان تصيبهم رياح التغير والشاطر هو الذى يقبض على جمر ايام زمان وهؤلاء باتوا قلة ....طبعا حكاية الكتوف اتلاحقت فى مجملها حاجه جميله جدا وهو مجهود مقدر للأنثى لكن ربما حمل باطنها بعض الامور فهناك الكثير من الرجال لايحبون الفتاة ذات الشخصية القوية والوضع الاقتصادى النافذ والرأى القوى هذه الامور قد تعصف بالزواج اذا لم تجد رجل محنك يدرك تغير الحياة واحقية الزوجة فى المشاركة فى بناء الاسرة وهذا ماقصدته.....بالتأكيد ياهادية هناك كثير من الحلقات الضايعه لانها تدخل ضمن تركيبة الرجل والمرأة النفسية والصحية والنشأة الاوله والتربية والشخصية السوية وغيرها من الامور المعقده جدا لكننا نحاول ان نتلمس الخطوط العريضه.....
بالنسبه للباعوض مالقيت حل غير ارفع يدينى للسما واقول ربنا ينتقم من الخلوك تتوالد وتعذبنا كده.....

Hadia Keroudi كتب:انا معاك يامدثر لكن انت ماملاحظ انك بتتكلم عن سؤ الاختيار بس يعني السؤ او المشكلة في الطرف الاخر ولا ماكده
انا فهمي انه في مشكلة في فهم الحياة الزوجية بالنسبة للطرفين وبالذات في تحمل المسئوليات وخاصةً من ناحية الرجل لانه زي ماقلت المراءة مخلوق ضعيف والضعف هنا جاي من حبها لي نجاح بيتها وزوجها واولادها وده البخليها مهما علت تكون سعيدة بي تقدير واهتمام زوجها بيها وده الكان بفرق من زمان وهسي يعني الزمن اتغير بي مفاهيمو
خلينا نقول ولو جاز القول القناعات والاتكاليات سبب اساسي في المشكلة

انا ياهادية اتكلمت عن مشاكل تؤدى الى الطلاق هذه الاشكاليات يمكنها ان تنشأ قبل الزواج وهو الاختيار على اسس غير سليمه وهو يشمل مشاهد كثيرة جدا ،،وايضا هناك مشاكل تنشأ بعد الزواج واختصرتها فى التوازن الذى نفتقده بعد الزواج وانا متفق معاك تمام ان هنالك رجال بيتملصوا من المسئولية بعد الزواج وهو سبب اساسى من اسباب الانفصال هذه المسئوليات لها ضروب شتى ان كانت تجاه الزوجه او الابناء او قنوات الصرف على الاسرة ... هذا لايعفى المرأة من قيامها بمسئولياتها التى تتمثل فى الحرص على زوجها والاهتمام به لان المرأة يمكنها ان تمثل للرجل وطن صغير يجد فيه كل مايحب ان هى اجادت دورها المنوط بها ... انا بضم صوتى لصوتك الاتكالايات مشكله فيجب ان يقوم كل واحد بالدور بتاعوا على اكمل وجه وايضا تقديم التنازلات فى حالة وجود قصور غير مقصود فالتنازل والتسامح فى العلاقه الزوجيه امور مهمة من شأنها ان تجدد الحياة الزوجية وترتقى بها ان كانت فى حدود معقوله

مدثر قرجاج كتب:اذا ابتدرنا حديثنا عن التصدع الذى اصاب الحياة الزوجية بالفتاة نجد انها بطبعها مخلوق رومانسى رقيق تغلب عليها العاطفه اكثر من العقل وهذا طبعا ليس على العموم ، لذلك الفتاة منذ ان تتفتح وتعى الاشياء حولها تفكر باشياء كثيره من ضمنها بالطبع الرجل شريكها فى هذا العالم ومنذ المراهقة المبكرة تبدأ فى نسج ورسم صورة لفارس الاحلام فتتصوره على حصان ابيض بطوله الفارع ووسامته وغيره من تلك التفاصيل، ومع مضى السنوات وتفتح العقل وتقدم السن بها تحاول ان تقدم بعض التنازلات عن ذلك الفارس حيث تبدو اكثر واقعيه ومنطقيه فى اختيار شريك حياتها وهذا جيد لكنه ربما يحمل معه بعض الترسبات القديمه وتصادم الاحلام مع الواقع يجعل الفتاة تندب حظها حين لاتجد ماكانت تحلم به ،، يعنى ان ماعايز اطلع من النص لكن احاول ان اعمق ان فكرة اختيار الفتاة للزوج من القليل بمكان ان تجدها مبنيه على خبرات تراكميه او عين ثاقبه للرجل بقدر ماهى محاطه بالسطحية ،لاننا تعودنا فى الاسرة ان لانتحدث للفتاة عن الرجل الحقيقى ونتركها لوحدها تكون فكرتها الخاصة من خلال الفضائيات ومن خلال مكالمات الموبايل وغيرها من الاشياء الهشة التى لاتجعل الفتاة قادره على تمييز الاشياء لانها اساسا تفتقر الى فنون الاختيار السليم فمن الاحرى ان تتلقى الفتاة جرعات مكثفه منذ المراهقة عن الرجل وكيفية التعامل معه فى كل مرحلة من مراحل العمر وهذا بالطبع دور يقع على الاب والام فمن المهم جدا ان يجعلوا من ابنتهم صديقتهم التى لاتكتم الاسرار بل تبوح بها وتتشاور معهم لتجد النصح والطريق الراشد لان هذا الزمن لم تعد فيه سياسة الكبت والحجر على الفتيات سياسه ناجعه بل لها مردود سلبى نضيف الى ذلك ان الفتاة اليوم تدرس فى الجامعه وتعمل فى كل القطاعات الخاصه والعامه فلا مفر من مقابلة الرجل والاحتكاك به فى كل الاصعده لذلك علينا ان نجعل من ذلك الاحتكاك فى كل هذه الاماكن احتكاك ناجح يقود الفتاة للاختيار الصحيح النابع من تربيتها وشخصيتها المستقلة وتجاربها التراكميه........
اذا المعايير الغير صحيحة فى الاختيار ربما تقود الفتاة الى الى العوده من جديد الى منزلها لتسمى مطلقه... شى اخر التسرع والشفقه ايضا خصوصا ان الفتاة فى سن معينه تبحث عن المخارجه فقط بأى شكل من الاشكال مما يضع غشاوة فى عينيها لكنها تزول بعد الزواج وربما عادت ايضا لتبقى مطلقه ..

كلام زي الورد..هادية سلامات..الجار أخبارك ؟! آخر مرة خليتك كويس أغيب فترة ألاقي الباعوض جهجهك كدة؟..جاييك في البوست بتاعك السخن داك..أخوك محبط الأيام الفاتو ديل كورتنا كلها تعادلات وهزايم الناس ديل مرض ياخ الله غالب..المهم خشيت بي جاي داير أتطفل شوية في المواضيع الكبار كبار دي لقيت الموضوع دة سخن بالحيل...بس جماعتك بتاعين الندوةماشي عليهم حلة ولقت غطاهاتب ههههههههي بيني وبينك الواحد الأيام دي بس داير ليو واحد يغلط أو أي موضوع ما راكب عدلو عشان ننتقد وننتقد ونفشي غبينتنا دي يا قرجاج ياخي...موضوع اختنا هادية دة عندو ناسو البناقشوه نحن ناس على باب الله ساكتيعني غير صالحين للنقاش والفلسفة فى المواضيع الزنقة دي.. (فاقد الشئ لا يعطيه)...أمبارح بس خشيت على البوست وماشاءالله مواضيع حيوية ومداخلات وإستفتاءات وردود كمية بالجد ماعرفتو! الواحدفينا زمان يفتح ليهو بوست ويقعد في الباب يحرسو ويقرب يشتت سكر عديييل أكان يلقى ليهو زولاً يتاوق ساي! والناس بعد دة تحلف ماتخش تقول الدخول بى قروش؟! أكان كدة نجهز نفسنا للتطورات دي ونحاول ننداح بى قصايدنا الجديدة ..أختنا هادية الله يديك العافية..بوست الشينين بتاعك داك خوفنا عشان كدةعملنا إحتياط وغيرنا صورة البروفايل الشينة ديك بالصورة الجديدة دي لزوم الشكل المرتب وكدة..ومع شوية كمون أسود وخرزة...أكيد مابتجيني عوجة..دعواتكم...جاييكم..أبقو قراب...

كلام زي الورد..هادية سلامات..الجار أخبارك ؟! آخر مرة خليتك كويس أغيب فترة ألاقي الباعوض جهجهك كدة؟..جاييك في البوست بتاعك السخن داك..أخوك محبط الأيام الفاتو ديل كورتنا كلها تعادلات وهزايم الناس ديل مرض ياخ الله غالب..المهم خشيت بي جاي داير أتطفل شوية في المواضيع الكبار كبار دي لقيت الموضوع دة سخن بالحيل...بس جماعتك بتاعين الندوةماشي عليهم حلة ولقت غطاهاتب ههههههههي بيني وبينك الواحد الأيام دي بس داير ليو واحد يغلط أو أي موضوع ما راكب عدلو عشان ننتقد وننتقد ونفشي غبينتنا دي يا قرجاج ياخي...موضوع اختنا هادية دة عندو ناسو البناقشوه نحن ناس على باب الله ساكتيعني غير صالحين للنقاش والفلسفة فى المواضيع الزنقة دي.. (فاقد الشئ لا يعطيه)...أمبارح بس خشيت على البوست وماشاءالله مواضيع حيوية ومداخلات وإستفتاءات وردود كمية بالجد ماعرفتو! الواحدفينا زمان يفتح ليهو بوست ويقعد في الباب يحرسو ويقرب يشتت سكر عديييل أكان يلقى ليهو زولاً يتاوق ساي! والناس بعد دة تحلف ماتخش تقول الدخول بى قروش؟! أكان كدة نجهز نفسنا للتطورات دي ونحاول ننداح بى قصايدنا الجديدة ..أختنا هادية الله يديك العافية..بوست الشينين بتاعك داك خوفنا عشان كدةعملنا إحتياط وغيرنا صورة البروفايل الشينة ديك بالصورة الجديدة دي لزوم الشكل المرتب وكدة..ومع شوية كمون أسود وخرزة...أكيد مابتجيني عوجة..دعواتكم...جاييكم..أبقو قراب...[/quote]


شكلو البوست ده حايحصل ايام زمان لاسكر بنفع معاه لاقروش لاعندو ناسو

يعني هي الناس ناقصا ماسئ
قعدت ليهو جنب الباب وحرستو يابدر الدين لمن ضربتني الشمس

يافرو مشتاقيييييييييييييييييييييييييييييييين

والله كلامك صاح فاقد الشى لايعطيه ههههههههههههههههههههههه
لكن خلينا ننظر شويه لانو كان ما قرينا بارينا وشوفنا ليك الناس بعد العرس البحصل ليها شنو؟
الغريب بيجوا ياخدو رشتات من عند العزابة عشان اليدو فى المويه بقدر ينظر صاح
غايتو كان الله ادانا عروس عندنا ليها حياة زوجية فيها تنظير كتير لكن التطبيق على الله بس
منتظر تلفونك واخبارك..
محبتى...........................................................................................
ياهادية لحدى هسه ماجانا زول متزوج يورينا الحاصل شنو ؟؟؟؟
ياشباب المرتو مابتخش النت يجى عادى ويفضض على بالطلاق لو داير طلاق نطلق ليهو
والخايف ممكن يرسل رسالة خاصة مافيها شى ...
تعالوا ياخ مافيها حاجه نقاش عادى يعنى ماضرورى يكون حاجه خاصه الموضوع عام فقط
وانشالله راجعييين

مدثر قرجاج كتب:يافرو مشتاقيييييييييييييييييييييييييييييييين

ياهادية لحدى هسه ماجانا زول متزوج يورينا الحاصل شنو ؟؟؟؟
ياشباب المرتو مابتخش النت يجى عادى ويفضض على بالطلاق لو داير طلاق نطلق ليهو
والخايف ممكن يرسل رسالة خاصة مافيها شى ...
تعالوا ياخ مافيها حاجه نقاش عادى يعنى ماضرورى يكون حاجه خاصه الموضوع عام فقط
وانشالله راجعييين

يامدثر قصة عجيبة لكن
بعدين الموضوع ماشخصي علي قولك عاااااااااااااااااااااااااام
ولو شخصي المدخلني شنو (اجي يالفضايح)
نديه تلاتة يوم بعد داك نعلن الانسحاب
بعدين ياخوي كيف ماجاك متزوج والعبدلله الفتح البوست ده شنو

لكن انتى ست البوست ماحانحسبك (سيد البوست مامحسوب)

سمح علي كده اننتظر ونشوف (عرس الجدادة للخروف)
تعرف يامدثر في تغيير شوية بجر الرجلين للبوست نشيل اسباب ونخلي الباقي اها كيف

يامدثر ياادارة ماعرفت اعملها سويها انت يااخوي غلبتني دي

Hadia Keroudi كتب:سمح علي كده اننتظر ونشوف (عرس الجدادة للخروف)
تعرف يامدثر في تغيير شوية بجر الرجلين للبوست نشيل اسباب ونخلي الباقي اها كيف

تمام .. انشالله تجيب نتيجه

::
شــيــلــوا .. الـصــبــر .. الــبـوســـت ..دهـ .. بـعــد .. الأنــتــخــابات .. حــا يــولــع
نــار ..لأنــو .. فـي ..نــاس ..كــتــار .. حــالــفــيــن .. بــالـتـلاتـة
:
إنـتـظــرونــا
::

تسلم يايحي لكن علي كلامك ده الانتخابات علي كل المستويات ولا شنو

تسلم ياابوسارة
يبقي علي كلامك ومدثر خلونا نقول ونلخص شوية من الاسباب
التسرع في الاختيار
عدم القناعة بالواقع
عدم المصداقية في العلاقة (الاقنعة)
عدم الفهم السؤي لقدسية الحياة الزوجية
عدم الاعتراف والتقدير لحقوق الطرفين
التدخل الخارجي
وفي حاجة اساسية انه الفهم بتاع انه اسهل حاجة ممكن الواحد ينفصل دي ذاتها في حدها مشكلة كبيرة
ولا رايكم شنو

