ما بين القرقوش والكرواسون
4 مشترك
صفحة 1 من اصل 1
ما بين القرقوش والكرواسون
من طرف طارق جبريل الإثنين مايو 17, 2010 11:49 pm
الحبيبين كيفنكم...
مرقت من شغلي يا الحبان جعان ومشتهيلي ((حَرِف))
اها قلت اضرب لي وليداتي فشان النشوف ان بقوا ما طلعوا معاهم العيش وباقي الملاهط
- الو بابا
- الو... اها طلعتوا العيش ولا اجيبو معاي
- بابا اسمه الخبز
- يا بت خبزك جن كلكي انا جعان طلعتوا شنو معاكم
- باب ما جبنا اي حاجة كنا مستعجلين
- كدي اسألي امك دايري شنو من غير العيش
- قالت ليك الخبز وشوية ديسير(فواكه)
- ايي ديسير شنو مو ياهو الموز والبطيخ
- يا بابا جيب معاك كيوي وشوية ديال الرمان وشوية كمثرة وعافاك آبابا دوز للباتسري(بتاع الحلويات) وجيب معاك ميلفي وكرواسون عشان نشرب بيهم (الكافي اوليه)
- واكنها شنو هي الكرواسون والميلفي ديل يا بتي
- بابا غير امشي حدا المخبزة وحداها الباتسري
مشيت يا الحبيبين اخدتة العيش وغشيت بتاع الفواكه وشلتة الموز والبطيخ وحاجة كدي يقولولا الكيوي لامن تفقشها نصين عاملي زي كلوة الخروف
وشيلنا الكمثرة والرمان... فواكه كدي من اسمها ماها راكبي راسي
من دربي داك مشيت علي النصيبة اليقولولوا الباتسري دة ان كان القالك حلويات اشكال وألوان
شي بني وشي ابيض وشي اخضر
- لا باس آلللا
- وي ميسيو
- ياخي دايرلي نصيبة يقولولا الملفي والكرواسون
- كوا مسيو (قلت شنو بالفرنسي)
الخرابة نسيت انها مغربية قايلها من بنوت شبا
- سوري بغيت شي حاجة كيسموها ميلفي وشي حاجة اخرى كيسموها كرواسون
- شحال بغيتي (عايز كم)
- شي عشرة في عشرة
- وخا مسيو
الخرابة جات شايلالي عشرة نصايب ضهرن ابيض ومشختات بالبني علي سيخ ((البيم))
شويتين تاني جابتلها نصايب تاني معوجات علي قرون التور
يا ربي دة وكرة شنو دي
وحات ربي التمن الدفعتو فيهن كان يدققلي شوالين ألات مريق
وانا في الطريق اتذكرت حبوبتي نفيسي وكتين نجي من الخرطوم لي شبا
بالله من تسمعبنا جايين يومين تعوس في القرقوش وتتندلو في التُكل في جردل أليل طلس ابيض
واصلو اول يوم دة من نجي بس تمغرب كدي تمشي تحلب النعاج وتجي تقننلنا اللبن
وتجيبلنا القرقوش ونحن نغتس في القرقوش في كباية الشُب ديك لامن يتنفخ
ووكتين تدخل القرقوشايي في خشمك وتحرك فيها بي لسانك
وحاتكم الواحد يبقى زي راس ابو القدح وكتين يقول كدي يدخل راسو لا جوة
والعجب ان بقيت لقيتلي باقي بركاوي في كوريي
ترقدلك في عنقريب في نص الحوش وتقعد تفسخ في البركاوي دة
وتشوف في سماء الله
هناك نشرب المقنن بالقرقوش
وهني ((الميلفي)) و((الكرواسون)) مع ((الكافي اوليه))
هناك تقعد تكد في عضم المنقة لامن تعدمو نفاخ النار وهني ياكلو في الكمثرة والكيوي
الشافع وكتين يمشي معاك الدكان تلقاهو يتشعلق في (تويكس)) ولا ((سنكرز)) ولا ((كيت كات))
ونحن يعلم الله غير حلاوة عكاز ألت الفلاتة ديك تقعد تقرمش فيها زي كسير الطلح بالفاس
وان بالغتة تاكلك قراصة نبق ((تابوتة))
هسي الشافع هني ترسله للمدرسة بي تيرمس أليل أكل يشتريلك ركشة عديييييييل ومليان نصايب
انا وحات الله يوم جيت للفطور من المدرسة لقيت امي ماها في شلتلي فطيرايي ضرضرت فيها سكر وكبيت فيها روب من الكوريي
