خاص جدا جدا جدا

لسة بيناتنا المسافة والعيون ..
واللهفة والخوف والسكون ..
رنة الحزن البخافها ..
تعدي بالفرحة وتفوت ...
وأبكي بالحسرة وأموت ..
D D D D D
الأماني الفي السفر ..
قبل الزمن كايس المواني ..
يوم تجيبني عليك بصدق ..
إنو مرة الحظ طراني ..
واحتواني معاك شجن ..
عذبني قبلك ولسه منك جاي تاني ..
تمشي وين الخطوة منك ..
ما الزمن بالحب بلاك وابتلاني ..
D D D D D
يا عيونك يا مدائن ..
الفرحة والحب والجسارة ..
عندي ليك مليون بشارة ..
ألف طيف .. والكلمة شارة ..
وأنت لما الحب يهون في عيوني ..
وفي عيونك يبقي حائر بالأمارة ..
الفرح منك يجيني ..
ويعتريني الخوف عليك ..
خطوة منك .. خطوة ليك ..
راجي منك بس إشارة ...
كلمة تديني البشارة ...

المسافة :
ذلك الفاصل بين اللقيا .... وبين الحضور
الرحيل :
بعد مكانى تحضترة كلمات الشوق ... ولقاء الوجدان
فيصبح البعد حضور... والغياب لقيا
وهذه المسافة ...تذوب بين تلك الاشياء بما فيها ... وما تحملة ... وما تعنيه

سماح نور كتب:المسافة :
فيصبح البعد حضور... والغياب لقيا

يا سلام عليك يا سموحه ..
كلام ...
متابع الون تو بينك وبين عارف ..
تسلمو الاتنين

احترامات زحمه