نستقبل إقتراحاتكم

الإخوة الكرام
طبعاً كان مفروض الإفتتاح يكون يوم الإتنين بعد بكرة
ولأن المنتدى شكلو لسة تقليدي كباقي المنتديات
ونحن ناس متخصصين ( إمتدادياً) أريد أن أقدم لكم بعض
الإقتراحات ونشوف آراءكم ..

أقسام المنتدى :
كما ذكرت إنو المنتدى مقسم تقليدياً (اسلامي - عام - فني -ترحيب)
ليه ما نقسموا (إمتدادياً) ؟ ونجعل أقسامه (مثلاً) كالآتي :

1. نادي الامتداد
2. الرابطة
3. الطابية (مسطبة ناس تيتاوي)
4. شخصيات إمتدادية لها إيقاع
5. شجرة عمك أبنعوف

كنت سعيد جداً لما طارق جبريل إقترح صورة للامتداد كخلفية
وعلّق على ألوان وإستايل المنتدى .. ومشيت بسرعة غيرتهم
وياريت لو نسمع كلو مرة إقتراحات تهم تطوير منتدانا
وظهورو بصورة مشرّفة!

وهنالك اقتراح أيضاً برعاية المواهب الشابة .. من الكتابة والقصة والشعر والرسم ... أرجو أن يتكفل بها الأخ الكاتب طارق جبريل ...

طبعاً أنا لسة ماسجلت في المنتدى , ولسة بستعمل كود الادارة والأدمن ..وماكنت ناوي خالص أكتب مشاركات بإسم أدمن .. لكن فاجأني الأخ الكريم عبد الله كع بمشاركة (صباحبة) جميلة نستني
أسجل , ومن شدة لهفتي على الرد بديت أرد بإسم أدمن ..
وبدأت أفواج جميلة تظهر وإنغمست في الردود
لكن حاأمشي أكون نفسي وأعمل لي إسم تاني .. ويكون أدمن دا للطوارئ فقط
في إنتظار سماع مقترحاتكم بكل مايخص المنتدى ,, وإن شاء الله يوم الإتنين القادم 8 من يونيو الساعة السادسة مساء بتوقيت السودان يكون الافتتاح الرسمي للمنتدى .. وتكون بذلك قد إكتملت الصورة النهائية لمنتدانا!

والله الموفق
أخوكم محمد مصطفى

محمد كيفنك
الاقتراحات جميلة حقيقة وان كنت اقترح ان تكون الابواب كالآتي:
- نادي الامتداد
- مجتمع الامتداد (افراح+تهاني+تعازي)
- العام (مواضيع توثيقية+بوستات فكاهة+قصص+.....الخ)
- اهلنا (المشاريع الخاصة من ابناء الامتداد تجاه الامتداد.... بنية تحتية"تشجير +فتح خيران الخريف..الخ)

جميل ياطارق

نحن هسة 9 أعضاء مسجلين .. ياريت يلحقونا بإقتراحاتهم كمان قبل يوم الاتنين .. عشان الزمن يسعفنا ..

قبل يوم الاتنين دي حلوة .. ماهو بكرة بس !!

بقينا 12 عضو ولسة مافي اقتراحات جديدة غير اقتراح أخونا طارق
إقترحوا ياناس .. أكيد أي واحد فينا عندو رؤية معينة للمنتدى ..

عشان نبدأ الشغل ونجهز المنتدى للإفتتاح الرسمي في يوم الإثنين

عندى عدد من الاقتراحات لكن الان يحضرنى
ان يتم الاشتراك فى منابر الموقع بالالقاب ولامانع
فى ذلك بشرط ان يتم كتابة الاسم الحقيقى فى
البيانات الشخصية للعضو او العضوة
وهناك اقتراحات اخرى عديدة ساكتبها تباعا
لكن ماقبل يوم الاتنين
اها اتذكرت حاجة تانية وهى اعتقادى بان تجميع
المشاركات مع تنوعها فى منبر واحد هو
الافضل من وجهة نظرى الخاصة جدا
وهذا من شانه ان يعزز اللقاء بين اهل الامتداد
وكما شاهدنا فحتى الان المشاركات كلها فى
المنبر العام
هذا راى

شايف ايقونة ال ip
موجودة فى جميع البوستات
وهناك ايضا ايقونة تحرير
ودى شايفة بتدخل الواحد على
موضوعات الاعضاء وتحريرها
والاضافة عليها
وبرضو يامحمد ارجوا ايجاد طرق
لتسلسل الردود يعنى وضع ايقونة
اضافة رد بعد كل مداخلة
عشان الموضوع يكون ثلث

ايضا يمكن حذف مشاركات الاعضاء
طبعا بالتاكيد كل هذه الامور فى حسابات
الادمن وسوف تتم معالجتها
قبل التدشين الرسمى

فعلا يا تيتاوي
وجود منبر واحد يقوي الصلة بين الناس
واقرب مثال سودانيز اون لاين
قوة سودانيز في سوق ام دفسو الواحد دة

يا محمد مصطفى
ياخي لمن افتح المنبر العام الجزء الشمال من اول اربعة مواضيع الحتة البيكون فيها عدد المداخلات وعدد الردرد بيظهر فيها مربع ابيض يغطي الحتة دي تماما ما عارف لو المشكلة من عندي ولا من عندكم
عايزين قبل الافتتاح كل الاشكاليات تتحل

طيب ياشباب كلام جميل

البشوفو تيتاوي وطارق من آي بي وقدرة على التحكم في مواضيع الأعضاء دا لكونكم مشرفين ..
أي نعم ماظهر عندكم كلمة مشرف تحت أساميكم ولكن قد منحتكم سلطات لتسهيل العمل في المنتدى والقيام بالمهام اللازمة من حزف وتحويل وتقسيم المنتديات ..
أما مايظهر أسفل الشاشة فدي إشكاليات الإستايلات الجاهزة .. لكن ياطارق بتتحل لو غيرت طريقة التصفح أو غيرنا الإستايل ..
إيه رايكم أغير ليكم الاستايل كلو فترة .. ونشوف أحلى إستايل ونبقى عليهو كإستايل ثابت ؟

أما موضوع المنبر الواحد ماعندي مشكلة .. ممكن نجرب أي شي لحدي ماتكتمل الصورة النهائية لمنتدانا ..
وفي انتظار باقي الإقتراحات
والشكر الجزيل للمشرفين تيتاوي وطارق

تيتاوي ..

آيقونة (الرد على الموضوع) موجودة في كل المواضيع في اسفل الصفحة خالص جوار آيقونة (موضوع جديد) .. لكن بشوف القلب يابا
وكل إستايل ليهو آيقوناتو وتختلف مواقعها .. لكن الشغالين بيهو دا موجودة الآيقونات تحت شديد ..

إن شاء الله أكون جاوبت كل الأسئلة .. ولو مافي إعتراض على نظام أم دفسو ( المنتدى الواحد) .. يوم الإتنين من صباح الرحمن بنقل كل المواضيع وأسويهو سوق أم دفسو ..

لحدي هسة عندنا مشرفين تلاتة .. كمباء وطارق وتيتاوي ..
وجيت أعمل عبد الله كع مشرف طلع إسمو طويل .. إلا ننقصو ليهو ونختصروا ...
وبما إنو مهام المنتدى تكليفية وليست تشريفية يتبقى علينا جميعنا مراعاة حقوق الآخرين .. والسعى وراء إخراج المنتدى بصورة أجمل

والله الموفق

[quoteآيقونة (الرد على الموضوع) موجودة في كل المواضيع في اسفل الصفحة خالص جوار آيقونة (موضوع جديد) ..[/quote]

ما قصدته ان تكون موجودة بعد كل مداخلة عشان الردود
تجى بالتوالى والتسلسل فى الرد على الاول ثم الثانى
ثم الثالث لان هناك مواضيع يجب ان تتسلسل والا حدث
فيها بعض التداخل وفى ناس بتاخد على بالا لو تداخل
اولا ولكن كاتب الموضوع يرد على اخر دون ترتيب
هذا ما اقصده

يمكن اضافة كع للمشرفين بتقصير الاسم هكذا لان
عبد الله يتميز بالنشاط الكبير والمواظبة والحيوية

ود مصطفي الله يديك الصحة والعافية
ملاحظات شيخنا طارق والعميد تيتاوي خلي بالك عليها عشان هي زادنا
اتفق مع العامر تيتاوي في اشراف عضوية الجميل كع

((وجيت أعمل عبد الله كع مشرف طلع إسمو طويل . إلا ننقصو ليهو ونختصروا .))


طويل شنو يا كركر .. انا لازم اكتبو هنا كامل عشان في ناس كتار ما بعرفو عبدالله كع ده منو زاتووووووووووووو ... انا كنت ناوي اكتب عبدالله عوض عبدالله احمد الامين علي ... مربع 8 منزل رقم 63 و11 منزل رقم 242 مولدا ونشاءة ولعب في فريق النجوم باك من ((1982- 1990م ))....... وبس

يا جماعه الاشراف ده داير ليهو زول خبرة ويكون بلغ من العمر عتيا .. عشان كدا عمك طارق - وتيتاوي - وكمباء - ومجدي عبدالرحيم (( غريبه ما جاء هنا )) مناسبين جدا واضيف ليهم شيخ فيصل محمد خليل- واحمد جومو ربنا يجيبو هنا

إزيك ياكمبااااااء ؟ بدري ياخي

عبد الله كع .. مامشكلة المحاولات جارية لتنصيبك بإسمك الطويل دا
أتعبت ناس البطاقة الشخصية ..
هنا عندنا إسمين بس يا كع .. أكتر من كدة تدفع قروش في الحرف الواحد

شوف يامحمد يااخوي كلمتين ما بزيد منهما

فتح حساب

الي ان نلتقي لك محبتي والمتداخليين الاعزاء

الأخ الكريم الفنان / عماد عويس

يا هلا وغلا فيك ..
ليك وحشة والله رغم جفاك وهجرانك ..

لكن نفتح حساب لي شنو؟
شايفك الأيام دي بقيت مادي يا عويس ..
هل تركت كتابة الشعر وإتجهت إلى كتابة الشيكات الطائرة ؟

يا ألف مرحب بيك مرة تانية ..

ونورتنا وحات الله .. وفي إنتظار سماع صوتك من خلال تسجيلاتك

لو نزلت لينا حاجة منها هنا نكون عاجزين عن الشكر