::
زولــنــا .. و نــاســنــا .. بــس
:
إنـتـظــرونــا
:
فــوق
:
فــوق
::

::
مـن أكثر الأسباب المؤدية لـفـشـل الـحـيـاة الـزوجـيـة :

سوء الاختيار من كلا الطرفين .. و التسرع في إتـمـام مـراســم الزواج .. دون مـعـرفـة دقـيـقـة
مـســتـوفيـة .. لـحـقـيـقـة كل واحد منهما عن الآخـر.. و الـتـيـقـن مـن مـسـتـوى إدراكـه
و نـضـجـه ومعـرفـته .. بـطـبــائـع .. ومــألات .. الحـياة الـزوجـيـة .. فـي مـقـبـل الأيــام.

عدم التكافـؤ بين الزوجيـن .. مثلا .. على المستوى .. الثقافي والاجتماعي .. والـتـبـايـن الـواضـح فـي
المستوى الاقتصادي .. والمادي بين الطرفين .. هذا النوع من الزواج .. ليس هدفـا مـبـتـغى في حد ذاتـه
وإنـمـا هــو .. وسـيلة لـبلوغ وتحـقـيـق .. غايات آخري فـي نـفـس الـزوج أو الـزوجــة .. و مـا أكـثـره
مـن زواج .. في هذه الأيام الـعـصـيـبـة.

بـخـل وشـح مـن الـزوج .. وإسـراف و بـذخ وعـدم تـدبـيـر .. مـن الزوجـة.

قـسـوة .. و فـظاظـة .. وعـنـف .. من الزوج على الزوجة .. مـصـحــوب .. بـتـدخل أفـرد
عــائـلـة الزوج .. أو الـزوجـة .. في حـيـاة الزوجـيـن.

زوج .. مـتـعـجـرف .. و متـكـبـر .. وغير مـسـتـقـيم .. وسـيئ الخـلـق .. و لا يـستطـيـع الـتـكـيـف
مع طـبـاع و مـزاج الـزوجـة.

زوج (ود عـز) .. عـديـم المسؤولية .. يـعـتـمــد عـلـي أسرته الـكـبـيـرة .. فـي كـل شـيء .. تـكـفـلــت
أســرتـه .. بكل أعباء الزواج .. فبالتالي .. أصبح زوج .. عـديـم المسؤولية .. للـحــد الـذي
تنـتـفـي معه .. أهم الأسس .. والمبادئ الأســاســيــة .. و الـقـيـم الأخلاقية .. الـكـفـيـلـة لـتـأسـيـس
حـيـاة زوجـيـة .. فـنجده مستهترا .. و فـوضـوي .. بحياته الجديدة .. التي لم يخطط لها فـي الأصل
ولم يـبـذل آدني جـهـد ..في الوصول إليها .. و لم يـتـكـبـد الـعـنـاء والـشـقـاء .. مـن أجـل تـكـويـن أسـره جـديـدة
وإنما .. كان معتمدا .. عـلـى أسـرته بـشـكـل أسـاسي،


هـنـالـك أسباب.. تـعـزى للـمـكـون الـنـفـسي .. لـدي الأزواج .. مـن حيث الأفكار.. والـقـيـم والمشاعر
التي تـشـكـلـت مـن واقـع .. الـحـيـاة الـظـرفـيـة لـكـلـيـهـمـا.. وخـاصـة لدى الـزوجـة .. وطريـقـة سـلـوكـهـا
وتـعـاطـيـهـا للـواقـع ــ وفــق معـطياته الآنـيـة .. ومـا تـقـتـضـيه مـتـطـلـبـات .. الحـياة الـعـصرية الحـدـيـثـة
الـتـي تـعـيـشهـا .. إلى جــانـب .. مـحـدوديـة تـفـكيـرهـا .. ونـظـرتـهـا الـسـطـحـيـة لـبـواطـن الأمــور
ومـن خـلال هـذه المـؤثـرات .. تـتـبـلـور .. مشاعـر مطربة لـديـهـا .. مما يجعـل منها زوجـة .. هـشة مـنـقـادة
وراء المظاهر الكاذبة ..التي بـدورهـا تنشئ شخصية .. مـسـتـلـبـة تـلـهـث وراء .. كـل ما هـو جـديـد ..
وهذا حـتـمـا .. يـنعـكـس سـلـبـا .. فـي الـكـيـفـيـة .. التي تـنتهـجـهـا الزوجـة .. فـي إدارة شــئــون أسـرتـهـا.
:
نـواصــل..
::