طريقة إنزال الصور في المنتدى

لكل من واجهته مشكلة في انزال صورة من جهازو للمنتدى ...
وعشان مستنين نشوف صور عماد عويس من عادل محمود كمان ..

الطريقة بسيطة وهي كأنك عايز تكتب موضوع جديد أو ترد على الموضوع ..
ولما يفتح معاك الصندوق محل الكتابة .. أعلى الصندوق بتلقى مجموعة من الأيكونات
بهمنا هنا ( آيكونين) حفظ صورة + صورة ..

نضغط على (حفظ صورة) عشان نشيل الصورة من الجهاز ونعمل ليها لنك كما موضح في الصورة أعلاه

تفتح معاك صفحة جديدة من موقع هوستنغ للصور وتعمل كوبي للنك كما موضح في الصورة أعلاه

تقومو
ونرجع تاني لمكان الرد على الموضوع وبالضغط على آيكون (صورة) نقوم بلصق اللنك هناك والضغط على نعم
ثم إرسال الموضوع وتظهر الصورة ..
الصورة يمكنكم الكتابة تحتها أو فوقها لتوضيح المعلومات

موقع إميج شيك هو هوستنغ رئيسي لاسرة احلى منتدي
لكن مرات كتيرة بكون (برة الشبكة) ولكن توجد مواقع كتيرة بتعمل ( ابلوود) للصور وبسرعة أكبر
في حالة وجود لنك للصورة .. نستغنى عن الخطوة الأولى ( الضغط على حفظ صورة) ونقوم بالخطوة التانية مباشرة
وندخل في المربع لنك الصورة المراد ظهورها في المنتدى

كدى نجرب يا محمد عشان بعذبنى الانزال دا

والله ما ظبطت يا محمد مافى غير كدة يعنى من براوس دى تختار وتعمل حفظ طوالى وتنزل معاك الصورة

والله انا اكتر عضو في احلى منتدى تعبان مع نزيل الصور بطريقتكم
ما ادري انا مسطح ولا شنو الحكاية ما عارف المهم الله يعطيك الصحة
والعافية والعافية وتحياتي لاسرتك الكريمة
ولن اييس من تنزيل الصور وسوف احاول واحاول واحاول الى ان تظبط
معي انشاء الله والسلام للجميع

انته تعبين نفسكم مالكم رسلوا الصور لى محمد هو بنزله بطريقه !!!
بالله يامحمد نزل لي الصور الرسلته ليك !!

::

الفاتح الجوص كتب:انته تعبين نفسكم مالكم رسلوا الصور لى محمد هو بنزله بطريقه !!!
بالله يامحمد نزل لي الصور الرسلته ليك !!

الـفـاتح .. ســلامــات .. يــاخــي
نـيـولـوك .. فـي .. الـسـلك .. و الـنـافــورة .. ذكــرتـنـي .. نــافــورة .. الرئـيـس عـبــود .
و بـالمـنــاســبـة .. يــا مـحمــد مصـطـفـي عـايـزين .. صـورة للرئـيـس عـبـود و زوجـتـة سـكـيـنـة.
:
الرئـيـس عـبـود .. فـي عـهـدهـ .. تـم تـخـطـيـط و تـوزيــع الأمـتـداد مـع المـويـه و الـنـور
و مـع إنـارة جـمـيـع الـشـوارع .. و بـدايــات لـسـفـلـتـتـهـا .
طـبـعـا يـاشـبـاب .. نـحـن عـجــائـز وكـدة.
:
لـنـا .. عـودة .. عــاطــر .. الـتـحــايــا.
::

سلامات يحى اخبارك ياخى
طبعا انا لا حضرته عبود ولا شفته نافورته
لكن بعرف حدائق عبود
وانا بطلب من محمد ينزل لينا نافورة عبود
لكن يا يحى لقيتك عجوز
عشان كده ما بطلب منك تورينا صورتك !!
مودتى واحترامى

ياشبشب اخبارك ياخى
طيب ما تورينا طريقتك
يمكن تكون اسهل من الفوق دى
الاولاد كيفم
ما عاوزين ليكم عربية كاروا !!

توحة ياعسل والله عندي معاك شغل رهيب بس اصل السودان بالسلامه وبينا كلام

كدي نجرب بصورة عمنا الجمري ربنا يرحمه في تكريم علي يحي

لا حول الله يا مقه دي جبتها من وين ربنا يرحمة ويدخله فسيح جناته يارب

اللهم ارحم والدنا عوض حامد ود اللولي بنت حماد وادخله فسيح جناتك مع الشهداء والصديقين يارب

اللهم ارحم الوالد عوض حامد الجمري وادخله الجنه مع الصديقين والشهداء وان تجعل البركة في ذريتة واهل بيته

امين يارب العالمين

له الرحمة والمغفرة عمى عوض
بس والله اصلا ما ظبطت معاى الصور

التحية لك ياختي العزيزه سماح وسلام كثيررررر لاسامه وبكوري

بالنسبة لتنزيل الصور اختاري الخيار الثاني المكتب عليه Direct Link ان شاءالله تظهر معاك علي طول
واول صورة تنزليها تكون لابوعبيدهـ بشرط

جدا انشاء الله احاول وليك على تكون لابوعبيدة
انشاء الله تسلم ومشكور

يا اميقو

تسلم يا اميقو ظبط معاى
وليك صورة الكابوى هدية
تمام كدة