ورجعت لي مدرستي وانا آكل فيها لامن وصلت الفصل لقيت قميصي ((الظهري داك)) كله مخطط بالروب علي البشمل فوق الماكرونة
هني يقولوا لي امهن سوي لينا فطيرة بالمكسرات
ونحن وكتين يخلولك الفطيري الاخيري في الصاج فشان تبقى قنقروشة
يمين تقرب تزغرد كله كله
اقولكم شي... انا الجابني البلد دي شنو
الرسول واحدا فيكم يختلي صورة الميلفي والكرواسون هني فشان الغبش يشوفوهن
مرقت من شغلي يا الحبان جعان ومشتهيلي ((حَرِف))
اها قلت اضرب لي وليداتي فشان النشوف ان بقوا ما طلعوا معاهم العيش وباقي الملاهط
- الو بابا
- الو... اها طلعتوا العيش ولا اجيبو معاي
- بابا اسمه الخبز
- يا بت خبزك جن كلكي انا جعان طلعتوا شنو معاكم
- باب ما جبنا اي حاجة كنا مستعجلين
- كدي اسألي امك دايري شنو من غير العيش
- قالت ليك الخبز وشوية ديسير(فواكه)
- ايي ديسير شنو مو ياهو الموز والبطيخ
- يا بابا جيب معاك كيوي وشوية ديال الرمان وشوية كمثرة وعافاك آبابا دوز للباتسري(بتاع الحلويات) وجيب معاك ميلفي وكرواسون عشان نشرب بيهم (الكافي اوليه)
- واكنها شنو هي الكرواسون والميلفي ديل يا بتي
- بابا غير امشي حدا المخبزة وحداها الباتسري
مشيت يا الحبيبين اخدتة العيش وغشيت بتاع الفواكه وشلتة الموز والبطيخ وحاجة كدي يقولولا الكيوي لامن تفقشها نصين عاملي زي كلوة الخروف
وشيلنا الكمثرة والرمان... فواكه كدي من اسمها ماها راكبي راسي
من دربي داك مشيت علي النصيبة اليقولولوا الباتسري دة ان كان القالك حلويات اشكال وألوان
شي بني وشي ابيض وشي اخضر
- لا باس آلللا
- وي ميسيو
- ياخي دايرلي نصيبة يقولولا الملفي والكرواسون
- كوا مسيو (قلت شنو بالفرنسي)
الخرابة نسيت انها مغربية قايلها من بنوت شبا
- سوري بغيت شي حاجة كيسموها ميلفي وشي حاجة اخرى كيسموها كرواسون
- شحال بغيتي (عايز كم)
- شي عشرة في عشرة
- وخا مسيو
الخرابة جات شايلالي عشرة نصايب ضهرن ابيض ومشختات بالبني علي سيخ ((البيم))
شويتين تاني جابتلها نصايب تاني معوجات علي قرون التور
يا ربي دة وكرة شنو دي
وحات ربي التمن الدفعتو فيهن كان يدققلي شوالين ألات مريق
وانا في الطريق اتذكرت حبوبتي نفيسي وكتين نجي من الخرطوم لي شبا
بالله من تسمعبنا جايين يومين تعوس في القرقوش وتتندلو في التُكل في جردل أليل طلس ابيض
واصلو اول يوم دة من نجي بس تمغرب كدي تمشي تحلب النعاج وتجي تقننلنا اللبن
وتجيبلنا القرقوش ونحن نغتس في القرقوش في كباية الشُب ديك لامن يتنفخ
ووكتين تدخل القرقوشايي في خشمك وتحرك فيها بي لسانك
وحاتكم الواحد يبقى زي راس ابو القدح وكتين يقول كدي يدخل راسو لا جوة
والعجب ان بقيت لقيتلي باقي بركاوي في كوريي
ترقدلك في عنقريب في نص الحوش وتقعد تفسخ في البركاوي دة
وتشوف في سماء الله
هناك نشرب المقنن بالقرقوش
وهني ((الميلفي)) و((الكرواسون)) مع ((الكافي اوليه))
هناك تقعد تكد في عضم المنقة لامن تعدمو نفاخ النار وهني ياكلو في الكمثرة والكيوي
الشافع وكتين يمشي معاك الدكان تلقاهو يتشعلق في (تويكس)) ولا ((سنكرز)) ولا ((كيت كات))
