مكتبه الامتداد للأغـــــــانــــــــي الســودانــيـــه

زمن بنادي
الشاعر عبد الرحمن الريح
لي زمن بنادي انا للخديده نادي
ياناس محبوبي ساكت قصد عنادي

مع نزول دموعي اذا اشتعل زنادي
لصدي عن سواه اوجه استنادي
متين يهل هلالي واسمع المنادي
ينادي عن حبيبي يقول ترك عنادي

بسامحه لو ازاني ولو خلف معادي
حبيبي لو هجرني بحبه ما بعادي
احب تملي قربه ويحب دوام بعادي
منعني عن وصاله وشمت الاعادي

قولي كيف بينجح مع الخدود جهادي
مادام سمر عيونك مضيع اجتهادي
من الحميم شرابي ومن الجحيم مهادي
سهرت والكواكب تعلمت سهادي

جميل وصف جمالك يحير الشوادي
غزال نفرت مني وجعلت قلبي وادي
تجني لو اقبل خدودك النوادي
اذوب من اللطافة ويذوب معاك فؤادي

أراك اسرت قلبي وملكته في الايادي
اراك نفور وجافي وبعيد عن اصطيادي
بعيد وصف جمالك ومن الهوى ازديادي
جمال خلاف جمالك دا عندي شي اعتيادي

أنا صادق في حبك
الشاعر عمر البنا

أنا صادق في حبك لو قلبي
يتصل بي قلبك .. هذا مقصودي
********
أنا أقصد ودك وأنت تحرمني
النظر في خدك .... لأذاي
ديمة باذل جهدك مع علمك بهواك
منذ أيام مهدك ... انت مريودي
أمتى تنجز وعدك وعني يذهب نحسي
ولي يطلع سعدك ... يا حبيب غثني
ما بطيق نار بعدك وأنت عارفني
ما بعيش من بعدك ... انتهى وجودي
*******
الشباب في عصرك جملة معترفين
لجمالك وحسنك .. يا مهدّل يا مفدّل
يا المهفهف خصرك الكواكب والحور
قاصرين عن قدرك .. كيف أنا هجودي
*******
أمتى يفرج سجنك وأشوف صورتي
في مراية وجنك ... تنجلي عيوني
بي تغزُل حسنك أكوي عزالي
بالتقرب منك وفيك أرى سعودي
******
قال لي لازم .. صبرك من وصالي قريب
الدخول في قبرك من زمن يا عشوق
لي قاهر أمرك والعفاف يمنع قلبي
ليك يتحرك .. والجفا شهودي
******
قلت له بحق .. ربك أسلي كل ...... أهلي
لو حظيت بي قربك حظي لو ... ساعد
ثانية بس أظفر بك بعد ذلك أموت
ما في شك بفخر بك أنت مريودي

هل تدري يا نعسان
محمد بشير عتيق

هل تدري يا نعسان أنا طرفي ساهر
جسمي إضمحل بغرامك وإنت زاهر
أنا حالي ظاهر عاشق نبيل ياجميل ليك حبي طاهر
وشاعر مجيد لغناك فنان وماهر
بسحر دلالك وكرم خلالك
وعشان جمالك أوهوى القمر والنيل و أهوى الأزاهر
ليل ونهار أنا لي حيك بهاجر
أخذني نورك ياساحر المحاجر
لاأخشى لوم في هواك لاأخشى زاجر
مهما الأقي كم طول فراقي وفرط إشتياقي
حافظ عهودك وحياة خدودك يااللي هاجر
حسنك بديع ياوديع في عصره نادر
حكم صفاك مولاي ذو حكمة قادر
مكتوب هواك لي ضناي يا حبيبي صادر
ماكر شفاي وأراك على طبي قادر
وأنا برضه آمل تعطف تجامل بمس الأنامل
تشفي الجروح والروح ولي لقاى تبادر

أيام صفانا

محمد بشير عتيق

أذكري ايام صفانا واذكري عهد القاء
والليالي الفي حبور
اذكري ايام صفانا والليالي الفيها متبادلين وفانا
جينا بي كل اقتراب
من حديث يشفي الجراح
بي مغازلة وانشراح
والقمر بي ضياهو آالق والنسيم يهدينا انفاس الزهور

كنا داخل روضة مافيش حد سوانا
غير ان القمري يهتف بي هوانا
من اهازيج فنه يسمعنا اسطوانة
اما ارواحنا الخفاف
رافلة في اثواب عفاف
زي عرائس يوم زفاف
والنجوم بي عيون تسارق في اشتياق
تنظرنا من خلف الستور

الرياض مبتهجة داخل اقحوانا
والزهور نديانة تستقبل اوانة
زاهية يانعة ورايعة في توب ارجوانا
والنهر لينا اقترب
والطيور تسجع طرب
عاملة موسيقة قرب
انحنا صار مجلسنا عامر في طرب
في قبطة في نشوة وحبور

يا امير الحسن يا سامي المكانة
من عواطفك حبي لو فاقد مكانة
اهدي لي تفاحة بس او برتكانة
فهي غير شك مرضية
بيها اقتبس الضياء
بل اذوق طعم الحياة
انت ملهمني الاغاني
وانت مصدر فني
احساسي وشعوري

بدور القلعة
صالح عبد السيد أبو صلاح

العيون النوركن بجهرا
غير جمالكن مين السهرة

يا بدور القلعة وجوهرا
السيوف الحاظك تشهرا
على الفؤاد المن بدري انهرا
اخفي ريدتك مره اظهرا
نار غرامك ربك يقهرا
صيدة غيرك إيه الجسرا
تستلم أفكارنا وتأسرا
حال محاسنك مين الفسرا
ياالثريا الفوق أهل الثرى
عالى صدرك لي خصرك برا
فيه جوز رمان جل البرا
الخطيبة وردك منبرا
الشعور البسطل عنبرا
الرشيم والرشمة الخضرا
زي فريع في موية منضرا
هل حبيبي نسى ام لي طرا
ياأم شلوخا عشرة مسطره
جلسة ياأبو الحاج اتذكرا
ورنة الصفارة إتفكرا
وهبة بمزيكتو حكرا
كم طرب أفكارنا وأسكرا

ياجميل مابصح ليك
عبد الرحمن الريح

أنا بيك حياتى مؤكدة وبلاك حياتي منكده
ياجميل مابصح ليك تعمل كدا
يامن محاسنك بي قلوب العاشقين مستفردة
خليتني أشكو من الغرام وأقول حقائق مفردة
وأقول حبيبي عمل عدوي خلاني للأسى والردى
ماعندي مانع حتى لو ضيعني ساكن الموردة
ياجميل مابصح ليك نعمل كدا
أنا بي محاسنك بفتخر زانت المحاسن سيده
يومي الأشوفك يبقى عيد والدنيا تبقى معيدة
البدر ان شافك يدوب من الأنوار الجيدة
أما الشمس لو شافتك ترجع أسيرة مقيدة
ياجميل مابصح ليك نعمل كدا
أنا طرفي شايفك ياجميل فقت اللجين والعسجدة
ومهما أعاين في الشباب وين زي محاسنك أوجدة
متى روحي من هذا العذاب تشفق عليه وتنجده
ياجميل مابصح ليك نعمل كدا
يا من على حرب العشوق لحظك سيوفه مجندة
قامتك رطيبة كأنها مخلوقة من زهر الندى
مالحكمة في كونك بخيل وأهلك أرابيب الندى
أصلك بتدلل علي والا الحكاية معاندة
ياجميل مابصح ليك تعمل كدا

عازه

ابراهيم العبادي


عازه الفراق بي طال
وسال سيل الدمع هطال

طريت برق الفويطر الشال
وساح دمعي البكب وشال
كمل صبري ومنامي انشال
لبس من ناري عمه وشال

أرض آمالي في امحال
ومن الهم بقيت في أوحال
وبعدك عزه ساء الحال
منامي وصبري أضحى محال

حليل الناسا وناسا
طريت أم در حليل ناسا
وكيف أنساها وأتناسا
ومفتون بي ظبي كناسا

ولع جوفي جمري الحي
وما بتطفيه آه وأحي
فيا زينة ربوع الحي
لي دياركم يعود الحي

زمانك والهوى
علي المساح

زمانك والهوى أعوانك.....احكمي فينا هذا أوانك
حمامة الغصون صداحة فوق أغصانك
ذكرى لي حبيب ياحمامه مولاي صانك
هاجت عبرتي ويا دموعي كيف حبسانك
وين تلقى المنام يا عيوني غاب إنسانك
مدنف ودى بيك لكن فقدت... حنانك
روحي وهيبه ليك هي هدية طوع بنانك
هاروت سحره مأخوذ من سحر عينانك
ظلموك لو يقولوا الدر شبيه أسنانك
في صبحي ومساى نازلات دموع ساحالك
وأنا كايس رضاك ورضاك أظنه محالك
أتعكر صفاي وبياضي أصبح حالك
والحال العلى ياريتو لو يو حالك
حسنك مافى عجمان ولا عربانك
لو هب النسيم الزاكى ميل بانك
أدبك خدرك الضاراك على ما بانك
ما ضر لو أكون أنا من احد حبانك
قلبي أمين هواك يا الجميلة خلالك
يا ذات الجمال فرضا علىّ إجلالك
لو شوفتك مباح دمى العزيز ما غلالك
عدتي وعاد هناى يا البهجة هلّ هلالك

يوم الزياره

عبيد عبد الرحمن


أفكاري الحيارى
ضاعت بإختيارا
حبيبي آه أنا قلبي تاه في يوم الزياره
الدنيا وعمارا
و الجنة و نعيما بزهورا و ثمارا
الناصع بياضا و الخاطف صفارها و الفاتح حمارها
فصود في خدود يضون و خدود بدون أماره
يرسلوا نور ملون أحمر أخضر أصفر
فاتن يا سماره
إلتفت و أهداني نظرة بزري بالزهر و إزدهارا
مثلت فيها الوداعه و خفة الروح و المهاره
دا الجذب قلبي بي فنه
نظرة مني ونظرة منه و إرتفعت الحراره
و إلتهبت العواطف و أصل النار شراره
شال منام عيني و توارى
سابني وحدي أشدو وجدي
و أرسل الآهات مرارا
ماهو عارف البي لأنه لسه ننّو
حوله ناس بالعيد يهنوا
و ناس متابعنه ويغنو
و أنا روحي ليه تتوق
داعيها حادي الشوق
هايمه في ليلها ونهارها
و إنت يا الناعسات عيونك
الله لعيوني السهارى

سيد عبد العزيز ...

يجلي النظر ...

يجلى النظر يا صاحِ منظر الانسان ...

الطرفه نايم وصاحي صاحي كالنعسان ...

فى الضي جبينها النادى والبدر خلان ...

تجمع لطافة ورقة ونفرة الغزلان ...

مابين أن جسيمها اللادن الكسلان ...

يزرى الحرير الناعم والفريع اللان ...

دعجة ومكحلة خلقة عظمها الرحمن ...

بكمال جمال الخلقة وشحها الإيمان ...

جذب المناظر مننا منظرها الفتان ...

حين جات تميس تتختل وشفنا فيها البان ...

بدرى وغمامة ودميه فى فريع البان ...

وردفاً يتب بدروعه والقديم غلبان ...

من دون مرور النسمة أم قوام نديان ...

تجى فى الدروع منقسمة تميل تخذ أحيان ...

تقدل تتاتى كفيلة ويلعب الطغيان ...

وتبرع المتبرع وبالخمرة نديان ...

أنا قلب طار من صدرى يا صديقى عشان ...

شفت حور الجنة داخل الحيشان ....

شفت العيون بتقهقر ضابط النيشان ...

شفت الجمال الوافر فى عظيمة الشان ...

اقسم يمين يا بنيه الهلاك لى هان ...

ذرفت دموع عينى والفؤاد ولهان ...

أنا فى الخلوق ما عليّ الراضى والكرهان ....

لو كان وهبتى الى نظرة با أم دلهان ...

أنت نور الدنيا الضاوى ليه زمان ...

أنت وهبك ربك تاج بها الأزمان ...

إنتى آمنة خدرك وبهجة أمدرمان ...

أنتى أنتى مناى اللى مخافى أمان ...

ليكى السلام ما غنى شادى أو رطان ...

ليك السلام ما حن مفارق الأوطان ...

يخضب بنانك حنة وللوريد قيطان ...

وانيل رضاك يا الملكة نجلة السلطان ...

سلام عمر دفعتي في الابتدائية امتداد ( 1 )
تسلم علي البوست الجميل وربنا يوفقك ونتقابل في ساعة خير إن شاء الله
واتحفنا بمذيد من الابداع السوداني الاصيل
وربنا يوفقك والي الامام
يا ابناء الامتداد

ياسر جمال الدين حسن علي كتب:سلام عمر دفعتي في الابتدائية امتداد ( 1 )
تسلم علي البوست الجميل وربنا يوفقك ونتقابل في ساعة خير إن شاء الله
واتحفنا بمذيد من الابداع السوداني الاصيل
وربنا يوفقك والي الامام
يا ابناء الامتداد

ياسر جمال الدين
ياااااااااااااا دفعه اخبارك والدنيا عامله معاك

خت لينا رقم تلفون انشاالله بتصل عليك



ماهو عارف
خليل فرح

ماهو عارف قدمه المفارق
يا محط آمالي السلام
في سموم الصيف لاح له بارق
لم يزل يرتاد المشارق
كان مع الأحباب نجمه شارق
ماله والأفلاك في الظلام
يا دهر أهوالك تسارق
منها كم كم شابت مفارق
ما علينا الفات كله فارق
رقنا وله نعيد الملام
من حطامك أنا غصني وارق
في شن أبقيت للطوارق
غير قليبا في همومه غارق
ولسانا برده الكلام
ويح قلبي الما انفك خافق
فارق ام درمان باكي شافق
يا أم قبايل ما فيك منافق
سقي أرضك صوب الغمام
يا بلادي كم فيك حاذق
غير الهك ما أم رازق
من شعاره دخول المأزق
يتفاني وشرفك تمام
مسرح الغزلان في الحدايق
والشوارع الغر والمضايق
قول لي كيف أمسيت دمت رايق
دام بهاك مشمول بالنظان
مجلس اللذات في النمارق
والترف لا زال وصفه خارق
ضاري حسك فاح جانا مارق
وله قاطعو الريح ما هو لام
في يمين النيل حيث سابق
كنا فوق أعراف السوابق
الضريح الفاح طيبه عابق
السلام يا المهدي الامام
أين مني الودعته شاهق
باكي ناهد لسه مراهق
عيني ما بتشوف الا شاهق
أين وجه البدر التمام
أين مني الفي زهوه باسق
في شبابه نقي من مفاسق
بين ثيابه البيض المناسق
حولك اشبه رتل الحمام
يا بريد الجو فوقي حالق
ميل علي الروح ليها خالق
عدت سالم قول وأنت عالق
مقرن النيلين كيلو كام
الحبايب لفتوا الخلايق
بيني وبينهم قطعوا العلايق
ان دلال ان تيه كله لا يق
حن ما مجينا الخصام
يا جميل يا نور الشقايق
أملأ كأسك واصبر دقايق
مجلسك مفهوم شوفه رايق
عقده ناقص زول ولا تام
من فتيح للخور للمغالق
من علايل ابروف للمزالق
قدله يا مولاي خافي حالق
بالطريق الشاقه الترام
ما يئسنا الخير عوده سايق
الحي يعود ان أتي دونه عايق
الي يوم اللقا وانت رايق
السلام يا وطني السلام

فكرة جميلة جداااياعمر ورائعة واختيار راقى وزوووق عاااااالى جدا

لو كنتا ناكر للهوى ذيك كنتا غفرتا ليك
كل العذاب العشته فى حبك وكل حقى عليك
لكنى عايش للهوى وكل يوم اترجا فيك
ورينى كيف أغفر وانت شقاى سببته بيديك
حاولت اخدع نفسي يا ظالم واهجر حبى ليك
حاولت امنع نفسى منك وتانى ما امشى واجيك
ورحلت عنك وعن ديارى وهدمت كل امل لديك
وبرضى ما قادر لما اسيبك لما انساك بشتهيك
مع كل دفقاتى الحنينة وكل دمعة شوق سجينة
تهاتى بيك روحى الحزينة واشقى لما تهاتى بيك
ورينى كيف اغفر وانت هدمت كل آمالى فيك
ما كنتا قايل أنا يوم بلاقى الحب ولا بكشف دروبو
ولا قلبى من شدة إباهو تقدر بتقدر الأشواق تذيبو
لكن غرامك حبه حبه صالاهو بنارو ولهيبو
وسرقت قلبى يا حبيبى تانى كيف منك اجيبو
انت يا ناكر غرامو قلبى ما بتسمع كلامو
وبدون سبب يرضيك خصامو لوعة العشاق تصيبو
تنسانى يا ظالم وقلبى معاك مفتكرك حبيبو
عوض احمد خليفة**
ابوعركى**

ضنين الوعد أهديتك حبى
من فؤاد يبعث الحب نديّا
إن يكن حسنك مجهول المدى
فخيال الشعر يرتاد الثريّا
كلما اخفيته فى القلب تنبى
عنه عيناك ولا يخفى عليّا
أنا إن شئت فمن أعماق قلبى
أرسل الألحان شلالا رويّا
وأبث الليل أسرار الهوى
وأصوغ الصبح ذوبا بابليّا
لا تقل إنى بعيد فى الثرى
فخيال الشعر يرتاد الثريّا
كان بالأمس لقانا عابرا
كان وهما.. كان رمزا عبقريا
كان لولا أننى أبصرته
وتبينت إرتعاشا فى يديّا
بعض أحلامى التى أنسجها
فى خيالى وأناجيها مليّا
ومضة عشت على إشراقها
فانقضت عجلى وما أصغت إليّ
كلمة خبأتها فى خافقى
وترفقت بها برا حفيا
من دمى غذيتها حتى غدت
ذات جرس يأسر الأذن شجيا
وافترقنا وبعينىّ المنى
قالها الدمع فما أبصرت شيئا
إن تكن أنت جميلا فأنا
شاعر يستنطق الصخر العصيا
أو تكن انت بعيدا عن يدى
فخيالى يدرك النائ القصيا
صديق مدثر
كابلى

بناديها
وبعْزِم كُلّ زول يرتاح
على ضحكَة عيون فيهَا
وأحْلم اني في أكوان
بتْرحَل من مراسيها
عصافير
نبّتَت جِنْحات
وطارت
للغيوم بيهَا
مسافرِ من فرح لشوق
ونازِل
في حنان ليهاَ
أغنّي مع مراكب جات
وراها بلاد حتمْشيهَا
واحزَن لي سُفُن جايات
وما بْتلقَى البِلاقيه
بنادِيــــــهَا
ولمّا تغيب عن الميعاد
بفتِّش ليهَا في التاريخ
واسأل عنَّها الاجداد
واسأل عنّها المستقبل
اللسّع سنينو بُعاد
بفتِّش ليها في اللوحات
مَحَل الخاطر الما عاد
في شهقَة لون وتكيَة خط
وفي أحزان عيون الناس
وفي الضُّل الوقَف ما زاد
بناديــــــهَـا
والاقيـــــهَــا
واحِس بالُلقيا زي أحلام
حتصْدِق يوم
والاقيــــــهَــا
واحْلًم في ليالي الصيف
بَسَاهر الليل
واحجِّيـــهَــا
ادوبي ليهَا ماضيهَا
واطنْبِر ليها جاييــهَا
وارسِّل ليها غنوَة شوق
واقيف مرات واْلُوليهَا
بنادِيـــــــــهَــا
وبناديــــــــهــا
وبناديـــــهــا

عمر الطيب الدوش
وردى

الخدود الشاربة من لون الشفق عند المغارب
ديل خدودك سيدى وسيد الناس ياسيد الحبايب
العيون طرتنى زول من اهلو غايب
والشعر فى كتيفو يتهادل سبايب
والله مشتاقين
فى عينيك تظهر لى دنيا دنيا شوقك فيها ظاهر
الامانى الحلوة هايمة زى بحور ما ليها
اخر
الكليمة الطيبة منك زادى
وحياتك لباكر والامل فارد جناحو
ديمة زى عينيك مسافر
والله مشتاقين...
الغروب يسالنى منك امسياتنا فى شوق اليك
الرمال الناعمة مشتاقة لمشيك...
الطيور الراحلة فى ضل المساء تسال عليك....
كيف تفارق الضفة والنيل هان عليك...
والله مشتاقين...
طال علينا فراقكم والله يا غايبين....
قدر ماننسا العلينا برضو...
مشتاقين ...
والله...
والله مشتاقين...
عثمان مصطفى

بعد ما عز المزار

الليل سهى وملت نجومو الانتظار

والشوق شرب حزن المواويل وانجر

خاطر النهار

وبقيت اعاين فى الوجوه

وأسأل عليك وسط الزحام قبال أتوه

يمكن الاقى البشبهك

مالليل براح والشوق تعالى بيندهك

شايلاهو وين النيل معاك

عصفوره جنحاتا النجوم

وأنا بى وراك

بسأل عليكى مدن مدن

واعصر سلافة الليل حزن

وأسأل عليك فى المنفي فى مرفا السفن

يمكن طيوفك أخريات الليل تمر

تملا البراحات للحزين طول العمر

ما نحنا بينا الامنيات والتضحيه

بينا المعزات والعذابات فى الحيا

بينا الهوى

اخلاص على قلب انكوى

وكلام قديم قلناهو آخر

الليل سوا

انو راح نتلاقى

لو طال النوى

لكن كلامنا الكان وكان

خايف يكون شالو الهوى

عبد العال السيد
مصطفى سيد احمد

اين من عيني هاتيك المجالي ياعروس البحر , ياحلم الخيال

اين عشاقك سمار الليالي اين من واديك يامهد الجمال

موكب الغيد وعيد الكرنفال وسرى الجندول في عرض القتال

التقت عيني به أول مره

فعرفت الحب من أول نظره

أين من عيني هاتيك المجالي ياعروس البحر , يا حلم الخيال

مر بي مستضحكا في قرب ساقي يمزج الراح بأقداح رقاق

قد قصدناه على غير اتفاق فنظرنا , و ابتسمنا للتلاقي

وهو يستهدي على المفرق زهره

ويسوي بيد الفتنة شعره

أين من عيني هاتيك المجالي ياعروس البحر , يا حلم الخيال

ذهبي الشعر , شرقي السمات مرح الأعطاف , حلو اللفتات

كلما قلت له : خذ . قال : هات ياحبيب الروح يا أنس الحياة

أنا من ضيع في الاوهام عمره

نسي التاريخ أو أنسي ذكره

غير يوم لم يعد يذكره غيره

يوم ان قابلته أول مرة

أين من عيني هاتيك المجالي ياعروس البحر , ياحلم الخيال

قال: من اين ؟ وأصغي ورنا قلت : من مصر , غريب ههنا

قال : ان كنت غريبا فأنا لم تكن فينيسيا لي موطنا

أين مني الان أحلام البحيرة

وسماء كست الشطآن نضره

منزلي منها على قمة صخره

ذات عين من معين الماء ثره

أين من فارسوفيا تلك المجالي يا عروس البحر , ياحلم الخيال

قلت, والنشوة تسري في لساني: هاجت الذكرى , فأين الهرمان

أين وادي السحر صداح المغاني؟ أين ماء النيل ؟ أين الضفتان

آه لو كنت معي نختال عبره

بشراع تسبح الأنجم اثره

حيث يروي الموج في أرخم نبره

حلم ليل من ليالي كليوبتره

أين من عيني هاتيك المجالي يا عروس البحر , ياحلم الخيال

ايها الملاح قف بين الجسور فتنة الدنيا وأحلام الدهور

صفق الموج لولدان وحور يغرقون الليل في ينبوع نور

ماترى الاغيد وضاء الاسره؟

دق بالساق وقد اسلم صدره

لمحب لف بالساعد خصره؟

ليت هذا الليل لا يطلع فجره

أين من عيني هاتيك المجالي ياعروس البحر , ياحلم الخيال

رقص الجندول كالنجم الوضي فاشد ياملاح بالصوت الشجي

وترنم بالنشيد ....... هذه الليلة حلم العبقري

شاعت الفرحة فيها والمسره

وجلا الحب على العشاق سره

يمنة مل بي على الماء ويسره

ان للجندول تحت الليل سحره

اين يافينيسيا تلك المجالي؟ أين عشاقك سمار الليالي ؟

أين من عيني يامهد الجمال ؟ موكب الغيد وعيد الكرنفال؟

ياعروس البحر , ياحلم الخيال !!


كلمات : علي محمود طه
كابلى

الاخت سماح نور

تحياتنا الي اسامه

لحن الحياة منك - عمرشيخ الدين
ولنا عودة .

عادل علي كتب:لحن الحياة منك - عمرشيخ الدين
ولنا عودة .

عادل علي

سلامات يا زول يا رائع




الله عليك



الله عليك ياخاتم نور والله عليك يا اجمل زول



مهما اعيد انا مهما اقول وصفك فات حد المعقول






الله عليك من عين الناس والله عليك من عيني انا



انت جمال مليان احساس ورقة تشع في قلوبنا سنا



ولما الشوق فاض بينا خلاص ..



جينا اليك فاض بينا خلاص ..



وبقت ارواحنا معلقة بيك



الله ..الله ....الله عليك







الله عليك يوم تمشي براك وكل الدنيا عيون حواليك



ناس ارواحا تهيم في خطاك وناس مبهورة بسحر عنيك



وانت هناك لا ديل ولا داك زاهي بحسنك وما هاميك



الله ... الله .... الله عليك






الله عليك يا شمس ونور ..والله عليك يابدر بدور



الله عليك يا الزول الناير وغرة عين قلبي المسحور



ونحنا قلوب في سماك بتدور شايلة الريد وتنادي عليك



الله.... الله ....الله عليك