ونحن يعلم الله غير حلاوة عكاز ألت الفلاتة ديك تقعد تقرمش فيها زي كسير الطلح بالفاس
وان بالغتة تاكلك قراصة نبق ((تابوتة))
هسي الشافع هني ترسله للمدرسة بي تيرمس أليل أكل يشتريلك ركشة عديييييييل ومليان نصايب
انا وحات الله يوم جيت للفطور من المدرسة لقيت امي ماها في شلتلي فطيرايي ضرضرت فيها سكر وكبيت فيها روب من الكوريي
ورجعت لي مدرستي وانا آكل فيها لامن وصلت الفصل لقيت قميصي ((الظهري داك)) كله مخطط بالروب علي البشمل فوق الماكرونة
هني يقولوا لي امهن سوي لينا فطيرة بالمكسرات
ونحن وكتين يخلولك الفطيري الاخيري في الصاج فشان تبقى قنقروشة
يمين تقرب تزغرد كله كله
اقولكم شي... انا الجابني البلد دي شنو
الرسول واحدا فيكم يختلي صورة الميلفي والكرواسون هني فشان الغبش يشوفوهن
طارق جبريل- الإدارة العامة
- عدد المساهمات : 236
تاريخ التسجيل : 06/06/2009
رد: ما بين القرقوش والكرواسون
من طرف Majdi AbdulRahim fadul Mo الثلاثاء مايو 18, 2010 8:22 am
يادوك سلام وحمدا علي السلامة الصور دي عملنا سيرش في قوقل ما طلعنا ولا بكافي أولية دي
مودتي لك وللعيال وأمهن.
،،،،أبوقصي،،،،
مودتي لك وللعيال وأمهن.
،،،،أبوقصي،،،،
Majdi AbdulRahim fadul Mo- وسام التميز
- عدد المساهمات : 673
تاريخ التسجيل : 08/06/2009
الموقع : الأمتدا
رد: ما بين القرقوش والكرواسون
من طرف سماح نور الثلاثاء مايو 18, 2010 11:33 am
والله قصة عسسسسسسسسسل واجتهدنا ليك فى الصور
ولقيتهم
بس الميلفى مابعرفة اول مرة اسمع به يشبه الرقاق بس محسن اظنه
*********************************
والكرواسون دا شفنا قبل كدة
وتانى ما تقول لينا شئ ما بنعرفة
وان شاء الله تسلم وحمد لله على السلامة
سماح نور- كبار الشخصيات
- عدد المساهمات : 383
تاريخ التسجيل : 23/06/2009
الموقع : الخرطوم
رد: ما بين القرقوش والكرواسون
من طرف طارق جبريل الثلاثاء مايو 18, 2010 6:21 pm
راقدة يا حبيبناMajdi AbdulRahim fadul Mo كتب:يادوك سلام وحمدا علي السلامة الصور دي عملنا سيرش في قوقل ما طلعنا ولا بكافي أولية دي
مودتي لك وللعيال وأمهن.
،،،،أبوقصي،،،،
المشكلة مكيفن نعرف ننطقها
طارق جبريل- الإدارة العامة
- عدد المساهمات : 236
تاريخ التسجيل : 06/06/2009
رد: ما بين القرقوش والكرواسون
من طرف طارق جبريل الثلاثاء مايو 18, 2010 6:23 pm
والله ما قصرت يا سماحسماح نور كتب:
والله قصة عسسسسسسسسسل واجتهدنا ليك فى الصور
ولقيتهم
بس الميلفى مابعرفة اول مرة اسمع به يشبه الرقاق بس محسن اظنه
*********************************
والكرواسون دا شفنا قبل كدة
وتانى ما تقول لينا شئ ما بنعرفة
وان شاء الله تسلم وحمد لله على السلامة
طارق جبريل- الإدارة العامة
- عدد المساهمات : 236
تاريخ التسجيل : 06/06/2009
رد: ما بين القرقوش والكرواسون
من طرف نزار مصطفي عبدالرحيم الأربعاء مايو 19, 2010 11:55 am
سلام وتحيه للاخ العزيز طارق جبريل واقوليهو والله ده كله شفناهو واكلناهو لكن مافيهم طعم زي لقيماتنا بتاع الصباح 
نزار مصطفي عبدالرحيم- عدد المساهمات : 6
تاريخ التسجيل : 04/05/2010
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى